川味香

營業中

休息中

住黃埔嘅朋友投訴得最多就係一到深夜就冇咩好食，要行到去紅磡先有開到凌晨嘅餐廳。最近係巷仔就發現咗呢間開到朝早6點嘅串燒店🤪黃埔人唔洗行去紅磡都有宵夜食啦！▫️鰻魚炒烏冬 ($75)烏冬份量好大，鰻魚鮮味濃郁，有淡淡海鮮香氣😝炒烏冬入面仲加咗各種蔬菜同配料，食落更有風味。▫️粉絲活扇貝 ($50)呢個絕對係今餐MVP，扇貝保持鮮嫩，粉絲吸收曬湯汁同調味料，真係超好食🥹▫️燒頂級厚切牛舌心 ($38/串)厚切牛舌口感一流，食落爽口彈牙🤩▫️燒豬頸肉 ($28/串)▫️雞心 ($26/2串)▫️土豆片 ($13/串)▫️台灣腸 ($18/串)▫️焦糖燒香蕉 ($18)⬆️仲叫咗以上幾款串燒，都好惹味，食唔食得辣都冇問題😆

經常都去紅磡搵食，買糖水嘅時候聞到咁香，夜晚九點幾都座無虛席，排隊都要試吓店舖雖小，各式各樣嘅串燒地道小食都有充滿家鄉風味。羊肉串牛肉串，燒得剛剛好帶點焦香，外脆內軟，配上調味料孜然粉，肉質有口感原條燒茄子，肉質又滑，配上蒜蓉孜然粉，好惹味，燒得剛剛好鰻魚炒飯，好夠鑊氣，配料多，米飯粒粒分明，仲有啖啖鰻魚川北炒米粉，我非常欣賞呢一個，下次要試吓炒粉絲雞蛋，腸仔，生菜，蔥花，配秘製醬汁炒埋一齊香口惹味飲返杯啤酒或可口就岩哂最後仲可以叫埋燒菠蘿，燒完嘅菠蘿特別多汁又甜

【九龍城區】【川味香】我喺紅磡返工，成日都好夜去到凌晨時份先收工，所以對宵夜嘅需求都係有。嗰時點解叫 1amfoodie 都係想講吓凌晨一點食嘢之苦，點知之後有肺炎，天一黑就唔使食，先有之後嘅故事。呢次收工後就同皮蛋哥喺紅磡搵嘢食，見到呢間就入咗去試喇。我哋先試 $15 嘅「燒豆卜」，估唔到佢燒得嚟鎖得住水份喺裡面，令到佢焦香得嚟發揮到豆卜嘅特性。而 $38 嘅「燒厚切牛舌心」就做得到本身牛舌該有嘅高度，好味。而 $28 嘅「燒火雞子」就係我最期待嘅一串，平時食雞子多數都係煮，好少燒，呢串都好正。之後到 $25 嘅「燒午餐肉」，成塊午餐肉配淡淡嘅蜜糖，好邪惡。而 $15 嘅「燒韮菜」都燒得好香好正，又唔會太乾。最後 $70 兩隻「燒蒜蓉扇貝帶子」都好濃香，有鮮味。嘢飲方面，飲咗 $12 嘅罐裝「芬達」同兩枝 $15 嘅「烏龍茶」，埋單 $233，唔貴喎。。。（地址：紅磡德民街29號德民大廈地下J1號舖）

🍶清酒煮花甲($58)唔太食得辣但又想食花甲?😚除左花甲粉見到有清酒煮呢個選擇🤩個汁唔似日式清酒嗰種咁清淡，反而係似加左蠔油、生抽既汁👍🏻帶到花甲既鮮味，份量仲好多😆🐟脆香魚腐($15)外皮少少脆👍🏻而且加左蜜糖燒🤗有少少甜又彈牙，推薦呀🥰🍆蒜蓉原條茄子($38)重蒜當然係基本😝幾鐘意無燒到完全淋哂，但keep到少少茄子爽口既質感🫶🏻🦑原條火箭魷魚筒($65)魷魚配左孜然粉同七味粉超級惹味😆用嚟下酒一流🍻🍢芝士年糕($28)炸得金黃脹卜卜內裏軟熟流心🤗

今日去紅磡體育館聽音樂會，順便搵下地道美食😋想食串燒，搵到呢間串燒店🍡叫了5小串，比想像中豐富啊！🔸燒薄切牛舌：沒想到這個薄切都幾厚肉，但好好味😋🔸羊肉串：有羊肉獨有的騷味，但不會太濃👍🏻🔸雞腎2串：最怕燒得太耐太靭，但佢無，熟得嚟仲好爽口👍🏻🔸韭菜：一大排，量很多👍🏻🔸燒菠蘿：大推，非常鮮甜多汁。我平時都鍾意燒菠蘿，但自己燒從來無燒到咁多汁同甜到咁😋7:00隔離已有客人飲酒講下心事，感覺很不錯😊

今天我和朋友去了川味香，一家特色川菜餐廳，他們以辣味為主。不過，因為我們不太能吃辣，所以點了一些不辣的菜品，但依然很開胃美味！首先嘗試了他們的招牌鰻魚炒飯。一份炒飯足夠兩個人分享，鰻魚炒得香口，米飯入味，每一口都帶有微微的香氣，令人回味無窮。接著，點了燒厚切牛舌和燒豬腩肉串。燒厚切牛舌切得夠厚，入口即化，肉質嫩滑多汁，搭配上特製的調味料，味道更上一層樓。至於燒豬腩肉串，肉質鮮嫩，外層燒得微焦，充滿了炭燒的香氣，真是太好吃了！另外，我們還嘗試了燒羊肉串和燒椒鹽燒賣。燒羊肉串肉質鮮嫩，搭配上孜然粉，與羊肉的風味完美結合。燒椒鹽燒賣則是炸至金黃酥脆，外脆內嫩，每一口都帶有微微的椒鹽味道，非常開胃。最後，我們還點了金菇肥牛卷和燒韭菜。金菇肥牛卷裡包裹著新鮮的金菇和嫩滑的肥牛，在炭火燒烤後，肉質更加鮮美，口感豐富。燒韭菜則是韭菜經過燒烤後散發出濃郁的香氣，非常開胃。總的來說，川味香絕對是非常適合能吃辣味及不能吃辣的人的選擇。他們的菜品口味獨特，每一口都能感受到食材的鮮美和獨特的調味。服務態度也很好，環境舒適，適合與朋友一起來享受一頓美味的川菜。📍 川味香 (紅磡)紅磡德民街29號德民大廈地下J1

紅磡有間深宵食堂開到朝早6點一日只休息5小時 太瘋狂了！啱晒我係紅磡睇完演唱會要搵嘢食嘅我～串燒主打係川味，超濃孜然粉加小小辣正合我口味 正呀～店舖環境不大，坐到數枱4人位邊食邊聽到外賣平台訂單聲不斷響而且買外賣既人都好多應該係客人既外賣串燒首選鹽燒青花魚｜$40雞皮（2串）｜$26雞腎（2串）｜$28薄切牛舌｜$25雞中翼（2串)｜$36蒜蓉原條茄子｜$38韭菜｜$15台灣腸｜$18價錢方面都算抵食，兩個人每人大概食左百令蚊左右，而且好岩重口味人士，調味惹味香辣，再加埋蒜蓉真係不得之了。

講咗好耐，今次終於有機會嚟到紅磡食串燒。今次我哋揀咗一間一出地鐵站轉彎就到嘅舖頭位置十分方便。同埋呢間串燒店開到好夜，好岩夜收工或好想搵地方食宵夜黎間一定係首選！蒜蓉燒生蠔🦪必叫！蒜蓉燒嘅即開生蠔，生蠔大大隻又多汁鮮甜又好味👍🏻👍🏻蒜蓉燒扇貝除咗即開生蠔，仲有大大隻嘅扇貝，廚師燒到啱啱好，令到佢唔會太乾身再配合蒜蓉味又Juicy又惹味🫶🏻我自己鍾意食辣，所以加埋辣椒粉食，好好味🤤燒白鱔好味！餐廳可以燒得到，白鱔皮外脆內軟，保留到肉汁鮮嫩，而且啖啖肉配埋調味粉，非常惹味！蒜蓉茄子上菜時仲係熱辣辣，即叫即燒～另外不得不提呢個燒茄子，將孜然粉同蒜蓉加埋簡直係最佳拍檔，茄肉好入味，茄肉嫩口惹味可口～

呢日ot收10點幾，番到去屋企附近啲餐廳基本上都閂晒門，於是係OpenRice覓食就搵到呢間串燒店，食肥野一定要有人陪先得，拉埋住得近既同事過黎同我一齊食🤣過到去11點幾依然好多人食，而且不停有外賣訂單，餐廳開到凌晨4點，岩晒啲夜貓子同鍾意食宵夜既人(◍•ᴗ•◍)▪︎麻辣炒鴨舌 $78💰極度驚喜，份量勁多，仲要有四季豆同青紅椒，即刻自我感覺健康左飲食均勻咁🤣味道有啲似麻辣雞煲味，香辣惹味，而且鴨舌大大件好肥美，好彩叫一份黎食，完全係一食就停唔到口🤤為左呢份鴨舌我絕對會不停回訪買份番屋企送酒睇電影食🙊▪︎川北炒米粉 $68💰好有鑊氣，而且食到底都冇大量既油但又唔會乾噌噌，連同腸仔、生菜、雞蛋炒埋一齊，配料雖簡單但味道一絕(っ˘ڡ˘ς)▪︎多春魚（6條） $48💰▪︎雞全翼 (2串） $38💰▪︎燒脆香魚腐 $15💰▪︎土豆片 $13💰▪︎四季豆 $13💰▪︎豆卜 $15💰另外仲叫左少少串燒黎食，叫左小辣，每款味道都發揮得幾好味道幾正宗，而且仲有陣甜甜既味道，感覺似汁燒完再落辣粉孜然粉好好食😋▪︎烏龍茶 $15💰▪︎加多寶 $15💰

🍱餐廳：川味香🏫地址：紅磡德民街29號德民大廈地下J1號舖☎️電話：54034700朋友喺紅磡呢頭返工，佢好鍾意食串燒，就係佢附近來一個串燒晚餐🤗～薄切牛舌 $25每串有三大件，燒得很香口，帶有獨特的牛舌味，香口惹味👍～白鱔$40每串也有三大件，真材實料，鱔片是厚切的，肉質鮮嫩，調味適中，也爽口彈牙呀😁～燒安格斯牛仔骨 $58一份又係三大件，燒得香口不太乾，加了適量的孜然粉，帶有炭香味，內裡肉質嫩滑，好味之選😊～魷魚筒$65喺燒烤店必食之選，廚師燒烤的時間剛剛好，上檯熱辣辣的，魷魚軟硬度剛剛好，口感新鮮，值得一試！～雞腎串$28$28有兩串，燒到外焦內嫩，咬落去可以感受到外層的酥脆口感，內裡仍能保持細嫩多汁，口感細膩！～芝士年糕$28$28有兩件，煙煙韌韌綿密的年糕配搭濃郁的芝士，口感順滑，食完串燒後吃這個甜品真係大滿足❤️

突然想食串燒,  又再番食紅磡呢間串燒.  食物質素唔錯即開新鮮蒜蓉大生蠔好大隻, 勁多蒜, 超香，隻蠔好飽滿，脹卜卜幾肥美，一口一隻 超正好新鮮.  必食! 原隻火箭魷魚筒燒得啱啱好,唔會太乾, 口感好. 配埋辣粉一流. 芝士原條茄子 平時食開蒜蓉茄子，今次試下芝士  , 估唔到芝士份量會咁多. 毫不吝嗇，真係有驚喜 好好食，芝士控必食. 玉子燒   軟熟好香蛋香,  少少甜味好食 全部即叫即燒，好高質,  值得番食.  川味香 -  紅磡德民街29號德民大廈地下J1號舖

工作太忙，冇得北上😵‍💫～抽起條筋想食串燒！😅記得黃埔德民有一間，味道都唔錯 ！今日行開呢頭，就嚟食啦！！🦐鹽燒海蝦：保持一貫高水準！燒得好香～口但係又唔會太乾～今日啲蝦仲要鬼咁大隻～認真抵食！！🐸燒田雞：係我嚟呢間必食嘅！！今日嗰隻又係超巨型！！啖啖肉！嗰隻田雞髀，好似雞髀仔咁厚肉～👅厚燒牛舌：又係正到痺！！非常好味！！燒到外焦內嫩！！好鬼juicy，又好淋！！🐚蒜蓉粉絲燒元貝：原本$50/隻，而家$80兩隻，原來佢一個星期每一日都有一個特價菜😋🍗雞中翼：燒得都唔錯～外皮好香脆！再叫埋啲蔬菜：翠玉瓜、四季豆、金菇、香菇、雞髀菇、魷魚鬚、菠蘿同魚腐，就啱啱好啦！！🍺：冰凍啤酒配串燒，簡直係絕配！！佢仲要$48買一送一，點可以唔叫返兩杯呢？？

🐽 五花腩肉串肉質唔會太硬亦都唔會太肥,可以整全咬落一粒一粒,啲肉面好香脆🐽 燒豬頸肉燒得好滋味,豬頸肉質幾乎係全部嘅脂肪流出嚟,所以脂肪好肥美,咬嗰陣溶晒喺口🐽 厚切嘅牛舌心厚切咁就可以保留佢嘅Q彈口感,保留本身嗰種嚼勁,咬落去牛味好重🐽 和牛粒牛油脂感十足，啖啖肉好香口🐽 雞軟骨同雞皮都燒到酥脆無比,質感已經由深層由軟滑變到脆硬🐽 韭菜燒到青綠翠綠,仲有啲清香味🐽 金針菇落咗蒜蓉,就已經係肯定幾重口味啦,又香又香呢種菇類就完全同蒜味揉合埋啲,令到佢有種獨特既滋味🐽 司華力腸嗰層外皮好脆,同埋辣粉食好香口🐽 炒出前一丁雞蛋同餐肉炒到香噴噴,加埋蔥花同椰菜健康同 鮮味兼備

喺我認知串燒係用火燒的。。點知點菜後聽到炸嘢聲🤨食品出來了。。顏色均勻😑我無聽錯。。係炸的😑不過。。炸野來說都好味。。😭不過我想食燒㗎囉。。唉😔傻豬做一次好了。

今天黃昏，我和哥哥到位於紅磡德民街的川味香享受著串燒作為下午茶。我們點了大海蝦6隻，芝士年糕兩件，蒜蓉原條茄子兩條。店裡環境溫馨舒適，讓人感到放鬆愉悅。串燒上桌時，散發出誘人的香氣，讓我們食指大動。大海蝦外皮烤得酥脆，內裡鮮嫩多汁，每一口都充滿了海鮮的鮮甜味道，令人回味無窮。芝士年糕則是熱騰騰的，芝士和年糕的結合讓口感更加豐富，入口即化的滑嫩觸感令人驚艷。蒜蓉原條茄子則是燒得恰到好處，茄子的香甜和蒜蓉的香氣融合在一起，令人胃口大開。在川味香享受串燒下午茶的時光，我們不僅品嘗到了美味，更享受到了放鬆愉悅的氛圍。這個下午茶時光讓我們充滿能量，帶著滿足的心情返回家中。期待下一次和家人朋友一起來到這裡，再次感受串燒的美味與幸福。