小胖台灣便當 (偉華中心)

營業中

休息中

喺沙田偉華中心開左間牛大人之後又再開左間台灣餐廳😀喺其他地方又唔覺有分店見到呢間未食過就決定嚟試下Lunch嚟食 叫左一個台灣麵同一個小食個香烤雞排好好食！個麵就冇咩特別唔知咩湯底 唔濃味 好似有d肉燥包埋飲品 揀左熱檸蜜 好足料一d都唔稀麻辣鴨血一d都唔辣味道唔夠濃 唔重口味不過都算ok嘅三十幾蚊 但有差唔多十嚿鴨血 好夠食D餐具全部都係即棄全部包裝都用彩印印到好靚咁但始終唔環保 扣左分餐廳環境都ok 睇落都乾淨 座位亦都唔會隔得好密

小胖台灣便當👻星期日同屋企人黎沙田行街見到依間台式小店裝修幾靚好耐無食台灣野好掛住台灣啲小食所以就去咗入咗去食啦😚.🔅 逢甲香烤豬軟骨手工湯麵 HKD 72豬軟骨煮到好腍唔會硬連骨都可以食埋同個湯麵分開上咁就唔怕撈埋一齊個湯麵有咬口唔會太淋有啲似上海麵咁幾好食☺️跟餐仲有野飲添芙香蘋果茶甜甜地幾得意😆🔅逢甲香烤豬軟骨便當 HKD 72便當就多啲配菜有粟米滷蛋滷豆腐啲豬軟骨既汁撈飯食好正🔅懷念鹽酥雞(跟餐) HKD 12跟餐黎講份量都唔少12蚊都幾抵食炸得好食配埋啲調味粉好快就清哂🤣🔅九層塔雞翼(跟餐) HKD 12九層塔香料幾香雞翼就比較乾身12蚊非常抵食🤩.整體黎講：台灣風味 抵食唔錯😚.🎈 小胖台灣便當 (沙田)沙田沙田正街11-17號偉華中心2樓3B-3C號舖

今日同朋友特登出沙田行街，經過偉華中心見到呢間台式料理好有台灣既感覺，就去左試佢了🤤🤤士林鹽酥大雞腿湯麵 ($62)大雞腿真係冇改錯名，隻雞髀超大隻，只係斬開左兩件，咁就可以方便食又唔會整爛d 炸粉啦，雞肉幾滑，表面既鹽酥炸粉夠鬆脆，整體幾好食😋😋萬華網烤牛肉湯麵 ($72)我叫左烤牛肉做主菜，岩岩黎到既時候同雞髀好大對比，因為份量差好多，但試左之後就發現烤牛肉真係超好食，就算份量少d 都抵呀😍😍佢有少少甜味，烤到岩岩好熟，唔會un,配埋個湯麵整體好好食😚😚九層塔雞翼 (+$12)梅香脆地瓜（+$12)因為想試多少少種類，我地叫左兩款小食，個雞翼同地瓜都炸得香脆，個人比較鐘意地瓜，佢加上梅粉甜甜地好有台灣風味芙香蘋果茶跟餐仲配冷泡茶，蘋果茶夠香甜，勁大支仲可以帶走慢慢飲添😙😙📍 小胖台灣便當 (沙田)沙田沙田正街11-17號偉華中心2樓3B-3C號舖#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #hkfoodie #hkfoodies #food #foodie #foodstagr

餐廳點餐方式係店舖門前選餐付款，之後領取號碼牌等食物準備好由店員送到餐桌，對於想快捷地吃一頓飯的人最適合，除非滿坐否則唔怕點餐後冇位坐🥰跟朋友選了網烤牛肉和鹽酥大雞腿便當，追加兩個小食，好豐富！烤牛肉帶醃料香味，灑上芝麻好好味，份量幾乎完全覆蓋飯面夠足料。大雞腿肉汁、醃料同炸漿比例算適度平衡，咬落口唔會食至一口油。飯面配菜又有少少驚喜，包括小棠菜、翠肉瓜、南瓜粟米等等，幾豐富。小食地瓜球雞翼又係一些很台式的風味，調味做得剛好。便當附多款冷泡茶，可以解膩又好飲，蘋果茶輕輕帶甜味相當可以😋👍🏻

沙田好多美食選擇，中式、西式、日式、多國菜都有，每次都花多眼亂，唔知食咩好。今次就想試下台式便當，就黎到剛開業無耐嘅小胖😋三杯蜜汁烤雞扒 送茉香蘋果綠茶$58雞扒嫩滑，蜜汁烤嘅時候有少少濃邊，味道好香。便台嘅份量都好多，男仔都一定夠食台式鐡路大排骨送茉香蘋果綠茶$62啖啖肉嘅大排骨，有陣陣黑椒味，好好食！而且便當仲有唔同嘅配菜：大白菜、火腿粟米同南瓜，平衡返肉嘅油膩感加$12鹽酥雞真係又平又抵食，下次一定再幫襯😋

偉華中心新開咗呢間「小胖台灣便當」，嚟到已經見到滿滿既人龍，呢度係先付款後取位形式，亦可以先取定位都得😅🌟逢甲香烤豬軟骨便當 $84🌟大大份 份量十足嘅便當，裡面有半隻滷蛋、粟米、翠玉瓜、紅白蘿蔔、好軟腍既豬軟骨🤩🌟熱金橘檸檬茶🌟比想像中好飲，有少少似飲緊韓國熱柚子茶，當初以為係茶色，點知打開係平時飲開既柚子茶色，味道不太甜，呢樣幾好👍🏻🌟香蔥油燙青菜 (+$12)🌟小食揀咗燙青菜，原來係生菜，上面舖滿了乾蒜，不過就有少少油膩，少返啲油會好啲🙈🌟士林鹽酥大雞腿湯麵🍗 $77🌟大雞腿真係好大隻😳😳😳淨係食個雞髀都飽咗一半了😆😆炸至金黃色，但食落唔會好油溢味，係好乾身，雞肉肉質好嫩滑，不錯😍🌟麻辣湯麵 +$3🌟轉咗麻辣湯底，食落辣得嚟好過癮🌟油切綠茶🌟有焙茶、綠茶、蘋果茶揀，就揀咗綠茶，順帶一提，蘋果茶係含有糖份的，怕茶味太苦，可以一試🤤🌟台灣涼拌豬耳 +$12🌟溫馨提示：用餐時間係由入座起計60分鐘

見到新開既台灣便當即刻去嘗鮮下～食物好有台灣味之外，店員仲好nice , 好似係台灣d職員會好nice 微微笑既感覺！❤️士林鹽酥大雞腿 超巨型既大雞脾，皮脆肉嫩！升級南部滷肉飯，配菜有半隻滷蛋+豆乾+小唐菜+蓮藕片，真係好台式，同那些年去恆春食到既滷肉飯味道好似!!🧡萬華網燒牛肉手工湯麵 燒牛排調味好好，燒到好香，牛肉熟度岩岩好夠嫩，唔會鞋唔會乾！💛梅香脆地瓜 好多梅子粉灑係岩岩炸到又香又脆既地瓜粒粒上面，超正！💚鹽酥雞 細細粒一口鹽酥雞，又香又脆又嫩💙自家製冷泡菜 苿香蘋果茶 一打開蓋已經有一陣好清香既蘋果味～ 日本焙茶都好清香，個樽仲可以帶走循環再用

逢甲香烤豬軟骨湯麵：豬軟骨入味非常，軟林林之餘，軟骨完全軟滑入口即溶。平時食豬軟骨最怕啲肉鞋十十，但這個肉汁嫩飽滿，均勻，極之推介！湯麵熱辣辣上枱，份量不少！麵質軟硬適中，整體真是不錯，便當原來都可以好好吃！萬華網烤牛肉＋麻辣湯麵：牛肉分量十足，切開一片片容易入口，貌似整塊牛扒一樣。網烤有陣陣燻烤香味。麻辣湯麵真的令人有驚喜，湯麵加上一些肉燥，更添滋味！雖然知道是會口渴的，但是最後將麻辣湯吃清光！

一直以來都好喜歡台灣美食😋沙田最近開咗 #小胖台灣便當身為沙田友緊喺要試下啦！到門口要先落單後攞位好多人排隊呀，正明無介紹錯😜#逢甲香烤豬軟骨大大飯碗幸福滿寫，豬軟骨煮至非常腍身，口感軟稔，配料充滿飯碗，加上甜甜地嘅醬汁送飯，十分滿足！#萬華網烤牛肉牛肉燒得好入味，牛肉汁好juicy，滲透暖笠笠嘅白飯，甚有台灣風味。#懷念鹽酥雞要懷念台灣，就一定要食鹽酥雞。炸得金黃香脆，口感鬆脆，肉質嫩滑。#九層塔雞翼再追加了小食，雞翼也相當出色，與九層塔一齊入口帶點芳香。#熱金橘檸檬茶天氣咁凍最啱飲番杯熱茶，金橘檸檬酸酸甜甜，飯前飲好開胃。#芙香蘋果茶淡淡嘅蘋果味，不會太甜，非常清爽。飯後一枝茶，消除剛才的油膩感。

以前每次去台灣，經常都會找火鍋店吃麻辣鴨血，直到不能出遊就買各種即食料理包，滿足自己喜愛吃的慾望。今日去到沙田行街，發現有台式餐廳，主打麵食、便當及小食，即刻入座試試！#小胖台灣便當 門口有大大個小胖頭，相當顯眼。內裡的木系裝潢一室悠閒，最重要係牆上一句「一碗滿滿的幸福」，相信都是不少人吃完美食後的心聲。◽️ 台灣鐵路大排骨定食 $62（加$12配南部滷肉飯）在台北坐火車南下時，都會買好火車站的台鐵大便當，在車上慢慢吃才有旅行的感覺。這裡的定食亦好台式，排骨酥香味美，配上濕潤的滷肉飯剛剛好。◽️ 麻辣鴨血肉燥寬粉 $70本人最愛吃麻辣鴨血，眼前這碗也沒有令我失望。先有麻辣香引起食慾，鴨血都有好多件又入味，寬粉吸哂湯汁，食落麻香辣都有，推介！◽️ 逢吉鄉吼豬軟骨湯麵 $72（加$3轉麻辣湯底）麻辣湯底同樣美味，而且愈吃愈香，不會只有死辣。豬軟骨煮至腍身，配上微甜的醬汁及有咬口的湯麵。◽️ 追加小食：懷念鹽酥雞 $12炸至香見凱大juicy，鹹度剛剛好，熱熱的上桌瞬間被搶光。◽️ 追加小食：香蔥油燙青菜 $12叫返樣菜增加「健康感」，青菜唔會煮得太老又甜。◽️ 追加小食：台灣涼拌豬耳 $12爽口彈牙，

😋新開台灣便當😋推介指數 ❤️❤️❤️❤️🤍放工到沙田閒逛順道感受下聖誕氣氛，不過暫時減價未算吸引，再等下先😆 到附近商場搵食，偉華商場新開台式食店，木系主調感覺溫暖。店內光猛座位與座位之間有適當距離。🌶麻辣鴨血肉燥寬粉 HKD70✨麻辣配鴨血就係天作之合，鴨血厚切約5-6塊，寬粉彈牙且索麻辣湯汁份外滋味！🌶逢吉香烤豬軟骨湯麵 HKD72✨無辣不歡+HKD3配麻辣湯底，上枱時香噴噴已經食指大動。麻辣平衡容易入口，愈食愈辣又不至於好辣。豬軟骨食落軟腍唔鞋，帶點糖醋骨酸酸甜甜，好開胃～🇹🇼台灣鐵路大排骨定食 HKD62✨掛念台灣當然要食排骨飯啦～排骨香口內唔乾，+HKD12配南部滷肉飯，味道鹹甜剛好且不膩，滿足！🥡追加小食 HKD12@✨點便當以優惠價追加小食懷念鹽酥雞，外層酥脆內唔乾；台灣涼拌豬耳，爽口彈牙；香蔥油燙青菜 ，味道清甜又唔會過熟。🧊飲品✨隨便當可自由點選冷泡茶或熱金橘檸檬茶。大家不約而同挑選冷泡茶，芙香蘋果茶滿滿蘋果清香且唔太甜；日本焙茶及油切綠茶同樣清爽唔澀順喉。整體而言CP值高，便當或麵食HKD58起且附送飲品，追加小食亦有5款選擇，推介呀～總結：-食物 ❤️❤️❤️❤️🤍環境 ❤️❤️❤️

Hello 大家好，又係我地Hkfunlife小編分享好餐廳既時間啦今日路過見到排晒長龍，原來呢間LOGO係一個小胖子既台灣店終於開張喇，藉值食飯時候，我地都二話不說揀左呢間餐廳試下 呢間餐廳位於沙田沙田正街11-17號偉華中心2樓3B-3C號舖，叫做小胖台灣便當。餐廳雖然舖位唔算大，但環境舒適同都幾闊落。店員友善細心，得知我地初次光顧，主動推介人氣菜式。坐低之後，唔洗等好耐野食就到嚕。今次我地點左三杯蜜汁烤雞扒滷肉飯＋鹽酥雞＋油切綠茶 同埋 萬華網烤牛肉麻辣湯麵 ＋涼拌豬耳＋芙香蘋果茶。雞扒好大塊好好味，滷肉份量十足，而烤牛肉都好有牛肉味，辣度適中。想食台灣野既朋友可以試下：）

🍱🍱《小胖台灣便當》 ［@sofood_sogood_sochill]⬅️喜歡及支持請follow🤗天高氣爽🍁，小編和呀大人走咗入沙田踩咗一朝單車🚴🚴‍♀️🌤！未到中午兩個肚🌞已經不停呼喚🙄！咁就走返出商場區搵食啦😋！走到一間台灣便當🍱小店門口，未到正中午已經排了人龍😱！店內牆壁大大隻字寫著：一碗滿滿的幸福☺️！這家小店要先在Counter點餐付款💵，拎住No. Stand入座，再由店員用精緻小木🪵盤送餐到你枱上的。🚲🛵🚲🛵🚲🛵🚲🛵🚲🛵🚲🛵🚲地道台灣便當💚 逢甲香烤豬軟骨便當 HK$72💜 配：芙香蘋果茶💛 追加：懷念鹽酥雞 +HK$12➖➖➖➖➖➖➖➖➖➖➖➖➖便當🍱上枱要已經聞到香噴噴🔥的烤豬軟骨味😙！烤豬軟骨炆得超級入味😋，肉質鬆軟嫩滑又Juicy💦！汁醬也注入了白飯之中🍚，成個飯會令你Keep住分泌唾液，食到停唔到口🤣！鹽酥雞🐥不得不分享！佢炸到炸漿好脆好鬆身😙，入面的雞肉好入味好到位👍🏻！呀大人食完同小編講，早知叫一個全份啦😐！芙香蘋果茶🍎是茶包冷凍茶❄️，以小店設計的附蓋膠樽出場，茶味🍵香濃，帶蘋果香，不太甜！而且大大支，飲唔曬都可以帶走👍🏻！台灣麵食💚 台灣鐵路大排骨便當 HK$

是日放假去左沙田行街，路過見到呢間食台灣野既鋪頭，排哂長龍，睇吓餐牌原來係食台灣便當，好似好地道好正宗，一於就試吓啦💛我哋點左兩個套餐🍛🍛▪️萬華網烤牛肉 $72 加 $12 升級南部滷肉飯加 $12 懷念鹽酥雞套餐送～芙香蘋果茶🍛整個套餐好大份，牛肉像燒烤牛肉一樣，好入味好Juicy ，滷肉就像台灣吃的一樣味道，豬肉肥瘦適中，加上飯中好多配菜，有粟米，蔬菜，南瓜，蛋皮，豐富好味🐔鹽酥雞剛炸起，外脆內軟，調味適中，台灣街頭風味，同佢個名一樣真係好懷念👍🏻👍🏻🥤蘋果茶清甜，清新好飲解渴，不太甜▪️士林鹽酥大雞腿便當$62 加 $12 升級南部滷肉飯加 $12 梅香脆地瓜套餐送 ～日本焙茶🍛大雞腿炸到雞皮香脆，雞肶肉好嫩滑，邪惡但好好味，滷肉飯意見就同上，真心非常唔錯💛🍠即係炸番薯，炸到外面脆口，內裏軟熟清甜，小食都做得好用心，100分🥤我最愛的無糖冷泡茶，香濃茶味非常解渴

偉華中心以前嘅扒王之王分拆成唔同嘅店鋪，呢一間就係其中一間。餐廳打正旗號寫住試業，自己又好耐冇食過台灣嘅，沙田亦都冇咩台灣嘢食，所以佢開咗喺呢度，絕對係有非常大嘅優勢。餐廳主要係食台灣便當🍱，就算係個器皿亦都係外賣盒嚟，所以非常方便外賣；套餐則係一個主食；一個小菜，亦都可以加錢要多樽冷泡茶。唔一定要拎單張，望住個大螢光幕都可以去選擇自己食啲乜嘢。呢度係要去收銀處先俾錢，然後等叫號碼，最後先拎野食。我叫做呢一個係台灣古早味烤豬肉飯，豬肉切得幼細，像豬肉乾，然後連埋清甜嘅粟米同埋台灣香腸，碗飯亦大碗，應該可以係一個半人嘅份量。再配埋一個九層塔雞翼，這一款雞翼比較濃味，應該口味偏重嘅朋友會比較鍾意食。我另外呢一款叫咗台灣鐵路大排骨飯，配料跟上面果碗差唔多，唯獨係佢加咗少少辣椒，排骨亦都係香酥脆炸，跟豬肉烤的做法不同，也不錯。我最後叫咗兩支冷泡茶，無糖，清甜，食濃味野之後解一解就最好。