尚盛潮州海鮮飯店

尚盛潮州海鮮飯店 🍽️✨📍 地址：德輔道中萬宜大廈地下G04號鋪中環新開的老字號潮州菜，已經有50年歷史的尚盛潮州海鮮飯店，重新裝修後，人氣爆棚，全場爆滿，性價比高，星期五晚上來訪，果然口碑十足！👏必試美食 🌟🦆 鹵水鵝片一看就知道不得了，鵝肉肥美，鹵水汁滑順不鹹，帶有微微的甘甜，入味卻不掩蓋鵝肉的油香。每一片厚薄均勻，肉質軟嫩，真是享受！🦪 潮州蠔烙 這款蠔餅豐富到不得了，绝對不吝嗇地放滿蠔仔！不同於一般炸的蠔餅，這裡的蠔烙像煎蛋餅般特別，份量十足，超抵食！🥳🐔 海蜇手撕雞這道菜色澤誘人，海蜇爽口，手撕雞肉嫩滑，醬汁使用了芝麻醬和醬油的搭配，剛好夠味，讓人回味無窮！😋沙嗲牛肉炒河這道沙嗲牛肉炒河香氣四溢，牛肉嫩滑，河粉炒得恰到好處，沙嗲醬的風味更是提升了整道菜的層次感完美收尾用餐後還有綠豆爽贈送，真是一餐完滿的享受！💚如果你在中環，絕對不能錯過尚盛潮州海鮮飯店，帶上朋友一起來享受這美味吧！#潮州菜 #中環美食 #尚盛潮州海鮮飯店 #性價比高 #美食推薦 #食在香港 #美味 #海鮮 #食評 #老字號 #香港美食

潮州菜一向係本人至愛，今次黎左呢間中環人氣潮州菜，亦都有好多知名明星黎過～潮州滷水鵝 & 白烚大墨魚🦑 黎潮州菜一定要點佢招牌菜-滷水！滷水鵝非常入味, 肉質鮮嫩juicy, 鵝皮亦不會太肥膩~大墨魚煙韌新鮮, 配上滷水汁一齊食, 更有提鮮作用~滷水豆腐墊底, 吸收晒滷水鵝 & 大墨魚既精華, 好好味~豉汁蒸鱔新鮮游水鱔魚, 啖啖肉之餘, 配上大量濃郁的豉椒一齊蒸, 非常惹味! 個人認為一定要配白飯撈埋一齊食! 粉絲雜菜煲前面食得重口味既話, 當然要食返D蔬菜中和一下口腔的肥膩感~雜菜既款式都幾多, 有雲耳, 娃娃菜, 蘑菇etc~湯底清清地, 易入口! 一定要喝一口~而每條粉絲都掛上湯底既精華~好滿足~

萬宜大廈地下一間潮州菜館，裝修唔浮誇但企理，一坐低就聞到淡淡鹵水香，決定試吓佢啲招牌菜。第一味就係「潮州鹵水鵝肉」，一上枱已經色香味俱全。鵝皮油潤亮澤，鵝肉切得厚薄適中，入口嫩滑唔鞋口，鹵水味滲晒入每吓肉纖，食落有層次，又鹹又香又唔會太重手。底下仲有鵝腸同豆腐，吸晒汁，香濃又滑口，完全係鹵水控嘅天堂。跟住嚟個「潮州梅榚骨」，一啖咬落去酸酸甜甜，啲梅子味帶有一種好天然嘅果香，唔似得啲人造酸，反而有股溫潤嘅甘味。啲骨炆得夠火候，肉輕輕一挑就離骨，唔會乾柴，反而軟腍得嚟仲有嚼頭。第三味係「酥炸芋茸鴨」，真係估佢唔到咁精彩。炸得金黃酥脆，啲芋茸香滑細膩，外酥內軟。鴨香，又唔會油膩，一啖落肚，芋香同鴨味完美融合，令人想即刻encore。最後壓軸係「蠔仔粥」，睇落平平無奇，但食落先知係靜靜雞嘅高手。粥底綿滑又有米香，啲蠔仔新鮮彈口，一啲腥味都冇。加埋蔥花，一匙落口，多層次口感即刻喺嘴入面爆開，暖笠笠又夠滋味。成餐飯食得開心又滿足，唔單止每道菜都見心思，服務亦都細心有禮。呢間潮州菜館唔浮誇，但勝在實在、有味道，下次一定會再嚟發掘多幾味！

今晚造訪這間隱世潮州菜館，品嚐到最地道的潮式風味，每道菜都展現老師傅的深厚功力，平日夜晚都座無虛席，足見有幾多客人支持✨ 潮式馬友 $350首次嘗試潮州魚飯的獨特吃法，最方便係仲有姐姐幫手原條起骨，選用優質馬友魚肉質細膩鮮甜，搭配普寧豆醬提鮮更顯風味😋👍🏻魚肉緊實有彈性，原汁原味 ✨ 潮式滷水鵝片 $168鵝片厚薄均勻，肉質軟嫩不柴，滷水汁好出色！入味卻不死鹹，滷水豆腐更加吸飽精華，豆香同滷香完美交融 ✨ 蝦米炒汕頭白菜 $108看似簡單但最考功夫，用咗正宗汕頭白菜清甜無渣，蝦米爆香白菜炒得爽脆不油膩，完全展現潮州菜嘅清鮮本色 🌟 環境樸實無華但充滿人情味，每道菜都食得到用心同堅持，食完仲有糖水贈送，實在係完滿嘅一餐

今日黎左間老店食潮州野！開得起中環地鋪一定有啲料到😆果然不出我所料，平日未夠7點都差唔多滿場😱🥢鹵水鵝片嘩一睇就知不得了啦，隻鵝幾肥😆鹵水鵝個靈魂當然係係鹵水汁呢度嘅鹵水汁好順喉，唔會太咸，後勁有少少甘甜味鹵水鵝鹵得好入味，但可能本身個汁都唔係好濃，所以仲食得出鵝嘅油香味鵝肉好嫩，各部位都做得唔錯反而豆腐外層入口較為咸啲，但成舊食就岩岩好🥢潮洲蠔仔粥嗌左一鍋，都不以分到足足四碗！好足料之餘啲蠔仔好大粒😍每啖都好滿足方魚都好夠香，其他配料令個粥好味好多🥢海蜇手撕雞海蜇同手撕雞差唔多各佔一半海蜇好爽口，手撕雞都偏嫩滑個醬汁用左類似芝麻醬撈醬油嘅醬，唔會太濃，岩岩好夠味，但如果可以凍食就好😆🥢潮洲小炒食小菜嘅餐廳都一定會叫個小炒皇試試鑊氣😆呢度嘅鑊氣唔錯，炒得乾身有香味，都可以一試🥢糖水送嘅綠豆爽，正

鹵水併盤 - 鵝肉 白烚大墨魚 $200 食潮州野就一定要食 滷水！ 滷水可以自由配搭好開心 就算2個人都可以試幾樣野！ 我地叫左最signature 既鵝肉同大墨魚 ， 大墨魚爽口入味 鵝肉嫩滑 拆左骨啖啖肉 拼盤底下重所有最愛既滷水豆腐 超滑 完全無over cook 好味潮州蠔烙 $128 蠔餅❤️ 完全冇吝嗇咁放好多蠔仔！ 佢蠔餅唔係平時炸個隻 而係落好多蛋似煎蛋餅個隻 幾特別 同埋份量好多 有成5，6塊 超抵食潮州梅榚骨 $128個名好特別叫黎試下 味道酸酸甜甜好過癮 真係食到話梅味 骨用咗啖啖肉嘅肉排 推介❤️潮州蠔仔粥 （$65 碗） 潮州嘢必食潮州粥 粒粒分明 好足料 有好多蠔仔 重有肉碎 如果再多啲芫荽就更加好了 加少少胡椒粉調味 一級棒❤️最後姐姐重問我哋試唔試綠豆爽 我哋飽得滯所以要咗一細碗 第一次食幾特別 綠豆口感同綠豆沙完全唔同 原理就好似潮州粥咁樣粒粒分明

今日同老友殺入中環萬宜大廈呢間潮州老字號，未入門口已經聞到陣陣滷水香，仲要全場爆滿，等位等到「鵝鵝」聲！好彩伙記手腳快，轉頭就執到位～*滷水鵝件件閃令令*碟滷水鵝一上枱，油光閃到戴咗黑超都覺得刺眼！鵝肉嫩到識跳舞，滷水汁仲要夠晒「骨子」，唔會鹹到變「鹹魚」，連墊底嘅豆腐都索晒精華，搞到我要同朋友「筷子決鬥」爭最後一件！*炒河粉鑊氣沖天*潮州炒河粉鑊氣勁過火山爆發！芽菜爽脆、牛肉嫩滑，最過癮係啲河粉條條分明，油光水滑得嚟又唔會黐埋一嚿嚕，食到「嗦嗦」聲，隔離枱個叔叔仲轉頭望我哋食得幾開心！*烏頭魚飯大過塊面*叫咗半條烏頭魚飯，上枱嚇到下巴跌！條魚大過我塊面，魚肉結實到似健身教練，點啲普寧豆醬鮮到「打冷震」。老友話：「早知叫四分之一條啦，飽到個肚凸出嚟！」*春菜煲暗藏玄機*以為春菜煲係清淡嘢？錯晒！入面啲腩肉片邪惡到爆，湯底仲有乾蝦吊味，飲兩啖即刻「嘩」出聲。最抵死係伙記送綠豆爽，冰涼清甜即刻降晒火，仲有杯功夫茶回甘，飽到要解褲頭鈕！埋單睇價錢，兩個人食到捧住個肚行出嚟都係五百蚊有找，抵食到笑住走。下次一定要帶多幾個「為食兵團」嚟掃晒個menu！（後記：走嗰陣見到門口仲等緊位，心諗：「好彩

咸菜 令人讚不絕口，甜甜酸酸，十分開胃。潮州鹵水鵝肉 肥瘦適中，鹵水味濃，豆腐彈滑，不會太鹹。 比鵝片肥，鵝肉味足，鵝皮極邪惡。水瓜絡 口感非凡，花生脆，蝦仁彈，火腿香，加上水瓜獨特味道，香煎得外脆內軟，食不停口。潮州梅羔骨，帶肥排骨肉香四溢而不韌，在酸酸的梅羔醬點綴之下，完全不膩。伴碟的酥脆紫蘇葉添上淡淡清香，讓整道菜更見完美。蠔仔粥足料豐富，粥底飽含米香。豐盈的蠔仔釋放出充分的蠔味，再加上香菇、香菜及肉粒的調味，使整體更為鮮甜提味。最後上桌的經典反沙芋，以熱辣辣的芋頭條引人注目。外層是脆脆的反沙，內裏則是粉粉的芋頭，帶回滿滿的童年回憶。份量充足到一家大小都吃得心滿意足。

尚盛潮州海鮮飯店德輔道中萬宜大廈地下G04號鋪 餐廳未到12:30已經坐滿客人，人流非常多，已經反映咗餐廳嘅食物質素，入面燈光光慢枱同枱之間又闊落坐得舒服。員工態度親切 對菜式都有深入了解水瓜煮魚肚$228店員推介 這個季節水瓜清新鮮甜配搭埋海味魚肚鹹鮮，加上水瓜嘅清甜，配有肉碎同粉絲嘅材料更能突出 ，大人小朋友都啱食，較為清淡嘅一個菜式，唔油膩，又健康，必點乾燒伊麵（潮州）$118潮州特色乾燒伊麵 ，又叫糖醋麵，先將麵餅灼水煮熟，然後將麵餅煎至兩面金黃香脆 ，口感外邊脆脆，內裏還是軟的 ，好似食煎餅嘅感覺，還可以點糖醋汁一起食，重點係食落嘅口感一啲都唔油膩抵讚潮州滷水鵝$168正宗潮州菜，滷水鵝必食 鵝肉鮮嫩多汁，鵝皮帶着小小肥膏 油脂豐富 墊底還夾雜着大大件嘅滷水豆腐 豆腐吸收晒滷水汁嘅味道 令豆腐更加入味 真心推薦必食飽肚後店員都會附上功夫茶給我們清清油膩最後送上兩碗綠豆爽，配埋陳皮醬糖水唔會太甜入面有大量嘅綠豆每一粒都有口感，夠清甜，又潤提提大家，記得要WhatsApp預約 有房間同大廳可供選擇

唔係第一次嚟呢間潮州餐廳食飯，之前比我哋感覺還好。但今日去食晚飯，未食完餸我哋已經叫定甜品：高燒三寶（知道需時去整），之後侍應也擺放好食甜品嘅碟同叉俾我哋，點知過咗10分鐘佢同我哋講話廚房冇貨，當時時間係晚上7:45pm，咁我哋話要反沙芋啦，佢又話冇，我哋就覺得奇怪：第一時間尚早、咁快賣晒？第二如果真係冇點解仲擺放叉碟，以及唔即時講俾我哋聽冇這兩樣甜品呢。當時雖然覺得怪但係都算啦，侍應即刻同我哋埋單（我哋未講埋單嘅），朋友就去洗手間，返嚟同我講有枱食客枱上有高燒三寶⋯⋯我再睇見門口好多人響度等位，即時明白係乜嘢原因冇高燒三寶了，咁樣嘅經營走手法，我哋唔會再回頭！感覺勁差！之後我哋去咗隔離中環街市嘅’久両菜’（同樣係潮州菜）食反沙芋、黑糖糕，食物更好更勝一籌！

－早預約左晚飯booking，中間有再打電話作实。預左帶幾個囯外的朋友試吓佢哋的潮州菜。－行人準時到達，被告知冇枱因為我們的枱給了其他人，但未知幾時會有枱….. 請問佢既然walk-in 可以有枱，預早訂卻冇枱，重點係一句对唔住都冇，真係離普。唔建議帶朋友去。管理如此混亂，對佢哋的出品亦沒有信心，絕對不愉快的晚上！！

中環50年老字號潮州菜，食lunch超多人幫襯！👨‍💼附近返工嘅OL同老細都係熟客～座位闊落坐得舒服，食物正宗又高質，絕對係中環隱世好味之選！💯 ————————————————— 🐟 檸檬蒸烏頭 $158例 潮州名物！烏頭魚肉超嫩滑，酸香開胃～食落啖啖滿足！😋 必試！ 🐔 海蜇手撕雞 $118 冷盤首選！手撕雞肉夠晒嫩，海蜇爽脆到「索索」聲✨ 麻油香超突出，食到停唔到口～ 🐷 酥炸豬大腸 $128 邪惡但好食到癲！外皮炸到金黃脆卜卜，咬落好惹味💥 完全冇異味，點埋醬汁食超夾！ 🥬 蝦米炒汕頭白菜 $108 簡簡單單但好有鑊氣！蝦米鹹香逼哂出嚟，白菜炒到剛剛好，爽甜解膩～🥢 🥥 Meko 100% pure coconut water $15 食濃味菜必配！天然清甜冇人造色素，飲完成個人都refresh哂～🌴

呢間五十年嘅老字號潮州菜🏮好細個已經係上環經常去食😜 而家重新喺中環開幕更加方便同坐得舒服🤍食物方面仍然保持水準係經典既潮州味道👅鍾意食潮州菜嘅一定要試吓☺️⭐️ 潮州蠔烙 🦪蠔餅金黃得來唔會太重油膩感🍳 每一顆蠔仔都飽滿充滿鮮味🌊⭐️ 菊花石榴雞 🌻係比較少見到嘅傳統手工菜🎨 蛋白皮配上雞肉蘿蔔蘑菇等配料🍗口感豐富得黎平衡返比較清新既口味💚⭐️ 潮州梅羔骨 🍖排骨啖啖肉口感好滋味🐷 最有兩點就係傳統嘅梅羔🍓 酸甜度恰當開胃得來唔會太過甜膩🥹⭐️ 酥炸芋茸鴨 🦆又係一道好懷舊嘅菜式🪭芋茸配上鴨肉嘅鹹香🍠酥脆得黎帶絲絲嘅油香好邪惡

中環呢間潮洲老字號，啲餸絕對夠水準，食完真係回味無窮。首先點左椒鹽白飯魚，呢道菜真係炸得靚！白飯魚外皮炸到金黃香脆，入口仲有少少胡椒嘅微辣，鹽味調得啱啱好，完全唔會過鹹。最正係炸完都唔會覺得油膩，一啖接一啖停唔到口，成碟分分鐘十幾分鐘就清晒。 之後有蠔仔粥，呢個粥底係用足料熬出嚟嘅，夠綿滑，啲蠔仔又肥又鮮，咬落仲有啲海水味咁鮮甜。最啱係天冷食住碗熱辣辣嘅蠔仔粥，一啖落肚真係暖晒個胃，好有懷舊街坊味。 螺頭炖鳳爪湯係清甜嘅，螺頭炖到出晒精華，鳳爪炖得夠腍，啲骨都輕輕一咬就甩。飲完有種滋潤嘅感覺，真係一碗好湯。 粉絲雜菜煲健康又好味。仲送甜品綠豆清心爽，好窩心。

呢家50年老字號潮州菜餐館，本身叫尚興，係位於上環嘅名星飯堂。近年重新開咗喺中環，喺附近返工嘅人就有口福了。平日中午時分，人潮都幾多，最好提前訂位。除咗傳統打冷滷水野，仲有好多特色小菜同甜品。❤️九肚魚烙平時喺潮州飯店淨系會食到蠔仔烙、椒鹽九肚魚，九肚魚烙系第一次食，真係好驚豔。魚烙煎到金黃色，可以見到九肚魚塊大大塊好完整。表面脆脆地，好有蛋香味，裏面啲魚肉好似棉花咁軟，濕潤度啱啱好。❤️滷水拼盤（白烚大墨魚、潮州滷水鵝）例牌份量好多，好似一個小山咁。鵝肉滷水味好香好入味，鵝皮又薄又爽口。大墨魚色澤好靚，好新鮮，咬落有彈性。底層仲有滷水豆腐，入口滑溜。❤️薑蔥魚頭煲魚頭煲好有鑊氣，一上枱熱辣辣咁，香氣撲鼻。魚頭係煎完再入煲嘅，醬汁粘喺已經煎脆咗嘅表面，食落好惹味。❤️胡椒豬肚湯近幾日天氣特別凍，飲呢款湯就啱啱好。胡椒味突出，一啖湯落肚，成個人即刻暖笠笠，驅寒暖胃一流。豬肚整得好乾淨，完全冇騷味；鹹菜特別腍，系入口即溶嘅程度。❤️清心丸豆爽呢個係送嘅飯後甜品，係潮州傳統嘅糖水。去皮綠豆有少少起沙，好有口感。糖水有嘅係天然嘅清甜味，最特別係，仲有一支用陳皮磨成粉整成嘅調味醬油，加幾滴落去糖水入面，清