巴打冰室 (已結業)

尋日睇新聞話荔枝角某冰室MMA，心諗而家啲茶餐廳都咁澳牛風既咩？正在懷疑之際，今日就見識咩係惡劣既茶餐廳。今朝一早去長沙灣開工，做完上半場就去食個早餐，經過呢間巴打見早餐有丹麥多士，就入去試下。一坐低，一個攣毛女侍應用好港式茶餐廳既語氣問食咩？我免得對方唔開心就儘快落單，點個早餐B 沙爹牛肉麵，等待中感到餐廳冷氣唔夠，一直飆汗，聽到有顧客問點解無冷氣，侍應答話如果開大怕會凍死你原來咁都系答案。已經感到唔對路，好彩食物好快就到，呢個效率值得讚下。先食沙牛麵，牛肉太鹹，醃肉粉味濃，有啲苦，麵OK。之後就係煎蛋腸仔，無咩好講，不過不失，可惜期待中既丹麥多士，變咗普通多少，而且又凍又硬，好難話佢好食。凍奶茶走甜，茶味一般，奶味較多。由於太熱，拿拿聲食完走人，埋單問攣毛收唔收wechat，佢粒聲唔出凈係用手做過類似過嚟既手勢，我話下？攣毛就憤怒了，話：單呀！下？咁即系收唔收wechat？佢又好唔耐煩咁掉咗一個單字：收好好好，咁我比現金，可能wechat要佢撳多兩個制唔高興。比完錢走人，同巴打講bye bye，妳以後都唔會賺到我錢啦。

行過入去食了個下午茶餐，乾炒牛河跟咖啡，三十九元，我覺得可以。餐廳待應好像很忙，一人要兼顧多項工作，想落單時她在收銀處收錢中，她問我要吃什麼，由於收銀檯與我的座處都有一段距離，我只好大大聲回應。乾炒牛河上檯隨附上辣椒醬一枝，又幾體貼，不用開口已知道炒河配辣椒醬最好味。乾炒牛河份量都適中，河粉雖帶有油光但不會過份肥膩，粉色澤偏白，應該沒有放太多老抽，不過也沒有影響食味，牛肉厚薄均衡，不鞋口，灑上一小撮黑白芝麻碎，伴隨芽菜，蔥條炒均，帶有鑊氣。醮上辣椒醬同吃，十分惹味。熱咖啡就一般，沒什麼特別。

行過求其入左去食lunch,叫左個午餐係沙嗲金菇牛肉炆米，到上碟，我見到有波蘿，已經覺得好奇怪，點解會有菠蘿，成件事完全唔夾，跟著食落去，菠蘿唔係酸，係叔架🤢完全影響晒成碟野！到牛肉啦……佢係大塊，不過un 過我條命囉，完全咬唔開，要生吞落肚咁🙄加上碟野又油又咸，食咗一半已經唔想再食……到環境方面，成隻烏蠅喺我張枱上面，跟住又見到啲蚊仔😑好啦，到埋單，我只係問：有冇wechat? 收銀姐：冇wechat, 下次唔好再問！我話：下次？我唔嚟啦！！估唔到第一次幫襯會咁失望⋯呢間垃圾真係冇下次啦！

入到店內已經見到張張枱都無人執 枱面仲要勁污糟 抹張枱抹完好似無抹咁 已經好無奈個干炒牛河入面無牛肉都吾緊要 仲要油到嘔重點係d員工真係勁無禮貌 講嘢難聽到好似殺左佢全家咁真係比錢買難受 以後都吾會去！

路過青山道，剛剛食開嘅清湯牛腩舖頭執咗笠，突然變咗間食雞飯嘅，都嚟唔切反應，咁唯有再周圍行吓，睇吓有無嘢想試吓啦。行行吓，見到呢間食肆，突然想飲杯凍檸茶，咁就入去試吓個下午茶，叫咗個星州炒米。大家見到上圖，都係普通星米咁嘅樣，都唔會太高期望啦。香味一般，辣味太重蓋過咗香味，食到一半，都搵唔到繼續食落去嘅理由。其實青山道仲有好多選擇，大家可以再考慮一吓，唔好浪費食美食嘅機會啦。

👉下午茶時段經過，見呢度🈶️炸髀🍗薯條🍟，即刻入去嘆吓先😁.📌焗鮮茄豬扒飯 $38 ～ 熱辣辣即焗豬扒飯，厚切豬扒入味唔乾，濃邊仲有啲脆口，炒飯鋪上芝士，熱辣輕易做出拉絲效果。👉比起大xx嗰啲連鎖快餐店，真係好食太多😋📌生炸香脆雞髀伴薯條 $30 ～ 雞髀size比正常細，頂多只可稱為「乳髀」或雞扒。一切開出晒煙，啲肉汁湧出嚟，入口同啲薯條一樣，外脆內軟⋯雞髀醃🉐️好夠味，略嫌細隻咗啲。但呢個下午茶餐只係$30，都係抵食嘅！📌奶茶、檸茶都好好味，茶底冲🉐️啱啱好，好夠味‼️✴️食完睇返呢度啲食評原來好差，咁我咪好好彩❓

礙於疫情，都係決定買外賣安全啲男朋友都係食呢個餐所以冇影到，但佢個碗麵啲湯係比較多既😂張相係食左幾啖先影，腸仔蛋本來係放喺另外個兜度，蛋黃拎返黎已經係爆左，整濕左個麵包冇咁好食😂😂沙嗲味同牛肉質地都唔錯，係我鍾意既味道。麵係出前一丁，但拎到返黎淋左啲。

疫情好轉，繼續出街搵嘢食。原本諗住去支持一下長沙灣嘅時X冰室，但係經過見到門口真係好誇張囉。下午2:15分呢段時間門口都有成30幾人係度排隊，所以就轉呔搵個間易泊車位嘅地方醫飽個肚先。我係絲打，梗係要幫襯巴打！呢間冰室就唔算有好多種嘢食，不過都仲有啲懷舊飲品。好似黑牛、白雪公主真係好耐冇飲過。我見到有個小菜叫做蜂蜜陳皮骨好似幾特別，有機會嘅朋友可以試下。我哋兩個人冇叫到午餐及全日飯粉餐，但係見到隔離枱個位哥仔嗰個午餐，個碗湯飯真係好大碗，我見到即刻『哇』一聲！46蚊真係ok抵食。枝竹蘿蔔牛腩煲，一個大男人都食唔晒，仲可以留返一半打包。牛腩切到細細粒，好易入口，而且炆得好淋。焗椰汁咖喱牛腩飯，如果椰汁可以更加多少少。再香濃應該更加正！

本身住喺附近，巴打算是乾淨企理，食物上菜速度可以，服務也有禮貌，特別鍾意瑞士雞翼撈面，還可以轉其他面食。環境也較附近茶餐廳寬闊，人客數量在疫情期間算是多，所以食物質數都不會差。希望有單餸瑞士雞翼就最好了！

工作到很晚，其他店已關，到巴打冰室買外賣，剛進店已經看到有客人跟侍應講，佢找少左錢，侍應笑笑口話：「哎呀好彩你返轉頭提我咋」，一句唔好意思都冇。我在外賣紙上見到海南雞飯有湯有酸菜，連埋個油飯幾襯，所以order左海南雞飯。冇幾耐，聽到另一年輕女侍應同收銀女侍應講，冇酸菜呀點算？我聽到收銀講，由佢啦，俾薑蓉咪得。我心諗，酸菜都係小事，所以冇出聲。但係，當我拎到個外賣嗰陣，係少左個湯，我問收銀阿姐點解冇湯，佢話賣哂，我話：「吓？我俾錢果陣你唔講既？」佢話自己有講，我話：「你有講我就唔買海南雞飯啦，個餐牌寫三樣少兩樣」，佢唔出聲，然後我話：「你最少都補杯野飲俾我」，收銀阿姐都仲話要收返六蚊。收銀阿姐行入水吧同裡面啲人講我屈佢，我企喺度等，後來佢俾左杯檸茶我，都係話我屈佢，但由於收工後太累，我冇再同佢嘈。不過，返到屋企食飯先係戲肉，海南雞飯，菜都冇一條，然後啲雞全部都係皮厚骨多，仲有紅色碎骨跌出來，食快啲都會哽親。個油飯同泥膠差唔多，睇得出個飯係求其將油同埋腍既飯擺埋一齊。呢間餐廳，啲野賣哂侍應唔講，仲話人屈佢，食物又難食，冇下次。

價錢不合理，早餐F餐香煎豬扒出前一丁，下款已經寫咗，如果改出前一丁或烏冬 加 5蚊，咁我就轉烏冬諗住佢本身係出前一丁所以唔使加錢，但係最後都加咗$5 我覺得，總之食到一肚氣奉勸大家唔好食正垃圾無謂俾錢買啖氣

當天跟父母來到長沙灣附近，見到這家巴打冰室便進店餐廳面積比較大，餐牌種類繁多想了很久才點了幾道午餐怎知點餐後等了廿分鐘也沒上餐，非常慢終於上菜，首先是粟米火腿班腩飯，粟米跟火腿從來也不會難吃，而班腩炸的很香脆，不錯然後是咖哩牛腩飯，薯仔淋及牛腩亦不會韌，咖哩則是港式咖哩，不夠辣最後是黑椒汁薄牛扒飯，本身黑椒汁是很不錯，夠香辣而濃郁，適合配飯可惜牛扒實在煮得太老，非常韌而餐飲上的非常遲，而跟餐餐湯都漏單，員工嚴重不足

環境:廁所勁dirty,又濕又多死曱甴．餐廳要注意清潔．------------------------------服務：無食物知識．問落單阿姐泰式菠蘿炒飯辣不辣，佢話「吾知」甘我要肉片炒蛋啦，佢又答「哩個一定不辣」（我夠知啦$&#？#）食物：⬆海南雞飯：難食！雞冇雞皮．雞肉鞋，冇味．飯油膩！⬆肉片炒蛋飯：垃圾！冇蛋！一pat 垃圾芡汁！很多飯．肉片份量還可以．⬆乾曾曾豬仔包冇錬奶．

同老爺老公去拜山前喺附近開餐呢間老公話以前食過Okay我哋見到有中式午餐四十幾蚊有例湯又有嘢飲都OK呀我見到有豆豉鯪魚油麥菜即刻好開心以為呢啲餸淨係晚餐先會有好欣賞佢嘅飯硬度係我鍾意嘅一粒粒嘅飯👍🏻不過豆豉鯪魚就冇乜鯪魚肉有小小失望而且啲餸又比較油膩老公個香茅腸仔豬扒飯都係比較多油我哋一致裁定佢嘅餸係比較油膩其實我就OK嘅，不過老公同老爺就麻麻哋不過話時話，個例湯都不錯雖然都係味精湯，不過佢都有幾舊大粒紅蘿蔔🥕

茶餐廳地方大，卡位多，早上九時光顧很多位。但餐具補充不足(自助式取)。套餐份量很多，十分飽肚。茄牛通粉很足料，有蕃茄粒粒及多片牛肉，蕃茄湯亦濃。但牛肉不夠滑。太陽蛋，蛋黃流心，火腿沒有煎過；牛油豬最後吃，又乾又硬，很難食。