山東餃子館

營業中

休息中

店員態度極差，超級冇禮貌趕客。餃子so far so good，普普通通冇話特別好食，不過啲米線就林到好似煨麵咁。其實附近有好多好好食嘅餃子店，而且態度好好所以唔會再黎俾錢買難受！

話說夜晚入去食咗碗肥牛擔擔面，見到餐牌同張枱都有啲污糟，心諗算啦都入咗嚟食埋先走。碗麵其實唔差，花生醬好濃。食完夜晚都冇再食過嘢。到咗半夜4點，個肚突然痛到我醒咗，跟住就不停去廁所，最後屙咗四次，極度懷疑啲嘢唔乾淨，大家都係小心啲好🙏🏻

星期天中午，行完花墟就想食找間輕食坐下，不經不覺就行左去山東餃子店，諗住舊老店都唔會衰得去邊，點知，坐低就點左個下午茶餐係茴香餃子，熱齋啡，所謂下午茶餐係比正常平十蚊飲品加5蚊，一咬落去都唔知咩味，因為咩味都無，我心諗最低起碼都有小小茴香味，都只係我妄想，無茴香味無肉味，最後都唔知食左咩，跟住到杯咖啡，就唔洗講超難飲，係無飲到，浪費錢同食物既1餐，仲有個老板婆入餐廳罵人罵到走，你唔尊重你伙記，都尊重下d客丫，整到成個店好似死氣沉沉，得佢1個拆左個天

我喜歡包餃子又喜歡出街食，太子買完花就食一個簡單午餐，呢度餃子選擇多，又可以雙拼，也可可以放湯。我喜歡呢度香芹及白菜餃子，如果喜歡更濃味可選韮菜，佢哋肉同菜比例做得好，每一隻一定食到肉鮮味同菜口感。因為山東餃子🥟系比較厚皮，好飽肚，跟餐加$5就有豆漿。

路過花虛看到餃子館來吃，結果非常不愉快下一餐。環境不乾淨，水杯盤子污糟，服務員態度極差，不耐煩，呼聲呵氣，好似你欠他錢，餃子味道一般，和街市買的味道差不多，真不至於為了吃頓餃子來受氣。周圍食肆好多選，吃頓飯好受氣。不提供纸巾，不提供水也就罢了。卫生条件还不太好，好的饮杯上还有咖啡。

出花墟前順便速食一下,因為唔多見專賣餃子嘅餐廳,所以嚟咗試下~佢有好多款餃子選擇,除咗有最普通嘅白菜餃,韭菜餃之外,仲有我最愛嘅西洋菜餃,同埋唔常見嘅京葱羊肉餃同茴香豬肉餃~最後選咗西洋菜餃,同埋加咗三塊五香牛肉~本來以為佢會連湯上,但似乎只有跟麵嘅餃子先會有湯...餃子味道唔錯,菜嘅份量亦唔少~而五香牛肉滷得入味,又唔會太韌~不過總體嚟講,價錢稍貴~可能食上海麵類或者餃子加湯麵會比較飽肚同埋大份呱~

呢間話明山東餃子，都唔喺齋食餃子。仲有好多選擇。今次叫左外賣薯苗餃子、豬排麵同蔥油餅。味道整體不錯。薯苗餃子，餃子皮厚身，薯苗同肉餡一齊好夾，咬落去啖啖肉，加上店家D醋，中和餃子的膩，顯得十分和諧。豬排麵，豬排喺炸過黎，豬排唔會過分油膩，加上油麵襯托，湯底都唔會喺味精湯味，可以講喺清湯，但又唔喺寡啵，總之兩者夠我食飽飽開心蔥油餅估唔到喺餃子店最好食嘅其中一種食物，煎得啱啱好，金黃嘅外層，咬落去酥酥脆脆。下次會仔幫襯！

從太子諗住坐巴士過官塘，送車尾，等巴士時發現肚子有點餓，原來已中午12點，決定揾食後才撘巴士，於是又係是但求其吃。唔想吃飯，看見餃子店，餃子控又發作⋯⋯拎起點餐紙，可以選擇雙拼又不加錢，如果選價錢不同的項目，只加$2作平均值，算是合理。熱豆漿~跟餐半價飲品，選了低糖熱豆漿，未算太甜，以$5有如此質素，相當超值。津白鮮肉、香芹鮮肉各5隻~圓滾滾，熱騰騰，樣子可愛，味道雖然未算驚喜，但餃子賬卜卜也算不錯。羊肉串$28~吃完十隻餃子，未夠飽，再點一串羊肉串，端上桌時，未算太熱，為它拍照後，可能已經放涼，滴出點點血水，相信解凍時要做多點功夫了。整體來說店員有禮貌，點餐時很客氣，食店位置方便，天時暑熱，冇胃口，唔想吃飯的話，這裡也算一個好選擇。

出開嚟花墟買花，經過見到呢間餃子舖，就入嚟食個lunch，叫咗一碗西洋菜鮮肉餃子麵+一份西洋菜鮮肉煎餃子🥟+凍豆漿 ， 買單$106-黎到賣相正常，每隻餃子包滿滿嘅肉，但落埋辣椒油我都覺得冇乜味，總結1. 餃子冇味，2. 辣椒油唔夠辣 ， 3. 麵煮到一嚿嚿，剩食餃子算😔服務阿姐比較粗聲粗氣，同埋心急，係咁催人落單☹️我有啲食客第第一次嚟，唔識睇張點心紙點填，填錯阿姐就反眼+好晦氣🫣喺太子呢啲咁多食肆嘅地方，咁多選擇，呢間可一不可再～ 👋🏻

星期六係太子附近，因為阿女好想食餃子麵，所以就去買外賣，叫左個韮菜餃子麵，點知收到淨餃子，咁我就話我要餃子麵喎，個大陸口音女人就話我無講麵，係咁話我無講清楚，話我無講麵，張單係寫餃子，佢淨係收我淨餃子嘅錢咋，一論咀咁話我，我都無出聲回應佢，大佬呀，我都無講客人永遠是對的，如果你態度好啲，我買多個淨麵有咩所謂，講真又唔係話好好食，環境又窄又暗，態度又差，只係附近無得揀咋，咁嘅態度真無人會回頭食囉，買個外賣都一肚氣

行完花墟肚餓到極點，求其搵間食肆走入去，點知就中咗伏。個擔擔麵上面嗰「舊」肉碎球（已經唔係肉醬），睇落已經感到奇怪，因為係淡青色，食落…硬嘅，凍嘅，但啲麵係暖。D肉碎用筷子攪極都唔散，成舊咁，從來未食過咁嘅擔擔麵，完全無心製作。個羊肉串出奇地鹹，除咗乾同鹹已經食唔到咩味。

聖誕節🎄本來開開心心！因為唔太肚餓，想食少少野，見唔多人又有位，於是入去一試，點知中伏之餘食到一肚氣🔥🔥😤。有口音的女員工態度極差，我哋叫咗5隻「韮黃蝦🦐仁水餃」加5隻「蕃茄🍅豬肉水餃」及酸辣湯麵丶油菜丶可樂！由於如雙併選蝦水餃併係貴啲！不過冇所謂啦，想食！點知黎到一路食都只係得「🍅蕃茄豬肉水餃」，其中連食兩隻仲要係「🌽粟米豬肉水餃」？感覺奇怪？🤯於是乎同女店員講，點解冇蝦🦐肉🥟係入面? 佢即刻大大聲話：🗣🗣你叫雙併麻，實有架！你整開佢睇下啦！😳於是乎我哋係佢面前整開曬啲水餃比佢睇，當時碟上面只剩下四隻，整開曬得兩隻有蝦🦐係入面，我哋咪話10隻得兩隻係蝦🦐🥟？你哋撈咗其他餃🥟入去！😠我跟本冇要「粟米🌽豬肉餃」？食都食得出啦！大佬⋯！😠佢仲好大聲話你地叫雙併麻，更有其他餃? 唔知佢up乜春？！😠我於是話費事同妳嘈！想快啲食完走人！😤🔥之後⋯😤😡佢好串話比返兩隻蝦🦐🥟🥟我哋啦！⋯我哋更係唔要啦！🙅🏻‍♀️🙅🏻‍♀️🤬垃圾級員工，冇服務仲要咁惡對顧客！有冇食過水餃叫客人整爛曬比佢睇？痴Q線！🤬冇下次啦！👎👎👎👎👎💨💨💨💨😡😡如果服務可以比0分，我一定必需要比0分呢間野！

🍽️牛肉餃👀味似點心牛肉球，但口感就實d，似牛丸😍🥄春卷好細條，熱辣辣 ，都夠脆，但唔好食，食之無味👎🏼🙃🥄蕃茄餃👀蕃茄夠酸，食落幾得意👍🏻🥄津白餃👀津白夠甜😀🍴豬扒🤟🏾薄，唔脆，味唔會過咸，但都係食之無味，唔推👎🏼🍴雞扒，脆，但有d咸🍽️湯底係奶白色，但無豬骨味😂👎🏼

#大姐山東餃子館求其夜晚搵咗間野食飯真心講坐真係唔係好舒服真係冇期望嘅一間餐廳價錢我覺得好相宜兩個人嗌左咁多嘢我覺得個土豆係好爽口啲餃子呢我覺得真係唔錯佢有啲屋企嘅味道 個酸辣湯 唔似出面嗰啲咁重味精個豬扒麵就係豬扒囉冇乜特別😂我覺得呢度係一間性價比唔錯嘅餐廳 唔期望就唔會有失望真心講都唔錯㗎🤚🏻真心可以試吓！打工仔之選👏🏻👏🏻👏🏻#太子美食#太子餃子山東餃子館地址:太子花園街224號C地舖

太子旺角區午時繁忙，餐廳爆滿，在所難免。疫情下，減少堂食，外賣是唯一出路。結果，山東餃子店令你一次又一次失望。食物質素固然重要，餐廳營運必需良好服務配合。準確提供顧客點餐食品是餐廳最基本服務。我相信沒有其他食客會反對我這感覺。偏偏山東餃子店竟然做不到。我們已經不是第一次光顧外賣，每次點餐4至5碗。餃子所有食材由餃子皮包裏，單從外表，食客無可能從餃子外貌說清是怎麼餃子。外賣亦無可能全部人也吃同一款餃子，每人各有喜好。第一次點餐時，收到外賣，外賣碗上沒有標示每碗是怎麼餃子麵。吸收經驗，第二次點餐，致電外賣時已提醍職員在外賣碗上寫明是怎麼餃子麵。結果，收到外賣，又一次要靠自己估今日食乜野餃子。我們致電回舖反映情況，接電話職員冷次回覆：「當初接單的不是我。你可以試下每碗咬開餃子，咬開菜西洋菜餃會怎樣... 韭菜餃會怎樣....」 需要你每碗餃子咬一口試餃子，好運，你可以全碗同一款餃子。經常，點了西洋菜餃麵，當中卻夾送你韭菜餃、芹菜餃。最後可以怎樣 ??只能慨嘆，附近還有怎麼外賣選擇......