居食屋「和民」 (雅蘭中心)

營業中

休息中

今日出去旺角食lunch, 平時都好少係呢度食，所以無搵，求其搵個近近地，坐得舒舒服服嘅商場，所以去左雅蘭中心。入面都其實吾太多選擇，揀左細個會食多d嘅和民。今日都算晏，應該差吾多兩點，完全吾洗等位，入面幾多位，嗌左個lunch set. 無諗過都等左一陣先有，可能係無咩人做野。叫左個牛肉飯，其實吾太識分，同係吉野家食分別吾同，有湯。重點係咖啡，去親日本餐廳都要飲，特別香，果然，無令我失望，不點過未必會再食⋯⋯

今次同媽咪嚟和民同媽咪慶祝生日。叫咗個二人套餐，有前菜沙律，主食方面，我哋揀咗牛肉鍋，牛肉蛋石頭飯，牛油果鮮蝦薄餅，仲有兩杯梅酒。薄餅皮好脆，上面嘅牛油果好健康，好新鮮好好食。牛肉鍋有好多蔬菜，好健康。我好鍾意食日本菜，都係因為它比較健康。豆腐好滑。另外再叫多個鰻魚牛肉飯，很可惜因為食物太多，食唔落只能夠打包。打包包裝得非常之靚。我覺得二人餐超值啊，極度推介！

一行四人諗住去和民買外賣食個快飯,但門口個姐姐話叫廚房急起,說服我地坐底食。最快黎到就係我嗌既黃魚丼; 但只係溫,唔算熱,所以條魚有D腥...另外3個餐陸續到, 有2個同事嗌左石鍋粟米牛肉飯,其中一個鍋完全唔熟!D牛同個飯係個鍋到完全冇石鍋飯的"滋滋聲"諗住用D飯焗熟D肥牛,但焗左5分鐘都仲係粉紅色另1個同事嗌滑蛋豬扒鐵板飯, 但豬扒係粉紅色,鐵板完全唔熱...焗住兩個飯都要叫廚房再整熱去...以前和民係我飯堂黎架...已經唔惦啦...

星期六下午，約了朋友食午餐但沒有idea食甚麼好，經過和民見有lunch set又見很久沒吃，就決定在此用餐，順便可以好好地談談天。一般例如在商場內的餐廳在假日只有單點餐牌沒有午市套餐供應，但這裡卻有，又可以坐得久一點舒服一點，也是我們選擇這裡的原因，然後我選擇了壽喜燒鍋配烏冬。整個套餐包括壽喜燒鍋、烏冬、味噌湯、沙律、醃漬物以及甜品，十分豐富，上菜時都覺得有點震撼是次的前菜是蓮藕配雜菌，沙律有少許醬汁拌著吃，而味噌湯則淡味又凍。跟配的烏冬是暖的，方便客人放進鍋再煮，節省時間。壽喜燒鍋底有不少蔬菜，上面再鋪上牛肉。雖然牛肉稱不上很好，但是肥肉比外面一般食的肥牛好一點點，也有牛味。煮著煮著的壽喜燒湯底愈來愈濃，蔬菜吸收味道，加入烏冬有湯底的味道好味，不過差不多食完時就會覺得湯底有點過鹹。餐裡還有一個甜品，是紅豆白玉，紅豆不夠味，但味道不會太甜。除了一般的飲品選擇，跟餐飲品還可免費跟配柚子蜜等的特飲。這杯是熱的薑飲品，雖知道都應該是即沖飲品，但薑都有幾多也很辣。假日想找個地方午餐慢慢坐、敘敘舊，這裡也是選擇。

大同請食飯，來了和民食佢一餐～因為大家都是牛魔王，所以叫了一個壽喜燒鍋、味道不過不失（其實和吉野家很相似），然後叫了一個串燒拼盤，串燒拼盤有驚喜，各類串燒味道都不錯。鐵板牛則有點失望，因為煮得過熟。冷蕎麥麵也是不過不失，不過很大份！最欣賞佢地megasize的飲品，大杯到喊😂

weekday睇movie之前同朋友有一個中係附近食d野。我叫左個韓式泡菜石鍋飯，好typical個種，有牛(肥牛), 泡菜，波菜，芽菜。本身個飯lo 完已經有泡菜味，但佢額外有一碟辣醬比你既。至於朋友就叫左個蜆肉烏冬，唔係好大個，佢叫個時都怕會唔飽。味道上2樣野都正常，不過不失咁，但個日因為平日晚上已經唔係好多人，一半都唔知坐唔坐到，居然都等左at least 25分鐘先有食物，仲要係我地催過佢應該已經快咗，我嗰碟係石鍋飯要耐啲無可厚非，但另外嗰個只係簡單嘅烏冬。 真係冇嘢好講，而家和民愈來愈貴，食物唔係特別好食，又冇咩特別新菜式，而且有加一，如果繼續咁既水平真係唔想再黎。

今次行到去旺角，見肚子不太餓，食日本野最好。和民分店很多，雅蘭中心這間的質素屬不錯。或者基於近日氣氛比較緊張，出街食東西的人少了，廚師能夠放在食物上的時間多了，食物質素自然提高了。今次嚐了最喜歡的玉子，食物上枱時，仲有煙出的，熱騰騰，不錯。還點了清酒煮蜆，味道正常，殼有幾多，蜆也有幾多，沒多沒少。食蜆其實比較有趣，多是殻多過肉，但依然會點來吃，哈哈！還有一客七串的串燒併盤，以雞以主，賣相不錯，但吃入口，味道則比較淡，肉不夠滑。

鍋燒--等好耐，真係要等好耐！碗飯上台好熱，好岩食，不過鍋燒全部係生的，等到食物熟晒，碗飯已經凍左。其實會唔會比番個蓋，等D食物快些熟呢！牛肉都真係好味，最緊要係個汁。甜品：紅豆好好味，諗得黎又無硬粒，

準備去旅行,要搵個地方邊食邊傾，最終揀咗和民，坐得舒服又可以坐得耐啲叫咗蝦沙律，連埋千島醬真係幾好味鰻魚卷，中間舊蛋連埋魚子真係幾夾鐵板燒雞脾，鐵板上夠哂熱，好惹味佢每樣嘢都要啲時間先上，啱哂需要傾嘢嘅人後黎出面開始多人，經理好好咁問我地仲落唔落單，否則就要交枱，唔似出面一嘢就叫你埋單...最終仲有啲手尾要傾埋，追加咗餃子，真係勁啱送酒（雖然無叫...）

同朋友放工,諗起和民特別多款式食物揀, 就即刻衝去排飛。 不過今日好彩唔使等，就即刻有位坐其實我哋都食過好多次和民，但今次係比較有啲失望。因為這款拉麵認真真係唔好食，面又太硬，個糖心蛋又熟曬… 啲湯又少………這個粟米牛肉石鍋飯， 尚算可以啦!! 因為我哋搞混咗之後，等飯再熱多一陣先食，所以特別有飯焦味煎餃子…實在太硬及太燶至於炸雞軟骨就好好多,好香口!!味噌湯牛肉shabu shabu, 飲咗個熱湯真係暖入心,佢仲會附加一隻雞蛋畀你打入湯裏面!最好食都係呢個椰菜燒餅,配埋啲燒汁同沙律醬, 味道好夾~~~~~~~不過今次真係食得有啲失望, 味道好一般麻麻地……

今天剛好跟爸都肚餓但又唔想煮飯，那就決定出去食。又想火鍋又想食中式野，咁就上左去雅蘭搵食最後望下望下就入左呢間。平時我不選佢的但爸想食火鍋我又想食多點其他野，咁就發現左有個2人套餐有哂想食既野！不過前菜同主菜就好像調轉來 一下就來左個石燒煱飯及清酒煮蜆，咁都無奈照食先後再來前菜及沙律仲有刺身三併，都叫一飽口福，食左中西日韓既食材款式最後來個牛肉火煱及燒雞扒，好彩爸說夠食，叫不過不失呢餐，味道就這個清湯火鍋最岩我、但我真的食了好少，跟著反而是送的朱古力蛋糕🍰最好食今晚下雨天☔️但都冇影響心情總算在呢度食左滿意的一餐

原本想話去我最中意嘅意粉屋, 點知上到雅蘭, 吓! 意粉屋居然褶咗! 連意粉屋自己個網頁都表示雅蘭營業中喎! 攪咩Q呀!矛計啦! 轉場囉….放眼一望, 雅蘭二樓咁多餐廳, 只係得和民唔洗排隊, 咁…. 試下啦!點解用 ”試吓” 黎形容? 原因係….. 我好好好怕去和民, 極極極唔習慣D侍應半下跪咁聽客人落單.我知道哩個係和民特色, 甚至見到網上有人中意哩種帝皇式招待!自問自己只係一介草民, 受唔起帝皇式招待, 唯有選擇唔幫襯.今次去幫襯, 半跪式接單已經再無出現, 舒服自在得多!有進步! 俾個讚先啦!點咗個和風煙肉雜菌 pizza, 牛油魷魚錫紙燒, 清煙煮蜆同鰻魚飯.和風煙肉雜菌 pizza - 芝士味較重, 餅底薄身而且比較脆口, 份量雖然較少但價錢只係55蚊, 合格有餘啦!牛油魷魚錫紙燒 – 我好怕煮魷魚, 最係煮唔到好冧嘅口感, 成日煮得過火, 但和民煮哩個魷魚口感極冧, 只係牛油不足.清煙煮蜆 – 首先蜆無沙, 但好多微細殼碎, 食果時要特別小心, 蜆肉嫩滑清甜, 清酒本身無甚特別, 但加咗我極中意嘅蔥花, 即時味道提升.鰻魚飯 – 記憶中…. 數年前鰻魚價錢都唔係好貴, 近

去到就唔使等位 入到去就即刻有位跟住叫咗個二人餐 等左超級耐首先飲品嚟咗 個職員已經好冇禮貌放杯嘢飲係枱面嘅時候 已經好大boom一聲 之後去到放飲管 仲離譜佢係dum落嚟 我即刻問我個朋友 我有冇眼花睇錯 佢話你冇呀佢真係咁樣丢落嚟🥰我真係呆左等咗大概半個鐘到 就嚟咗個pizza但係所有前菜沙律菜都未到同個職員講 前菜都未到個職員就話 食住先啦 唔同師傅整聽到呢度我已經好無言 但係真係好肚餓 所以我都照食之後食食吓發現 咦 唔係喎個餐牌明明寫住同個餐牌相都有蝦點解嚟到冇嘅😂😂😂😂跟住食到一半先發現所以都算啦食完個Pizza個沙律菜終於都到了個碗都係凍嘅 所以即係喺雪櫃一拎就有我都唔明點解要等咁耐🤷🏻‍♀️嘢食都冇乜特別 唔難食嘅但係個服務真係好差 😢😢

週末做完facial 剛好肚仔餓, 辛苦了一星期,決定食個豐富多元化的午餐。行匀成个商場,比較了好幾家餐廰,最後都係選了和民。午餐set同時有一個刺身飯和牛肉烏冬。刺身飯足料,有3塊大大件的三文魚同三文魚子--💟親子丼。size中等,唔算細碗,味道不錯。烏冬都大窩,味道幾好,只係用来裝飾的蓎茼有点搶味。唔鐘食蓎茼的朋友真係提早出聲走蓎茼啦～另外再加点一客五色壽司,有芒果、燒三文魚、刺身三文魚以及我最愛的燒牛肉。味道偏淡,但都好味。这歺点了很多飯品,食完真係好飽。 应該点些串燒会多元化d。 整餐都很滿足,唔洗等位,單點lunch set 又有飯又有沙律同烏冬,配埋免費熱飲連加一都係百零起。 價錢中上, 但夠晒豐富, 😘慰勞辛勞一星期的自己, 算歎😜!

行完街諗住早啲食晚飯，諗住唔洗排隊，好耐無食和民就入左去坐低～叫左個大嘅海鮮鍋再追加左個烏冬。鍋嘅份量夠二至三個人食，一上枱見到份量都算多。入面有蠔，蜆，帶子，蟹柳，魚蛋，豆腐，菇同蔬菜。海鮮嘅味道都ok無乜腥味，其他配料正正常常，但魚蛋食落好似食緊一舊痴牙嘅野😢食完一啖已經唔想食。湯底有少少過咸，如果味道淡返啲會好食啲。仲叫多左個牛小排，係自己燒嘅，肉嘅質素唔錯，點唔點醬汁都好食，仲有舊牛油可以自己燒菇同南瓜😋