峰壽司魚屋

營業中

休息中

放假同肥髀搵食，一定係要食壽司！呢間都係我哋喜歡去嘅！食物唔錯，但排長龍都幾卻步！等咗半小時可以入座已經算快！店內無迴轉，無列車，寫好手寫單落單後，食物好快到！壽司擺盤幾好，幾企理乾淨！挪威三文魚（$7）肥髀食峰玉子（$7）有燒埋店名上玉子度，玉子好像屋頂，下面有啲飯，玉子唔乾微甜，食到蛋香！北寄貝（$9）北寄貝彈牙！幾新鮮！千尋海老（$12）上面放咗飛魚子，卜卜脆鹹香，蝦肉爽口！活帶子（$28）嫩滑幾鮮，肉厚好味！加州卷（$18）一碟三件，飛魚子卜卜脆，青瓜爽脆，蟹柳正常，飯鬆軟！好味天婦羅盛合（$75）好豐富，即炸熱辣辣，炸漿薄脆，蝦肉大隻爽口，炸紫蘇好特別！飛魚子（$9）肥髀食北海盛（$48）賣相好靚三文魚子：鹹香好味！海膽：海膽無溶，不過味道唔夠甘香，紫菜爽脆，好味吞拿魚腩蓉：粉紅色魚蓉，打得幾滑，魚蓉肥美！紫菜爽脆！好味！八爪魚芥辣（$7）紫菜爽脆，八爪魚彈牙有咬口，芥辣味唔勁，鹹鹹地好味！波子汽水（$18）肥髀飲蔥粒吞拿魚腩細卷（$22）紫菜香，壽司飯鬆軟！粉紅色魚蓉肥美，一啖一粒剛好！抹茶麻糬（$22）外面包裹綠茶粉，麻糬煙韌！唔太甜好味！店員有禮斯文！

My Order:Lunch Set A ($58)Lunch Set B ($78)峰壽司的午市在銅鑼灣以這個價錢算很划算，午市套餐都包了沙拉和味噌湯。但午市套餐選擇不多。Lunch Set A 壽司用料算新鮮，但不要期待刺身是非常厚身，略嫌飯有點太大而且不夠醋味。但整體而言是划算，適合糧尾又想吃日本料理的人..Lunch Set B共有七款的壽司，美國卷做得不錯吃，卷物上搭配了不同的刺身，不會獨沽一味。

不得了的。峰今晚去左食峰壽司 一直都好中意既一間日本餐廳 不論係食物 環境定服務都高於水平 而且價錢合理蟹棒係次次都要叫兩round的 haha尤其係加左明太子醬個款真係不得了 好好食 魷魚係有韌道的 唔係出面個隻好爽好假即魷魚另外推介的有火龍卷 中間係炸蝦 上面配上鰻魚 鰻魚汁同埋蟹網子佢好貼心甘有六舊/三舊簡 方便多人小人都可以食温馨小提示 三點盛 不同既壽司係平過逐件叫小小的 hahaha如果三舊都啱食 不妨試試😬🤤🤤🤤

峰壽司下午茶時間～💕 平時黎食壽司食得多，下午茶就試下 mini 丼飯size細細份好的骰，正餐一定唔飽😂女仔當tea就岩岩好👅 個鰻魚好入味，雖然未係入口即化，但水準都唔錯

今日想經銅鑼灣，想食壽司，就入左去峰壽司，間野d壽司搞唔掂。1. 三文魚，呑拿魚，秋刀魚，通通食而無味，魚生唔新鮮2. 飯唔靚，壽司飯太硬，無飯味，而且縮晒水，太失望。熱食的炸物，芝士薯波味道不錯，可惜有點貴。

睇完戲黎食Tea，唔駛排隊！如果係假日黎呢到食晚市真係好多人，排隊排到怕！海膽同蟹膏軍艦係我必點壽司！LEE到有度到就係D野幾新鮮，D紫菜上到黎仲係脆GE！所以一上菜就要快手D食！蝦同帶子就正正常常！玉子壽司上菜時仲係好暖！冒哂煙！LEE間玉子壽司好厚，幾正！最後唔夠喉叫多左個卷物！叫唔知咩龍之卷，比想像中好食！上面係飛魚子同鰻魚，下面係D飯包住香脆GE天婦羅蝦，一大啖成舊食落去幾有層次感！係好食嘅！

其實平時經常性幫襯峰壽司 可以話係我最喜愛既壽司店之一每次黎食 三文魚腩既油脂簡直係極品 另外 火炙系列係不停encore再encore不過 我男朋友話 呑拿魚腩麻麻地 反而中腩好食d

放工同男朋友黎到銅鑼灣食晚飯 唔覺意見到呢間，勁多人等緊位，我地都等左好耐先入座。呢到叫野食係寫number向張紙仔到既，好方便。首先登場既係費城卷。睇落有啲散同亂咁但好好食，入面夾住三文魚同芝士係好match,芝士溶係口既感覺好正。跟住係軟殼蟹手卷同蔥花吞拿魚腩手卷。蟹炸得好脆同埋兩件食到最底都仲有餡軟殼蟹卷+龍之卷（創意手卷？）鰻魚ok呢個係節日限定唔記得咩名了。對了，餐廳定期會有不同的節日限定壽司 幾令人期待的。再來sashimi三盛合-都ok新鮮既

是日晚上，在皇室堡看完電影才吃晚餐。同一層，有一家以前經常光顧的壽司店--峰壽司。不過，多年前的兩家銅鑼灣分店結業後便減少了光顧。依舊，峰壽司還是人山人海，幸好早在看電影半場時，已預早前來取票，否則起碼需時輪候半小時。是日點了梅酒、三文魚丼（大）、迷你鰻魚丼）、迷你蔥吞拿魚丼和芝士年糕。峰壽司的選擇固然不少，但丼物也是不錯的選擇，魚生和飯的飯量倍增是較為飽肚的選擇。三文魚丼的三文魚片新鮮軟滑、醋醋也做得酸甜度平均。推薦指數：4/5有趣地方是丼物有大小之分，所以可彈性地選擇兩款細份量丼物，同時吃到不同口味。峰壽司的火炙鰻魚香濃惹味，但略為多骨。推薦指數：4/5而吞拿魚剁得鬆軟，而且魚身也帶油分，入口也會有一陣甘香。推薦指數：5/5至於梅酒收費$88一支，其實定價不算便宜。味道卻是意外甘甜，酒精的濃度也慢慢滲出來。在木筒內冰震，讓客人慢慢品嚐，也可以在最佳的溫度品嚐。推薦指數：4/5至於芝士薯蓉 ($26) 略為炸得油膩了一點，但軟熟的薯蓉與芝士交纏；芝士餡也呈拉絲狀態，非常味美。推薦指數：4/5峰壽司人流多，找座位是前來這裡最大的考慮。食物款式多、味道好，若能好好制定輪候策略，會是不錯的

於昨晚到皇室堡分店食晚飯, 刺身壽司不過不失, 唯獨是天婦羅盛合, 食材唔新鮮, 炸蝦係返炸嘅 , 蝦肉乾珍珍, 好似食蝦乾咁, 雖然蝦肉並冇壞味, 但令到我同朋友都食慾大減 ,本人都係第一次遇過咁嘅炸蝦, 希望佢哋回復以前嘅質素

There was nothing particularly outstanding about the food here. The sushi was the bare minimum acceptable - fresh enough but the seared sushi were not that hot and lacking in knife skills. Good thing it opened until quite late but service was a bit slow even though we went quite late.

性價比高，價錢偏向大眾化，座落銅鑼灣皇室堡商場，地理位置方便，唯獨是等候時間較長，服務態度認真麻麻但是日本菜最重要是新鮮，峰壽司總算合格值得推薦。特式：三文魚盛，刺身金盛

4:30PM先食完燒肉放題，夜晚都唔肚餓。諗住食壽司，清淡啲。挪威三文魚壽司 - 連D皮都仲未切乾淨，有渣，咁都可以上到枱火炙盛 - 三文魚、帶子、鰻魚，燒到魚生同飯都燶，苦苦地，壽司飯仲一夾散晒火炙三文魚白腩壽司 - 薄到個錢幣咁薄，仲要有渣三文魚麵豉湯 - 好咸，湯入面有兩粒三文魚火炙北海卷 - 味道OK，飯一夾就散火炙明太醬蟹柳 - 味道幾好食，飯未夾就散仲叫左海膽軍艦，等左好耐都冇，問先知原來冇落單，因為今日冇海膽喎，但冇人通知 白等一場。 咁既質素，人地$3舊壽司好過佢，起碼唔會未食就散晒。 利舞台妖怪壽司有半價，又唔駛等咁耐啦

在眾多的連鎖壽司店中，我就最愛峰壽司因為價錢合理，最重要是刺身新鮮近年來，峰壽司的分店都逐漸遍佈港九新界而我就最喜歡去銅鑼灣分店因為銅鑼灣分店為魚屋「TOTOYA」是壽司和吞拿魚料理的專門店，與別的峰壽司不同！料理更多之餘，還有其他分店沒有的壽司組合👀我是油甘魚迷，所以每次到壽司店，油甘魚都是我必食的😻鰤魚盛 ($90)鰤魚，其實即是長大了的油甘魚，肉質味道極為相似一客便有四片鰤魚刺身和四件鰤魚壽司鰤魚鮮甜甘香，真的是在眾多連鎖壽司店中吃過最新鮮的☺️手卷中我就最愛吃加洲手卷（$18）可能是因為裡面全部都是我最喜歡的食材，有蟹柳、青瓜、蟹籽，和多數其他同業都沒有的牛油果雖然價錢非常便宜，但蟹籽也絕對沒有偷工減料，完全把手卷面都覆蓋呢😍我就最喜歡和朋友各點幾「盛」，每人一客，比單點更平即使一個人黎食，都可以食到不同款式，完全切合各食客所需☺️北海盛（$42）一客便滿足到你3個願望而且價錢非常抵食🤑有些連鎖壽司店標價海膽一客兩件都要$40，非常昂貴但峰壽司卻以單一價格便可一嚐名貴的海膽、三文魚子和蔥粒吞拿魚腩海膽沒有多餘的腥味，食完齒頰留香三文魚子一咬開便魚油四溢，蔥粒吞拿魚腩吞拿魚味也不遜色

細個好喜歡呢間店大個左食番已經唔係呢個味道而且服務都大不如前d店員好似浮下浮下咁😅中午黎食午餐 價錢都屬高價三個人一人叫一樣葱吞拿魚飯不錯 葱又夠多😁飯粒都唔會好凍同好硬👍🏻魚生飯就一般般 好睇唔好食咁不過份量都足嘅兩份都有跟湯同沙律 都不錯😋家姐點左個炸魚餅烏冬 味道還好但好細碗😅單點嘅墨魚咀炸耐左好乾又無咩味怪怪的明太子沙律醬火炙蟹柳👍🏻👍🏻👍🏻蟹柳好甜同明太子好夾牡丹蝦都大隻不過唔夠鮮味