川公所 (已結業)

我屋企人好中意食川菜，所以平時都中意揾啲方便就腳啲既川菜館去帶佢去食，因為老人家唔似後生會特登去揾餐廳，反而佢地都唔太中意周圍，越方便佢地就越肯跟我出去👵🏻所以今日就落左樓下淘大商場入面，確保位置方便🤣唔知味道又如何呢？口水雞🐔呢款夠辣既話真係好正，最怕係啲口水雞會好油又唔夠辣，但呢到真係做到口水雞個精粹串燒有好多選擇🐮第一次係川菜館食呢味餸，因為屋企人request，果然係出色，非常惹味酸辣萵筍絲🥒最後仲嗌埋個菜，呢款我就中意佢夠酸啦整體來講都幾唔錯，2老都滿意👍🏼下次都會想再去

一入到黎已經覺得呢到既裝修好靚⛩️好似真係去左啲傳統中菜館一樣，而今日我已經係第二次黎，因為上次食過小饅頭之後就一直揾唔到邊到仲有得食，而呢到成為左我唯一依靠👶🏻今次除左嗌左炸小饅頭之外，都有嗌左紅油抄手同香辣干鍋蝦🦐款款都好大碟，特別係紅油抄手估唔到都粒粒飽滿又大粒🥟而炸小饅頭一碟有8件🍞煉奶配埋外脆內軟既饅頭，真係要好好credit一下諗到呢個食法既人🙏🏽🥹真係好慶幸自己可以食到

最近的美食探店，來到這間在淘大商場的川公所。這裡的菜色，每一口都帶給人享受啊！首先，蒜蓉燒扇貝，每粒都鮮嫩多汁，而面層鋪滿蒜蓉醬，在燒烤過程中，能與鮮甜味結合，很惹味。台灣香腸是經典的台灣小吃，香腸外皮香脆，又有嚼勁，內部充滿豐富的肉香和肉汁，在口裡爆發香味。重慶霸王翼尖，真的第一次吃，有一點點辣，但雞翼尖十分入味，吃著味道是偏麻辣。最後的牛𦟌，搭配辣椒、花椒和其他香料一起醃製，口感能保持到牛𦟌肉的軟嫩多汁，而花椒的刺激，令人舌頭發麻，同時亦帶來特別的快感，喜歡麻辣的人不能錯過啊！

今日主要想同大家推介烤魚配酥肉😂因為我之前都冇試過咁樣食，今日係跟住一個朋友嚟到先知原來有小酥肉呢一款食物🥘本身都仲諗緊嗰碟肉係咪就咁樣食，之後朋友先同我講兩款食法都可以😌即刻拓展咗我食川菜嘅新世界之前嗌烤魚普遍都係買一啲要煮嘅蔬菜類或者係一啲比較索湯汁既腐皮類，但黎川菜館食烤魚嘅好處就係連呢啲比較特色少少嘅小食都會有😍而且價錢並唔會好貴👍🏼另外佢哋都有其他唔同嘅特色小食同菜式，就好似我今日試咗嘅酸辣土豆絲同埋重慶霸王翼尖咁都幾唔錯🐔不過如果下次我再同朋友過嚟，我都係會嗌翻烤魚🐟但係就會轉個口味試試啦

🇭🇰Hong Kong - Kowloon Bay📍川公所酸菜魚酸辣土豆絲紅糖糍粑_____________________________經過淘大見到有間都幾多人食嘅川菜，當下諗唔到食乜所以就決定入去試下。叫咗三款野食，我會再去但只限於外賣個甜品紅糖糍粑而其他熱食就唔會再食。酸辣土豆絲，一黎到確實係份量幾足，但耐何完全食唔到有任何酸辣嘅味道。只係當你咬到啲辣椒乾帶出嘅辣味。而酸菜魚更加失望，有大量豆皮同芽菜係底。而魚片大約十一二塊左右。湯底只係暖暖地唔係熱辣辣，而整體又唔酸擇咗中辣又無乜辣味。覺得我買$68一盒急凍酸菜魚仲好食過佢。而有小小驚喜係個甜品，紅糖糍粑。一開始我係到諗紅糖呢，一咬開原來紅糖收埋咗係入邊。糍粑好軟糯，好好味呢個係我會再食嘅。整體黎講就係我呢個價錢我可以食到更好味，會去食麻辣風雲或者十二味。📍九龍灣牛頭角道77號淘大商場3期地下G286-288號舖

今日趁住午市時段得閒就同啲同事係附近搵左呢間川菜食，原來呢度有午市一人套餐🐟套餐就主要食海鱸魚，但湯底都照舊有烤魚個6種口味揀，連白飯同熱飲🍵都只係$78仲唔洗加一，好抵食。所以我地就嗌左一個Set同兩個小菜，一齊Share👩🏻‍❤️‍👩🏻 🟥香辣干鍋蝦 食得出呢到既食材好新鮮，因為佢地既蝦肉並無因為調味而蓋過左佢既鮮味，同埋肉質都好彈牙！🟧水煮牛肉 而牛肉方面同普遍川菜一樣都係用滑牛，所以入味得黎都完全唔會韌👍🏼可以enjoy佢個味之外，都唔洗struggle舊牛會咬唔斷😂幾好食。

同男朋友兩個唔知食乜好就係淘大行下，因為都知另一邊都有唔少餐廳同食物選擇🤙🏻最後見到呢間餐廳做緊Promotion - 晚市半價堂食大優惠，所以就去試下啦，第一次食唔知原來佢地份量咁多，搞到我地好似好大食咁🤣！ 🔴香辣干鍋蝦 🟠重慶毛血旺 🟡蒜蓉燒扇貝 🟢小酥肉 特別想講下佢地既重慶毛血旺好豐富🥘成窩咁上，入面真係咩都有，幾抵食。唔算好辣，所以男朋友唔係好食得辣，都接受到😌 不過可能因為我地order時都有問問店員會唔會好辣，佢地可能有再幫我地同廚房講🤣 🔵西柚特飲 穩陣起見我地都諗住嗌杯飲品share以防萬一🍸好彩最後都唔太派得上用場，味道都ok，幾清爽！

今日嗌左三款小菜，當中我覺得印象深刻既就係個金湯酸菜烤魚😍佢烤魚味道有幾款，辣到都可以俾大家去選擇🐟而我今日就揀左金湯酸菜味，因為我平時去食烤魚都係主要食金湯酸菜，因為我覺得會好開胃🤤而呢度嘅金湯酸菜烤魚都完全冇令我失望，係我心目中既烤魚味道👅另外一個欣賞佢嘅位就係除咗魚嘅份量多之外，其實佢都仲有好多其他配菜做陪襯🥒特別係我鍾意食酸菜嘅人真係好滿足🥰所以我都忍唔住叫咗碗白飯同朋友share1️⃣口水雞2️⃣金湯酸菜烤魚3️⃣燒茄子另外其實燒茄子同埋口水雞都幾唔錯嫁👍🏼因為佢地既燒茄子燒完都keep到juicy🍆而口水雞都做到好入味🐔

平時都有食川菜既癮，以我咁多次食川菜經驗，最鍾意就係呢個辣子雞軟骨，勁多辣椒香，雞軟骨卜卜脆，大大粒超抵食！ 除左呢個我超鍾意嘅辣子雞軟骨之外，我仲另外嗌左烤魚(金湯酸菜湯)同埋串燒司華力腸🔥原來個份量都好多，不過even飽都想食白飯🍚特別係個烤魚汁真係好impressive，完全值得為佢破戒去食碳水化合物🐟最後我口痕嗌埋司華力腸😆呢個串燒就正常發揮，不過不失！所以如果大家過嚟食真係要嗌佢地既烤魚同埋辣子雞軟骨，相信大家唔會失望🤣

平時去到川菜館，我都一定要食佢哋嘅甜品🍮大家諗到嘅中式甜品又係啲咩呢？會唔會係啲養生既糖水呢🥣對我嚟講一個完美嘅收結就係紅糖糍粑或者炸小饅頭🍞而我已經好耐冇見過仲有川菜館係有炸小饅頭食啦🥹所以見到真係好感動，亦都好想同大家分享一定會食呢度嘅小饅頭🍼當然除咗炸小饅頭之外都要先食咗主食先啦！呢度嘅鮮青椒魚都唔錯，除咗份量十足之外味道都係幾好🐟而我今日嗌嘅鮮青椒魚入面就都會有啲基本嘅配菜，例如好似只洋蔥同芽菜等等🧅最後我哋都嗌咗一碟酸辣萵筍絲🥒補充吓我哋嘅纖維

今日係歡送一個識咗好耐嘅同學👩🏻‍🎓問佢想喺香港是啲咩菜，佢竟然答我哋係川菜😂因為原來佢喺香港未食過川菜，真係估佢唔到😌既然係咁梗係要滿足佢嘅願望，用一餐豐富嘅川菜去歡送佢啦😝所以今次我哋嗌咗都好多嘢食👍🏼一於食得盡興🎉✅青椒皮蛋✅乾煸四季豆✅酸辣土豆絲✅辣子田雞✅麻辣小龍蝦我哋無論係前菜類定係主食都嗌咗幾款試吓🦞其中最震撼嘅都係麻辣小龍蝦，因為我哋三個都未試過喺香港食小龍蝦，佢一上枱係好大盆🌶️雖然小龍蝦嘅肉唔係好多，但係佢嘅味道真係好正，怪唔之得啲內地人咁中意啦😍另外我哋都嗌咗一碟辣子田雞挑戰一下🤣但係發覺因為佢哋炸完同埋切成一粒粒，所以外表上並唔會好難接受🐸識落我都覺得其實同普通嘅炸子雞差唔多👍🏼同樣地都係名副其實嘅白飯小偷

今日係同屋企人嘅聚會，嚟到之後我都覺得下次公司嘅聚會都可以推薦埋朋友過嚟呢度😍雖然係主要食川菜，但係其實都有一啲唔辣嘅選擇可以俾大家揀，而且都有辣度嘅選擇❤️呢個位好貼心🌶️前菜：麻辣牛𦟌重慶霸王翼尖 前菜方面佢一碟嘅size並唔會好大，咁樣可以方便大家試到多啲唔同既款式，我覺得個霸王翼尖唔係好辣，而且佢都已經煮到好腍，所以好入味👍🏼🥬蔬菜：酸辣土豆絲酸辣萵筍絲🐟主食：至尊麻辣烤魚小酥肉主食類方面屋企人推薦一定要嗌小酥肉🥩因為原來酥肉配埋個烤魚湯底係好match🤣果然有個識食之人係唔同啲

今日又同朋友過嚟食川菜，今次試咗三款食物，我哋兩個女仔食啱啱好👍🏼。口水雞唔會好油，而且好香辣椒味🌶️食得出佢個辣椒入面有花生味🥜所以同出面唔同既係會比較香。燒茄子既話我最怕係條茄子唔入味同埋太生🍆但係呢度完全冇呢個問題，一絲絲嘅茄子肉可以拉出嚟，而且都佈滿唔同嘅調味料🧂一條嘅份量都幾大，入面都好多汁🤤呢個有啲驚喜。最後仲嗌咗一個炒四季豆，之前喺出面食過既干煸四季豆都偏油，但呢到對比起又冇咁油膩喎😋如果有碗飯係到配呢碟咁惹味既四季豆，相信我呢個唔太食飯嘅人都會食得晒一碗飯🍚

首先今日係同屋企人黎食，結果我地幾兄弟姊妹好似失控咁👯‍♀️乜都話想試🤣結果就搞到我地成枱都係野食，特別係甜品方面我地真係好誇張😝🍴青椒皮蛋呢碟作為前菜都幾好，唔知係因為我地餓定點，佢impress左我地之後就令我地瘋狂嗌左三款燒物😂不過都因為佢晚市某啲小菜有做半價優惠既🤩令我地更放心咁嗌🍴蒜蓉燒生蠔，蒜蓉燒扇貝，蒜蓉燒鮑魚三款我地都揀左蒜蓉爆，因為我地都好中意重蒜味🧄而且海鮮同蒜蓉相信都係天作之合🍴酸菜魚酸菜魚入面唔單止係個container大，入面份量都好足嫁，調味都唔錯🍴黑糖糍粑，炸小饅頭，黑糖冰粉最後真係試哂佢地啲甜品咁濟😮‍💨食左咁多野，我覺得以冰粉作結尾幾好👍🏼一解食物既油膩感

今日跟個同學去左食川菜，因為佢係內地留學生，如果呢到係得到佢嘅認證咁我都對佢地既味道好有信心，因為佢都試過唔少香港川菜，但佢話呢到味道最似佢家鄉🏠⭕️重慶豆花烤魚清江魚⭕️虎皮尖椒⭕️酸辣土豆絲⭕️黑糖冰粉今日由前菜到主食同小菜，最後配埋甜品都一次過試哂，真係無介紹錯，我第一次食豆花烤魚，原來豆花配埋重慶湯底真係好惹味👅而魚都可以揀清江魚定江團魚🐟另外土豆絲都炒得好入味，估唔到土豆絲都可以煮得咁入味🥔而又可以同時保留到土豆嗰種爽口嘅感覺👍🏼怪唔得我同學都好推介最後以冰粉結尾，第一次食冰粉，感覺有少少似台灣愛玉，果凍嘅口感加埋黑糖，非常解油膩，果然要食正宗川菜都係要跟我同學🤣