巧手製作 (已結業)

去完瑞和街圖書館晏左唔想煮飯食，就去左買飯，包，腸粉番屋企食買左豉椒排骨飯，咸蛋肉餅飯，蝦米腸粉，齋腸粉，黑麻蓉包。2款飯都足料，豉椒排骨都幾多，咸蛋肉餅香送飯一流，飯軟硬適中粒粒分明，唔會蒸到一patpat。每個飯都有菜跟埋。即製腸粉有驚喜，腸粉軟滑加埋蔥粒增加爽脆口感。黑麻蓉包內餡多好香麻蓉香味，麵包亦鬆軟。我4點幾5點去到好多人買飯，買腸粉同包點，男女老少都有，等緊期間不斷有人黎買。1個蒸飯$20就有，是日精選飯更是$15就有真心平。又平味道又唔錯唔怪得咁多人排隊。店員姨姨幾貼心，因為買左凍包會提醒水滾蒸8分鐘。