川公所

營業中

休息中

酸菜魚迷既我岩岩先知道原來九龍灣有得食架~lunch time黎過下口癮先><主要都係食午市套餐比較抵，有包埋飲品同飯/寬粉，而且所有套餐都可以自選辣度💕重慶烤魚套餐都有半條魚可以食，仲要分開左條骨，可以啖啖肉，肉質鮮嫩，魚下面仲有配菜豆皮芽菜等等，唔會好辣💕青椒牛肉套餐牛肉比我想像滑口，下面都係拌有大量配菜，一定食得飽><💕酸菜魚套餐重頭戲黎啦~魚質都係好滑，都大片既，呢個我地配左寬粉，好好味~💕重慶田雞套餐我係第一次食田雞，質感比起雞肉再滑d，而且食落口甜甜地，不過首先要突破自己心理關口><💕涼拌雞腎/涼拌肥腸雞腎爽口，肥腸食落無異味，有好多青瓜伴碟~人均都係$80左右，份量多，味道唔錯，可以一試~注意所有野都係重口味同油為主!!

😂宜家諗返都幾kaiorder咗份烤魚，上面有條頭髮係夾住咗係啲配菜同魚中間 同埋好x長咁就同侍應講有頭髮個jeijei行過來望住我哋兩個問「咁需唔需要換一盤俾你哋？」我當下覺得好荒謬😂😂😂唔換俾我哋唔通叫我哋夾起繼續食？》 最尾係真係有換俾我哋嘅，我驚佢拎走條頭髮再端上檯俾我哋，所以dok爛咗舊豆腐😂至少佢再端上來嗰份豆腐係完整嘅🤪✌️👈 但就唔知有冇加料係入面嚕 希望無啦🤪👹🤓☺️成件事kai到我隔咗五日諗返都覺得荒謬嘢食就ok嘅 特別辣子雞軟骨好好味宜家晚市半價優惠 抵食！但…. 服務同衛生就真係😂😂😂👈可一不可再囉 唯有咁

每次經過餐廳出邊都覺得好香。今次終於去試食啦！我哋兩個人叫咗一個原味烤魚，條魚嘅份量好多，再加埋不斷有火爐加熱條魚，有少少似打邊爐。配菜仲有啲芽菜腐竹酸菜等等。我嗌咗佢嘅巨峰提子梳打，都幾大杯，但係因為食辣嘢好口乾，所以再追加咗一杯大檸樂。我哋仲叫咗流心糍粑，超級好食，不過因為會流心，小心熱親。

我本人就好鍾意食四川嘢嘅要加辣，我好推介大家嚟呢一間食因為呢佢個味道好味啦新鮮感當日呢嗌咗個口水雞雞有雞味，而且個麻辣汁好好味同埋份量都比較多咁另外仲嗌咗個毛血旺用料好新鮮同埋味道都好香好好味咁另外呢仲嗌咗幾樣餸咁嗌咗個炒鍋相咁都幾新鮮同埋都幾大份咁另外仲嗌咗個好出名嘅重慶豆花烤魚我自己食落去我覺得個魚好香同埋都幾多肉唔係特別多骨 咁另外仲嗌咗兩個小菜仲有一個肥腸同埋一個土豆絲呢個都係正常發揮不過不失主要覺得烤魚好食同埋口水雞

火鍋積極份子，寒天淺嚐烤魚。(1) 鮮青椒烤魚烤魚界總有清江魚的一席位。由於魚質鮮嫩，魚刺較小，能夠在烤製的過程中不影響其他食材。(2) 麻辣雞腎星期一至五，有數款小菜可以用優惠價錢換購，十分實惠。味道是意料之外的好吃，特別用來佐酒。(3) 燒茄子茄子水分雖有保留，但過多而沖刷了孜然粉的味道及香氣。(4) Hoegaarden (500ml)性價比可以。唯座位未能彈性安排，即使有閒置四人座枱，二人亦只能配置二人枱。但放上烤魚後，空間捉襟見肘。

是日過開嚟倒數，諗住拿拿聲食完過去就是但搵咗間餐廳食，佢又真係上菜快🤣次次見到炸饅頭都抵唔住誘惑，呢個size唔錯細細件，幾脆點煉奶一流，不過八件兩個人食係太多。青椒雞軟骨雖然雞軟骨未至於好脆，但係幾惹味，青椒都多但唔會多到太過份，同雞軟骨一半半咁嘅份量酸菜魚叫咗少辣，直情唔辣🤣魚份量都算係多，配料仲有金菇，豆皮，芽菜咁，如果係寬粉就好喇。仲有個皮蛋唔記得影，又係多到傻，食落覺得係有兩隻皮蛋咁多，味道唔錯，係底部比較多紅油。

生意差喺有原因嘅，可一不可再，有史以嚟食過最難食嘅烤魚。order中麻中辣，成品冇麻冇辣，講真連BB辣都算唔上，除咗味精嘅味道乜味都冇，仲冇得額外叫加配菜，服務態度亦一般，餐牌冇寫價錢，你只會喺電話落單嗰陣見到價錢。

如果大家係揾緊一間辣妹先可以挑戰既川菜，我就真係一定推薦大家食呢間，因為佢地晚市做緊promotion，如果18:30前埋單離座，就可以享有全單8折🤩今日係俾我地誤打誤撞咁知道餐廳有做呢款promotion，之後我就一定會bookmark呢間餐廳，因此原來佢午市有得食一人烤魚，呢到又近我office，無論係外賣定堂食都好方便🥡🐟鮮青椒魚👉🏻$248🐔口水雞👉🏻$55🐷重慶毛血旺👉🏻$98🐮麻辣牛𦟌👉🏻$59今日我地幾位辣妹嗌既全部都係辣既餸菜，我第一次食毛血旺，原來入面係咁多款配料，真係好豐富😍而全部餸菜都好夠辣，十分惹味，如果中意食辣真係唔可以錯過

平時都係同朋友食野多，今日就揀左2款我覺得值得一提既兩款小食都小家share🤣分別係鮑魚同尖椒🫛之前既我唔識欣賞尖椒既好味，因為覺得佢地純粹係一條辣椒就無咩特別，但試過虎皮尖椒之後發覺原來尖椒就算無拎黎炒餸，而用黎作為一個主菜都咁出色✅蒜蓉燒鮑魚$68(3隻)✅虎皮尖椒而燒鮑魚我欣賞佢既位除左係on top 既蒜蓉🔝之外🧄佢既鮑魚都清洗得好乾淨，而且啲鮑魚都keep到好新鮮，因為食得出肉質係好彈牙同好煙韌另外，燒生蠔同埋土豆絲都好好味，生蠔大大隻，勁多蒜蓉鋪係面頭，正，土豆絲好清新又好味，食多多都唔會有罪惡感🤩🤩

超好食辣度適中，唔會太辣，但好香，有半碗都係辣椒同花椒 真才實料足料芽菜點睛之筆 好夾 魚片份量也不會很少份量啱啱好 物有所值店員態度也很好 熱心有禮推薦，下次再試下其他菜

前排食完烤魚之後就一直物色緊啲川菜館🌶️一直回味緊條麻辣魚，今日夜晚去食先知原來有午市烤魚一人套餐，有6種口味揀，有辣有唔辣，都只係$78仲唔洗加一🍚連白飯同熱飲真係好抵仲好飽🤣因為佢話條魚around 350g真係好多，不過可惜我係晚飯時段去就試唔到佢個套餐🥣🐟重慶豆花烤魚(清江魚)$308🥔酸辣士豆絲$78🐖干鍋肥腸$128今次一行4人嗌左一個烤魚，兩個小菜全部都係我平時川菜必嗌菜品😍而呢到價錢都同出面差唔多，普遍都係呢啲價重慶豆花烤魚除左可以揀辣道之外，仲有得揀魚🐟而今次就揀左清江魚，下次都會想試埋江團魚，因為諗到佢配個烤魚湯都好match

🍴今日食左以下呢幾款: 重慶毛血旺燒生蠔(蒜蓉味/剁椒味）司華力腸西柚特飲黎得川菜館，當然就唔少得要試下毛血旺啦，因為佢有齊哂各款既配料係入面，咁就緊係唔可以錯過啦👅另外知道佢地有唔同既晚市半價堂食優惠既小菜，而我今日揀左6隻蒜蓉味既燒生蠔🦪除翻一隻都只係$10蚊🤩同埋仲有剁椒味揀添，咁多選擇真係令人眼花撩亂😵‍💫我地2個人食，嗌呢到咁樣食就岩岩好，1個主食，2款小食再嗌杯野飲share杯特飲配埋呢啲辣野真係絕配，除左西柚之外都仲有其他選擇🍊款款都好refreshing ga💦

我屋企人好中意食川菜，所以平時都中意揾啲方便就腳啲既川菜館去帶佢去食，因為老人家唔似後生會特登去揾餐廳，反而佢地都唔太中意周圍，越方便佢地就越肯跟我出去👵🏻所以今日就落左樓下淘大商場入面，確保位置方便🤣唔知味道又如何呢？口水雞🐔呢款夠辣既話真係好正，最怕係啲口水雞會好油又唔夠辣，但呢到真係做到口水雞個精粹串燒有好多選擇🐮第一次係川菜館食呢味餸，因為屋企人request，果然係出色，非常惹味酸辣萵筍絲🥒最後仲嗌埋個菜，呢款我就中意佢夠酸啦整體來講都幾唔錯，2老都滿意👍🏼下次都會想再去

一入到黎已經覺得呢到既裝修好靚⛩️好似真係去左啲傳統中菜館一樣，而今日我已經係第二次黎，因為上次食過小饅頭之後就一直揾唔到邊到仲有得食，而呢到成為左我唯一依靠👶🏻今次除左嗌左炸小饅頭之外，都有嗌左紅油抄手同香辣干鍋蝦🦐款款都好大碟，特別係紅油抄手估唔到都粒粒飽滿又大粒🥟而炸小饅頭一碟有8件🍞煉奶配埋外脆內軟既饅頭，真係要好好credit一下諗到呢個食法既人🙏🏽🥹真係好慶幸自己可以食到

最近的美食探店，來到這間在淘大商場的川公所。這裡的菜色，每一口都帶給人享受啊！首先，蒜蓉燒扇貝，每粒都鮮嫩多汁，而面層鋪滿蒜蓉醬，在燒烤過程中，能與鮮甜味結合，很惹味。台灣香腸是經典的台灣小吃，香腸外皮香脆，又有嚼勁，內部充滿豐富的肉香和肉汁，在口裡爆發香味。重慶霸王翼尖，真的第一次吃，有一點點辣，但雞翼尖十分入味，吃著味道是偏麻辣。最後的牛𦟌，搭配辣椒、花椒和其他香料一起醃製，口感能保持到牛𦟌肉的軟嫩多汁，而花椒的刺激，令人舌頭發麻，同時亦帶來特別的快感，喜歡麻辣的人不能錯過啊！