山東餃子館

營業中

休息中

成十款餃子，我都係羊or牛，今次試左羊， 餃子皮唔厚， 羊肉份量算多，都抵食既。蝦水餃唔差既，但只屬普通，可能食唔慣蝦做餃子，加上無食到咩蝦肉，感覺一般麻醬雞絲粉皮出色之作 (起碼佢唔係用日式胡麻醬)，配上滑滑粉皮，我的最愛土豆絲我服了，竟然係烚土豆，再加少少辣醬，太無誠意了吧，細細碟，成$28

趁放假去花墟行，中午附近搵食，花園街呢段多餐廳，有啲想食餃子，就試下呢間。小舖一間，20個位左右，侍應老闆都似係北方人，會用普通話夾雜外省話溝通。服務一般般，落單都係自己寫紙仔再交單畀靚姐。餃子款式都算多有成10款以上，可選單款餃亦可雙併，但雙併要10隻計。主食麵飯、小吃都有唔少選擇。自己點左一客白菜豬肉湯餃10隻加雞絲粉皮。10隻餃子大小相若，有BB拳頭左右咁大粒。望落去皮薄隱約見到餡料。咬落去薄皮、滑溜亦偏軟腍身，餡肉味濃。未至於會爆汁，但都有少許肉汁流出。餡料豬肉無雪味，咬感肥瘦煙韌適中，唔會得散肉，亦都咬得到"菜渣"釀入肉當中。始終白菜味本身唔係重味，可韭菜、薺菜會食得到香氣。溫聲提示一下，呢度做法係淨水餃上，如果要湯記得講聲湯另上或連湯上，不過佢哋嘅湯並唔似附近出名餃子店係湯底聞名，只係普通豬肉湯味咁。豆瓣醬並唔算辣，個醋係黑醋嚟架，香味、酸度十分好! 至於個雞絲粉皮，份量上都無呃人，賣相都唔差。花生碎、麻醬、青瓜絲、雞絲及粉皮都有一個小山仔。材料應該係半準備好，由雪櫃拎出嚟再擺盤，並唔係原碟喺雪櫃拎出嚟，所以涼拌感比較好，唔係得個冰凍乾硬。雞絲量好足，夾親都有咁濟，而且個麻

又是星期日沒有工人的時間，這天不想走太遠，便光顧其中一間我們住太子較熟悉的店鋪:花園街的山東餃子店。太太算是這店鋪的長期支持者。第一，它的餃子算是多款式，有不同種類的餃，除了豬，還有牛及羊肉，除了菠菜，還有椰菜或津白。第二，它還有其他上海菜，例如這天我點的雞絲粉皮，雖然未必有＜翡翠拉麵＞的水準，但這種菜不是茶餐廳可製作出來。另外有荳沙鍋餅，也是不錯的甜品選擇。第三，不是所有餃子店都有奶茶沖!豆漿它一定有，但更有奶茶咖啡。食上海麵麵有咖啡飲，就如吃點心有奶茶飲一樣過癮。只想批評它的環境較狹窄，離門口最遠的一張枱太近店員收集碗筷的膠盤，不太衞生。

買下午茶餐外賣與門囗餐牌收費不同，每款收多一至兩蚊，外賣再多收每款一蚊，連罐裝可樂都要再另多收一蚊外賣費，向老闆娘反映，佢只係出去外面睇下餐牌，話一早改左價錢，但改在價錢點解會仍然用舊餐牌在門囗宣傳？是不是欺詐之嫌呢？下午茶餐凍飲加3蚊，但出單加4蚊，雞翼10蚊2隻，要收12，乜嘢店呀？服務差劣，永無幫襯。

入嚟食下午茶，五香牛肉麵$38，加多四隻水餃都係$12但係一上枱都幾失望，五香牛肉麵嘅湯底白雪雪，入口得浸鹹味，連雞粉味都冇。。。個面真係好淡水餃脹卜卜大大粒，好足料，都幾好食，但呢間似乎只適合食餃子囉飲品方面凍飲加$3，揀咗蜂蜜冬瓜茶，都幾好飲最令我難以接受，係佢嘅筷子匙羹好大陣漂白水味呢個年代仲用漂白水洗碗嘅咩？環境方面都坐得幾舒服，感覺都乾淨嘅另外大姐操流利普通話，好嘈收錢嗰個成日都唔係位 ，買單要罰企

晚上行到太子附近想食餃子又想食串燒，好似唔係好關事嘅兩樣野就喺呢間鋪搵到左😂餸子店環境一般都非常「家常」，呢間算係企企理理。韮菜餃唔記得左同佢講要煎，所以上左蒸餃，不過佢話唔緊要煎嘅都係咁整，所以就用同一碟幫我地煎返😂出到嚟嘅結果就係上面完全仲係蒸餃咁仲軟，只係個底被煎過硬返啲，如果一開始叫煎餃都係咁嘅質素其實唔多ok。但餃子皮同涵其實都唔錯，涵唔會過分結實同大舊，皮厚薄適中，涵同皮之間有足夠嘅位儲住肉汁，雖然質地因為返煎過有啲要蒸唔蒸要煎唔煎，但餃子本身係好食嘅~炸醬面構成極度簡單，一個肉碎炸醬同青瓜絲。個炸醬味道有啲淡，要加辣醬食先比較有感，唔推薦炸雞翼味道有種唔識形容嘅味，係一種冇食過嘅香料味？雖然話係炸，但外皮冇裹粉，入面亦唔算好嫩，整體係一個唔知點咁嘅雞翼，話難食又算唔上食左三樣野，都有種唔難食唔好食又說不上嘅感覺，有種唔係果樣食物應有味道嘅感覺，價錢正常，不過太子比佢好食嘅餃子店大有所在，都唔差在行多兩步食其他~