巧手製作 (已結業)

一丁友食咩好！當然係抵食既巧手製作！原來作都係唐記集團，不過竟然仲平過唐記！好多人排隊！今時今日，仲有15蚊一個飯，絕對抗講脹！良心價錢！窮人恩物！對於我地呢班觀塘友，真係好感恩！蝦米腸係新鮮即叫即蒸架！好多蝦米！粉漿有味，同埋好滑！梅菜蒸肉餅肉餅有味，有菜有肉，健康之選！沙嗲牛肉飽見作幾得意，就買返個！其實真心抵食，叫咁多野都係三十幾蚊，一個人食到超飽！我係長期唐記粉絲！平靚正，又健康，大人小朋友都岩食！

去完瑞和街圖書館晏左唔想煮飯食，就去左買飯，包，腸粉番屋企食買左豉椒排骨飯，咸蛋肉餅飯，蝦米腸粉，齋腸粉，黑麻蓉包。2款飯都足料，豉椒排骨都幾多，咸蛋肉餅香送飯一流，飯軟硬適中粒粒分明，唔會蒸到一patpat。每個飯都有菜跟埋。即製腸粉有驚喜，腸粉軟滑加埋蔥粒增加爽脆口感。黑麻蓉包內餡多好香麻蓉香味，麵包亦鬆軟。我4點幾5點去到好多人買飯，買腸粉同包點，男女老少都有，等緊期間不斷有人黎買。1個蒸飯$20就有，是日精選飯更是$15就有真心平。又平味道又唔錯唔怪得咁多人排隊。店員姨姨幾貼心，因為買左凍包會提醒水滾蒸8分鐘。

星期日買午餐比屋企人食，作為唐記嘅fans，首選呢間同集團既巧手製作。去到睇下個Menu，好驚喜價錢仲平過我之前去過既唐記，一個包先$4.5/$5.5，比起正常$7.5真係平好多。呢度一個蒸飯$20，只係其他舖既每日特價！呢度仲有好多唐記無既即叫即做腸粉！住觀塘有福了。唔好彩繁忙時段今日特價$15既香菇雞飯賣晒，唯有$20買咗一個排骨蒸飯，仲有鮮蝦腸（$19）、叉燒腸（$19）、燒賣（$14）、牛肉球（$14）、三個香煎包（$14）。中午時間好多人，加上腸粉係即叫即做，所以都等左十分鐘先有。強烈推介鮮蝦腸同叉燒腸，好多料，而且啲粉真係真材實料，蒸出黎既腸粉唔會一夾就散。

食物一般，無堂食飯okay，反而職員唔跟號碼既飛仔，熟客優先，其他客呆等！勝在夠平，但人多時會好混亂，職員阿姐完全唔跟規矩做野！如果間間都係咁，真係諗唔到咩理由幫襯

位於觀塘市中心的巧手 位置方便有點心，飯，包買平日最愛每朝買個蒸包食 又抵食又飽肚 呢間巧手原來有即製腸粉即刻買左叉燒腸同蝦米腸見到店員係你面前即製 值回票價個腸粉好多餡 又夠滑趁熱食好正菜肉包 份量十足 糯米卷唔洗去酒樓先有得食 香芋包 健康首選 素食者都岩食 叉燒包味道一如以往好多汁 餡料又多 不過好似比以前食既細個左 點心即叫即有 唔洗等好方便燒賣賣相好靚 同酒樓點心有得揮食入口啖啖似 食完4粒都好飽肚特別介紹呢款糯米雞 糯米雞材料好多 用了很多不同材料包括叉燒，雞翼，肉碎等等食完好似食完一個午餐咁飽肚 價錢又平很抵食

包控對於唐記包點應該唔陌生，性價比好高😂，特愛佢地既香芋包同蕃薯包🤘今次去唐記旗下既巧手製作買定早餐🤣，認真留意下先發現原來佢地除左包點都有幾多選擇😛原盅蒸飯類一律$20，見到冒起既蒸氣配搭飯香味，好有茶樓食蒸飯既感覺😂，而且選擇幾多，又大大碗，見到仲有每日精選，一盅蒸飯只係$15，真係幾抵😝仲叫左即拉鮮蝦腸粉 ($19)！落左單，店員先開始倒米漿去製作，而且落左好多蝦落去，都幾足料！另外都叫左糯米雞($18)，中型尺寸，裏面包有叉燒、冬菇同肉碎，同樣都算抵食。包類有蒸包同生煎包，最愛既香芋包同蕃薯包只售$4.5😆，裏面塞滿餡料，而且餡料無特別添加糖，所以可以食到餡料天然既味道。仲有黑麻蓉包($5.5)、蔥花卷($5.5)、糯米卷($5.5)、蔬菜香菇包($5.5)等，款款都幾大包，而且每啖都食到餡料嫁😎依家仲可以加錢換飲品，好似蜂蜜紅棗生薑茶同海鹽檸檬柚子蜜，幾養生的～

屋企冇煮飯，所以經過巧手心想買個飯返家食都好。所以買咗豉椒排骨飯。味道不過不失，而價論質，我覺得可以一試～豉椒排骨飯：飯量足夠，排骨醃得夠味，但椰菜分量就比較少D,多D就好。

剛從診所看完醫生，一心想買一些食物吃再吃藥，眼見一間類似唐記包點的店舖便進去，原來我糊塗地把巧手制作當成唐記包點因為巧手和唐記的熟食包種類十分相似，難怪我會出錯我買了一個香芋包，價錢7.5一個，價錢適中大概走了10分鐘的路程，包拿出來的時候，有部份的外皮因過度蒸熱太多水份變成糊狀但整體而言包的鬆軟度是足夠的第一口咬進去便見到香芋蓉，香芋蓉比唐記的甜，可以吃到少少奶粉味。芋蓉有大小不同的粗粒，頗有口感吃到中間可見香芋蓉的份量十足但比起巧手的香芋包，我更喜歡唐記的香芋包，因為我本人喜歡吃甜，但巧手的對我而言已是過甜，蓋過了香芋的香味。