小胖台灣便當 (偉華中心)

營業中

休息中

無意中發現小商場內試業中的台灣菜! 我呢個「食家」當然要做吓白老鼠！雖則試業階段，CP值絕對不容忽視！絕對有驚喜！單看餐牌，套餐價格大約$60-80 包括主菜和新鮮冷泡茶。添加各款小食也$12！ 價錢大眾化！既然來探店，就試吓推介菜式！▪️逢甲香豬軟骨$72熱烈推介！豬軟骨夠晒入味，肉質軟淋，軟骨又再口中溶化之感！雖然略嫌味道太濃，但配上白飯和附贈的大量蔬菜，中和了鹹味之後啱啱好！老實說很欣賞蔬菜的份量！種類又夠多▪️士林酥炸大雞腿 配麻辣湯麵 $62一上菜忍唔住嘩一聲，隻炸雞皮超大隻！外皮仲要一睇就知道香脆！塊雞皮係脆到好似薯片咁！雞俾肉極都夠滑，有肉汁！反而麻辣湯麵有點失色，可能我食開四川菜，個麻辣唔夠衝擊。不過不失吧▪️梅香脆地瓜$12好食！吃不出梅香，但係地瓜球細細粒炸得好香，面層以椒鹽調味，酥脆鹹香，一粒一啖冇得頂！▪️台式涼拌豬耳$12口感爽脆，蒜蓉味和酸醋味足夠，但都係果句，食開麻辣豬耳就覺得味道較淡，也少啲辣油？不失為健康新選擇的！▪️油切綠茶+芙香蘋果茶台灣菜不嬲多香口炸物，套餐附送冷泡茶佢去油膩確實細心！綠茶清爽去油！蘋果茶帶有清香果味，但又唔甜！兩個都好值得試吓

📍 小胖台灣便當 沙田有新嘅台灣菜選擇，試業時期每個套餐減$5，同埋見到好多人嗌外賣就嚟試吓(´･ω･`)🍽食物：👍🏻士林鹽酥大雞腿便當 $62 7/10雞脾足足有我嘅手掌咁大，一分為二方便客人食。雞皮唔係好厚粉仲炸到好脆，直頭脆到有d𠝹口，而且炸完出黎唔會好黯淡。雞肉仲係嫩滑有肉汁，有啲似台灣夜市食到嘅雞排味，但係略嫌調味重手，食到好口渴便當配菜好豐富，有南瓜、蘿蔔、半隻滷蛋、煙肉粟米同小棠菜，營養均衡😂但係滷蛋好似酸酸哋，咬左一口就冇再食過。同埋我就唔係咁中意啲飯嘅質感，有啲太過淋同爛+滷肉$12滷肉係用肥豬肉整，唔係普通肉燥，不過好淺色同唔係好入味。食唔到果種風味，要改善一下，而且加滷肉要$12我就覺得唔係咁抵，份量得好少，唔夠撈勻成個飯👉🏻熱金橘檸檬茶正常嘅金橘檸檬，但略嫌太甜+九層塔雞翼(2隻) $12雞翼炸到好脆，裏面都仲keep到有肉汁，但就唔係好食到九層塔味，似普通炸雞翼😂👉🏻逢甲香烤豬軟骨便當 $72 6/105至6舊豬軟骨都有手指公咁長，燜得好入味但都係略鹹，食完好口渴，而且啲肉好乾係一絲絲嘅質感。如果唔鍾意食太肥既肉可以試下。配菜同雞腿便當嘅一樣餐飲：👍🏻冷泡日本

沙田偉華中心有一間新試業的台灣便當，小胖台灣便當，而且都好多人去食，得返黎嘅評價都唔錯。今晚去到餐廳，一入到去已經好多人。好在我同行3人都唔洗等太耐就可以入去食。真係好懷念去外國旅行嘅感覺，所以一有新嘅地道菜開業一定要試爆佢。今次係台灣小胖便當叫左萬華網烤牛肉湯麵| $72萬華網烤牛肉湯麵，個牛肉好入味，用燒烤方法去整更加好味，而且仲配一支芙香蘋果茶芙香蘋果茶 三杯蜜汁烤雞排湯麵|$58 三杯蜜汁烤雞排湯麵，不得不說佢嘅烤野係幾出色，雞排同牛肉都烤得好味，雞排啲色水烤得好靚，配湯麵一流。台灣鐵路大排骨便當|$62 台灣鐵路大排骨便當，依一個便當，令我懷念每次坐長途台鐵時都會叫嘅台灣排骨便當，真係好有風味，推薦。鹽鴨雞腿菇| $25鹽鴨雞腿菇，炸得好脆，但因為係菇類食落無咁油膩。麻辣鴨血|$38麻辣鴨血，身為一個鴨血愛好者，每次餐廳有得食鴨血都一定會叫，依到鴨血大大兜又入味又嫩口又滑，好吸引。梅香脆地瓜|$25梅香脆地瓜，依個都係我每次食台餐必叫既野食，脆卜卜既地瓜同梅子粉，永遠都係最佳拍擋一齊食用。滷水鴨舌|$38滷水鴨舌，都係經典嘅台灣小食，非常入味，鍾意食鴨舌既可以試下。3個人都埋

懷念當年喺台灣食便當嘅日子，疫情唔知仲會黐纏幾耐慶幸香港可以食到唔同地方嘅料理，就連沙田都有新嘅便當餐廳開咗鹽酥雞經常都食，成隻髀嘅鹽酥雞就唔係度度有，上到檯真係嘩一聲，好大隻呀，咬落外脆內嫩加$12飯底可以轉滷肉飯，肉汁肥美又惹味唔食便當可以揀麵食，湯底滾燙，麵條彈牙豬軟骨真係好化，骨頭煲到啫喱狀咁，而且好入味跟餐加$12可以食埋小食，炸雞翼同樣外脆，裡面好有肉汁，小心睇熱呀涼拌豬耳一啲都唔膩，保持非常爽口仲有樣嘢係超爽，就係隨餐有冷泡茶日本焙茶都可以冷泡，送飯飲真係可以消滯

📍小胖台式便當 去開沙田, 上網搵野食發現開左間台式便當. 朋友都未試過, 我最鍾意就係試新野, 一於行去偉華中心搵食, 比新城市廣場人流少啲 壓迫感無咁大, 而且新開又乾淨, 望落空間感好舒服，7點幾已經坐滿人，等左陣就有位。 望下有咩野食, 希好多套餐選擇, 包飲品, 加$12 仲有台式小食. 仲有鴨血果啲揀，就加$38😂 好多選擇😂 成個餐加埋價錢都非常親民, 咁抵食, 今餐就由我請客😌主食萬華網烤牛肉便當 $72 逢甲香烤豬軟骨湯麵 $72牛肉烤得好香，唔太多肥，入口牛味香濃豬軟骨好淋好入味，個手工麵好好味，好滑同爽口，我可以食淨麵都得，因為個湯底好味夠😂追加小食九層塔雞翼 $12懷念鹽酥雞 $12鹵蛋 $8雞翼好鬆脆，入面啲肉好滑鹽酥雞香酥見嫩，好味跟餐飲品芙香蘋果茶油切綠茶

沙田偉華最近開咗兩間新餐廳，一間係個個都識既牛大人，不過太多人未食到。 另一間就係呢間小胖台灣便當。一個餐大概$58至$72，包冷泡茶或熱金橘檸檬茶。11月30日前每份餐減$5，以晚餐來說都算抵。每個便當都有酸菜、小棠菜、蘿蔔、西芹及蛋角作為配菜，最鍾意蘿蔔，清甜又好淋。🐔三杯蜜汁烤雞排大大塊雞排舖面，雞肉肉嫩滑，而且非常厚肉。飯底有點豉油醬，加上配菜，一定夠餸飯。🐷台灣古早味烤豬肉轉滷肉飯加$12轉滷肉飯，滷肉係入味唔錯既，但唔算好多，少失望。薄薄的烤豬肉帶著微微的炭燒味，也是不錯。餐飲的冷泡茶好香，個樽鍾意可以拎返去裝水reuse🤭 熱金橘就正常水平，無咩驚喜。唔知係咪主題係"便當"，所有餐具都是即棄，好似唔太環保

好耐冇去過台灣旅行，好掛住台灣嘅嘢食😌呢間新開嘅台灣料理便當，食出滿滿台灣嘅風味。餐廳以便當料理為主，套餐包飲品、仲有多款台式小食$12 就可以加購，價錢平民相當抵食！晚市去食，外面排晒長龍，有好多人等堂食，亦都好多人等外賣🥡▶️古早味烤豬肉湯麵$70烤豬肉充滿蜜味，我覺得烤豬肉比烤牛肉優勝。鍾意麵入邊有生菜🥬吸入湯嘅味道幾好食😋▶️冷泡茶系列：芙香蘋果茶茶味夠香，帶點啖啖蘋果味，550ml真係大大杯🧃▶️追加小食：懷念鹽酥雞+$12鹽酥雞幾嫩，有椒鹽，我覺得如果多啲椒鹽更加好食。▶️萬華網烤牛肉湯麵$72烤牛肉烤得幾香，而且有調味。牛肉薄薄地夠林身。湯麵熱辣辣，鍾意佢嘅麵質煙煙韌韌有口感。▶️熱金橘檸檬茶暖笠笠冬天飲啱哂，金橘味酸酸甜甜，感覺潤喉。▶️追加小食：梅香脆地瓜+$12面上有少少梅粉，地瓜外脆內軟沙田區來講咁豐富嘅便當，價錢真係抵食！

小朋友上完興趣班，又到沙田食lunch，見到有新店開，台灣野又係我杯茶，當然要入去試吓啦。餐廳自助形式，裝修簡約，感覺都幾舒服。午餐有六款選擇，原本想點三杯雞餐，但已經賣晒，最後揀咗鹽酥雞扒同埋豬軟骨餐，一家四口叫左兩個飯和麵，份量都幾大，個餐仲有杯野飲送，都幾豐富。鹽酥雞扒便當 / 麵兩大塊鹽酥雞，肉質還不錯，不會炸到好乾，吃下去那種醃料味道與那間連鎖店的味道很似，好味的，但個人覺得太濃味。而雞扒本身唔夠熱，應該是預先炸好的，所以外皮不是十分鬆脆。便當有飯、菜莆蛋、粉絲、南瓜、西蘭花、酸菜，味道一般，沒有很大驚喜。麵方面，湯底比較咸，麵質地唔錯，不太硬又不會太腍身。豬軟骨便當 / 麵豬軟骨份量都唔少，煮得好入味，肉質好冧，嗰汁甜甜地的，幾好味，如果唔好咁咸，就更好了。這家台灣店，試過一次就好了。

之前見到沙田偉華中心 話開間小胖台灣便當上網check係香港首間而台灣【台北 松山】小肥便當近捷運南京三民站巷弄裡超人氣排隊便當店台灣便當定價從$80～$100(台幣）價格相當平實😊我知道黎到香港肯定貴dd 但見到係食台灣野已經好期待仲諗緊會唔會只做外賣前幾日朋友send相比我睇知道今日試業就去試下 我主打小食夜市炸魷魚🦑$38鹽酥雞髀菇$252樣都好好味 加椒鹽夠曬味😋九層塔雞翼$30 / 5隻 夠大隻炸得又乾身 好食😋😋加埋樽油切綠茶$25無加一服務費埋單 $118仲有佢d辣椒油(辣椒渣好香)必食朋友叫左個古早味烤豬肉便當🍱$70包一杯野飲追加左個麻辣豬耳(+$12)豬耳好好味🥰🥰再叫左個麻辣鴨血$38有六至八舊個湯好好味夠辣新張期內套餐減$5 埋單$103#一解相思之苦 #滿滿的幸福#唔係話好平但都唔係貴

今日係小胖台灣便當開張嘅第一日，見呢間嘅裝修都唔錯，而價錢嘅定位都算係進取，一個外賣套餐包埋冷泡茶大概係$58至到$72，所以就一心希望可以食返台灣嘅味道 。我買咗兩個套餐一個係b3士林鹽酥大雞腿雞髀,另一個係b4台灣鐵路大排骨。買返屋企之後發覺個便當同想像中有好大出入，台灣大排骨個質感好硬，似港式好硬嘅叉燒，食咗一兩件就唔想再食啦，另外啲白飯一嚿嚿黐埋一齊，口感好差。幸好的係，兩杯冷泡茶嘅質素都OK，個樽身都幾靚。鹽酥雞腿都中規中矩。雖然第一日開張，可能準備得冇咁好，但係呢啲都唔係藉口吧！

小胖台灣便當在沙田偉華中心剛開業，那便要試一試。看過餐牌後，便選了兩個麵食回家。今天是第一天開始試業，所以套餐每個減$5，真意想不到有此優惠。每套餐無論是選飯或麵，也包了一杯冷泡茶或熱金橘檸檬茶。～台灣古早味烤豬肉手工湯麵外賣湯和麵是分開放，吃時才將麵放入湯內，也是貼心做法。這湯麵的湯底非常入味，但又不會過鹹。湯內有少許滷肉碎和一些爽口生菜🥬。彈牙台灣手工湯麵配濃湯來吃是好配搭。薄薄的烤豬肉甜味較突出，最愛還是沾上了惹味芝麻粒，味道不錯，但略嫌質感乾了些，幸好有些香蔥和爽脆菜絲作配菜。～熱金橘檸檬茶吃過麵後，再來一杯甜甜酸酸的熱金橘檸檬茶是最好不過。既可解濃湯的膩，又可清一清口腔。～士林鹽酥大雞腿手工湯麵炸得金黃色的雞腿已切成兩大塊，但個人略嫌雞肉稍薄和乾，而且味道亦較鹹，個人認為放入湯麵內吃會好些。湯麵內的生菜吸收了湯的精華，非常好吃。整體來説，這兩個台灣湯麵不過不失，日後午餐也多了一個選擇。

沙田偉華中心有新開台灣便當餐廳，小妹一收工就相約閨密去湊熱鬧。店舖新張開幕裝修一定乾淨企理，店裡光猛坐位都算舒服。這裡玩法是先量體溫安心出行，跟住拿點餐紙找個座位坐低慢慢研究，之後到門前落單比錢就會有店員送到。🥢N1 麻辣鴨血肉燥寬粉$58鴨血厚切份量十足有五大塊好入味，麻辣屬台式風味，非常吸引及懷念。🥢B5 台灣古早味烤豬肉飯 $58甫上檯都感受到台灣車站便當感覺，每一少份配料都滿載台灣味道，烤豬肉香甜軟嫩帶炭燒味👍👍。🥢追加小食 $12鹽酥雞大大舊都有四大件，唔加都覺得蝕底左🤣🤣，香酥軟滑味道不錯好食。跟餐附冷泡茶🥤芙香蘋果茶，酸甜解膩。👍🥤油切綠茶，清香解喝。👍新張優惠每個套餐 -$5 👍👍👍👍