川燒王

營業中

休息中

川燒王🌶️🍢位於荃灣千色匯同鹹田街交界，發現有間好的骰既小店，🏮門口掛上燈籠🏮，主打多款惹味串燒及川味小食，包括酸辣粉、鰻魚炒飯、川北炒米粉、蒜蓉燒原條茄子、秘製麻辣煮花螺以及即叫即燒串燒等。去開荃灣既朋友，之後想買熱辣辣宵夜又可以多個選擇啦~😆小店好有夜市街頭串燒風味😗 💡值得一提既係小店17:30先🈺️業到凌晨三點半。過嚟之前要留意吓營業時間，唔好摸門釘啊🥲店舖雖小，卻匯聚了各種特色既串燒、海鮮等，吸引咗唔少街坊前來覓食。即叫即燒！🔥 有辣🌶️有唔辣✖️🌶️任君選擇💁🏻‍♀️🇯🇵日本一口和牛粒 (推介)👍🏻🌟油脂分布平均，入口軟腍！厚切牛舌心 (推介)👍🏻🌟師傅火候控制得宜，肉質軟腍👍🏻 厚切既關係，口感Q嫩彈牙！😜沙爹雞肉串🐥🍢雞肉醃得幾入味，肉質嫩滑👍🏻雞中翼(4隻) 雞翼一份兩串，燒得焦香惹味！😋💦五花腩肉串🐷🍢肥瘦均勻，油香四溢😋 加上撒咗滿滿既孜然辣粉係表面，相當惹味!魷魚鬚🦑鮮味十足，口感有嚼勁😋

🌟餐廳：川燒王📍地址：荃灣德海街18號富利達中心地下F2號舖💰價位：$51-100⏰營業時間：星期一至日17:30 - 03:30📱電話：64051931 (WhatsApp)夜晚晚睇完戲有啲肚餓，附近見到有間新開既串燒店 - 川燒王，菜式選擇多，價錢又親民，仲可以揀唔同辣度，好吸引！———————————————————🔹 原條牛油粟米分成兩串方便食用，牛油味香濃，飽滿金黃，充滿焦香味，香口又惹味。———————————————————🔹 墨魚丸燒至外層甜甜脆脆，咬落爽滑軟嫩，好有墨魚鮮味。———————————————————🔹 厚切牛舌心經炙燒後口感依然嫩滑JUICY，肉汁相當豐富，大大塊厚切好有口感！———————————————————🔹 惹味台灣腸口感紮實濃醇，皮脆肉香，嚼勁十足，食落煙韌多汁～———————————————————🔹 阿拉伯羊肉串面頭鋪滿香料，香氣撲節，羊嫩得黎冇羊肉騷味，唔錯。———————————————————🔹 川北炒米粉炒米粉乾爽又彈牙，簡單加入腸仔片、雞蛋等同炒，好有古早風味，令人食唔停口。———————————————————😋味道：4/5🏢

夜晚係荃灣行完街 肚餓想搵間串燒鋪食下野 飲下野 於是去左呢間川燒王試下鋪面較細 得幾張枱 好彩我地黎既時候仲有枱 如果遲多幾分鐘黎已經坐滿晒人餐單選擇種類都比較多，落單既時候可以揀埋辣度燒蠔（$58+30/2隻） 新鮮生蠔老板推薦燒生蠔，時令生蠔🦪即開殼即燒 隻蠔有半隻手掌咁大隻 而且十分鮮甜 加埋老板自制既蒜蓉醬 十分惹味錫紙蒜蓉金針菇（$42）蒜蓉配金菇呢個食法本身已經好好食，份量十足，食串燒一定要食既野食厚切牛舌心（$45）自己本身比較鍾意食厚切既牛舌多過薄切，雖然厚切無薄切個隻爽脆口感，但係呢間鋪頭既厚切牛舌可以做到淋得黎又有些少爽脆既口感，係有啲驚喜阿拉伯羊肉串（$32）羊肉串處理得幾好，本身都好驚會好羶，最後可以做到連我驚羶味既人都食得到，而且調味做得唔錯五花腩肉串（$42/3串）五花腩都係去食串燒必食既食物，係價錢方面$42有3串都幾抵食，再加上五花腩肉肥瘦分明，脂肪部份燒得乾身得黎而且瘦肉部份都好嫩，做得幾好食，個人覺得CP值好高

細細間鋪頭，但串燒既選擇都有不少可選。平時豬牛羊雞食得多，今日就揀食下燒海鮮。其中，蒜蓉燒大海峴，海峴分量都幾多，加左大量蒜蓉係入面，同埋洋蔥跟辣椒，食落香得黎，味道不錯。另外，亦點了鹽燒鯖花魚跟燒原條秋刀魚。鯖魚微微調味，加點檸檬汁，食落更鮮味，再不然配點蒜泥也不錯。而秋刀魚，大大條，不論就咁食，又或者加點檸檬汁都好味：）燒脆香魚腐有兩件沾左醬，微微甜，但口感跟味道都不錯。鰻魚炒飯鰻魚味道不錯，炒飯正常，加了鰻魚汁，食落都不錯。

有數十款串燒食物可供顧客選擇，比較下來取價也實際公道，檯面備有辣粉，試過真係好鬼辣，食得勁辣嘅朋友可來挑戰一下。🔸 鹽燒鰻魚 $42鹽燒鰻魚都幾大舊，用料相當新鮮，鰻魚燒得好香，咬落脆口，有咸香味同鰻魚鮮味，好食。🔸 雞皮 $28 / 2串 雞皮兩串，應該喺用猛油速炸的，香脆得像薯片，雖然有啲熱氣，可能有罪疚感，但係脆卜卜好香口，不唔捨得唔食，最正用嚟餸啤酒。🔸 雞中翼 $36 / 2串 （4隻）燒雞翼4隻都算大隻，雞翼醃得入味。🔸 牛肉串 $28 / 1串 燒牛肉只叫了一串，不過都算大大串，原本想叫安格斯頂級靚牛肉嘆吓，但價錢較高，今次只叫一般牛肉串燒，但食落都唔錯，牛肉都好好味，可見這家小店用料都算有良心。🔸 五花腩 $42 / 2串 燒五花腩肉燒得好香，肥油已經燒透咗，唔會覺得好肥膩，串燒就喺要燒啲肥肉先至過癮。🔸 雞肉 $28 / 2串 串燒把雞肉整齊切成一粒粒串起，都喺淨肉，可能最後食放涼咗，肉質已變柴，下次應出爐就馬上食。🔸 香蕉 $18 燒香蕉真係好特別，食咁多次燒烤今次都係第一次試，將一隻香蕉燒脆表皮後對半破開，上面淋上朱古力醬，即燒出嚟熱辣辣，食落甜甜

#搞串個pantry去到美食林立嘅#荃灣 💕，想搵一間好食嘅餐廳唔係好難😝，今日就去到一間食串燒嘅小店，由晚市開始做到凌晨三點🌙，住喺附近嘅可以叫外賣🤩。今次就嗌咗🔴麻辣八爪魚鬚($48/份)、🟡土豆片($12/串)、🟤脆香雞皮($28/兩串)、🟠雞中翼2隻($36/兩串)、⚫️牛肉串($28/串)、🟣厚切牛舌心($45/串)、⚪️五花腩肉串($42/三串)。以串燒舖頭來講，價錢💰都唔算太貴，如果係凌晨三點都仲可以食到嘅話😍，都幾抵玩。我哋會比較推介五花腩肉串、脆香雞皮🙌🏻！🐷五花腩肉串呢個五花腩肉串🍖，食落口油脂感非常重，豬油嘅香味非常濃郁🤤。肉質唔會太過乾身，食落除咗有肉嘅咬口之外😋，仲有油脂入口即融嘅感覺🥳。🐔脆香雞皮呢個雞皮串，係偏向炸到成塊雞皮脆卜卜嘅風格🔥，如果鍾意雞皮炸到好脆口嘅人，會好鍾意呢個雞皮串燒💕。

今日朋友夜晚約出嚟傾計我就係附近搵左呢間串燒店 都好容易搵到個地方門口掛咗好多小紅燈籠呢到串燒款式種類繁多，叫咗好幾款串燒試下，深海大墨魚咀，魷魚鬚，雞軟骨串，日本一口和牛粒，五花腩肉串，雞肉串等等呢度嘅串燒基本都會有孜然輕輕去調味，可以自行選擇辣嘅程度墨魚水同魷魚鬚都非常之彈牙爽口，烤得非常香但又唔會太乾身。至於肉類嘅串燒同樣好食，五花腩肉當然更加有油脂香，脂肪同肉夾雜起嚟食永遠都係咁邪惡好味。至於牛肉其實好容易烤到好乾好硬但係呢度絕對冇咁嘅事，食落牛肉仲係嫩嫩，值得推介！我個人都好鍾意點雞軟骨，有啲咬口得嚟又雞味，唔係啖啖肉反而作為小食配酒仲正！咁夜嘅時間估唔到餐廳仲有其他客人喺度，見佢哋碗花甲粉都好吸引，下次冇咁飽嘅時候可以再嚟一試。

✨汁燒火箭魷魚筒（$68/條）喜歡吃魷魚既朋友必點🦑，店員好貼心幫忙將魷魚剪開，方便進食🥰✨鹽燒白鱔魚（$55/串）白鱔肉爽口彈牙，味道恰好。✨鹽燒多春魚（$45/6條）呢道菜既難點係好易燒濃，然後會有苦味，呢間店把握火候很好🔥✨韭菜（$15/串）份量好似多過其他店，大串啲，味道很好。✨秋葵（$16/串）保持到裡面水分，沒有燒到好乾身，有水準。✨蒜蓉原條茄子（$38/條）店員強力推介🍆真係介紹錯，本人唔好茄子，不過都覺得好好食，夠大份又好味❤️✨雞中翼4隻（$36/2串）火候控制得十分好，外皮沒有半點焦，中間亦沒有生既情況，性價比算高👍🏻✨牛肉串（$28/串）肉質結實🐮，正常發揮。✨阿拉伯羊肉串（$32/串）水準正常，如果唔喜歡羊騷味既朋友可以略過🐏。

每逢放假就特別夜訓，晚飯後又覺得肚餓，好彩荃灣呢度真係好多嘢食，呢間串燒開得夠夜。凌晨時間就係想食啲惹味食物所以我就點咗呢間餐廳嘅沙爹雞肉串，深海大墨魚咀同蒜蓉大海蜆。雞肉串大大串，啖啖肉，沙嗲味有夠濃郁，雞肉燒嘅時間啱啱好，食落唔會嚡口，好味。墨魚咀真係超出預期，好大粒，而且食落好彈牙，好有咬口，每啖都好爽口，好過癮，如果配埋啤酒就更正！至於蒜蓉大海蜆，分量非常之多，蒜頭味夠曬香濃，愛蒜者必試。海蜆煮得好岩火侯，唔會煮到老，連埋湯汁，好滋味。

唔知有無豬仔同大小C妹一樣🐷成日夜晚都好口痕 越夜越想食野🌝今次大小C妹就揾到一間食宵夜既好地方👍🏻✨仲要開門開到凌晨 岩哂大小C妹呢啲夜貓子😚 秘製麻辣煮花螺 💰65有驚喜❗️推薦推薦‼️秘製果然係秘製 係唔同啲既😋麻辣醬汁又香又麻 超級惹味🔥雖然有啲辣 但食到完全停唔到口🤭食食下花螺 又啜下個殻 好鬼過癮😗鍾意食辣既豬仔應該好明白呢種越食越上癮既感覺🤩宵夜嚟講 我就係想要呢啲咋嘛🫶🏻💕五花腩肉串 💰42@3五花腩層次分明 肉到脂肪既比例岩岩好🐖烤得好香口 加埋啲辣粉 好惹味🔥豬大腸💰28香香脆脆 火候控制得幾好✨豬頸肉 💰35豬頸肉切得好厚實 幾有咬口 唔怕好乾🤭厚切牛舌心 💰45厚切既牛舌心 正呀 口感無得頂😍香口得嚟又有油膩感 要試❗️司華力腸 💰 25啖啖肉 滿足滿足😗

如果上大陸，依家好多人食雞煲、酸菜魚，好過再早期啲，#串燒 都係好選擇，香港都有呢類賣緊大陸風味串燒嘅檔口，依家就去荃灣嘅#川燒王 試下啦！ 呢度落單，係將你要嘅款式寫落#點心紙，圈返辣度，再交俾師傅，就可以等食啦！我地今次揀左小辣。舖頭環境 娃娃菜$13燒得乾身，配埋孜然粉同辣椒粉，係幾香口嘅，都好吸收粉嘅調味。但少左蔬菜少少濕潤嘅感覺。鮮冬菇$16冬菇好厚，有粉之餘，都有少少菇香虎皮青椒 $13開頭見到青椒原隻上無挑核，會覺得好辣，但佢主要落香草🌿同埋感覺辣粉落得少啲，食落都係香為主五花腩肉串 $42 3串都係燒得好乾身，所以皮(脂肪)嘅部分特別脆，唔會食到肥膩嘅感覺。甜蜜玉子燒 $28簡單將玉子燒燒香，有少少焦。但無再另外落粉調味，所以都係甜嘅。 安格斯牛仔骨 $62一樣燒得好乾身，不過調味同頭先真係唔同。有兩款調味，任君選擇：檸檬角🍋擠少少檸檬汁，可以清新啲。重口味嘅朋友，就可以點蒜蓉油，就有一陣濃郁嘅蒜味，但因為無生蒜，所以唔會太刺激，呢個就係大陸串燒檔，燒蠔同肉類嘅醬料。 川北炒米粉 $68賣相

🤩嚟啦喂😂有朋友問上星期食嗰間串燒，邊度仲有得食？係呀真係好好食，都係即叫即做，除了我之前叫好食嘅茄子，羊架，大頭蝦！！🍆🐑🦐▶️仲叫咗韭菜，蜆肉粉絲，四季豆都非常之好味！不得不提到呢個扇貝很過分咁鋪滿蒜蓉！太多吧🤣多到可以用來炒菜都得🫣▶️仲有叫了個炸大腸，好食到不得了！！炸大腸炸得太脆啦！很香很鬆脆😍突然愛上大腸🤩還有魷魚鬚都可以試吓，好入味！今次去咗荃灣分店！地點很方便，就係大鴻輝大廈對面一條巷仔裡面，如果地鐵要行8-10分鐘到！串燒檔跟上次介紹旺角都係一樣開到3:30am！真是宵夜之選🤩我見客人通常都是外賣取，因為店舖唔算大，目測坐位容納12-14人，但有啤酒喝！見啲人食下講下，都變到非常熱鬧😂香港荃灣又一宵夜推介👍🏼👍🏼

在荃灣千色匯附近逛逛，發現有很多隱藏小店臨立，其中此串燒店車手來來回回，朋友與我都充滿好奇心進內試試。鋪面細小，設有戶外座位，室內大約可容納12人，室外大約6人，可能主力做外賣生意，堂食環境整潔度確實有待改善，但繁忙處理外賣單中也不忙招待我倆，雖然環境未如理想，但食物美味度十分滿意，外賣光顧可能是最好選擇。點菜紙簡潔清晰一張過，種類涵蓋所有基本款式，是大家熟悉又會毫不猶豫點選的食物。熱辣辣茄子厚肉非常多汁，香濃味粉加上蒜頭超惹味，不覺好油膩又不會食完口渴厚切牛舌心 $45/串厚牛舌多汁屬軟質感，味粉十足有孜然粉、香草、辣粉，調味放如枱面還可自行灑落，個人覺得調味剛好，不需多加調味。.阿拉伯羊肉串 $32/串只有淡然羊羶味，不太愛吃羊的我也能接受，不過稍為乾身.雞軟骨 $28/2串咬落卜卜脆好正，鎖到少量肉汁不錯一層拉絲火炙芝士下為碎蛋，之後便是手超豐富蟹膏，整個蟹蓋也是蟹膏，輕味噌增鹹香，配碎蛋令蟹膏不覺溜，該配搭十分合適又好味，驚喜又出色！

荃灣開左間川式串燒店 所以個日咁岩去荃灣買甜品野就食埋佢啦😌深海大墨魚咀 $25炸到外脆內軟麻辣八爪魚鬚 $48呢個好重口味 好岩我🥰 好重蒜香味 食完個口即刻臭曬🤣 有蒜蓉原條茄子 $38茄子好似比較細條 同埋食落好多籽 自己就覺得呢個一般 都有可能係彩數問題既🤔雞軟骨 ＄28/2串調味都好ok 炸到好脆 所以燒既感覺就唔係好食得出雞中翼（4隻） ＄36/2串雞翼醃得偏咸小小 不過個價錢幾抵！錫紙花甲粉 ＄65/份花甲粉好大一碗 如果調味重口味多啲就更加好 花甲份量好多～

唔想煮飯，就諗住去食下串燒，今次試吓幫襯吓荃灣嘅小店我哋兩個人點得唔多，叫左韭菜、牛舌、汁燒火串魷魚筒、雞皮、五花腩串、茄子同埋燒香蕉，整體嚟講係行內地嘅燒烤店style，亦會有3種唔同嘅辣粉提供，味粉係好味過木屋燒烤嘅特別推介嘅一定係五花腩串，因為佢燒得比其他地方爽脆，另外，燒香蕉都係比較少見，鍾意食甜品嘅可以一試，如果想要特別嘅，就可以試吓魷魚筒，佢同一般嘅燒烤店唔同，係原隻咁上，係比較冧身嘅口感