居食屋「和民」 (雅蘭中心)

營業中

休息中

依間日本餐廳係數一數二咁出名，之前係依間食過一人鍋既壽喜燒，魚生飯，饅魚飯都好好食。當然唔少得我經常食既滑蛋豬排飯，出面好少有得食。今次我老公試左個牛肉石鍋飯都好食，不妨可以去試下。定食既價錢都可以接受，唔少打工仔放飯黎依度食既唔錯選擇。飲品方面都好足料，咁多日式餐廳係唯一做得好飲既珍珠奶茶就係依間，可以比得上珍珠奶茶專賣店既質素。服務方面都可以，可能人流唔算多，所以到餐時都好流暢，而且座位都舒服。

去旺角雖然多野食 但都好難選今次選左和民 等左半個鐘終於可以入座入到去都幾好多人爆哂座我地叫左石鍋飯 大阪燒 芝士炸雞三樣都幾好食 石鍋飯食到最底有飯焦 有咬口 好正！大阪燒一般 可能自己都識整芝士炸雞好脆 唯略欠芝士味 再多啲芝士醬會好食啲整體都唔錯

過咗新年又係時候做下運動, 約咗朋友仔做瑜伽前來個輕鬆午餐, 今次揀咗好多年無食既和民。 店員安排坐在最入圓拱形頂既位置, 燈光比較暗, 正值午餐繁忙時段, 聲音有點吵鬧, 可能圓拱形頂更集中聲音, 我地傾計都要大聲啲先聽到。🔸咖哩溫泉玉子烏冬+香蔥吞拿魚壽司定食咖哩加湯烏冬好濃郁, 仲有牛肉喺咖哩, 撈埋流心玉子一齊食好味。 壽司同menu一樣面有勁多吞拿魚, 而且都好新鮮。🔸 北海道十勝豚肉盒子飯御膳好多肉汁既豚肉舖滿喺飯上面, 肉質美味唔韌, 豚肉中會有芥末醬, 唔食辣既要留意返。🔸滑蛋豬柳鍋定食甜甜既湯汁煮滑蛋, 配炸豬柳送飯一流。🔸煎餃子煎得比較香口但我鍾意。 味道ok。

新年去旺角吃午餐，朋友選擇了和民，雅蘭二樓一入去,  門口無侍應，就行錯隔壁的意粉店，和民的指示牌不足。向左轉， 入去和民，當時是十二點，仍然不是很多顧客， 只有幾檯，但服務員指示我們去小的中間檯， 我們問是否其他的檯全部給人訂了，他說沒有，但最好坐出面通道，不坐裡面的卡位，這樣真的很費解，其實是想給往後的客人看， 這裡有人吃飯， 最後他仍說要信我們坐那個位置，由於我們有老人家，不方便走來走去再找餐廳，只好坐下吃餐 。點餐，等0左一陣舉手都無人理! 食物不過不失，三個人，點了刺身，天婦羅，花魚和Pizza，因為食物份量真係小小小小，食不飽，再點了大份烏冬。提議不要點Pizza,    只是一般，今次午餐共花了＄660元，雖然大份烏冬有 "米" 落肚終於吃飽，但午餐來說算是比較貴。

食lunch,兩個人，都係叫左個玉子旦，pizza，salad同可樂餅。食味普通，個玉子旦真差勁，濕濕地，雖然熱，但成碟都有水。我右邊坐左一位外籍少女，佢點左個咖哩烏冬餐，佢直情食左兩啖，冬O T大杯都冇飲，就已經埋單算了。左邊兩位青年男子叫左個魚生，嘩，好驚嚇，佢地同waitress complain D 魚生唔新鮮同發黑，我望了一望，嘩，真係瘀紅黑色，當然waitress 收番就換過兩件比佢地。我for sure 冇第二次再嚟咯！

今日lunch揀左和民黎食，近近地公司又坐得夠舒服。之前一路食佢既滑蛋豬扒餐，好好食又係art lunch , 仲做緊八五折。點知今日冇哂優惠，加一完都成舊水，是但啦食好啲。叫左個牛肉壽喜燒套餐，等十分鐘上菜，有沙沙甜品跟，好多野食。上完個火鍋一開始以為好少湯，仲舉手叫人加湯，點知佢一滾就成鍋都係湯，爭啲瀉出黎，所以大家唔洗太緊張驚乾煎緊啲的餸。整體都係好味，日本濃湯甜甜地，牛肉新鮮嫩口，蔬菜充足有營養，yummy !

午餐時間周圍都好多人，最後都係決定食和民。門口冇人帶位，自己行入去。原來一條直路入去，之後轉左同轉右係兩間唔同嘅餐廳。大家要小心睇清楚先好入去🤣叫咗石頭鍋黑椒牛肉飯，牛肉飯屬正常水平。不過牛肉太少喇，將牛肉同飯撈完，好似唔見晒啲牛肉咁🥺天氣咁凍叫咗杯熱蜂蜜生薑茶，真係好薑。飲完成個人暖晒。一坐落去發覺張凳凹咗，好明顯係用得耐成個pat pat型出晒嚟🤦‍♀️初初以為淨係我果張凳有問題，原黎全部凳都俾人坐到凹晒，坐得好唔舒服…sofa凳可能會好啲

朋友想平食日本菜，當然首推和民啦，由細食到大，絕對有保證。沙律酸酸地幾開胃ＷＯ呢個炒鳥東真係好好味，可惜份量太小 (定我胃口太大HAHAHA)餃子是皮薄個種，唔係間間食得返呢Ｄ天氣當然先來個牛肉鍋暖下身朋友話食飯先都要有Ｄ飯先有飯氣 (佢一個人KO哂話好好味)我最喜歡嘅魚餅 ^_^最後成日都唔捨得叫嘅刺身整體表現都無下降過，仲保持到水準！

食得太多火鍋，今日想食下日式野，原本想去食放題，但因為有朋友吾係好大食，所以就提議去呢度。去到門口有點迷茫，因為佢地有個櫃但無人帶位，門口距離餐廳條路又有一段路，我地一直行入去，行到餐廳入面都見吾到有侍應招呼！最後又吾知行返出去等，定企餐廳邊邊等，定追住求其一個侍應問。最後等左一陣都無人理，就揾左個侍應。坐底後望下餐牌，其實價錢都幾抵，選擇多但款少。佢有串燒類，但牛舌，雞軟骨果Ｄ係無既！最後被牛肉鍋所吸引，侍應提我牛肉係生既，話用個鍋既熱力焗熟佢。來到上枱其實有點細，要攪好耐牛肉先開始轉色，撩到手都有點攰！刺身好薄切，雞蛋好軟，吾實淨，吾似日式果種連夾都夾吾起！

要清年假，散著一天一天放就不影響工作了。閒著就外出吃飯，fried pork lunch set. The batter is to thick. And egg also over cooked a little bitI love the salad with soft boiled egg. The crunchy bread coarse taste great ! Firedchick in mustard honey sauce. Normal standard not yet fully defrosted ......

午餐唔知食乜好，就去和民食日替，唔使慢慢諗食咩。星期一日替係滑蛋雞扒鍋定食。個餐配有沙律、海帶湯、茶碗蒸和一杯飲品。飲品我今次選了熱蜂蜜生薑茶。滑蛋都幾香滑，雞扒略嫌炸粉過厚，但肉質尚算嫰滑，味道不錯，很好餸飯。蜂蜜生薑茶就略嫌蜂蜜不夠，但有薑味。整體來說是不過不失的一餐。

今日係期待已久既出糧之日，當然要食好西獎勵一下自己。今日約左男朋友一齊收工撐下枱腳拍下拖。講到咁多間連鎖日本餐廳，和民一路都係我最愛，因為價錢合理又好食。無論近年泰國菜，韓國菜，四川菜開到幾多都好，日本菜始終都係最岩我地香港人口味既。我就本身想食豚平燒，但我唸個menu應該轉左，就唯有食廣島燒餅la. 不過我唸兩樣分別不大，都係異曲同工之妙。重點係一樣都咁好食呀。唔好睇佢細細分呀，係十分之咁飽呀。食完好滿足。

今日晏晝去開旺角，午餐唔知食乜好。去到雅蘭中心見到和民就求其入咗去食。我食左星期五日替，係燒汁天婦羅定食。個餐有沙律、海帶湯、茶碗蒸、天婦羅飯同埋一杯嘢飲。嘢飲選擇都有好多款，我揀咗熱柚子蜜。個天婦羅飯都幾豐富，有兩件雞、兩片豬肉、兩件紅黃椒，味道不錯，但食到最後有點油膩。飲返杯柚子蜜就啱啱好。

Happy Friday 同同事黎左和民食Lunch🍱位於旺角彌敦道639號雅蘭中心2樓208號舖，已經好耐無黎和民了 對上一次食都已經2年前 成個定食 整體質素都幾高 ‘’滑蛋豬柳鍋定食‘’ 有沙律 有湯 有飯 仲有野飲 （$75已加一）佢沙律加左d醋係入面 酸酸甜甜 好開胃 個湯亦比其他餐廳出色😆滑蛋入面放左洋蔥 好似變左甜甜地既汁咁 成個感覺送飯一流 我覺得個d豚肉份量點剛剛好 唯一覺得可以再脆口d 會更好滑蛋豬柳鍋定食套餐$68

今日又有同事生日，今次選擇了和民，都久沒幫襯過，感覺服務好👍💁🏻‍♀️星期二是日精選 $68這份是我的，炸物是豚肉好肥好多油，油溫問題令到太多油黐實食物，咬落一口油有點失望，帶黃邊的沙律菜份量不會太少了嗎？蒸蛋尚算有蛋香滑。鰻魚牛肉盒子飯 $108鰻魚不過不失都是屬加熱食物，牛肉尚算可口。石鍋鮭魚帶子蒜蓉牛油飯 $78熱辣辣帶焦香惹味的👍每日午市定食優惠，每款 $68 連一杯飲品。盒子飯同麵定食及飯定食都頗多選擇。設計簡潔舒適。盒子概念應來自盒子飯。