峰壽司魚屋

營業中

休息中

年青時光顧了好多年的壽司店，今次應該係隔左半年再黎食過，之前有試過去尖沙咀新港果間分店食過一次但唔會再有下一次，今次試返銅鑼灣分店呢間以前好多人等位，今次6點左右去排隊等左20分鐘左右，但整體上都比以前質素下降左，中toro壽司接受到水平但味道不出，海膽壽司唔敢係呢間叫上次中過伏，另外峰鰻魚比較好味、軟殼蟹卷比以前差左，三色蝦沒光澤不太新鮮其他壽司都保持比以前差一半水平，值得點讚的係墨魚咀揚物配合檸檬酸好配合。埋單2個人食左$380左右，食物價錢提高左性價比差左。今次之後應該又會一段時間先會再會呢間了。

2018年最後一日，在銅鑼灣慶祝新的一年，然而晚餐卻是難題！因銅記太多選擇，最後我倆選擇在皇室堡的《峰壽司》享用輕盈的晚餐。當晚當然要等位吧幸好很快便輪到我倆，坐在較窄的卡位，都沒有所謂。餐牌上的壽司、丼、拉麵，都顯得吸引經商議後，決定點一客迷你三文魚飯、一客迷你火炙三文魚飯、一客加洲卷，穩陣之選雖說是迷你，但相當飽肚$45 小弟收貨！你應當迷你三文魚飯，是一件極大的三文魚壽司去食便可以了頗新鮮的，加少許醬油食用一流小弟嫌火炙程度未夠強總有少許失望，但$45 就當吃一件大壽司，都無所謂的。賣相與餐牌差少少的加洲卷賣相雖不美，但內涵搭夠，牛油果頗香口。2018年最後一個晚餐，倆口子吃一頓簡單的清茶淡飯，便足以結束如像坐過山車的一年埋單不須$140，抵啦！

話說我有個朋友喺澳洲返黎，每次我哋都會去食餐壽司。但自從monster 執左笠之後，我哋就周圍去揾一啲平民嘅壽司店。無嘅，我哋兩條友又大食，又要選擇多，又唔想食得太貴，又未揾到一啲平又好食嘅小店，所以都係食啲連鎖店。講返啲野食。個friend 最鐘意食軟殼蟹手卷。雖然佢呢度炸得唔係好金黃(唔知點解比較深色)，但係個味係好嘅。佢無玉子燒，所以叫左玉子壽司，還可以。其他壽司就無影相，略為講下。個三文魚係正常。唔係好肥美。個鯛魚(我諗係鯛魚掛)較淡，唔太喜歡。吞拿魚腩手卷都唔夠肥美，軟殼蟹好味啲。凡立貝幾鮮，不錯。總括黎講，佢啲野算係鮮味，性價比算高。

今餐係自己的生日飯之一，同事推薦峰壽司，所以揀依間食（不過發覺好多同名既店，唔知係唔係去中佢推薦個間⋯⋯餐牌間間唔同，唔肯定係咪分店🤔🤔6點幾去到已經排哂隊要令飛（等成2x張）好彩前面有人走，等左差不多一個鐘先入得😭先黎到既係小食，蜆肉面頭既比較淡，食愈底既愈濃蒜香，不過比較細隻有佢個名既「招牌」玉子壽司，其中一舊個形散左，但味道好食，暖暖的，做到玉子燒的感覺👍🏻👍🏻 魚、全部都係三文魚！未入店就已被吸引，好多款唔同做法的三文魚料理，肉厚新鮮，超級大滿足！！！比較鍾意佢刺身，冇咁鍾意佢的灸燒三文魚，口感有差兩人台好細，上完個三文魚根本冇位放更多既野食，搞到要食快啲清啲位出來😢（定係我們叫太多😅⋯⋯刺身同壽司入面，除了佢的三文魚，第二鍾意就係帆立貝，好大隻好鮮甜🤤🤤，一啖食左好治癒。由未入餐廳到食飽埋單，外面都係排哂隊⋯⋯不過係值既😆

由記得第一次食峰壽司，就係係白沙道果間，都成2004年了，之後亦經常幫襯。果陣食平價日本壽司黎講，佢算係我食過最好味，性價比亦都係最高嘅。當然，時至今日，佢地都已經唔係白沙道，而我身邊亦多左好多日本壽司嘅選擇，所以都少左幫襯。今日心血來潮好想食，放工就專登走左去皇室堡買佢地既外賣食。叫左個2人前B，入面有海老，海螺，三文魚，三文魚腩，油甘魚，赤貝，帶子，蟹羔，葱吞拿魚腩再加埋阿囡話要食嘅玉子，蟹柳，三文魚子。我自己要加嘅峰玉子同葱吞拿魚腩軍艦。不要問我玉子同峰玉子的分別。這是尋找回憶的味道。😂味道當然無以前係白沙道食禁好食。不過，這是一種懷舊的味道。

前牌生左勁大粒痱滋唔單只食野痛連講野都會好痛食左幾日粥對為食既我真係好大折磨哩日拍拖就決定點都食d有多少味既野！諗下諗下有咩冇咁熱氣冇咁刺激就決定食日本野喇～男朋友話點個個甜蝦刺身黎凍敷下粒痱滋 比佢笑死唔腥幾甜 唔錯鰻魚同左口魚壽司 yummy!我鍾意佢個飯同刺身個比倒恰到好處要食d冇咁硬既野叫左吞拿魚飯卷清清地 又幾好味啵火炙壽司三文魚個醬我覺得太酸其他壽司都唔錯～叉燒我覺得太瘦湯底mama 地拉麵都有d硬

每次黎CWB 峰壽司店, 都必定要等30分鐘或以上, 但香港連鎖壽司店來說, 我必定揀峰壽司!!因為佢地壽司即叫即做, 壽司飯唔係機製 (所以有時比較散 haha)鵝肝壽司係必點!! 分量多, 鵝肝面燒一燒變得香脆, 入口即溶。吞拿魚3盛, 夠新鮮, 火灸三文魚同玉子, 沙拉醬好重手, 岩哂我口味鰤魚壽司魚肉最為肥美, 比油甘魚更鮮味

近來天氣依然炎熱，比較常光顧的就是壽司店。我經常也會光顧峰壽司，它的季節性餐牌總能留住我的胃！撇除seasonal menu，這照片裏的壽司便是我最常order。白色碟上的「龍之卷」包裹着炸蝦天婦羅，造成壽司卷，上面還置有燒汁鰻魚和蟹籽。而黑色碟上的「長腳蟹盛」，亦是我的最愛。包括了蟹膏軍艦、長腳蟹壽司及蟹肉軍艦。前面兩款十分鮮味，唯後者會比較乾身，稍為欠缺濕潤。右邊的吞拿魚茸軍艦、海膽軍艦和魚子軍艦也是正常發揮，尤其海膽更是鮮甜不帶魚腥，深得我心。

小編午飯時間喺銅鑼灣想食壽司，於是就試呢間位於皇室堡嘅峰壽司啦~午市套餐有多款選擇，主菜+小沙律+麵鼓湯，我就擇咗Set C-壽司盛宴🍣🔸壽司盛宴總共有12件壽司: 三文魚，三文魚腩，北寄貝，玻璃蝦，鰻魚，仲有呑拿魚及三文魚卷物😃壽司大小適中，飯團唔會鬆散，魚生整體新鮮，魚肉唔會有筋~ 🔸總結: 如比起元氣/千兩壽司，個人會推薦呢間喔!

星期五呢啲咁開心嘅日子，當然就係要食餐好啦。今晚去左銅鑼灣既峍壽司食下日本野見到個Menu嘅刺身，即時已經心心眼啦😍呢度嘅帆立貝刺身壽司，非常新鮮同鮮甜。帆立貝有個特點，如果唔夠凍會好腥。呢到就夠曬透心涼啦牛油焗帶子就食得多，牛油焗蜆都係第一次食，蜆肉比較細粒啲，冇咩蜆味，但牛油味好重同好香蛋壽司不嬲都係賣飛佛，但成日怕佢太甜，峰壽司既蛋壽司正正做到呢一點。唔太甜，又夠厚，直頭係得咁大個女食過最好食嘅蛋壽司呀。呢餐3個人食，大約每人都係100蚊炸。價格都好合理。

夜晚落住雨又唔想去太遠的地方食野，就揀左係皇室堡搵野食！星期日夜晚7點幾其實係銅鑼灣搵位食野係一件都幾困難既事。行下行下目測峰壽司應該可以好快入座，咁就企左係門口前面等左15分鐘就入座了。一坐低，二話不說，就先點了一堆三點盛，包括：貝盛，油甘魚盛，人氣盛。向來都係油甘魚控的我緊係第一時間先食油甘魚盛。蔥粒油甘魚軍艦既紫菜食落口既時候都仲係脆卜卜的，至於油甘魚腩壽司就夠哂新鮮肥美，刺身又唔會太薄，反而我就覺得壽司飯多左少少。

我同屋企人去完游水之後呢就同屋企人去咗呢間鋪頭，雖然皇室堡有好多唔同嘅嘢食嘅但係呢因為我地想睇戲啦所以呢我哋就揀咗最近皇室堡戲院嗰間嘅鋪頭食即係呢一間。嗰度嘅環境呢都裝修得幾靚嘅好似真係有啲日本裝修嘅感覺啦，服務態度亦都唔錯因為佢知道我哋趕住睇戲呢佢都盡快安排位置俾我哋入咗啦。咁講返食物嘅質素啦咁我哋就嗌左一個吞拿魚嘅拉麵我覺得呢個嘅組合係好有趣但係其實就有少少伏啦因為我生吞拿魚放係嗰啲拉麵度就有啲古怪。我以都帶咗個三文魚嘅飯咁係一個好普通嘅飯加嗰啲三文魚咁整體而言都係不過不失咁樣啦。另外呢亦都加多咗個壽司拼盤咁就唔同種類嘅壽司啦，但係作為一個好鍾意食蟹樓嘅人我就覺得佢嘅蟹柳比較假啦有啲似仿㙰柳嘅感覺。

今日特別想食日式野，見皇室堡樓上都幾多選擇就決定食峰壽司，之前都光顧過幾次，感覺比旁邊的和民和coco curry優勝🤩👍🏻我地6位係門口都等左15到20分鐘左右就入得尼到緊係要食魚生壽司🤪 見到三文魚啲紋路就知唔錯喇！三文魚厚度切得啱啱好，加上味道好新鮮，絕對值得一試❤️啲魚子口感好脆，粒粒都咬到卜卜聲，紫菜亦唔淋👍🏻👍🏻甜蝦係由三條細蝦而成的，都冇用冇筋，幾滑身😛淨係食壽司可能單調左啲 加返個冇咁生冷🤪 面頭既醬好好味，比火槍燒一燒過有陣陣的焦味，感覺更香口三文魚在熟與未熟食落有幾種層次😛

好誇張 可惜未影低 （皇室堡）話說 我點左份壽司set當我食第一件三文魚刺身 我發覺有一條毛！我就叫人 細細聲想解決點知勁激氣 聽到佢同師傅話 有條類似睫毛哦跟住佢收左 重點佢冇換一份 除非冇左條毛 我連塊魚生都唔知有無換過！我想問 講係睫毛？你就知唔係鼻毛？ 甘冷靜 我應該請你當場食左佢！一句道歉都冇 仲潤我一野 一流服務大家請睇真所食既野 唔知又有咩野毛加料我永遠都唔會再食峰壽司 一次難忘既經驗！

今日去咗皇室堡嘅峰壽司，點左好多壽司，例如有燒三文魚壽司、帶子壽司、吞拿魚壽司等等，每一種魚生都十分新鮮，尤其是吞拿魚壽司十分肥美。另外亦要了一客炸墨魚，雖然炸粉多少少，但係熱辣辣十分好食！食到飽一飽，和朋友最後埋單每人150 ,算是抵食！