居食屋「和民」 (雅蘭中心)

營業中

休息中

今日近近地，去咗公司附近嘅和民食lunch~Menu都有幾多選擇，平均都係$70左右（另加一服務費）~飲品都好多選擇，重點係冷飲都唔洗加錢👍🏻👍🏻除咗定食套餐，仲有好多小食可以追加~最後我揀咗個‘滑蛋豬柳鍋定食’配熱柚子蜜 ($68加一)$70左右有沙律、湯、主菜、白飯&嘢飲，都算幾抵食~.沙律d菜都好新鮮，而且個汁幾好味~湯都幾多料，有大大塊海帶、豆腐粒，仲有d豆乾絲~滑蛋都好正，入面仲有d洋蔥，好甜~個炸豬🐷好脆，好入味，不過個人覺得比較鹹，但送飯都唔錯~😋

糧尾關係要左個全場全平嘅定食，照燒蒜香雞扒定食 $58期望不太，但估唔到佢幾好食。雞扒都幾厚身，肉質鮮嫩，d蒜蓉煎香過令到個醬汁好香口。個定食跟薯條、白飯、沙律、味增湯同飲品。份量都幾多，唔驚唔夠飽。

旺角有好多食肆，但lunch想食下日本野，又唔想狂食去食放題，但又想坐好d,平平地食好西。我覺得呢間唔錯😍一個餐有味噌湯，有沙律，有個主菜及一杯飲品。呢個石頭鍋飯好好味，其實我差唔多次次泥食lunch都會點佢。因為好鐘意佢keep住暖和，食到最後都唔會覺得凍晒唔好食。三文魚份量都幾多，最重要係佢加左黑椒，提升整體味道。呢個冷麵餐係第一次試，冷麵不是喬麥麵，是生麵。由於麵款較粗身，不及喬麥麵軟身及吸湯，所以都是喜歡以喬麥麵為主的冷麵。海鮮刺身不多。配三件壽司。好鐘意壽司上的吞拿魚蓉，好明顯這是全碟的主角。好有鮮味!這個餐份量有點少，不建議男生選這個，吃完可能要再多點一個餐。🤣

小弟身為一個牛魔王，一場嚟到，當然即刻叫返一個大大份既牛肉壽喜燒啦，滿足一下自己先😍之後試埋個大阪燒同廣島炒麵，小弟特別喜歡喱個炒麵，尤其撈埋隻半生熟雞蛋，味道配合得天衣無縫，極之美味😛再品嚐埋個芝士味炸雞，新鮮炸雞配濃濃嘅芝士醬，非常醒胃👍最後食埋個鰻魚牛肉飯，呢個配搭我最like👍兩樣都係我最喜歡嘅食材🤤結果兩個人食到飽飽，好滿足呀😍牛肉壽喜燒(大) - $118廣島風鐵板炒麵 - $58大阪椰菜燒(雞蛋&芝士) - $58芝士味和民香脆炸雞 - $38鰻魚牛肉盒子飯 - $98

週末來食個Lunch set. 最平都要68，其他餐要80+，計埋加一都唔平。選左個吉列豬扒雞蛋飯，可能太多汁，豬扒唔夠脆，雞蛋又唔多香，比想象中遜色一點。另外的配菜，兩個素菜，椰菜，木耳絲，紅豆沙糯米做甜品，都正常。仲有面史湯，好似加左好多鹽。飲品要了檸檬薑蜜蘇打，個名好吸引，未飲過就要來試下，點知就是檸檬蜜糖漿加了姜水的味道，沒有太特別。不得不提，上菜好慢。我這餐等了15分鐘鐘，但我老公的鐵板三文魚和帶子飯，等了30分鐘有多。

其實和民唔係我地日常lunch會去嘅地方，因為價位都偏中上，不過come on James it’s Happy Friday🎊 Who cares～Menu都幾多定食選擇，平時我呢d選擇困難症患者應該有排揀，但居然俾我見到有個定食跟吞拿魚茸壽司😳！唔洗諗即刻扑錘！叫左個蜆肉烏冬定食🍜，配吞拿魚茸壽司🍣同沙律🥙先上左個壽司，作為前菜嘅佢好有驚喜，pat吞拿魚茸落得好大方，蓋滿左個飯，雖然係mini size但造型一絲不拘，上面灑有少量芝麻同蔥碎，d吞拿魚茸無筋，幾香魚味🐟主菜方面份量都幾多，d蜆好大粒，食極都有，湯底索左d蜆味用嚟配烏冬一流😋雖然埋單都差唔多成舊水，不過呢個質素嚟講都算值嘅👍

今日下午到旺角的雅蘭中心吃午餐，見到和民便走進去看看有什麼午餐可以吃(>^ω^<)打開餐牌後，見到滑蛋豬扒鍋定食好似好吸引，可惜下單的時候，侍應說已經 售賣完畢ಠ_ಠ所以最後我叫了滑蛋豬柳鍋定食(>^ω^<)等。。等。。等。。等了10分鐘終於可以吃這個餐附送沙律一碗，有青菜和小小粟米，味道酸甜，頗開胃的。這個餐還送了海帶湯一小碗，海帶湯，清清的，鹹鹹的⁄(⁄ ⁄ ⁄ω⁄ ⁄ ⁄)⁄這個就是這個滑蛋豬柳，豬柳的厚度頗厚，外皮炸到脆脆的，但可能底部的外皮比較接近滑蛋，所以弄濕了，變得不太脆。但豬柳的肉質柔軟度可以，咬口ok，吃下去，感覺到豬肉的彈性。(≧▽≦)加上有滑蛋配襯，滑蛋鹹鹹的，嫩嫩的，加埋豬柳一起餸飯 ，我覺得很配搭。(*☻-☻*)

上星期五同朋友出外食Lunch黎到旺角雅蘭中心 見到和民鍾意食日本餐既我地二話不說就攞位原來佢分左日式料理同意粉兩個唔同既區我地果日食日本餐所以就去左日本區果邊我同朋友分別揀左燒靖魚飯套餐同燒豬柳飯套餐靖魚較清淡 而燒豬柳就比較惹味大滿足

《貴得嚟唔飽系列》×和民煩緊晚餐咩好既時候 咁啱見到和民 又好耐無食晚市等既過程都唔算慢 好快就入到去由於太肚餓既關係見到餐牌有咩就叫😂但無奈啲服務態度真係差咗啲 好耐先有人嚟 咁就叫咗炸雞軟骨 壽喜燒 綜合串燒 炙燒鮭魚壽司 …等等炸雞軟骨炸得好乾 份量都愈嚟愈小 小到食幾粒就冇lu壽喜燒係唯一一樣好食既野，因為冇咩技巧可言反而綜合串燒真係難食🤢🤢入唔到味又唔夠熱好難咬 簡直係訓練緊排牙係出面求其買都好味過呢幾串炙燒鮭魚壽司啲飯整得唔夠實 一夾就散哂 說好的炙燒都好似冇燒過由於唔夠飽就叫多咗個黑糖脆雞翼 脆真係做足 但味道差咗啲啲雞肉唔夠入味 基本上得表皮有味同埋追加一個普通烏冬都要$35蚊真係貴到喊Btw 食咗咁多都係唔夠飽，好似俾左錢又冇食過野咁和民愈食愈貴 比起以前做得差左好多 態度差 無服務又無水準 上菜勁慢，每上一道小食都差不多要4-5個字各位要三思而後行啦中伏指數： 7/10推介程度： 3/10打卡指數： 3/10性價比： 1/10

和民有好多二人餐同四人餐，其實都好豐富好抵食！不過我同朋友唔想食得太heavy 所以我哋就冇點到套餐啦，只係散叫左幾款！溫泉蛋凱撒沙律！兩人份量好足夠！燒帶子、好夠味加埋檸檬的酸味👍🏻，配料的菇又唔會好乾身煙肉磨菇pizza、佢係屬於薄身脆pizza底！味道+料都唔夠，係失望的！大阪椰菜燒！比想像中好食、連埋個醬好夾、又飽肚！ 如果唔想食飯或者意粉或者鍋物、呢個都係一個好選擇！因為我哋都成9點先入席，就冇限時，不過下次可以提早用apps「food gulu」拎位，就唔駛等咁耐！

好幾年無食過和民，今日路過試下午市，叫左鰻魚牛肉定食，98連湯+沙拉+兩粒紅豆丸子，睇落都幾好。上菜賣相都唔錯，點知一試就伏伏地，沙拉得兩片，湯無味而味精，鰻魚咸到飛起。。。去超市買條蒲燒鰻魚都好食過佢，而且食到邊邊位好苦，牛肉乾而咸，衰過吉野家，一d汁都無，唔知食緊咩。吃左一半已經食唔落野飲叫左凍檸茶，催左15分鐘先上，上黎得茶檸檬一片都無叫staff換先比返兩片檸檬我女staff服務態度唔錯、友善，但男staff好似遊下遊下咁，上飯連匙都無比總結而言千萬唔好叫鰻魚牛肉飯，花98飲杯檸茶仲衰過街坊店以後都唔會黎

今日同老公又喺雅蘭中心食下午茶， 老公先去和民日本料理坐低等我， 咁我啲低頭族見到門口就入 ，行入去 點知係西餐原來佢一個門口兩間公司分享用 ，我呢就去咗西餐嗰邊就搵和民日本料理喎 ，個侍應就同我講喺隔離，搞到我鬼甘尷尬，點解佢兩份用嘅時候兩邊都冇reception企喺門口呢由於我哋趕時間所以就咩都唔諗，就叫咗個二人套餐。 先上小食同沙律， 個沙律呢ok喎好食喎，平時唔食菜嘅老公都爭住食，啲小食係筍，佢就唔食畀埋我食 ， 跟住上刺身， 刺身你唔好諗住會好新鮮囉，同隔籬金助壽司嗰啲真差唔多 ，反而個天婦羅 ok，番薯同南瓜我都鍾意食， 再上一隻鐵板雞髀， 雞肉都好嫩口，可以接受係個汁鹹咗少少，再跟住上個細細煲既海鮮鍋，里個鍋如果跟個烏冬或者跟一碗飯仔就好，看似好多嘢食，但係原來我同我老公兩個人唔夠食，個肚唔夠飽 ，我們又趕時間喎，唔可以加嘢食食完嗱嗱聲走，趕睇戲餓餓餓二百幾文食個下午茶吾飽，你自己諗

我去和民吃飯已經是很久遠的年代，當年沒多少錢，覺得和民很貴，這個印像維持到現在。但原來和民的價錢其實和出面的差不多，很多都是$100有找。在加上之前在FB玩遊戲，中了$100現金卷。雖然只可叫主餐牌的食物。但都等於免費了！石鍋鮭魚子飯，$78。真的不能相信照片。我說不能信照片，因為實版只有兩、三塊很薄很薄的三文魚，撈好後就是三文魚碎，99%都是飯，1%就是三文魚碎和魚子，眾裏尋它才找到出來，所以不太吃得出三文魚是怎樣的。店員一開始會教你怎麼弄，就是襯熱拌勻它。之後就落魚子。其實味道不差，熱辣辣很有飯香。可能沙律醬拌勻加上蔥花和紫菜碎令飯味提升不少。另外可能拌勻的時間不長，所以底下有飯焦。雖然有些燶和硬，但很香口，似煲仔飯的飯焦。雅蘭中心的和民入口是和別的餐廳共用。所以令食客有少少混亂。而且要入去和民會經過長長走廊，所以門口位的接待會做帶位。但她身兼多職，接待、訂位、帶位、下單、清潔、收銀一腳踢。但仍保持很親切的笑容。我一開始問她關於現金劵的事，她了解完說可以用話結帳時再幫我。到我吃完她還記得現金劵的事，真的很抵讚！所以加一真的給得心服口服。

同朋友係旺角行左成日街，緊係要搵個地方食個晚飯。我同朋友之前都食過和民，覺得不錯，所以決定係和民醫肚首先點左個雞肉芝士凱撒沙律，不得不說，非常驚喜。沙律有隻流心蛋，沙律菜非常新鮮爽脆，配埋濃郁既沙律醬簡直一流！沙律醬仲有一粒粒既芝士，絕不欺場。雖然醬汁濃郁，但一啲都唔會有飽滯感，係開胃既前菜。而佢既蒜味麵包粒更令我食到停唔到口，可惜係雞肉比較少，但整體黎講，呢個沙律係極之高質同豐富*雞肉芝士凱撒沙律 $58*我地亦每人點左份冷蕎麥麵，麵質軟硬度適中。我認為蕎麥麵既精髓係在於佢沾既醬汁，而呢個醬汁就非常不錯。醬汁既Wasabi味會愈食愈刺激同強烈，非常過癮*冷蕎麥麵 $58*最後唔少得點個卷物黎過下口癮。我地點左一份鮭魚牛油果卷，鮭魚同牛油果非常夾，鮭魚亦算新鮮，加埋蟹籽令成個口感好豐富，係一個唔錯既選擇*鮭魚牛油果卷 $68*加埋一埋單都係每人$133，以晚餐價錢黎講都唔太貴，係幾好既日本菜選擇，今餐亦非常滿足

今日要旺角雅蘭中心睇醫生，睇完就係商場搵吃。。。有日式，意式，上海野，食咩好呢。。。最後揀左和民。最後揀左呢個寶盒。。。。。🍱。。。燈燈燈凳。牛舌牛肉飯是也。。份量足夠，牛舌夠腍，多d 汁會好些。跟住揀大阪既名物。大阪椰菜燒同埋軟殻蟹卷。要多一個蜜糖芥茉雞翼。略嫌無乜芥茉味。