川味香

營業中

休息中

無辣不歡嘅我最鍾意周街搵麻辣串串食 呢個有好幾間分店質素保證❣️蒜蓉原條茄子 $38搽上蒜蓉燒好入味好香 茄子吸收油份更香更多層次🍆❣️鹽燒鯖花魚 $40/條燒出嚟嘅魚塊鎖住魚肉水份 雖而魚皮上雖然擦過鹽但唔會好咸身 吱小小檸檬汁令魚香更突出 想食魚嘅呢個可以考慮吓🐟❣️特色小饅頭 $18/3塊原隻饅頭切成三塊 脆香可口外脆內軟 平時食饅頭都習慣點煉奶甜食 今次鹹食好過癮好特別❣️鴨胸肉(2串) $30一份有兩串真係好抵 鴨胸肉啲油脂燒完之後迫晒出嚟立立令 上枱就聞到煙肉香好吸引❣️脆香魚腐 $15呢個係見到隔籬枱嗌咗好多串所以試吓 香腐燒到脆卜卜非常惹味🍢❣️日本一口和牛粒 $34一口一粒嘅和牛粒啖啖牛香 肉質緊緻 灑上孜然粉配酒啱晒🐂❣️特級肥牛炒烏冬 $68生菜肥牛仲有雞蛋一齊炒嘅烏冬 夠晒鑊氣 填肚之選❣️日本三德利啤酒(金裝) $48/杯(買一送一)咁多串燒梗係要啤啤佢 麥芽深厚豐富口感🍺食啲咁重口味嘅真係勁match

紅磡宵夜精選好去處 紅磡人宵夜嘅熱門地方 最正係有串燒 燒海鮮 仲有酸菜魚 真係越夜越精彩😍 店舖用咗好多霓虹燈光佈置 非常親切搶眼 👍🥰 ✨雞腎串$28/2串✨燒雞翼$38/2串✨豬頸肉$28/串✨安格斯牛仔骨$58叫咗呢幾款串燒 可以講話係百食不厭 有燒烤嘅香味 有孜然粉嘅野味 每樣都醃得好入味😋雞翼燒到外皮酥脆 內肉鮮嫩 😋豬頸肉燒到微焦 有炭燒香氣😋牛仔骨好好多塊 肉質鮮嫩 正👍 ✨酸菜魚配白飯$88酸菜魚都好足料 有好多魚片 有酸菜 娃娃菜 嗍咗湯汁 味道好正 送飯一流 🎈川味香 (紅磡)紅磡德民街29號德民大廈地下J1號舖

而家收得夜既食店好似愈梨愈少，凌晨想出街食宵夜都唔係話咁易🤣好彩我公司附近仲有間食宵夜既好地方，入面d串燒仲要好啱我口味😍等我分享下先🤣今晚我地食左：⬇️⬇️✨法式焦糖鵝肝多士✨ $70/4塊鵝肝多士平時出面食一件都要幾十蚊，估唔到呢度$70蚊有4塊😍❗️鵝肝油潤肥厚又軟嫩，仲帶有微微焦糖甜香，入口甘香到不得了！配埋香脆厚多士呢種反差既口感，真係超有層次❗️✨豬頸肉✨ $28肥瘦適中既豬頸肉肉質爽口有彈性，油香十足超香口❣️✨阿拉伯羊肉串✨ $30肥膏唔多既羊肉串燒到啱啱好，唔羶唔柴肉超嫩，加埋濃郁既孜然味，食落真係好惹味！🛑川味香📍紅磡德民街29號德民大廈地下J1號舖港鐵黃埔站A出口,步行約2分鐘

川味香 (紅磡)紅磡抵食惹味川式串燒又到星期五晚，今晚嗜辣的朋友想吃串燒，我們就到川味香吃串燒！1. 豬頸肉 - 肉質肥嫩多汁，經慢煮後口感軟嫩。2. 牛舌 - 口感嫩滑，外層燒得微脆，完美融合了牛肉的濃郁。3. 日本一口和牛 - 肉質細膩鮮嫩，入口即融。4. 雞腎串 - 腎臟質地彈牙，搭配孜然粉香料，別有風味。5. 免治雞肉棒 - 肉質柔嫩，入口即化，咬落還有一粒粒的雞肉。6. 司華力腸 - 咬下去帶有彈性，燒得香脆惹味。7. 吉列廣島蠔 - 酥脆的外皮包裹著鮮嫩多汁的蠔肉，外皮不會厚，很鬆脆。8. 錫紙花甲粉 - 花甲肉質鮮嫩，內有粉絲、娃娃菜和金菇。蔬菜吸收了醬汁，非常辛辣，又十分惹味。9. 焦糖燒香蕉 - 香甜可口，燒得剛剛好，焦糖醬汁與香蕉恰到好處，讓人吃不停口。非常惹味的一餐！

又係呢句😋紅磡黃埔多嘢食就係人都知，每日都開心落街搵嘢食，今日見到呢間小店有風味嘅串燒店，最愛嘅焦糖燒香蕉🍌仲估唔到有酸辣魚、鰻魚炒飯同花甲粉😋🍽️ 鰻魚炒飯未到宵夜時間我哋過嚟醫肚，估唔到一間出名嘅串燒店入邊有鰻魚炒飯可以叫😋仲要係即叫即炒，夠晒熱辣辣，仲有大量鰻魚粒，夠晒滋味！🍽️ 花甲粉想俾Lisboy都有得品嚐，我哋叫左個清清地嘅花甲粉，而呢個花甲粉都夠晒驚喜，上枱嘅時候滿滿嘅花甲鋪滿成個粉絲面😋成座山咁高嘅花甲，夠晒足料，Lisboy食咗幾條粉絲好滿足😌🍽️ 酸辣魚配白飯要要俾Lisboy食得飽，當然要叫返個白飯俾佢自家享用🤣無錯！白飯配佢最愛嘅即食餸包，佢都食得好開心！而我哋就大大啖咁食呢個酸辣魚，好開心，唔使山長水遠都有酸辣魚食，夠晒Spicy！🍽️ 焦糖燒香蕉嚟到串燒店又點可以唔試吓佢嘅串燒，但係因為我哋食咗三個主菜最後太飽叫咗個焦糖燒香蕉，因為Lisboy都可以食到舔舔脷😂

<蒜蓉扇貝帶子> $70/2隻<五花腩肉串> $30/2串<阿拉伯羊肉串> $30/串<雞軟骨> $30/2串<蒜蓉原條茄子> $38/串<原味錫紙花甲粉>$65/份川味香係黃埔宵夜之選，都有幾多串燒選擇🍢🍢🍢不太貴、味道也不錯；調味主要係蒜蓉同孜然粉，唔會太差，可再自行加辣粉👍👍👍特別推介五花腩肉串同花甲粉，粉絲吸哂味👍環境就一般，座位都不多，加上開放式座位，夏天真係有d熱，外賣比較好😂😂😂

今晚再訪位於紅磡德民街的「川味香」宵夜，因為我記得這間「深宵食堂」營業時間至凌晨六時呢，果然冇記錯，工作至凌晨時分，好彩呢度仲有開，俾我來醫醫肚！上次食過嘅蒜香原條茄子仍能保持水準，超香蒜蓉鋪滿成條茄子，可以連皮一起食，茄子肉十分嫩滑！另外串燒還點了豬頸肉、司華力腸、免治雞肉棒，灑上孜然粉，非常惹味。還有蒜蓉雜菇，小小的錫紙盒內有雞髀菇、金菇及冬菇等，好香好好味。特別介紹要算是「巴蜀炒米粉」，材料豐富又不太油膩，師傅落咗生菜、腸仔及雞蛋去炒，真係唔錯！

依間店係黃埔地鐵行出雖然只係幾分鐘 但係啲橫街到 所以 小小難搵 今日行到夜 好多店都關左但又肚餓 行行下就黎到 店舖燈光好靚 五顏六色燈光好岩打卡 今次叫左燒雞翼，雞軟骨，花甲粉同燒菠蘿🍍兩個人食就岩岩好😋依到既燒烤用左四川香味麻辣粉，佢既麻辣粉香氣撲鼻，辣味十足，風味獨特。老闆娘仲推薦左包括酸辣粉、燒茄子、麻辣花螺等。都係最多人叫既👍食物味道就相當唔錯，但環境就真心麻麻 啲微波爐、菜刀、剪刀就咁攤喺度 而且睇落有積 可能平時冇點清理張枱都比較黏 依點可能就環留意返

今天放工準備週末，就好好享受一下，要有點刺激感，燒烤店就好。食個串燒，陪一個朋友就來紅磡，就找到這間四川燒烤，輕鬆一下。這裡飲啤酒🍻$48 買一送一。點的有燒田雞，外面香、裡面軟。還有麻辣煮花螺，好入味，紅油香、麻辣到位。食到嘴唇都麻。超正。味道真的不錯，再來一個蒜蓉原條茄，超正，面頭有很多真蒜蓉，香甜可口，香濃又鮮甜，又滑又軟。魚腐、牛舌心、白鱔，燒得外面又吹又香，但係都冇燶，裏面個心都保持到原汁原味。川菜中燒烤的手法是一流。

📍紅磡 川味香相信大家都知道紅磡就一定有好多串燒店，今日同朋友黎到呢間川味香。見到佢串燒嘅選擇都好多，甚至有好少有嘅燒韭菜同燒香蕉🍌。整體上佢嘅串燒味道都唔錯，而且燒得啱啱好，唔會過乾，啲肉都唔會過硬。最欣賞佢嘅燒茄子，真係非常之出色，而佢嘅燒香蕉都好特別，滿足左我想食甜品嘅願望。🩵٩(˃̶͈̀௰˂̶͈́)و• 薄切牛舌• 阿拉伯羊肉串• 免治雞肉串• 雞中翼• 金針菇• 蒜蓉原條茄子• 司華力腸• 焦糖燒香蕉٩(˃̶͈̀௰˂̶͈́)و

🔸鰻魚炒飯   $78配料有雜菜粒、碎蛋、鰻魚。 鰻魚畀得幾多，夠曬足料。呢碗鰻魚炒飯份量都相當大，如果嚟到想食飽啲嘅，點呢個就啱喇，一大碗足二人份量，炒飯好香又有燒鰻魚焦香味😚味道：7/10性價比：7/10🔸鹽燒青花魚    $40 青花魚有半條，最好就係唧啲檸檬汁落去一齊食， 鹹鹹地酸酸地比較醒胃。烤魚係一啲都唔腥嘅。味道：7/10性價比：7/10🔸菠蘿    3塊 / $22燒菠蘿真係必點菜式，因為佢唔單止個樣好靚，燒香咗嘅菠蘿原來食落嚟係特別甜㗎，鮮甜多汁真好味。味道：7/10性價比：7/10🔸雞全翼    2串 / $38雞全翼一串一隻，有兩串， 燒得焦香皮脆，雞肉仍好嫩滑。味道：7/10性價比：7/10🔸其他串燒落單後餐廳職員會問你要唔要辣，我哋呢次揀咗全部都唔辣嘅脆香魚腐   $15魚腐有兩片，本身魚腐係甜甜地嘅，面頭落咗啲椒鹽一齊燒，所以食落嚟係微微嘅甜同鹹味，都幾好食。秋葵   $16 秋葵有五條一串，秋葵本身係滑潺潺冇乜味嘅，呢個串燒落咗啲椒鹽喺面頭一齊燒，所以整體係鹹香味好重，好惹味。日本一口紫薯   $185粒紫薯一串，紫薯仔燒熟咗之後，就會爆啲糖汁出嚟，食落嚟

住黃埔嘅朋友投訴得最多就係一到深夜就冇咩好食，要行到去紅磡先有開到凌晨嘅餐廳。最近係巷仔就發現咗呢間開到朝早6點嘅串燒店🤪黃埔人唔洗行去紅磡都有宵夜食啦！▫️鰻魚炒烏冬 ($75)烏冬份量好大，鰻魚鮮味濃郁，有淡淡海鮮香氣😝炒烏冬入面仲加咗各種蔬菜同配料，食落更有風味。▫️粉絲活扇貝 ($50)呢個絕對係今餐MVP，扇貝保持鮮嫩，粉絲吸收曬湯汁同調味料，真係超好食🥹▫️燒頂級厚切牛舌心 ($38/串)厚切牛舌口感一流，食落爽口彈牙🤩▫️燒豬頸肉 ($28/串)▫️雞心 ($26/2串)▫️土豆片 ($13/串)▫️台灣腸 ($18/串)▫️焦糖燒香蕉 ($18)⬆️仲叫咗以上幾款串燒，都好惹味，食唔食得辣都冇問題😆

經常都去紅磡搵食，買糖水嘅時候聞到咁香，夜晚九點幾都座無虛席，排隊都要試吓店舖雖小，各式各樣嘅串燒地道小食都有充滿家鄉風味。羊肉串牛肉串，燒得剛剛好帶點焦香，外脆內軟，配上調味料孜然粉，肉質有口感原條燒茄子，肉質又滑，配上蒜蓉孜然粉，好惹味，燒得剛剛好鰻魚炒飯，好夠鑊氣，配料多，米飯粒粒分明，仲有啖啖鰻魚川北炒米粉，我非常欣賞呢一個，下次要試吓炒粉絲雞蛋，腸仔，生菜，蔥花，配秘製醬汁炒埋一齊香口惹味飲返杯啤酒或可口就岩哂最後仲可以叫埋燒菠蘿，燒完嘅菠蘿特別多汁又甜

【九龍城區】【川味香】我喺紅磡返工，成日都好夜去到凌晨時份先收工，所以對宵夜嘅需求都係有。嗰時點解叫 1amfoodie 都係想講吓凌晨一點食嘢之苦，點知之後有肺炎，天一黑就唔使食，先有之後嘅故事。呢次收工後就同皮蛋哥喺紅磡搵嘢食，見到呢間就入咗去試喇。我哋先試 $15 嘅「燒豆卜」，估唔到佢燒得嚟鎖得住水份喺裡面，令到佢焦香得嚟發揮到豆卜嘅特性。而 $38 嘅「燒厚切牛舌心」就做得到本身牛舌該有嘅高度，好味。而 $28 嘅「燒火雞子」就係我最期待嘅一串，平時食雞子多數都係煮，好少燒，呢串都好正。之後到 $25 嘅「燒午餐肉」，成塊午餐肉配淡淡嘅蜜糖，好邪惡。而 $15 嘅「燒韮菜」都燒得好香好正，又唔會太乾。最後 $70 兩隻「燒蒜蓉扇貝帶子」都好濃香，有鮮味。嘢飲方面，飲咗 $12 嘅罐裝「芬達」同兩枝 $15 嘅「烏龍茶」，埋單 $233，唔貴喎。。。（地址：紅磡德民街29號德民大廈地下J1號舖）

🍶清酒煮花甲($58)唔太食得辣但又想食花甲?😚除左花甲粉見到有清酒煮呢個選擇🤩個汁唔似日式清酒嗰種咁清淡，反而係似加左蠔油、生抽既汁👍🏻帶到花甲既鮮味，份量仲好多😆🐟脆香魚腐($15)外皮少少脆👍🏻而且加左蜜糖燒🤗有少少甜又彈牙，推薦呀🥰🍆蒜蓉原條茄子($38)重蒜當然係基本😝幾鐘意無燒到完全淋哂，但keep到少少茄子爽口既質感🫶🏻🦑原條火箭魷魚筒($65)魷魚配左孜然粉同七味粉超級惹味😆用嚟下酒一流🍻🍢芝士年糕($28)炸得金黃脹卜卜內裏軟熟流心🤗