峰壽司

營業中

休息中

今晚去朋友屋企玩，買壽司上去食。5個人叫左1個特上盛+1個1人前A+一盒炸雞+4件燒三文魚腩壽司。外賣有15% Off，埋單每人$134。自問唔細食，都7成飽，唔錯。D野食都好新鮮，有水準，除左炸雞凍左少少。呢間可以再試!!

今日放假終於可以食平價午市定食👅兩個人嗌一個定食再加少少野食都夠飽😋我地揀左一個定食C, 加一碟極上吞拿魚腩，加一碗烏冬，份量對我地黎講岩岩好前菜都大大份，碗麵豉湯幾足料，炸物就可能次次唔同，如果係張相既炸雞軟骨就好嘞😂呢件唔知係叫可樂餅定咩，過下食炸野既口癮黎講都算唔錯😌不過佢地冇俾沙律醬點炸物，唔知係漏左俾定本身都唔跟沙律醬🤔黑色碟左上角同右下角三件壽司係一樣既，呢三件都好好味😋基本上，黎親食吞拿魚蓉、三文魚、鰻魚、帶子都實冇死。中間6舊都係男朋友食，聽佢講都ok, 唔腥唔un。👍🏻極上吞拿魚腩有少少入口即融既感覺，但食到最尾有舊根，比起之前v walk樓下間日本餐廳食既大拖羅，覺得呢件冇咁腥。烏冬冇影到相，不過份量都唔少，啲配料都鋪滿面入座後職員俾左個qr code我地scan, 自己用電話落單，個人覺得都幾方便快捷由點餐起計，壽司大概10分鐘就黎左，對於得一個鐘食lunch既打工仔非常友好，不過我地係食12點至1點時間，唔知1點至2點係咪都係咁快手呢😂

7點30打電話叫定外賣 服務員話10min左右到會有 最後等左35min先有 最好笑係比我遲落單既外賣仲可以快過我拎👍👍服務員話唔係跟單no.整 唔怪得我個咁耐🤣🤣

啱啱係度食完嘢，諗住用銀聯俾錢啦，咁我銀聯係有密碼既。有個戴護目鏡長頭髮既女侍應一開頭問我係咪有密碼，我話係，之後佢問我密碼幾多，仲要拎枝筆出黎想mark低。唔係咁樣嫁嘛下話😊已經同經理講左，希望可以處理番：)

👩🏻‍💻今日俾個fd野生捕獲，就即時被脅持咗一齊食晚餐🤣咁啱大家都係「食自己」，個地鐵站咁大，又咁啱「撞到正」，於是就食餐勁嘅賀一賀佢🤣🤣💯💕👍🏻壽司食到似放題🤣🤣爽歪歪啦‼️​​🍣特大廣島炸蠔 HKD$39​🌟肥美新鮮😋熱辣辣入口香脆十足😋‼️​​🍣人氣三點盛 HKD$34​🌟三文魚新鮮，口感肥美可口😋💕​​🍣墨魚壽司 HKD$12​🌟鮮甜，口感彈滑😋👍🏻​​🍣火炙鵝肝 HKD$76​🌟金箔點綴👍🏻賣相滿分💯🥰鵝肝口感幼滑，齒頰留香👍🏻😋回味無窮​​🍣辛辣龍之卷 HKD$78​🌟特色卷物💕💯色、香、味俱全👍🏻用薯片入饌，口感對比豐富有層次👍🏻​​🍣八爪魚芥辣軍艦 HKD$18​🌟鮮甜可口，芥辣味令人為之一振👍🏻🤤​​🍣蔥粒吞拿魚腩軍艦 HKD$28​🌟吞拿魚口感細滑，味道鮮甜👍🏻🤤​​🍣海膽軍艦 HKD$56​🌟新鮮不在話下💯💕😋​​🍣軟殼蟹手卷 HKD$64​🌟軟殼蟹香脆可口，分量適中🤤💯💕​​🍣火炙帶子 HKD$38​🌟新鮮肥美🤤火炙令帶子留有餘香👍🏻💕​​✒️小記：幾乎對每件壽司都係有讚無彈‼️質素真係唔差，對得起呢個價錢😋👍🏻‼️💯刺身食得安心，味道再三回味😋環境闊落舒適，服務貼心周到

👩🏻‍💻 成set定食，真係幾抵食😋午市外賣自取做緊八五折👍🏻疫症🦠以來，真係無食過壽司🍣，因為覺得堂食先夠新鮮😋💕直至今日終於忍唔到喇😆‼️🍣蔥粒吞拿魚腩飯定食 HKD$88🌟熟悉的香味🤤令我要消滅佢😋吞拿魚腩新鮮💕，份量十足，細滑無筋🤤壽司飯軟硬適中🍙每一口飯都充滿住蔥吞拿魚，加上芥末壽司豉油😍正呀🥰‼️🥘麵豉湯🌟湯中加的是砌碎豆卜、海帶，口感有點突兀，用豆腐或者滑新嘅食材取代會比較吸引👍🏻味道說不出的咸，飲完一啖🤔真係若有所思，哈😂🥗沙律菜🌟賣相唔吸引，入面有日式沙律醬汁，口感一啖足已，可能已經食飽咗，所以無咩特別😯🍘蟹肉忌廉薯餅🌟正‼️💯外層薄薄的炸過，內裡口感細滑😋口味香甜，薯味十足👍🏻💕小食嚟講值得推介‼️😋

因為好想依壽司，就去左峰壽司買左6件3個人食。但係，我食得1件，好唔夠喉！新鮮、飯軟、手握，即叫即做，無欺場！下次真係要叫丼丼丼。佢晚餐其實有set, 3人$340。下次要試吓先！

📍#峰壽司📍Mi-Ne Sushi #MiNeSushi.🇭🇰香港深水埗深旺道28號V Walk 2樓49號舖🇭🇰Shop 49, 2/F, V Walk, 28 Sham Mong Road, Sham Shui Po, HK.🌐📌深水埗 📌銅鑼灣 📌荃灣 📌屯門 📌將軍澳.#深水埗 #日本菜 #MFJ深水埗 #MFJ日本菜#ShamShuiPo #JapaneseFood #MFJ_ShamShuiPo #MFJ_JapaneseFood.人均消費: HKD218.味道: 👅👅👅👅賣相: 👀👀👀👀價格: 💰💰💰環境: 🌹🌹🌹服務: 👨🏻👨🏻性價比: ⭐️⭐️⭐️回頭率: 🔆🔆🔆🔆.明明峰壽司想當年打住中檔壽司入香港，以當時主要食元綠，元氣的大家，峰壽司成為大家新寵一段時間，真的有好多人喜歡食事隔多年，無諗到得咁少人食.⭐️峰壽司盛合🍣HKD198本來想食一人盛，點知售罄🤦🏻‍♀️一個人點個二人盛🤣一共有9款壽司，分別有三文魚，鱆紅，吞拿魚，帶子，海老，縞鰺，魚背，峰玉子和高菜細卷壽司質素真的算不錯👌🏻唯其鱆紅，魚背，縞鰺和海老都十分新鮮！結果一個人食晒成碟🤣🤣🤣.始終今時今日太多選擇了雖然性

假期前夕約了八個朋友食飯地點純粹想找西鐵及東涌沿線等位至少等了一個鐘一坐下便立刻用平板點菜壽司盛盒有好多壽司款式油金魚魚油味豐富，好新鮮靠邊的小卷物好像漬物的味道天婦羅炸蝦🍤炸粉漿薄，蝦彈牙炸雞份量足，炸得有點燶，點沙律醬中和一下熱氣特長蛋壽司🍣超長，可以一件兩個人分蛋厚切不過蛋味不夠香特上壽司盛盒的壽司款式高級點海鰻也是超長，不會有太多骨芥末八爪魚好重芥末味白色的不肯定是池魚還是左口魚，味道輕但魚油味好香枱上有茶壺可以自己加茶，幾方便，枱與枱之間都寬闊，餐廳內也有卡位，環境不錯

去左峰壽司食lunch ...人唔多，不用等位阿。餐廳環境唔錯，裝修都有格調，餐具整潔。叫左兩個餐- 壽司定食- 鰻魚定食佢嘅前菜唔錯但壽司就麻麻地。佢個沙律唔錯內有d炸粒粒配個酸汁几有口感好開胃。麵豉湯几清甜，自家調味，唔錯。仲有一份炸雞粒，但唔熱，食個前菜都差不多半飽。壽司就一般，上得好快應該係預先準備定，壽司飯林偏水份重，紫菜都係林。鰻魚飯都係普普通通，不過鰻魚分量都几多。佢要家外賣自取有8折。。

曾經食完峰壽司後又屙又嘔，果時blacklist左佢🤣前排同大食仔心思思想食🍣，佢話未試過峰壽司於是一齊食下啦🤗wow😻今次又ok wo👅·🍣極上大盛軍艦（$88）嘩左一聲～同張相係一樣架🤣多到瀉既蟹肉；海膽；三文魚子；拖羅蓉😋好滿足！！·🍘辛辣龍之卷（$78）一致認為最麻麻既一碟👎🏿過咸既醬料大打折扣～·🥔鐵板明大子薯餅（$39）熟食都唔錯啊😋鍾意食醬既要試😆加入明太子完全令味道平平無奇既薯仔昇華！！望一望電話⋯眨下眼大食仔食左半碟😂好味程度你懂的·🐟特大三文魚三點盛（$39）大食仔好鍾意三文魚～食完無屙我當佢新鮮架啦🤣·🍣特大壽司三點盛（$39）長長的魚生.好霸氣🤪·🍣帶子壽司（$34）我地最愛～食壽司必點item👅·🍣人氣三點盛（$34）又係有帶子同埋三文魚腩🤣仲多左件千尋海老🦐·🐟火炙挪威三文魚（$18）燒過下既三文魚係屬於我既😙不過都係最愛中環小澤既半燒三文魚😙·🦀螃蟹糕醬軍艦（$22）大食仔表示一般～·🥚峰玉子壽司（$14）見好多人推介～蛋魔緊係要試試🤗最怕甜度高既玉子～好彩呢個唔會啊👍🏻👍🏻😋·📍峰壽司深水埗深旺道28號v walk 2樓49號鋪

哩間壽司真係不得了..好唔新鮮..叫左lunch set三文魚飯，大家可以睇下圖😫左上係三文魚刺身，真係麻麻..哩個係鰻魚壽司，舊鰻魚係凍冰冰既..d汁都係杰撻撻既🤯😢真心唔推介大家去食🥴

【峰壽司(南昌Vwalk分店】『香港篇-深水埗區』作為一個香港籍偽日本人，壽司呢個選擇從來唔會令我失望(明將咁款係唔會令到我驚架)。所以今次就試試新商場Vwalk 既峰壽司。適逢疫症既影響之下，衛生當然係考慮之一啦，一入門口已經有驚喜位。係門口既時候，姐姐已經截停我地幫我地量體溫同埋落酒精搓手液，細心體貼既服務已經加左分。之後帶位既時候仲安排我地坐窗口位，同其他食客都分隔得有D 距離，安排上真係令人好滿意(小小補充，可能午市時間仲未人多，所以我地可以享有咁既服務)。坐低之後，當然睇下餐牌先。見佢門面都有小小豪華，都預左貴小小，估唔到個午市套餐又幾抵食喎。除左主食之外，個餐仲包埋湯、沙律、炸雞，主食份量仲要唔係細，真係可以一個餐滿足哂你既營養價值。黑洞般既我地，點會一個午市套餐搞掂。當然要加番D壽司，滿足一下貪心既味蕾啦，所以我地點左：火灸三点盛、火灸蟹柳、火灸三文魚x 2、螃解羔醬及北寄貝沙律。壽司黎講只可以講還有進步既空間，同連所叫人加油果間都仲係差D(都係平心已論，唔想幫佢Promote)。特別想講下螃蟹羔醬呢客壽司，呢件壽司真係比到驚喜，蟹味濃不特止，仲入口即融，真係好值得推介大

今日去左新商場 V Walk行下街，屋企人想食壽司，就去左幫襯峰壽司😝平時間間分店都排長龍，今日早少少6點入座唔使排隊😉我哋點左《冬の極うま》系列嘅冬の六點刺身盛😍係6款刺身拼盤。帆立貝比較細粒無咁肥美~刺身蝦就好鮮甜👍仲試左蟹肉軍艦同蟹膏軍艦，蟹肉軍艦估唔到一咬落去有埋海水嘅鮮味但蟹膏軍艦反而無咁香同濃味~仲有點左個等等蒸蛋，原來係用蒸籠連埋個細爐熱住咁送上，入面都有少少蝦等海鮮材料，蒸蛋好滑不錯👍

所有的食材好新鮮，所有的服務員好好態度食客感覺好好下次一定要來沙津好新鮮、食物質素很高，贊贊贊員工效率高，很快便上菜。環境十分衛生、乾淨。位置舒適、環境優美，下次會再幫襯