山東餃子館 (已搬遷) 新店位置

收工已經好夜，夜媽媽好多餐廳都閂晒門，望到呢間山東餃子館仲開緊，又好耐冇食過餃子，所以就入去試下望下個餐牌，選擇都好多，有餃子，涼拌小食，串燒，仲有糖水，真係應有盡有黎到餃子館又點可以唔食餃子，由於西洋菜餃真係好少地方有得食，所以一於食西洋菜餃麵$44皮薄饀靚，仲好多肉汁呀，好香西洋菜味我幾鍾意食佢個麵，煙煙韌韌，好有口感，個湯都唔錯，唔會好多味精與其又飲凍飲，不如食個木瓜桃膠白合蓮子糖水，好足料，又唔會好甜，食完養顏又滋潤總括黎講好滿意呢餐餃子，原來都有幾間分店，下次一定要再黎食餃子呀

山東餃子稱霸皇下午茶，約了豪霸，他不喜西餐，更不好日式，行行下，來到山東餃子，已被一碟碟的餃子香進攻我們鼻子，陣陣餃香，好有山東味道，豪霸哥，雙腿已轉向餐廳門口，我仿如心電感應般，右手已為他推門，剛巧情深深，雨朦朧，為這頓下午茶增添淒美詩意感！叫了以下東西:1.西洋菜豬肉餃: 熱騰騰的餃子頭頂冒出絲絲輕煙，配上香醋汁，筷子已急不及待夾上，放入口裡，細細的西洋菜混上香豬肉，一咬肉汁菜汁四濺，口腔的擺動已令精明的舌頭分不出誰能爭峰了！各有千秋，兩個字:新鮮！2.煎羊肉餃: 目測餃皮好香脆，不規則鋪在白碟上，羊味已很香濃但不酥，一口咬上，從此傾情！不能回頭，怎能回頭？此情此境山東餃子也！3.酸辣湯: 大大碗，分成兩碗，豪霸哥用湯匙攪勻，試了一口，酸辣合宜，又能刺激神髓，冬姑絲也很有咬口，滋味十足！4.醉鷄: 一小碟的醉鷄，酒味撲鼻，有怡情作用，鷄味濃也滲入淡而香的酒味，我知豪霸哥已再一次被俘虜了！

行經花園街買花盆，買完就搵食～ 話明山東餃子，餃子好食鮮味唔洗講～ 最神奇嘅係竟然有老火燉湯同滋補糖水呀嘛～平時都無咩湯水，咪嗌個原盅花膠響螺燉雞湯飲下囉～ 一打開蓋，香氣撲鼻，再望下就見到盅內勁多料，花膠響螺, 大件雞，仲有金華火腿、龍眼、淮山... 好誇張🤩 侍應仲比左枝鹽，話想鹹d可以自己加～ 我梗係鐘意原汁原味啦，老火燉湯，材料十足已經好夠味，完全零味精，滋潤養生～ 無住家湯嘅人可以嚟補補～另外值得一提嘅係手撕雞加拍青瓜～ 嗌左碟嚟做前菜，手撕雞味道令人驚喜 😍 入口陣陣煙薰香，係心機之作，令人食唔停口 😂 其他餐廳通常都係清蒸手撕雞，呢度煙薰都係第一次食，好好食😋食飽飽梗係要食甜品啦～ 唔洗周圍騰，即刻食埋木瓜桃膠百合蓮子燉糖水 🤤 原來一樣勁足料❣️ 仲要$26咋，超抵～ 識食一定食熱嘅❣️❣️❣️ 怕熱食凍都得～ 木瓜糖水甜度剛剛好，桃膠蛋白豐富，補充骨膠原；木瓜維他命C高，對皮膚抗氧化能力好；百合蓮子冰糖又滋蔭。食完即刻又靚左 😂😊

打算去花墟買花又未食晏就走左去呢間位於隔離街嘅《山東餃子館》食嘢。鋪頭唔算好大，牆身以淺黃色為主，但環境整潔度一般。餃子方面都有幾多種口味選擇，我點咗五隻茴香鮮肉味餃子 ($24) + 五隻西洋菜鮮肉味餃子 ($22) + 一杯熱豆漿 ($10)，一共$56。等咗十分鐘左右餃子就上枱，用隻唔係好大嘅碟裝住，一望就覺得份量比較細，餃子感覺偏細隻。茴香鮮肉 - 餃子皮口感爽身得嚟好煙韌，食到茴香味又食到豬肉味，豬肉都幾鮮嫩，入面仲有啲肉汁，味道唔錯。西洋菜鮮肉 - 餃子皮口感同茴香餃子嘅一樣，西洋菜爽口，同樣食到西洋菜味同鮮豬肉味。熱豆漿 - 甜甜地，有D豆味，但唔係好濃。呢餐餃子味道都可以，不過因為份量細，食咗$56都唔飽，而且餐廳整潔度一般，所以整體感覺偏貴。

One of my favorites is dumpling.  They offered a vase variety of ShanDong dumplings with or without noodles, 1 or 2 kinds in a dish.  They were tasty.  ShanDong style side dishes are also provided.  I ordered a dish of black mushrooms but to my surprise, it included peanut and cucumber.  Quite spicy which you need to take care.  They also offered 2 types of chili sauce.  Small restaurant which you don't want to stay for a long time, especially approaching peak hours.

今天下午到了山東餃子館吃午餐，當時12:15左右，店內唔算好多人，服務員態度有善，餐廳環境都算舒適，餐牌上種類選擇很多，最後選了韮菜豬肉餃麵，製作時間大約5分鐘左右，見到隔離枱座著的都是韓國🇰🇷及大陸旅客，令我好期待食物來臨。首先，份量大小適中，如果男士吃的話，就未必夠飽肚啦，餃子有5隻，🥟餃子size唔算話好大隻，味道還不錯，皮薄餡靚👍🏻麵質粗幼度中度，白菜仔新鮮沒有爛葉，湯底都係偏向清淡的，下次有機會，會再試試其他餃子

有朋友介紹佢話呢度嘅水餃同埋麵都好好食，一直都係相信呢位食客嘅口味！一個周圍捐窿捐啦搵好嘢食嘅人，佢介紹得嘅嘢應該都有返咁上下水準！入到去餐廳已經聞到好香嘅餃子味，叫咗一份韭菜餃另外再叫咗一個麻辣牛肉麵！我想講你個麻辣牛肉麵真係超水準，估唔到喺太子區嘅一間小店都可以食到咁色香味俱全嘅牛肉麵！本人算係好食得辣嘅人，但係佢嘅麻辣主要都係麻既香味為主要唔係嗰隻頂唔順嘅啦，所以越食越滋味！另外佢嘅牛肉同佢湯底好夾，牛肉又唔會太肥唔會太瘦所以入口嘅口感非常之好！所以非常值得推介👍🏻希望店主可以保持水準，下次再試埋其他款式❤️

話說朋友話食過呢度嘅麵好好食，本身都冇乜太大期望，因為都係覺得麵都係冇乜特別姐😂點知真係好唔同！記得細細個去北京旅行嗰陣食過一個打滷麵，雖然只係湯同埋面嘅結合，但係已經好食到好難忘！咁岩入到黎見到有一碗北方打滷麵，所以就忍唔住想回味一下！成碗面嘅精髓在於湯底，再加上佢嘅面爽口彈牙，真係一絕😍😍再加埋上面有啲健康嘅雲耳青瓜等等，成個感覺都好健康，哈哈搞到我忍唔住差啲成碗湯都飲晒另外在叫咗一個麻辣土豆絲，呢度嘅麻辣住得好好食，麻香味比較好濃烈，另外我叫嘅係小辣，所以唔會有一種好辣嘅後勁！再加埋爽口嘅土豆絲，所以真係非常好☺️整體而言都係一個食lunch嘅好地方🤣🤣

話說咁啱有一日去咗太子區，突然好想食上海野！🤤🤤本身冇乜所謂就是但行左入一間鋪頭食，見到佢嘅煎餃子賣相都幾吸引，同埋一入鋪頭就已經聞到好香嘅煎餃子嘅味道，所以本身冇諗住叫都想試吓！😍上碟嗰陣已經聞到好香！同埋呢度包嘅餃子同一般出面食嘅有少少唔同，呢度嘅皮剪得比較香，可能因為真係即叫即做！出面嗰啲個樣係脆但係其實咬落去都冇乜香口嘅感覺再加上呢度嘅料好足夠，真係咬落去會食到起搏喊靚再加上外層煎香咗有少少脆口所以令人特別想食完一粒左一粒！❤更重要嘅係佢保持到入面仍然有足夠嘅肉汁！果然係臥虎藏龍嘅一間好好食的上海菜！

年近歲晚，花墟一带人頭湧湧，而花店係舖頭外面攞滿貨物，弄到人車爭路。我和太太在這裏行左一陣，因太多人，好難入店舖選購年貨，於是行去附近食晚钣。刚啱行到山東餃子店門口，祇有二人等位。不到一會，我哋可以入座。白菜馬蹄鲜肉及香芹鮮肉雙拼餃 - 二款餃子食落口沒有多大分別，但二款餃子肉質好鲜味，餃子皮亦很薄，一口食哂十隻，好滿足。韭菜餃子湯麵 - 個人覺得韭菜最夾做餃子餡料，好味。湯麵似上海麵，麵質唔錯。湯底好清甜。

山東大媽燒餅我以前食過，不過吾在香港，今次食山東餃子🥟✌🏻都幾多人，很幸運我們一入到去唔使排隊就有位，我們坐下點餐就有好多人排隊等候，幸運早他們幾分鐘門口沒有什麼特別價錢也算合理先來個山東手撕雞大家千萬不要點😭😭😭我食一囗，凍冰冰😭😭😭凍的滷水雞肉、雞肉吾滑😭😭😭傷心💔餃子㸃了兩種，一種係羊肉餃子🥟另外一種是白菜豬肉餃，味道不錯👍🏻👍🏻👍🏻這個大家值得去食🥰羊肉串,燒得好香，好好味，肉吾會硬剛剛好👍🏻👍🏻👍🏻又有香味。下次來識得㸃這個😊

和友人路過，所以就走左入來一試，叫了以下的四樣食品，包括：水晶餚肉 / 白灼蕃薯苗 / 老醋木耳/西洋菜鮮肉餃，餚肉味道不錯，蕃薯苗都算鮮嫩，木耳就是是前菜的味道！餃子🥟味道唔錯，如果皮可以薄一點便更美味總括來說是可以的

下午5點幾經過花墟一帶，想吃個下午茶，天氣凍凍地想吃些北方食物，結果就來了這間餃子店。下午茶餐幾抵喎，三十幾蚊連飲品。今天想過一個Green Monday，就點了個素餃，餐飲叫了蜂蜜薑茶。等了一會，餃子及飲品同時來到。餃子每隻都漲卜卜，好幸福的樣子，一口咬下去，這餡料的味道好熟識！啊！是在齋鋪吃過的味道！今天就是想吃這種味！另外餃子皮也不錯，應該是自家搓的吧。八粒餃子一瞬間被我消滅，非常滿足！再飲埋杯蜂蜜薑茶，暖笠笠地離開餐廳。

早輪忘得滯！而家先補射番！收工餓到飛起，諗住食川之味，要排隊，咪行去隔離街試其他，見山東餃子館唔駛排隊，咪入去試吓，原來唔駛排隊係有原因架！我叫咗雞絲粉皮、10隻餃、擔擔麵；係D餃子食得吓人，粉皮...水到呀😰，碗擔擔麵D湯又唔熱，D麵又硬都唔知有無煮過就上枱，我同個侍應講，佢答：你要淋D呀？我同佢講：「我要熟呀！」最後我換咗個豬扒麵，點知個麵又係硬既仲黐埋一舊，我嬲得滯走去埋單，最後應該係個老細無收我個麵既錢！最好笑D侍應，我問佢：「你哋啲麵係咁㗎？佢答我：「我都唔知喎」呢啲咁嘅鋪頭早執早着，唔好累食客嘥錢！🙏🏼

一家人諗住搵餃子食，之前經過見到幾多人排對，就諗住過來試一試，點知未點菜有個好冇禮貌40歲左右既男伙記用非常差既語氣話我個"背囊佐鬼住哂“，之後仲頂多幾句，佢就話“我係咁冇家教格啦”，聽完呢句說話，我諗冇乜邊個可以就咁算，呢啲情形，冇拍枱已經算比面，我話要搵佢老細出來，佢就話佢唔敢搵老細wor，到左呢個時候，真係怒火中燒，一行7人，有大有細，真係唔想嘈，唯有走人，老實講，小弟真係見識少，冇見過呢的咁既餐廳伙記，亦冇諗過寫食品評，今次唔寫唔得。