影片
以上資料只供參考, 請與餐廳確認詳情
突然間想食米線就去咗呢間試吓，去到見到餐牌寫住正宗崩沙腩張圖片好正，俾佢吸引咗就嗌咗，平時隔離有間樂園都係食崩沙腩最出名，呢一間就平$18，同埋見佢有豆漿，咁就試吓啦，碟飯嚟到賣相係OK嘅，但係啲牛腩好韌好難先咬得爛同埋啲牛柳好凍既，味道一般般，啲飯食咗半個鐘先食得完😅終於知道平係冇好嘢，下一次都係食返樂園算數，呢間都係算啦，不過如果食雲吞麵嗰啲我諗應該穩陣過食我呢個崩沙腩飯😅😅所以大家食之前要諗諗
繼續閱讀
平時夜晚過左9點想食野，通常都會想搵間粉麵舖食返碗麵醫肚，今次就來到呢間正宗牛丸大王試一試佢地既粉麵大部分粉麵都係$33，同埋欣賞呢家店都幾多選擇，特別既就有墨魚鬚麵。我今次叫左一碗牛腩麵，腩汁湯底，牛腩份量適中，少許肥食落唔會好鞋同要𡁻好耐，幾好麵底少許彈牙，有一般麵檔水準，湯底亦唔會太鹹，食完唔會好口渴，整體都係正常發揮有機會都想試下佢既崩沙牛腩麵、豬手麵、手打牛丸麵希望其他食店如食過既可以分享下
繼續閱讀
今日中午自己一個人喺旺角, 隨便搵間粉麵舖食下, 揀咗呢一間 "川記正宗手打牛丸大王", 見好耐冇食豬手, 點咗碗豬手湯河, 河粉幼身滑溜, 湯底濃郁, 但豬手好韌, 明顯未夠火喉, 炆得唔夠入味, 港式粉麵點可以冇辣椒油, 試埋個辣椒油, 辣椒油夠曬辣, 唔錯！
繼續閱讀
味道普普通通，價錢一般，店員服務非常差，食咗30分鐘走埋黎問仲要唔要？但係我個碗明顯係仲有嘢食，然後每5分鐘都提我一次，非常想趕客走😅但係其實店內仲有空位！唔會再嚟食
繼續閱讀
呢間嘢真係垃圾到唔恨。唔係歧視大陸人，唔好話禮貌，只係普通溝通都有問題，直程係雞同鴨講。同佢嗌米粉，佢俾咗河粉，罐可樂結咗冰，我問佢點飲？佢話唔緊要啦仲有一次仲離譜，有隻老鼠經過我隻腳，我即刻大嗌，店員叫我即刻收聲，話我多事，我即即刻報警告食環，個店員仲話我會有報應，跟住每次經過門口，個店員都對住我窮追猛打。兩個女人真係傻得勻循。不知所謂。去？後面大把選擇好過佢！點解仲要去買間垃圾舖頭？大家係咪好鍾意食老鼠？
繼續閱讀