巴打火鍋館

營業中

休息中

今日放假入咗元朗佢朋友睇戲食飯，喺九龍入元朗真係好方便搭幾個至西鐵就到。睇完戲朋友帶咗去食一間好好味嘅火鍋值得推介。巴打火鍋館，yoho行過去幾分鐘就到，餐廳地方闊落座位空間足夠，喺度食嘢感覺都幾舒適。椰汁竹筍燉雞煲 218元，湯底味道香濃，奶白色嘅椰汁湯底及收埋雞嘅鮮味，竹筍索曬個湯汁味道勁鮮甜。雞肉嫩滑雞味香濃淨係個湯已經覺得好好味。新鮮吊龍 248元，牛肉賣相勁吸引，脂肪分佈均勻牛肉味香濃，食落去有入口即溶嘅感覺。唔使淥太耐十秒左右就食得，好難得喺香港可以食到咁靚嘅牛肉。三秒脆響鈴 6件58元，響鈴新鮮即叫即炸，拖一拖水就食得，炸到好鬆脆，值得推介。炸香芋，芋頭炸到金黃色，入口又香又甜。爆打檸檬茶 32元，打邊爐整返杯檸檬茶，又解渴又開胃，絕配。