巴打火鍋館

營業中

休息中

元朗出名多美食，難得嚟到，特登搵咗間好有人氣嘅火鍋店食餐好。餐廳環境企理，裝修走懷舊風，都坐得幾舒服。呢度嘅鍋底有好多選擇，有海鮮、麻辣雞、椰子雞、藥膳雞、胡椒豬肚雞，連泰式冬陰功都有。又或者單點湯底亦得。川味特製麻辣雞煲（半隻）麻辣雞煲嘅麻度同辣度都可以自己選擇，我就揀咗BB辣中麻，過癮得嚟又唔會食得好辛苦😇新鮮騸古吊龍伴（細）雖然係揀咗細，但份量比想像中多。牛肉新鮮，好重肉味，雪花好靚，肥瘦均勻。唔好淥太熟，可以保持軟嫩質感，同滿滿嘅肉汁。即炸紫菜響鈴超巨大嘅響鈴，一件要分幾啖先食得晒。超級掛汁，香濃美味。冬菇雙滑（蝦/墨魚）賣相好精緻，將蝦滑同墨魚滑樣喺冬菇裏面，可以一次過食到兩種唔同嘅口感，而且味道都幾夾。自製韭菜餃（半份）韭菜餃係自家製，雖然size唔係好大，但都有滿滿嘅餡料。蓮藕片覺得蓮藕片同麻辣好襯，口感爽爽地，非常惹味。烏冬最後嚟一個麻辣醬撈烏冬，烏冬口感煙靭，又掛汁，正！青檸梳打食麻辣梗係要飲返杯fresh嘅飲品清新一下

最近超想食椰子雞，上網搵到呢間巴打火鍋館有各式各樣嘅火鍋湯底，而且而家晚市火鍋又做緊激荀優惠，係時候要滿足吓自己嘅小心願！餐廳裝修充滿住港式風情，另外冷氣亦好夠，就算係夏天來呢到打邊爐都非常適合～原生椰子雞鍋(半隻)💰HK$208湯底椰香四溢，味道相當之清甜，令人忍唔住飲多兩碗！雞件充分地吸收咗清甜嘅椰子香味，而且肉質鮮嫩，味道亦變得格外濃郁鮮味～美國雪花肥牛💰HK$138牛肉味濃郁厚重，油脂嘅含量亦恰到好處，肉質更加係多汁鮮嫩，令人回味無窮～新鮮扇枯牛(細)💰HK$168扇枯牛係一款肉質偏瘦嘅牛肉，咬落去柔嫩彈牙，味道同一般嘅牛肉有少少唔同，帶有一種獨特嘅幽香，肉質同味道都有驚喜～竹笙釀蝦滑(半份)💰HK$78竹笙清脆爽口，充分地吸收咗蝦滑嘅鮮甜味！內裡嘅蝦滑肉質彈牙，鮮甜濃郁！整體味道鮮甜爽口，非常特別～檸檬柚子蜜💰HK$32既有柚子蜜嘅甜味，又有檸檬嘅酸爽，充分地呈現出一種酸甜交替嘅味道～

近近地去左YOHO MALL對面的巴打火鍋館打邊爐，原來有一蚊雞優惠同88折，八點半後入座仲兩種優惠同時享有添呀。坐低後，店員好快送上調味架，混啲小辣椒、芫茜、豉油先😋巴打有qr code落單，牆上亦放有落單紙，仲有乾濕紙巾，呢個設計方便喎。⭐川味特製麻辣雞煲好耐無食雞煲，湯底就要麻辣雞煲啦，食完再打邊爐😋上到枱set好timer，夠鐘就有店員幫手炒。嘩！香噴噴呀🤤啲麻辣味湧出黎🤤揀左小辣我覺得啱啱好，雞件嫩滑又入味，好食！⭐黃沙靚豬潤叫左碟豬潤但唔用黎打邊爐，用雞煲汁爆炒勁正，又香又麻又辣，超好食！⭐新鮮豬粉腸粉腸好夠粉，正。⭐新鮮白鱔片鱔片魚味十足無泥味。⭐自家手打墨魚滑墨魚滑彈牙爽口。⭐自製芫茜餃芫茜餃皮薄餡料多，仲好重茜味👍⭐炸香芋仲有芋頭一大盤上，一睇就覺得食唔晒，綿綿粉粉好食，仲係飽肚之物添。八八折後唔使六百蚊，抵食呀！

其實依間已經唔係第一次黎食，超方便係yoho商場出面，佢湯底每款都好吸引，而且價錢都相當合理，最重要係食材好新鮮，而且仲可以食到騸牯牛，google 先知原來係1歲以前閹割嘅黃牛😮牛肉脂肪會較多，牛味都更濃郁，係本地少有嘅靚牛，唔多地方打邊爐食到🤔✨巴打招牌鍋 大$228招牌火鍋湯底用豬腳、豬腸、豬肚、帶子、蕃茄、粟米煲成，味道濃郁。豬腳嘅膠質，令湯底鮮甜濃稠🤤；豬腸，豬肚同帶子都好味；蕃茄同粟米作為蔬菜中和一豆，令整體湯底層次分明。未落牛之前我都飲左一大碗，超正🥴✨新鮮馬扇古吊龍伴 $368吊籠伴係吊籠下一小部分的肉，即肉眼邊，肉質帶點肥同嫩，味道更香口，咬落去幾滑溜，帶有少少濃郁嘅牛肉香味。湯底唔會搶去肉本身嘅鮮味，反而配合得恰到好處😎👍🏻✨新鮮爽脆黑柏葉 $78黑柏葉食起黎口感比起白色柏葉更加硬身，爽脆，而且材料好新鮮🤪✨響鈴 6件 $58新鮮即炸腐皮，上碟後仲滴幾滴油落吸油紙，正到傻😋 超香豆味，入口勁脆，配少少湯就一流，𤊒兩三秒就要拎上黎❗️✨娃娃菜 $48娃娃菜清甜爽脆，我無蘸任何醬汁，吸收哂湯底精華，好好食🤝🏻

喺yoho 對面，見到好大個招牌寫住有火鍋，睇餐牌被湯底吸引到就入去試試！睇餐牌已經覺得係間有認真經營的火鍋店，湯底設計好特別，我地就叫咗個平時好少見嘅冬瓜雲腿素翅湯底。本身以為係嘅普通養生中式清湯，點知原來真係有原個大冬瓜喺個鍋度！金黃色素翅閃令令咁鋪喺面，真係令人食慾大增！煲到咁上下店員會幫忙剪開個冬瓜，服務周到！唔少得火鍋必備嘅混醬～牛肉揀咗馬扇古吊龍伴，呢個部位真心推薦，肉同油脂比例剛好，口感好嫩好柔軟又重牛味，值得細嚼品嚐！而且色澤紅潤十分新鮮！食完牛肉啲冬瓜差唔多夠林，湯底亦變得再濃咗，冬瓜入味，濃湯又好正！然後再試咗個小菜客家豆腐，都唔錯，煲仔上夠惹味，豆腐都夠滑！最後食個瑤柱蛋白炒飯，炒飯唔油，好味！

朋友同我慶祝生日，所以嚟咗呢間邊爐環境好闊落過猛，而且桌同桌之間都有足夠距離叫咗椰子雞火鍋湯底湯底十分有誠意，足足用咗三個椰青，而且仲有唔少新鮮椰肉湯底飲落10分鮮甜新鮮雞件（隨湯底）雞都望落好新鮮食落亦都好嫩滑店員好用心幫我地計時因為只係兩個女仔驚食唔晒，所以食咗啲雞肉已經半飽之後就冇叫太多餸紫菜響鈴卷叫咗紫菜響鈴卷，食落好香脆好配合呢個鮮甜嘅湯底而且紫菜響鈴卷份量好多沙白蜆&扇貝海鮮方面叫咗沙白蜆同埋扇貝海鮮處理得好乾淨，冇沙食落好鮮甜出奇地發現海鮮同呢個椰子雞湯底都好夾好值得叫海鮮配呢個湯底牛肉&手打牛丸肉類方面仲叫咗牛肉好新鮮同手打牛丸入口好彈牙食得出認真手打質素高同份量好夠，有機會叫一班朋友一齊食可以試多啲食材

今日放假入咗元朗佢朋友睇戲食飯，喺九龍入元朗真係好方便搭幾個至西鐵就到。睇完戲朋友帶咗去食一間好好味嘅火鍋值得推介。巴打火鍋館，yoho行過去幾分鐘就到，餐廳地方闊落座位空間足夠，喺度食嘢感覺都幾舒適。椰汁竹筍燉雞煲 218元，湯底味道香濃，奶白色嘅椰汁湯底及收埋雞嘅鮮味，竹筍索曬個湯汁味道勁鮮甜。雞肉嫩滑雞味香濃淨係個湯已經覺得好好味。新鮮吊龍 248元，牛肉賣相勁吸引，脂肪分佈均勻牛肉味香濃，食落去有入口即溶嘅感覺。唔使淥太耐十秒左右就食得，好難得喺香港可以食到咁靚嘅牛肉。三秒脆響鈴 6件58元，響鈴新鮮即叫即炸，拖一拖水就食得，炸到好鬆脆，值得推介。炸香芋，芋頭炸到金黃色，入口又香又甜。爆打檸檬茶 32元，打邊爐整返杯檸檬茶，又解渴又開胃，絕配。

巴打火鍋位於元朗，成日都聽人講元朗好多好野食，今日一試果然有驚喜！平時打邊爐打得多，咁真材實料火鍋配料咁揀手真係好耐冇食過～首先要講一講個鍋底，我哋點咗個鴛鴦鍋，麻辣嗰邊非常香口，小辣剛剛好又唔會辣到食唔到，吊起晒食物嘅鮮味～另一邊清清地更加食到食材嘅原汁原味，尤其是點左一份騸古吊籠，烚一烚即起好有牛味，肉質嫩滑入口即化，超正😋跟住點左份豬天梯，估唔到呢啲比較偏門嘅食材都有得嗌，款式繁多包羅萬有。豬天梯其實就係豬嘅上顎，部位超級爽口，放落去辣嗰邊更加惹味～至於墨魚滑則好彈牙，同脆鯇一樣鮮嫩又美味🤩之後推介大家必點椒鹽豆腐，外皮非常香脆，外脆內軟，裡面豆腐好滑。整體而言，其他食材例如雞件、金菇土豆片等都令人食到停唔到口，吸收咗湯底嘅精華，真係人間美味鍾意打邊爐嘅朋友不妨一試～

今日收工約咗朋友係Yoho等,排咗間台式火鍋店半個鐘後真係太肚餓決定過去對面街睇睇有冇得打邊爐，結果真係搵到呢間巴打火鍋，見到隔離有埋大排檔，以為係分開營業原來係打通咗，而且係越夜越多人，去到9點9埋單嗰時兩邊都就黎坐滿曬～我哋都好鍾意食海鮮所以呢晚係成餐海鮮餐🤤埋單先知原來火鍋有88折🙈—————————————————————📍 巴打火鍋館地址: 元朗鳳攸東街9號好順意大廈B座地下33號舖✍🏻/食評/🌟好味指數：8.5/10◍貴妃蚌 $88我哋都鍾意食貝類海鮮～貝類海鮮最容易煮但亦都最怕有沙，呢次兩種貝類都冇沙粒係入面，洗得好乾淨！貴妃蚌煮3分鐘撈上黎，肉質同時做到鮮嫩又爽口，下次會encore～◍沙白 $8810幾粒都肥美飽滿，一早放D沙白落湯底完全吸收曬豬骨湯汁嘅鮮味～餐廳好貼心俾埋個撈我哋煮蜆◍海中蝦 $98次次叫蝦都驚伏，驚D蝦肉係淋pat pat梅晒🥲😮‍💨😮‍💨好彩呢個冇🥹🙏🏻蝦肉爽口彈牙，蝦頭d膏都唔腥，好好食～◍大肉蟹 $198廚房已預先幫我哋扑定殼等煮完之後一拆開就食得！蟹鉗好多肉，蟹肉眼見都係一絲絲好新鮮😌

住喺呢度附近成日見到呢間好多人食飯同一間舖可以打邊爐可以叫小炒今次就試吓佢嘅邊爐 叫咗個清清地嘅椰子雞煲先上一煲充滿椰子嘅湯底 店員會幫手處理好湯底 佢本身想加礦泉水但係我就想遲啲先加叫佢直接落雞 店員都好好會一直睇住進度食得啦！雞好嫩滑！！湯底清甜！都要叫吓其他火鍋配料 呢個牛板鍵超大份呀！切得好薄 基本上煮兩三秒就食得鯇魚片亦都好新鮮爽口 份量好夠！！其他配料都係份量好多！兩個人食選擇就比較少呢 但係就捧住個肚走😆

夏天咁熱都無阻大家打邊爐既心，一入到去已經爆場🤣可能因為餐廳最近做緊一蚊雞煲既優惠🤔不過得今次就打邊爐體驗唔到 下次有機會再試。都幾多招牌火鍋湯底選擇，一直諗緊揀巴打招牌定椰汁雞湯底好，但見招牌咁多配料就決定一試✨巴打招牌鍋（大）🍲奶白色既湯底 ，面層已經見到好多隻扇貝🤩但原來入面有勁多配料：蕃茄、粟米、豬骨、豬腳、豬腸、豬肚煲成，味道雖然唔太濃郁，偏清淡，但涮牛肉，蔬菜等配料非常夾。蕃茄同粟米新鮮鮮甜，令湯底更香甜。所以未涮任何肉料之前可以飲返碗湯。✨特級安格斯牛頸脊 $248牛頸脊切片薄厚適中，肉質嫩滑，入鍋稍煮即熟，好重牛肉香氣。薄切更容易吸收湯底嘅鮮味，同時保持住肉本身嘅嫩度同彈性。每一啖都有牛肉嘅濃郁香氣，牛肉嘅油脂分布均勻，味道濃郁香醇。✨自家手打蝦滑 $56、墨魚滑 $48自家手打蝦滑，口感彈牙，蝦肉鮮甜多汁，味道鮮美。煮熟後香氣撲鼻。而墨魚滑，口感一樣彈牙，墨魚味濃郁。鮮味十足，兩款滑都好高質，仲有少少蟹子增加層次感！✨桂花蚌，珊瑚蚌 $138珊瑚蚌爽口彈牙，桂花蚌爽脆帶點滑溜，咪道我覺得桂花蚌更鮮甜。✨爆打檸檬茶檸檬味十足，嗌左少甜入落似5分甜，幾解渴✨檸檬可樂冰底夠

今日收工同朋友試左巴打火鍋館，火鍋店係YOHO附近，好方便！一坐低店員就準備左調味料俾我地，有炸蒜，蔥，沙茶醬，指天椒，芫茜和蒜蓉。🌞巴打招牌鍋🌞細份嘅招牌火鍋湯底用料十分豐富，有扇貝、豬腳、豬肚、豬腸、蕃茄、蘿蔔同粟米，味道十分鮮甜。👍🏻淨係食湯底用料都可以好飽！🌞特級安格斯牛頸脊🌞牛頸脊脂肪含量較少，但都有適量油花，分佈均勻，而且肉質鮮嫩爽滑有口感，牛味濃郁！👍🏻絕對值呢個價錢🌞三秒脆響鈴🌞自家炸嘅脆響鈴，炸得酥脆可口，size好大，浸入湯3秒，就可以食到響鈴嘅爽脆同時又吸飽湯汁！👍🏻🌞自家手打墨魚滑🌞手打新鮮墨魚滑，墨魚味濃，而且有墨魚粒，有咬口，仲好彈牙👍🏻值得一試🌞自家手打鮮蝦滑🌞手打鮮蝦滑同墨魚滑一樣用量足，蝦味濃，口感豐富彈牙！👍🏻🌞自家手打牛丸🌞手打牛丸牛味重，而且啖啖彈牙爽口爆汁👍🏻🌞爆打檸檬茶🌞巴打火鍋館d食物都幾高質，而且仲要幾大份，一開始以為會唔夠食，點知最後食到勁飽，佢食物嘅質素同份量對得住個價錢！重點，火鍋店仲有準備左紙巾，係香港少見，無另外收錢👍🏻下次再同fd食飯都會考慮呢間火鍋店！👍🏻

係Yoho 附近都有高質火鍋店，唔想食連鎖餐廳，可以行過嚟，隔離嘅舖位係食小菜，打打下邊爐食下小菜都OK😝😝$1雞煲真係抵到爛，係依家餐廳做緊Promotion就可以叫。雞件好多之餘，個雞醬都係咁濃郁。第一次見餐廳咁重本，加完湯都冇影響到雞煲嘅味道👍🏻👍🏻新鮮騸古吊龍伴騸古吊龍伴脂肪較平均，帶有少少油脂，唔會過份油膩。食落好柔軟好順滑，碌幾秒就可以食到牛肉嘅原汁原味😋😋😋自家手打五寶丸牛丸、豬肉丸、蝦丸、墨魚丸&鯪魚肉丸粒粒都好大粒，好彈牙之餘仲食到粒粒肉，十分推薦。唔同平時嗰種咁多粉，冇左丸嘅質感😜😜新鮮白鱔片白鱔片好有口感，冇骨之餘好好鮮甜，加入雞煲入面碌一碌已經食得👍🏻👍🏻最後撈埋雞煲嘅汁再煮出前一丁真係冇得輸😆😆打邊爐一定要飲啤酒先夠爽快🤪🤪爆打檸檬茶檸檬茶酸酸甜甜，天氣咁熱飲完好解暑!!

最近我去咗一間餐廳試食，佢哋嘅特級安格斯牛頸脊真係令人驚艷，肉質非常嫩滑，同時又帶有少少牛肉嘅香氣。牛頸脊嘅脂肪分布均勻，每一口都係肉汁四溢，完全突顯出牛肉嘅天然鮮味，真係食完唔想停口。🥩椒鹽炸豆腐亦係一道非常值得推薦嘅小食。豆腐外層炸得金黃脆口，但內裏依然保持嫩滑。佢哋用咗適量嘅椒鹽調味，令到每一塊豆腐都帶有濃郁嘅香味同埋輕微嘅辣感。🍤原生椰子雞鍋係我哋當晚嘅重頭戲，用咗新鮮嘅椰子水煮湯底，清甜又帶有天然嘅椰香。雞肉非常嫩滑，煮落去湯底吸收咗椰子嘅香甜，食落去口感豐富。🍲自家手打墨魚滑亦都係餐廳嘅特色之一。墨魚滑非常彈牙，每一口都可以感受到墨魚嘅鮮味同埋Q彈嘅口感。佢哋係用咗新鮮嘅墨魚肉手打而成，非常真材實料。🐟

今日去左元朗既巴打火鍋館打邊爐。 環境都闊落，另外仲有vip房訂。職員服務都好好。 店員會先提供醬汁同配料比客人自己簡。 湯底佢有好多款式，不過我近排想食清少少就叫左冬瓜素翅雲腿湯底。黎到都有d意外。個賣相好好，冬瓜中間有d素翅賣相高級。未落野食之前試左個湯，味道香濃，但唔係肥膩既湯。d冬瓜煮耐左非常入味同軟綿，素翅份量都唔少，食落爽口彈牙，十分足料既湯底，如果想食d唔太濃味既湯底，呢款十分岩。 店員仲幫忙剪開冬瓜方便食用。桂花蚌+珊瑚蚌雙拼第一次食桂花蚌同珊瑚蚌 ，估唔到都幾好味。佢既份量都唔係少 ，2款都十分新鮮，食落好爽脆。亦好鮮甜。 黑栢葉十分都爽脆，食落唔會韌，食材新鮮，配埋醬汁十分好食。 本地新鮮金錢展金錢展係比較稀有部位，我叫左一份細份量都不少。金展錢肉質會結實少少，冇脂肪十分岩減肥既人食。佢會有少少牛筋少少爽口感。牛肉味亦都夠，十分推薦。豬紅豬紅份量多，食落滑溜無渣，少少爽彈口感。吸左d湯底十分入味好食。自家手打五寶丸呢款有齊哂5個款式，如果想試哂咁多款既人就最岩，有齊5款手打丸，包括蝦丸、墨魚丸、豬肉丸、鯪魚丸同手打牛丸，款款都彈牙多肉汁，其中牛丸最好食，夠牛味肉汁都