山東餃子館 (已搬遷) 新店位置

前幾日趁放假去左太子探阿嫲，下午見餓餓地就同左細佬落街食下午茶，去左附近呢間山東餃子店😂 見都幾多人，所以試下啦！我叫左 津白鮮肉水餃麵😊 想食得清淡啲！麵條好彈牙，唔會太林一pat pat, 最好食係津白鮮肉餃，皮唔厚，津白配肉加湯，一啖過，好清新！湯唔多味精，食完唔口渴👍🏻 讚！至於細佬, 就叫左西洋菜鮮肉煎餃🙈 佢本身鍾意食西洋菜，所以一見到就叫左！我覺得幾有創意, 因為坊間西洋菜餃好似冇乜地方有🙈🤣 一上枱, 就聞到好香嘅餃子味，可能煎過，所以食落好香口，西洋菜 “chok chok”聲，香味好岀，可以煎過，我覺得比湯餃更好食✌🏻😂 忍唔住食左幾粒🤭 整體來講, 幾滿意！