川燒王

營業中

休息中

食宵夜, 會諗起食串燒; 原來荃灣有一間專係賣串燒嘅餐廳, 仲要係川味嘅串燒店。經過呢度會聞到串燒果陣孜然同燒肉香味, 佢開到凌晨三點, 啱哂啲夜鬼。呢度舖仔細細, 主要應該做外賣多, 但質素都唔錯, 價錢有平有貴, 種類好多，花多眼亂。蒜蓉粉絲燒大蟶子皇 - $58/隻大蟶子皇大大隻, 蒜蓉粉絲入哂味, 蟶子皇唔會燒到乾哂, 仲幾juicy, 蒜蓉配大蟶子皇係天作之合。雞腎串 - $28/2串雞腎好juicy, 好爽口, 加埋孜然粉同少少辣味, 好惹味呀!沙爹雞肉串 - $28/2串沙爹味濃郁, 雞肉好juicy, 嫩滑, 雞肉經過沙嗲醬嘅調味後, 微辣和微甜嘅風味互相配合, 好好味呀!厚切牛舌心 - $45/串厚切嘅果然好食, 牛舌心大大塊, 咬落有口感, 另外有牛舌獨特嘅香味, 令人忍唔住一啖一啖咁樣食落去。蒜蓉原條茄子 - $38一上枱到已經係蒜香撲鼻, 茄子很大條, 入口綿密, 加埋蒜蓉, 味道濃郁; 拉出來一條條絲的, 口感柔軟且綿密。蒜蓉很香, 與茄子的甜味相互融合，帶有濃郁的風味。肥牛金菇卷 - $35肥牛夾住金菇卷埋一齊燒, 加咗孜然同辣椒粉做調味, 令無味既金菇昇華

今日OT完同同事食飯，諗起想食串燒，就搵咗呢間舖。由坐低到落單到上菜個速度都快，我哋三個人叫咗好多嘢食。食到超級飽，食物味道不過不失不。推薦個蒜蓉茄子，大大條好惹味！同埋個花甲粉，花甲粉絲份量好多，好入味。其他串燒肉類就普普通通，可以接受，價錢都唔算好貴。我哋埋單$660，三個人食，但其實份量叫得有啲多，可以少啲！佢整少咗一個娃娃菜，所以埋單記得對單。但想反映間鋪內嘅環境，地下同凳上面都有啲污糟，感覺唔算好企理。而且座位唔多，不過我哋好夜去，得我哋一台客。所以唔算迫。最差係班夥計喺餐廳入邊係咁煲煙，間鋪唔大，食晒佢啲二手煙，食完飯成件褸都係煙味。不會再去

🥪蜜糖多士 $13 一大塊方包再加左啲牛油去燒🍢芝士丸 $22 好食！推介！外賣番到屋企都仲係流心，入面既芝士爆漿😎🍲花甲粉 $65 超級大碗，但湯底同我想像中唔太一樣，如果加番蒜同埋辣椒仔 加埋蜆會清甜好多，佢個底cp 值係幾高，比得夠多蜆，又有菜，粉絲係2人份，食完呢個飽左🥸🍴海蜇$38 手拍青瓜加海蜇！呢個價錢好抵，份量比得好多，平時食都要60幾70😙😙😙 味道唔算辣🍢大墨魚咀$25 比較乾身同韌

夜媽媽肚餓，想搵宵夜食下，原來荃灣有一間專係賣串燒嘅餐廳，佢開到凌晨三點，最岩夜鬼。今日睇完show 有d餓，所以就去咗試試，外賣反屋企食。發現原來質素都唔錯，價錢都唔貴1）沙爹雞肉串 （2串）-沙爹味濃郁，雞肉好juicy，好惹味2）雞中翼（4隻）-燒得啱啱好，雞翼好大隻，有孜然味，好脆口3）薄切牛舌：好爽口彈牙4）娃娃菜、翠玉瓜、鮮冬菇、土豆片：好清新，唔會好油膩5）錫紙花甲粉：花甲份量好多，粉絲同金菇掛滿湯汁，充滿鮮味6）甜蜜脆脆燒香蕉：試少少甜嘢，烤得好香，唔會死甜

係荃灣夜媽媽食咩宵夜好？經過聞到串燒果陣孜然同燒肉香味，忍吾住入去食返兩串飲返兩杯🍺聽講係荃灣街坊宵夜必食之一😋🍜花甲粉 $65花甲冇沙清甜鮮香，粉絲同金針菇索曬湯汁嘅鮮味😋🍆茄子 $38口臭之選😈一黎到已經係蒜香撲鼻，茄子入口綿密，加埋蒜蓉，味道濃郁，眨眼就清左一條茄子🐤雞中翼 $28/2串燒烤又點少得燒雞翼，孜然粉同其他調味料配搭下，必叫🥳🦑魷魚鬚 $35爽口彈牙，燒到啱啱好唔會過老，呢個都值得一試🥩牛肉串 $28牛肉一啲都唔騷，炭火香滲入牛肉，燒到焦脆，咬落牛味滿滿滲出黎🤤🐔雞皮 $28/2串雞皮燒到極脆，好似食緊薯片咁🤙🏻邪惡之選🟢秋葵 $16🍽️川燒王📍荃灣德海街18號富利達中心地下F2號舖

原來荃灣呢間燒烤店開到3點半，岩哂夜晚食宵夜。牛肉串 $28牛肉啖啖肉，唔會好多肥油，肥瘦適中，牛香味亦足夠。五花腩肉串 3串$42雖然叫五花肉但都唔會太肥， 叫咗小辣微微辣香， 肉類全部都好入味。多春魚 6條$45多春魚全部都好大條 魚春好多，亦都感覺呢度嘅肉類同魚類都幾新鮮。川北炒米線  $68份量好足，加左雞蛋同香腸去炒，鑊氣足夠。錫紙燒雜菇 $42有齊香菇， 雞髀菇，金針菇等等，朋友可以share,仲加左花生，菇亦入味。以後喺荃灣多個宵夜嘅選擇，價錢同食物都好合理。

夜晚口痕，想食d串燒，用openrice見到川燒王都多好瓶，就同老公一齊入去trytry 店鋪其實唔太大，主要應該做外賣多，但串燒種類好多，花多眼亂 ⭐土豆片：可口⭐豆卜：出乎意料的好味，一d都唔乾⭐五花腩肉⭐雞軟骨⭐️雞全翼：熟，不鞋⭐️韭菜：超級好味⭐️川北炒米粉 可以自己決定辣度，我地當日就要左小辣好香口又唔可乾身，好適合三五知己，一邊飲啤酒，一邊分享而且時間上都安排得好好，不會等太耐 如果想叫串燒，值得一試 

難得可以同咀刁爸B出下夜街，我地決定去食串燒。去左屋企附近嘅四陂坊@川燒王，未入門口已經聞到食物嘅香氣🤩呢度既串燒種類有好多(肉類/蔬菜類/海鮮）串燒可點不辣/大/中/小辣幾個程度,價錢由$13-$180不等。我地嗌到成枱都係野🤭🤭 蒜蓉扇貝$38/隻超多蒜蓉同粉絲完全遮左扇貝肉好味好味好味。。。魷魚鬚$35/串估唔到燒到乾晒都好彈牙同好惹味 五花腩肉串$42/3串脆卜卜...正。 金菇串$13/串加左孜然粉做調味，令無味既金菇昇華。蜜糖多士$13/片甜甜地過下口癮雞軟骨（$28/2串）雞軟骨惹味有嚼口，每次食串燒都必定會食。 沙嗲雞肉串（$28/2串）沙嗲醬甜又帶點微辣，雞肉嫩滑 脆香雞皮、雞心（$28/2串）厚切牛舌心$45/串、和牛粒$38/串、全部都好惹味雞翼(4隻)💰HK$36燒雞翼香脆，肉質依然好juicy。花甲粉$65花甲粉絲分量好多加埋金菇生菜大大碗足夠2個人食。**呢個嗌中辣會出味啲**#荃灣美食 #川燒王 #串燒王 #香港美食 香港好去處 #hkfoodie #hkblogger#hkfoodie

串燒最緊要就係即叫即整，一入店就見到店員即場穿緊韮菜，好有風味。餐廳亦都開到凌晨三點，適合大家半夜肚餓或者約朋友凌晨聚會。特別推薦大家蒜蓉原條茄子，成條茄子落滿蒜蓉同調味料，令人食指大動！！以下是圖中菜式及參考價錢💵・　深海大墨魚咀 ($25/串)・　蒜蓉原條茄子 ($38/條)・　韭菜 ($15/串)・　雞軟骨 ($28/2串)・　脆香雞皮 ($28/2串)・　安格斯牛仔骨 ($62/份)・　五花腩肉串 ($42/3串)

經過呢間串燒店 已經被香味吸引左，地方細細 位置不多 ，都要等一陣先有位。串燒款式多 樣樣都想試下。 第一次食花甲粉，份量十足，米粉超多，兩個人食都得，花甲又唔會有沙，同時放入金菇及生菜，絕對食得飽，整體味道不錯串燒ssssss（多春魚、雞軟骨、雞翼、蝦）全部都勁入味，孜然粉同辣粉落得岩岩好，吾會太咸燒得脆卜卜，非常香口，送啤酒🍻正蒜蓉燒大海蜆試過其他地方食 有一半以上都係得個返個殼，但這裡絕對沒有這個問題，份量十足。蒜蓉味好出 又唔會太搶蜆的鮮味

最近真係有鋪串燒癮😚今日就嚟到荃灣呢間隱世串燒舖，鋪內位置唔多，但坐得舒服~嗌咗唔同嘅串燒，拎上嚟嗰陣已經聞到好香🥳金菇串燒得好好味，好鮮甜🌟🍢沙嗲雞肉串沙嗲味濃，雞肉份量多，而且肉汁Juice，醬汁的味道亦調得好惹味，大推😚🍢厚切牛舌心厚切嘅果然好食，牛舌心大大塊，咬落有口感，另外有牛舌獨特嘅香味，令人忍唔住一啖一啖咁樣食落去，食完即刻想食多串🤤🍢花甲粉好難得串燒舖有花甲粉，意外哋好味，值得一讚嘅係花甲，冇食到沙，同埋花甲份量比得大方，食到最後都仲有花甲🤩平時嚟荃灣想食串燒嘅話，推薦可以嚟川燒王試吓☺️

收工收得晏，經常都到處搵夜店。今日好想食串燒，終於找到這間正嘢📍川燒王🫶🏻［食後感］📝1. 鰻魚炒飯炒飯香氣四溢，鰻魚的鮮美與炒飯的粒粒分明相得益彰。每一口都能感受到鰻魚的濃郁風味，十分回味無窮。2. 餐蛋炒出前一丁創意料理將經典的出前一丁與炒蛋結合，充分吸收了湯汁的香氣，炒蛋的滑順與麵條的彈性形成完美搭配，是一個簡單卻美味的選擇。3. 川式炒飯炒飯帶有微微的辣味，佐以新鮮的蔬菜和豐富的配料，有四川料理的獨特風味。辣味和香氣的結合，讓人一口接一口。4. 甜蜜脆脆燒香蕉甜點外脆內軟，香蕉的天然甜味與焦糖化的外皮形成絕妙搭配，口感豐富，十足幸福的滋味。整體而言，這些料理各具特色，無論是鹹食還是甜點，都有不同的風味與享受。

😎呢間位於荃灣食川菜串燒嘅舖頭，之前已經食過兩，今次第三次幫襯，依然咁好食咁惹味，最鍾意佢個羊架，羊架係我食咁多串燒以來冇失水準，肉質超級冧，而且勁入味，亦有羊架獨有嘅蘇味，超級正！落咗好孜然粉，仲有大大pet蒜蓉超級好食，所以介紹過去嘅人我都會叫佢食羊架！🙂‍↕️另外今次老闆推介咗新鮮入貨嘅生蠔，佢話係好大隻，所以叫我哋必點，嚟到真係我隻手咁大，而且燒到剛剛好，因為隻蠔夠大，所以佢入邊嘅蠔汁非常之多，勁鮮甜，撈埋啲蒜蓉非常之不得了！😋叫咗個沙嗲雞肉串，仲有五花腩肉串，亦都非常之嘢味！！

早排同朋友出開荃灣,突然間心血來潮好想食串燒,搵到近住千色附近有一間串燒小店😋行到門口已經聞到佢陣串燒香味，忍唔住同朋友即刻要食下😍✨雞軟骨雞軟骨味道岩岩好, 勁Juicy,要黎送酒一流🍺✨鮮冬菇離遠都已經聞到好香嘅菇味💕食落口果然冇令人失望❤️冬菇燒得好有水份✨蒜蓉鮑魚蒜香味十足，鮑魚吸收晒蒜蓉嘅精華,但仍然食到鮑魚嘅鮮味👍🏻✨韭菜串燒必食既食物🫶🏻韭菜加埋孜然粉🧂配埋辣粉😋真係好惹味✨ 金針菇今次冇選擇鍚紙,以為會比較乾身,點知食落口都係充滿住水份💦而且金菇燒到岩岩好,唔會有燒濃味❤️✨ 蒜蓉原條茄子又係每次食串燒必點👍🏻食落口好有平時上大陸食串燒既果隻味道😍蒜蓉味勁香濃👍🏻✨ 雞中翼雞翼燒到皮脆肉嫩,而且今日本身嘅調味已經好入味😍

食燒烤又使乜返大陸啊💕荃灣一樣大把選擇！今次我哋去咗呢間串燒店度試吓簡簡單單，叫咗幾樣燒烤🥳收工飲住啤酒食燒烤真係好正。我最鍾意係粉絲扇貝超級多蒜蓉同埋粉絲包裹住扇貝肉成粒Part落口飽肚之餘好有滿足感🥰雖然呢度舖頭細細，但係唔會一食完即刻吹你走，感覺幾有人情味🥰呢個位值得一讚。串燒即叫即燒，但係等待時間都唔算好耐，所有食物都熱辣辣😝不錯！🏠川燒王 (荃灣)荃灣德海街18號富利達中心地下F2號舖