巧手製作 (已結業)

星期日買午餐比屋企人食，作為唐記嘅fans，首選呢間同集團既巧手製作。去到睇下個Menu，好驚喜價錢仲平過我之前去過既唐記，一個包先$4.5/$5.5，比起正常$7.5真係平好多。呢度一個蒸飯$20，只係其他舖既每日特價！呢度仲有好多唐記無既即叫即做腸粉！住觀塘有福了。唔好彩繁忙時段今日特價$15既香菇雞飯賣晒，唯有$20買咗一個排骨蒸飯，仲有鮮蝦腸（$19）、叉燒腸（$19）、燒賣（$14）、牛肉球（$14）、三個香煎包（$14）。中午時間好多人，加上腸粉係即叫即做，所以都等左十分鐘先有。強烈推介鮮蝦腸同叉燒腸，好多料，而且啲粉真係真材實料，蒸出黎既腸粉唔會一夾就散。