山東餃子館 (已搬遷) 新店位置

一家人諗住搵餃子食，之前經過見到幾多人排對，就諗住過來試一試，點知未點菜有個好冇禮貌40歲左右既男伙記用非常差既語氣話我個"背囊佐鬼住哂“，之後仲頂多幾句，佢就話“我係咁冇家教格啦”，聽完呢句說話，我諗冇乜邊個可以就咁算，呢啲情形，冇拍枱已經算比面，我話要搵佢老細出來，佢就話佢唔敢搵老細wor，到左呢個時候，真係怒火中燒，一行7人，有大有細，真係唔想嘈，唯有走人，老實講，小弟真係見識少，冇見過呢的咁既餐廳伙記，亦冇諗過寫食品評，今次唔寫唔得。

水晶餚肉望落去已經覺得好足料，而且好厚切，應該有1.5-2cm厚。咬落去味道剛剛好，唔會太鹹，我之前試過另一間的水晶餚肉非常鹹，食一塊就要飲一杯水。不過而家係冬天，所以都係食返熱的食物開心一點。另外點左煎餃，有好多款口味可以選擇，每一隻都煎得好香好脆，表面係金黃色好靚。裡面餡料都好多好足料，又有肉汁。水餃皮厚度都可以接受，如果可以再薄一點會更好。鍾意食餃子的話仲可以買店家提供的生餃子俾買返屋企自己整。

天氣寒冷，寒風襲港，上班受了氣，諸事不順利，真想降溫又降火氣。午飯時間該是最放鬆的時候，與其頂着寒流在街上找餐廳，再匆匆趕回公司，朋友介紹附近有間餃子店。出餐快，暖氣重！ 一來，我已經點了雞絲拌麵，舒舒服服坐着吃，掃走煩悶。這個拌麵一流，份量適中，味道濃而不過，麵條爽口，雞肉嫩爽，整體都很好，再加多一份餃子🥟。上班受的氣一掃而下，回味無窮。 還有很多特色選擇，都是來自中國特色美食。不愛吃雞的朋友，沒關係！ 還有很多樣同事們吃過都係好評👍🏻 餃子一定要吃，皮薄餡靚，多汁鮮甜！

最近天氣驟降，心情亦變得有點冷下來，這時候，一定會想吃一些暖入心的東西，不然，手腳會變得非常冰冷，四肢發抖。這天的中午，當同事們料吃什麼的時候，各有不同的意見，還是提議吃平常吃的那些，所以今天想試一些未試過的餐廳。那天，突然經過一間店，穿出大量暖氣，香噴噴的餃子味，在寒冷天氣情況下，立即決定就入呢間餐廳。裝修簡樸得來純潔，亦帶點小時候內地生活吃的特色小菜的店。看完餐單，我點了一個擔擔麵，很快就來到，煙霧離漫，香噴噴，亂粒粒。急不及待要吃筷了。擔擔麵，麻醬辣油，濃郁鮮香，香辣開胃，每吃一口，都叫味蕾跳躍起來。最重要的是，在這寒冷的天氣下吃相戀戀的擔擔麵，感到非常溫暖窩心，令下午的工作都充滿着熱能。未來，也成為了我和同事們午餐的地方。

今日個appointment 取消左，甘開心既事梗系要搵d好野食賀一賀佢拉，想食d中式野，見到間餃子店，好似又幾好，諗都五諗就入左出，環境好鮮明，睇個menu就覺得冇揀錯，今日點左一份蕃茄餃子同西洋菜餃子，夠曬健康，岩曬減緊肥既我，都幾特別既配搭，餃子識食既梗系食煎餃，餃子皮好薄，睇得出師傅用心制作，功力五淺，煎出來果種香口，配蕃茄好juicy , 咸中帶酸令人口水直流，胃口大開。配西洋菜就好有田園風味，平時好少食菜既我都好回味，下次帶多幾個朋友來幫襯

星期六梗系要食得好d豐富d，太子搵食期間，發現左一間中國地道傳統餃子店，裝修簡約純樸，實而不華，tea time 兩條友都忍五住嗌左四個餸，醉雞、酸辣湯、涼拌海哲，擔擔麵，望張相都覺得正，冇計拉。醉雞五會只著重多酒味，雞肉嫩滑五鞋，酒的適量好帶得出雞的鮮味。酸辣湯好開胃，五似泰式冬蔭功，keep 住都想繼續飲，酸辣調和得好平衝，值得一讚。凍食我都ok，我個朋友就勁中意，五停甘食，好似驚我會同佢搶甘，最多咪叫多份😂擔擔麵我至愛，麵質彈牙，麻醬辣油，濃郁鮮香，完全想飲埋個湯🤣

見網評唔錯， 結果中伏了。寫好點心紙， 有個類似老闆的人看見我舉手也不理會。結果等了10分鐘，才有人收單。點了兩樣菜山東燒雞 - 冷的， 十分柴皮， 中伏之作白菜馬蹄餃子 - 白菜馬蹄太多， 豬肉太少。同枱有其他人一齊食結果 有個類似老闆的把餃子送給其他人， 別人說不是他們。 然後我說應該是我的 結果那個類似老闆黑臉說了一句「係你又唔出聲！ 」客人黎消費不是來受氣的！ 上錯菜比客人已經不夠專業， 還要將責任推卸比客人。以後無下次 ！

適逢又踏入番讀書既日子，又番工又讀書真係非一般既忙，今日同同學傾完project，諗住大家食完野就番去溫書趕project，朋友介紹話呢間d餃子好食，咁就跟埋佢去試下，鋪頭裝修唔係特別靚，都係地道小店既樣子，朋友話呢到d野大件又抵食，其實我成日都無食過野好肚餓，就想叫個豬扒麵！而朋友就叫左香芹餃，一黎到見到兜麵好大兜，仲要有好多菜！依家出去食飯好少地方會比咁多菜，豬扒都好大塊，醃得好入味，係真係幾好食！朋友果然無介紹錯！😏

呢間餃子🥟店，係我地誤打誤撞行行見到，我地去到既時候已經係1:30左右，門外依然有好多人等位，對於鍾意食既我，係唔係會怕等位，等左一陣就入一去。入到去都有好多唔同種類既餃子，我地今次就揀左蕃茄鮮肉水餃麵、同雙拼煎餃（白菜馬蹄、香芹鮮肉）由於番茄🍅鮮肉水餃需時較快，所以早先黎到。起初，覺得用番茄包水餃有點怪怪既組合。但咬完一啖之後，就好有驚喜。味道非常夾之餘、番茄味好出。真係好好食。之後黎左個擔擔麵，我個人唔太鍾意食擔擔麵既花生味。但我朋友覺得呢碗麵都好好食。 最後，終於到我最期待既煎餃，每一隻都煎都好脆口、裡面餡料都好足、又有肉汁。不過，水餃皮略嫌太厚，如果再薄身一點點，就會更好。順帶一提，呢間餃子鋪真係人手一隻隻咁包。仲可以買生餃子返屋企，自己整添

早2日去完花墟買花之後實在太肚餓，忍唔住係附近搵嘢食醫肚。原來太子有好多美食，真係令人花多眼亂，最後揀左呢間山東餃子店，因為有我好鍾意既酸辣湯麵同餃子😍由於實在太肚餓，所以個餃子無影到相就已經食完哈哈。餃子有好多款選擇，皮薄餡多～酸辣湯麵一開頭見到個價錢唔係好貴本來以為唔係好大碗，結果一黎到第一個感覺係物超所值！因為裡面有超級多料，好正！個湯底酸酸辣辣好開胃，唔會過份辣所以好適合香港人口味。麵條吸收左湯底的酸辣味，好入味，真係忍唔住一口接一口。而且而家開始秋天，食完真係感覺暖笠笠得黎又唔會辣到出汗，very good！鍾意食酸辣既人應該會好鍾意～

前幾日趁放假去左太子探阿嫲，下午見餓餓地就同左細佬落街食下午茶，去左附近呢間山東餃子店😂 見都幾多人，所以試下啦！我叫左 津白鮮肉水餃麵😊 想食得清淡啲！麵條好彈牙，唔會太林一pat pat, 最好食係津白鮮肉餃，皮唔厚，津白配肉加湯，一啖過，好清新！湯唔多味精，食完唔口渴👍🏻 讚！至於細佬, 就叫左西洋菜鮮肉煎餃🙈 佢本身鍾意食西洋菜，所以一見到就叫左！我覺得幾有創意, 因為坊間西洋菜餃好似冇乜地方有🙈🤣 一上枱, 就聞到好香嘅餃子味，可能煎過，所以食落好香口，西洋菜 “chok chok”聲，香味好岀，可以煎過，我覺得比湯餃更好食✌🏻😂 忍唔住食左幾粒🤭 整體來講, 幾滿意！

琴日行完過花墟果邊買野，見肚餓，諗住搵間近近地既餐廳填左肚先，順便下午繼續血拼買衫換季😌由於時候都唔早，望一望個鐘都已經2:25分，店員一早放好左下午茶優惠比我地，我叫左西洋菜餃，朋友叫左羊肉餃！估唔到佢d餃子咁大隻，我平時都好鍾意食餃子，好少見到咁大隻咁足料，咬落去見到西洋菜之餘仲有多多肉，配埋西洋菜既肉汁就好香👍🏻朋友叫既羊肉餃都好正，本身我怕羊肉太蘇所以唔敢叫，但佢既羊肉食落都幾嫩口，都幾新鮮，仲要下午茶真心抵食！岩晒我呢d窮學生😆

小時候的我每次幼稚園放學都會到一位山東阿姨 家裏等媽咪放工，這位山東阿姨好好人，每日都會做好好味的餃子和麵條給我吃，所以我對餃子都有一份情意結。 星期六晚上行行下街見到有一間山東餃子館， 突然令我諗起山東阿姨的餃子，所以立即入去尋找返小時候阿姨煮餃子的味道。 小店入面餃子款式選擇算多， 還有小吃類和串燒等等， 我今次點了雙拼餃$44 (香芹鮮肉餃子& 牛肉餃子)， 炸醬麵$42，五香牛肉麵$46，羊肉串$24，凍豆漿$10，熱柚子茶$10。香芹鮮肉餃子的芹味好香，皮薄餡靚肉汁juicy。牛肉餃子反而吃不到牛肉的鮮味，感覺普通。炸醬麵的麵質煙韌彈牙，但是肉碎沒有味道。五香牛肉麵的牛肉都算林，麵的質地和炸醬麵的一樣。羊肉串比較細串，沒有羊肉的騷味，椒鹽粉多。熱豆漿味道正常， 但是熱柚子茶實在太淡了， 好似白開水多少少味道這樣。整體來說小店細細間，但都算乾淨整齊，餃子的味道中規中矩。

放假去咗太子附近學英文，放學之後經過酒吧街附近諗住搭車嘅時候見到呢一間山東餃子鋪，見到就肚餓啦，諗住填一填肚，所以行入去✌🏻地方唔算好迫，而且有得食下午茶餐✌🏻我叫咗韭菜豬肉餃，因為天氣都幾熱，所以加咗杯豆漿，同埋叫咗至愛嘅金玉滿堂豬肉餃，其實係粟米黎✌🏻✌🏻韭菜豬肉餃一出場就已經好香，而且好大粒，食落去韭菜同埋𥚃面既肉都好濃味👍🏻 而且皮好薄，一啲粉感都冇，啲香味滲晒出嚟，我有幾次咬唔切就吞左，追住食😋 再配埋豆漿一齊，感覺好消暑👍🏻至於粟米肉餃子，粟米連肉碎一齊食，超有口感，粟米好甜又入味，一啖咬落去就出汁！而且有一種清新感，啖啖肉當中多一點健康嘅感覺～正！整體來講算唔錯，本身諗住填下肚，但係果然有驚喜😍👍🏻

其實平時行經太子也會路過此店! 但之前一值未有機會入去食野!! 今天同事食神建議到此食tea, 所以有幸首次來此用餐!!!一個下午茶餐由36至40元不等, 凍飲加3元!! 價錢不算貴!!自己喜歡比較傳統, 所以叫了韮菜豬肉水餃！ 而一大班人的好處就是可以大家互相交換食物!! 所以今次也品嚐了素餸和白菜豬肉餃！同事覺得素餃好好食! 不過自己還是喜食有肉味的水餃！始終味道會比較濃和香!! 此店的水餃雖然不是上佳之作, 但都不算太差, 水餃的餡料味道不錯, 但肉味不夠香, 仍有改善空間!! 至於杯凍檸檬茶, 算是合格之作!