嵐橋日本料理

營業中

休息中

尖沙咀cp值高既居酒屋🍶食物有水準🤤 當日服務態度良好👍🏻值得一試！好岩一班人gathering🥳和風刺身沙律 $118好多角切刺身，好足料😍share食之選👍🏻蜜柑鯛 $158一向鍾意食魚刺身，夾埋三文魚子一齊食更正😋油甘魚刺身 $68四大片，厚厚的👍🏻大拖羅刺身 $208好粉嫩😍好吸引呀！口感正🤤火炙鹿兒島A4和牛海膽壽司 $176深海池魚壽司 $96鮫鰈壽司 $140三款壽司都裝飾得精緻🤩高質呀👍🏻一分錢一分貨😆鹿兒島黑豚露筍卷 $42正常發揮👌🏻田樂燒豆腐 $28兩塊厚厚的，同麵豉醬好夾！味道同口感都有驚喜！抵食👍🏻煎沖繩豚肉餃子 $58估唔到咁好食😍煎得好！皮薄，咬落爆汁🤤推介👏🏻蘆筍海膽炒飯 $148炒得粒粒分明，唔錯～味道可以邪惡一點🤣呢個都好岩一班人share食～

尖沙咀不嬲都有好多和風餐廳就算落雨都無損心情為了食日本野，哪怕風雨和風刺身沙律非常鮮豔奪目的前菜，食材很新鮮，有吞拿魚，三文魚粒，甜蝦，三文魚籽，刺身切粒，加上爽口沙律菜，仲有酸甜醋汁，很開胃。岩手縣生蠔大隻，很新鮮，生蠔處理得很乾淨。另外蠔身肥美，口感柔滑，底部有海苔，醬油配襯，很嚐鮮。刺身有中拖羅，油甘魚，池魚，鯖魚 。每款刺身有兩件，中拖羅肥美，油甘魚每口甘甜，池魚爽口鮮甜，鯖魚微微灸燒，肉質細膩串燒都好手工feel雞皮餃子外皮很香脆，餡料滿滿的。 豚肉韮菜包得很紮實，豚肉沾上醬汁很惹味仲有雞心串和雞肝串，食落去很香軟粉糯壽司拼盤都好多選擇中拖羅壽司仍然肥美，蜜柑鯛魚腥味淡，散發淡淡橘香。赤身鮮紅，味道鮮美，沒有太多油花。 北寄貝爽口，帆立貝壽司鮮甜大粒。壽司飯用上赤醋，吃起來再配上刺身，提升鮮味。清酒煮蜆濃郁的酒香，熱騰騰的，很吸引。湯頭帶有蜆的鮮甜，湯底仲有紅椒，後勁有點香辣，在濕冷的雨天喝起來很暖胃。每隻蜆肉大大隻，蜆肉鮮甜肥美，無沙粒，很鮮美。唐揚雞扒重量級的熱食，雞扒外皮香脆金黃，雞肉鮮嫩滑溜，加上沙律醬，好正，份量都好大件，兩個人食都夠飽。仲有旁邊的沙律菜，平衡返炸物

位於尖沙咀內一條短短的街道"棉登徑"有不同種類的食肆林立, 見一間日本居酒屋內有午市定食套餐, 食店連地下店舖加上面兩層, 座位都不少, 餐廳環境是有日本居酒屋感覺, 不過枱與枱之間&座位真的很好狹窄/好迫, 坐得不太舒服, 食完想快快離開. 丼飯套餐有前菜, 沙律, 麵豉湯, 茶蒸碗, 丼飯&雪糕. 食物賣相是可以的, 不過魚生質素普通, 稍為好的是隻牡丹蝦, 其他魚生沒有什麼驚喜, 丼飯的飯口感偏硬. 茶蒸碗蛋不夠滑. 前菜, 沙律&麵豉湯質素正常北海道丼$168什錦魚生丼$178

我有試過聯絡店家 冇回覆 唯有响呢度俾返個評語我而家睇返嗰日啲相 真係好懷疑佢地俾人地食過嘅鍋物我地我地叫左個鯛魚鍋 黎到係咁樣 （第一張相）我即時相機食先然後 好快有同事收走 同時放低下面個鍋 話呢個先係 我又即時影相 嗰時唔為意 而家睇返 我懷疑已經俾人食左少少 我覺得好嘔心第二張相係個鍋一落枱我就影 我同同台另一位客人完全冇食過 甚至攪動過我好震驚 我驚俾人當傻仔食左人地口水尾都唔知 呢間野我唔敢再去

今日朋友帶左我去一間位於尖沙咀K11附近的餐廳慶生，上到去先知原本嵐橋係OpenRice 2021年必食餐廳之一🤩🤩令我更加期待😚😚餐廳的設計以日式居酒屋為主，樓高三層，底層是丼飯定食，樓上就有bar 枱同四人座位，大約可容納24個人左右。我地就揀左bar 枱位坐。山葵八爪魚漬如果有人同我一樣好鍾意食芥末，甘就一定要叫呢個小食，包你過癮👍🏻和風刺生沙律CP值十分高，終於知點解甘多人黎到都必叫。係勁大份！我同個朋友都好意外個沙律甘大份，d菜仲要好清爽甜👍🏻沙律菜同刺生比例係7:3，加上又有蟹籽同蕃茄仔配埋柚子醋，甜甜酸酸，口感十分豐富，balance左成餐飯❤️壽司盛八點 （赤身、油甘魚、三文魚、甜蝦、拖羅蓉海膽杯）鮮、甜、美免治雞肉棒配温泉蛋其實我每次食居酒屋都必定叫免治雞肉棒，因為我太鍾意食啦😎每次食我都會聞一聞岩岩燒到脆身既雞肉棒，淡香既燒汁係表面，再慢慢咬一啖😆好幸福呢～呢間餐廳廚師好有心意，唔係普通生雞蛋配肉棒，係有豉油既温泉蛋👍🏻燒日本花魚配一夜干強烈建議不好好似我甘單點，一定要配飯食or酒飲！因為真心咸😂今晚食得好開心，下次會黎試埋個烏冬同蜆❤️

真係幾時先有得飛呀？係無得飛嘅情況之下，又想食到正宗日式風味？咁你就要來到「嵐橋」緬懷一下！步上一樓，餐廳裝修得甚有日式風味，就像飛了一轉日本居酒屋一樣。和風刺身沙律來到這必要點這款和風刺身沙律，這款和風沙律加上了大量三文魚、吞拿魚、帶子、甜蝦、三文魚籽，青瓜絲、粟米等...再配上沙律醋調味，食起來清爽酸甜，非常開胃。甜蝦刺身 / 兩切油甘魚刺身甜蝦肉質細綿、味道甜美。油甘魚兩切刺身異常厚切，咬落肥美鮮嫩、充滿油香。半條池魚刺身今日池魚新鮮，我都叫番一回半條池魚刺身，其肉質緊實而爽口、略帶油香，味道鮮甜，真是是日推介之選。蔥花拖羅蓉小卷拖羅蓉口感細滑軟綿，配上醋米飯、紫菜小卷，更添層次。昆布清酒煮蜆來到時已傳來陣陣酒香，把蜆加入清酒、昆布煮成，蜆肉吸收了清酒汁清香和鮮味，酒香清甜，亦不失白見本身鮮味。來到居酒屋點可以唔叫串燒：牛小排青蔥卷牛小排掛滿了醬汁，與青蔥一起，令口感變得清爽中帶點咬口。鹿兒島黑豚秋葵黑豚肉質軟腍，配上秋葵獨特的圓潤口感，令整體更顯香甜嫩脆。明太子山藥食起來口感滑順，加上明太子香辣味道，形成一道健康且惹味的小吃。鯛魚湯鍋燒烏冬以超濃魚湯熬製，而且其中更有鯛魚、豆腐

今日特登慕名而來既嵐橋 記得事先book位🥢除咗有魚生壽司 仲有串燒炸物壽喜燒炒飯👍🏻油甘魚腩刺身$78 甜蝦刺身$78新鮮擔當😻油甘魚腩非常厚實滑嫩 色澤紋路分布均勻 味道細緻甘甜🤤左口魚刺身$118味道油滑甘香 刀功很好 整體來說 非常滿意😚三文魚松葉蟹肉卷$118飽肚之選😈好豐富 特別係滿滿既松葉蟹柳🤪吉列廣島蠔$98炸物首選😜廣島蠔好大隻 好有蠔味🦪日本芝士年糕$48鹿兒島黑豚肉蘆筍卷$42田樂燒豆腐$28蘆筍海膽炒飯$148好足料既海膽😍蘆筍好爽口🤩

今晚朋友book咗呢間嵐橋食日本料理，好可惜因為太多人啦，所以book咗位都要等一陣， 點都好佢店內裝修都幾日式幾骨子， 講多無謂，我地叫咗以下:三文魚、油甘魚同大蝦： 咁佢啲刺身，我覺得都幾新鮮，都幾fresh同埋有我最鍾意食嘅三文魚非常肥美，所以刺身我覺得都幾好唔錯。燒日本芝士年糕: 呢個年糕我覺得幾特別因為自己以前都未試過嘅， 佢嗰種味道有啲特別，年糕再加埋入面嘅芝士餡，我覺得兩個溝埋一齊真係幾好食，同比較煙韌。 芝士亦唔算濃味，適合香港人口味。土佐豆腐&田樂豆腐麵豉醬: 兩個豆腐我都幾鍾意食，講咗土佐豆腐先，佢個豆腐浸皮就比較得意啲，係包住嚿豆腐就冧滋滋， 同埋有少少好似木魚嘅味道，田樂豆腐就比較似香港港式嘅炸臭豆腐一樣，但係落咗麵豉酱，咁兩個豆腐我都幾鍾意食，不過就會鍾意食土佐豆腐多少少。 因為我覺得炸豆腐好似臭豆腐加甜醬會比較好食啲。三文魚松葉蟹肉捲： 呢個壽司卷就特別嘅地方你會食到有松葉蟹味就冇發過嚟講用了新鮮同埋最大賣點就係個松葉蟹。 鍾意食松葉蟹嘅朋友可以試下，呢個我自己覺得唔錯。松子仁鰻魚炒飯: 呢個炒飯嘅份量我覺得都幾多，真係爭啲食到我嘔添， 因為之前食得太多嘢啦

今日難得星期五，緊係要搵間出色既餐廳賀一賀個happy friday，所以搵左間係尖沙咀幾出色既日本料理試下🤩——————🐽 和風刺身沙律第一道叫咗個比較清新開胃嘅沙律試一試，每款刺身都切到好大粒，沙律亦都超大份，開胃又抵食🙊🐽 鮮八爪魚、三文魚腩、鯖魚刺身從來未食過咁新鮮嘅八爪魚刺身，入口鮮嫩林滑，三文魚腩同鯖魚都好肥美🐽 三文魚松葉蟹肉卷三文魚卷就食得多，加咗松葉蟹肉嘅三文魚卷將鮮度提升左一個層次，加埋沙律醬同一齊食，極邪惡🐽 雜錦天婦羅湯烏冬雜錦天婦羅有茄子、蝦、炸魚等等，全部外皮都炸到好香脆，湯烏冬清清地，拎返個平衡唔會咁熱氣🐽 牛小排青蔥卷、鹿兒島黑豚蘆筍卷牛小排一食落口牛脂味十分重，連埋日本青蔥一齊食感覺既邪惡但又停唔到口，蘆筍卷亦都好有咬口，黑豚食落都好肉汁🥰

好耐冇食日本野，呢日放工之後就約左男朋友到尖沙咀呢間日式餐廳到食dinner，餐廳有兩層，環境舒適。我地點左好多野食，首先係火炙壽司盛六點，有六款唔同既壽司，件件都好大件同新鮮，最鍾意就係帶子同埋吞拿魚壽司，好肥美。火炙壽司比起一般壽司多一份惹味。除左魚生同壽司之外，呢到既串燒都好掂，今次點左牛小排青蔥卷、鹿兒島黑豚秋葵卷同埋鮑魚雞翼，全部即點即燒，勁香，再加啲檸檬水吊味，perfect！仲有真鯛刺身，好新鮮。仲有煙韌既芝士年糕。黑松露帶子炒飯好香。

刺身 x 串燒 x 鍋物 集於嵐橋呢到係好啱同朋友食飯嘅居酒屋🏮 食刺身 串燒 飲下啤酒 清酒 🍶 平日嘅晚上都滿哂座 好在朋友仔book定枱🥳 坐下食下傾下計 話咁快就食左幾個鐘🤣刺身：六片鮮八爪魚刺身兩切鯖兩切三文魚腩刺身全部都好新鮮，最surprised係八爪魚刺身，完全唔會好似一般八爪魚咁「韌」口，口感少少似左口魚，火炙埋更加係肥美。另外八爪魚嘅吸管都好爽口，口感好似大學食宵嘅墨魚咀🤪三文魚松葉蟹肉卷鹿兒島黑豚露筍卷鮑魚雞翼明太子山藥牛小排青蔥卷食材配搭好新鮮，第一次食雞翼配鮑魚😜明太子山藥又係另一個完美嘅配搭！冇諗過咁樣挾同咁好食，下次自己BBQ都可以考慮試吓整🤣呢到串燒偏多汁，較重口味鯛魚湯鍋燒烏冬🍲煎沖繩豚肉餃子🥟

位於尖沙咀既嵐橋樓高有三層 Menu上選擇都好多 有壽司,刺身,卷物,串燒等全部都好吸引🤩🌟刺身炙燒鯖魚,薄切池魚,赤身刺身種類好多選擇 今次試三款刺身都好新鮮 💯 🌟三文魚松葉蟹肉卷卷物整體口感好豐富 有三文魚,三文魚籽,松葉蟹同青瓜絲👍🏻🌟七味蓮藕片呢個前菜好開胃😋薄切蓮藕炸得好酥脆🌟鮑魚雞翼, 雞胸軟骨兩款串燒都正 雞翼入邊包住彈牙嘅鮑魚同燒得好香口既雞胸軟骨🤩🌟田樂燒豆腐豆腐炸得外脆內嫩 加埋個醬汁簡單得黎好味💯🌟薩摩唐揚炸雞選用日本的名雞—薩摩赤雞炸得非常鬆脆 雞肉又嫩又多汁配埋自家製他他醬 好正😋🌟黑松露帶子炒飯炒飯粒粒分明 好有穫氣帶香濃既黑松露味同鮮甜嘅帶子 👍🏻

同朋友去尖沙咀聚餐預先book定嵐橋, 因為知呢度想walkin 9成9無位. 準時去到店員好有禮貌帶上樓上bar檯坐低, 好有日本風格的裝潢, 睇住面前的師傅好專心的處理刺身壽師, 心想一定唔會太差. 先黎壽司盛, 可以食得出魚生刺身好新鮮, 壽司飯黏度剛好, 不論是火炙還是刺生都令人滿意. 和牛海膽卷上的A4和牛經過火炙油脂平均分佈整塊牛肉, 入口溶化, 但又嚐到海膽的鮮甜, 再用金泊鋪面感覺更加高貴, 非常滿足. 熱食方面天婦羅盛合炸漿薄薄的, 食落口唔會感覺油膩, 黑豚肉鍋燒烏冬就豚肉香而烏冬爽口, 最後再黎埋支凍清酒, 侍應倒入特別玻璃瓶再叫我地揀鍾意嘅酒杯盛上, 美酒佳餚完全可以代表今餐嘅總結.

六片鮮八爪魚刺身 $138甜蝦刺身 $78兩切油甘魚刺身 $68兩切三文魚刺身 $28《嵐橋》啲刺身好新鮮，好高質！三文魚好出色，啖啖都係魚油🐟-海膽蔥花拖羅卷 $188朋友好鍾意食拖羅，點名話要叫，我本身對拖羅冇乜特別感覺，係因為上面個海膽所以鬆口俾佢叫😝結果出乎意料地好食！中間夾咗啲青瓜，成個感覺好清新，中和得啱啱好，推介🔥🔥-安格斯牛小排 $58蕯摩赤雞腎 $38雞胸軟骨 $32安格斯牛小排必食🔥🔥🔥-安格斯牛肉薄燒 $158-鹿兒島黑豚肉鍋燒烏冬 $128

都有一段時間冇乜點食日本嘢，前幾日就同朋友嚟咗呢間嵐橋日本料理度食晚飯。竹刺身盛$428有中拖羅2切、油甘魚2切、三文魚2切、鯛魚2切、甘蝦4隻、赤貝一隻。刺身食落新鮮，件件厚切，油脂感豐富，就連件三文魚刺身都好好食。三文魚松葉蟹肉卷$118呢個卷物相當足料，醋飯包住滿滿嘅松葉蟹肉，上面仲有好多三文魚同埋三文魚子，啖啖滿足。加州卷$88有牛油果、玉子、青瓜同埋蟹柳，係簡單嘅滋味。雞胸軟骨$32雞軟骨就食得多，雞胸軟骨就第一次食肉，食落爽脆。安格斯牛柳粒$68好嫩滑，牛柳好軟淋。鹿兒島縣黑豚蘆筍卷$42黑豚肉好香！配埋清新嘅蘆筍好夾。鯛魚湯鍋燒烏冬$148個鯛魚湯底都飲得嘅，唔會太鹹。一路食熱辣辣嘅烏冬一路飲湯。