乜都唔好講，最想讚嘅係佢嗰串四季豆，因為真係好Juicy，唔會好似其他地方咁樣將啲蔬菜類燒到乾晒，呢個真係好好味。
然後我哋仲叫咗腸仔，魷魚鬚，雞全翼同埋牛舌。佢轉魷魚鬚都唔錯嘅，出邊燒得乾身，但係入邊咬落去又唔會太硬太乾。而個腸仔都有搽到我最鍾意嘅蜜糖，所以我幾欣賞。
而佢串牛舌都好腍，再加上佢係厚切，所以絕對唔會乾。
而佢個雞全翼都唔錯，啲肉都幾嫩，個皮都燒得幾脆。
另外我哋仲叫咗個蒜香蜆，個份量都OK，最重要係冇沙，蒜蓉都夠料，夠晒味。
最後甜品當然唔少得燒菠蘿啦，見到佢咁大嚿真係流晒口水呀。
