影片
更多
2021-11-22
82 瀏覽
📍 小胖台灣便當 沙田有新嘅台灣菜選擇，試業時期每個套餐減$5，同埋見到好多人嗌外賣就嚟試吓(´･ω･`)🍽食物：👍🏻士林鹽酥大雞腿便當 $62 7/10雞脾足足有我嘅手掌咁大，一分為二方便客人食。雞皮唔係好厚粉仲炸到好脆，直頭脆到有d𠝹口，而且炸完出黎唔會好黯淡。雞肉仲係嫩滑有肉汁，有啲似台灣夜市食到嘅雞排味，但係略嫌調味重手，食到好口渴便當配菜好豐富，有南瓜、蘿蔔、半隻滷蛋、煙肉粟米同小棠菜，營養均衡😂但係滷蛋好似酸酸哋，咬左一口就冇再食過。同埋我就唔係咁中意啲飯嘅質感，有啲太過淋同爛+滷肉$12滷肉係用肥豬肉整，唔係普通肉燥，不過好淺色同唔係好入味。食唔到果種風味，要改善一下，而且加滷肉要$12我就覺得唔係咁抵，份量得好少，唔夠撈勻成個飯👉🏻熱金橘檸檬茶正常嘅金橘檸檬，但略嫌太甜+九層塔雞翼(2隻) $12雞翼炸到好脆，裏面都仲keep到有肉汁，但就唔係好食到九層塔味，似普通炸雞翼😂👉🏻逢甲香烤豬軟骨便當 $72 6/105至6舊豬軟骨都有手指公咁長，燜得好入味但都係略鹹，食完好口渴，而且啲肉好乾係一絲絲嘅質感。如果唔鍾意食太肥既肉可以試下。配菜同雞腿便當嘅一樣餐飲：👍🏻冷泡日本
沙田有新嘅台灣菜選擇，試業時期每個套餐減$5，同埋見到好多人嗌外賣就嚟試吓(´･ω･`)
🍽食物：
👍🏻士林鹽酥大雞腿便當 $62 7/10
雞脾足足有我嘅手掌咁大，一分為二方便客人食。雞皮唔係好厚粉仲炸到好脆，直頭脆到有d𠝹口，而且炸完出黎唔會好黯淡。雞肉仲係嫩滑有肉汁，有啲似台灣夜市食到嘅雞排味，但係略嫌調味重手，食到好口渴
便當配菜好豐富，有南瓜、蘿蔔、半隻滷蛋、煙肉粟米同小棠菜，營養均衡😂但係滷蛋好似酸酸哋，咬左一口就冇再食過。同埋我就唔係咁中意啲飯嘅質感，有啲太過淋同爛
+滷肉$12
滷肉係用肥豬肉整，唔係普通肉燥，不過好淺色同唔係好入味。食唔到果種風味，要改善一下，而且加滷肉要$12我就覺得唔係咁抵，份量得好少，唔夠撈勻成個飯
👉🏻熱金橘檸檬茶
正常嘅金橘檸檬，但略嫌太甜
+九層塔雞翼(2隻) $12
雞翼炸到好脆，裏面都仲keep到有肉汁，但就唔係好食到九層塔味，似普通炸雞翼😂
👉🏻逢甲香烤豬軟骨便當 $72 6/10
5至6舊豬軟骨都有手指公咁長，燜得好入味但都係略鹹，食完好口渴，而且啲肉好乾係一絲絲嘅質感。如果唔鍾意食太肥既肉可以試下。配菜同雞腿便當嘅一樣
餐飲：
👍🏻冷泡日本培茶
用茶包整嘅冷泡茶，培茶味唔係好濃不過冇加糖夠健康，同埋食完好鹹嘅食物再飲真係好爽😂
⛩環境：
👉🏻環境光猛，裝修簡約
👎🏻枱同枱之間有啲迫，尤其二人枱係四人枱用隔板隔開，行出行入都驚撞到隔離枱😂同埋啲枱太細，因為用餐盤上菜，如果嗌多幾樣小食張枱就會放唔落
💁🏼♀️服務：
👍🏻落左單拎號碼牌入座，等左一陣就有員工送嚟，放低之前都有介紹菜式名
📝總評6/10
每碗便當都好豐富，而且價錢可以接受，但係食物整體偏鹹同乾，希望之後再嚟試會有改善！
⏱限時：
用餐時間由入座起計60分鐘
張貼
