巴打冰室 (已結業)

今日和家人早上去長沙灣，一向喜歡食蕃茄湯，所以去了巴打茶記叫左個茄牛通。呢間茶記杯茶一向都幾好，而佢既茄牛通都OK。蕃茄湯夠濃，唔係羅宋湯底，不過都知有茄膏。牛肉夠滑，冇根冇渣，又唔會好似出面d牛咁，"拿"到冇哂牛味，都叫仲有d牛味剩。湯有鮮蕃茄粒，應該是上菜時先加的。。食到蕃茄的清爽，唔似其他茄牛通，所有蕃茄都係淋，都仲有d口感。整體幾好食，茶餐廳既價錢味道來說，佢都係算中上。

同同事難得早放，佢地就提議一齊去食個Tea。有個同事提議去呢間巴打冰室食，menu都有十幾款下午茶揀，我就諗住食下午茶同埋晚餐，所以我就叫咗個焗豬扒飯。同事就分別叫咗炸雞髀配沙律同埋葡式豬扒包。同事個炸雞髀🍗餐就最先到，另一個同事有食開呢間炸脾🍗，佢話呢度嘅炸雞髀係生炸，依家都真係比較少餐廳會生炸雞脾🍗！未到佢話幾好食。另一位同事個豬扒包黎到，我地估唔到原來係吉列，因為不嬲葡式豬扒包都係就咁煎，有啲意外！不過佢話都幾好食嘅。我嗰個焗豬扒飯最後先黎，望頭都好大份，豬扒都好大塊切開左三舊，個蛋炒飯底都做到粒粒分明不過就真係太油，對比大家樂我就唔鍾意食大家樂嘅一個焗豬扒飯多啲， 因為佢啲茄汁有少少假，但好彩佢都有芝士搭夠！呢度嘅環境都麻麻地，因為去廁所嗰陣時真係勁污糟，唔知做乜中間格廁所有個做廚房嘅職員掉低晒所有圍裙同制服放喺地下😰😰，搞到有另一個職員入去大叫大聲😱，唔知想點除闈啲野就咁掉低走咗去⋯而且廁所地面都好油，一邊去廁所就一邊對腳「線」開去，真係好驚跌落個屎塔度⋯⋯⋯⋯

當日打排球經過長沙環。特登入去試下焗豬扒飯。服務生唔係態度太好。佢哋好多事冇理你。唯有自己走到去櫃檯點菜。等了差唔多15分鐘先有飯食。自己覺得唔係太理想。唯一好處就係地點優良。好近地鐵站。但係服務一般都唔多好。

她那忽冷忽熱的態度, 令人冇所適從, 到底還要考驗苦榮多久?  表面開朗的苦榮, 心靈受了傷. 不知道何時開始, 苦榮愈來愈喜歡一個人呆在茶餐室, 不想被別人打擾, 也不希望打擾別人.   是否心情影響食物味道, 吃在口裡的咖哩汁唔香唔辣, 牛腩韌, 仲要一件牛根都冇,及不上快餐店. 水吧可能是強項, 小甜的奶茶過得去.   對人歡笑的苦榮, 漸漸變得沉默寡言.  然而, 苦榮是不會放棄的, 絕對不可能. 

本來做完運動，一心諗住對自己好啲，新年食好啲，不過食咗一餐超唔抵嘅茶餐。茶餐依家有機會都4字，係我估唔到長沙灣都要呢個價。叫咗瑞士汁撈生麵轉公仔麵，店員有話我知無豬仔包，我都算，我真係幾想食呢個餐，又肚餓，放棄再諗。奄列好油，唔算大份，好普通。上咗，雞翼還可，熟嘅，不過未夠入味。係，明明我轉左公仔麵，無轉我都算，但個生麵油膉而且鹼水味太勁，加左瑞士汁，我完全入唔到口，食唔到。食左一啖由明明好肚餓，即時變到無哂胃口。好彩佢地奶茶沖得唔差，走甜都仲係還可以，即刻還啖。新年期間見到張單先知要加10元，整體個店員態度，食物質素，真係俾唔到好評。

今早在這間冰室買早餐！回家後發現雪菜米及豬扒麵也沒有湯（回家路程不過三分鐘），所以再去冰室取湯。到冰室時有位肥婆員工話要全個早餐退回才可以加湯，又話冇可能冇湯又話外賣盒好貴要二元。我要付兩元不是問題，問題是這間冰室的員工服務態度差。錯誤又推卸責任，食物水準也是一般，不會再惠顧了。

已寫食記讚評此店，店名與紙餐牌有心思。想不到在新華茶餐廳食蛋撻，看到其分店快速開業。珠玉在前，有點兒班門弄斧的感覺。先天缺陷是新店面積淺窄，與「兄」店呈極端對比，令人坐得不舒適。乾淨牛河尚可，即叫即炒，價格平，賣38元。粉條略嫌粗，牛肉則頗多。奶茶是中上水平。挽回分數是下午時段，竟有羊腩煲供應，十分驚喜。質素不差，稔而香，有鮮菜附送。有住家菜感覺。售價138元。貼牆的餐牌與主店一樣，豪無美感，十分馬虎。