小胖台灣便當 (偉華中心)

營業中

休息中

性價比超高既台式便當，真係好中意食個士林鹽酥大雞脾🥰❤️士林鹽酥大雞腿便當 超巨型既鹽酥雞脾真係食極唔厭！有小唐菜 翠玉瓜 粟米 紅蘿蔔等等既配菜，罪惡感即時減半，放心食😎🧡萬華網燒牛肉湯麵 薄切燒牛肉，加少少香蔥芝麻更加香口，正rrr💛九層塔雞翼 炸得好脆，仲好香既九層塔味添💚苿香蘋果茶 茶味較清淡，蘋果味非常香！💙油切綠茶 清香又好回甘，食完炸物解膩一流而加晚市只有堂食，職員pack外賣超熟手，等一陣就拎得，返到屋企仲熱辣辣😍

位於沙田偉華中心🍱小胖台灣便當Chubby Bento造型可愛 環境寬敞採用紙盒包裝 神還原台灣鐵路便當的風味不設加一 附送飲料 可享優惠價追加小食.萬華網烤牛肉便當🐮牛肉雖然薄身 但仍能嫩滑多汁 有驚喜外層烤得香脆 塗上燒汁 灑滿了芝麻單配白飯已經很好吃 還有多款配菜粉絲 時蔬 煎雞蛋 全都是誠意之作.台灣鐵路大排骨便當🐷大排骨size驚人 要分兩層才能放得下炸得金黃酥脆 肉質軟腍 而且夠入味+$12升級南部滷肉飯🍚南部肉燥飯以豬絞肉滷製 肥肉比例低口感不膩 加入紅蔥頭爆炒 香氣四溢.懷念鹽酥雞🐔以優惠價$12追加小食 也有五六塊鹹酥雞炸漿不厚 啖啖肉幾juicy 帶有九層塔的香氣.台灣涼拌豬耳🐽口感柔韌爽脆 味道以滷汁為主 帶麻油香富含膠質 跟平常吃到的麻辣豬耳不同.芙香蘋果茶🍎估唔到跟餐附送冷泡茶 很佛心！單點要$25三款選擇：油切綠茶/日本焙茶/芙香蘋果茶味道天然清新 香濃蘋果味 樽身印有可愛logo.金橘檸檬茶🍋除了冷泡茶 仲可以揀熱飲：金橘檸檬茶微酸帶甜好暖胃 岩哂天氣凍嘅時候飲整體CP值高 份量和味道都好滿意 推介

自從疫情再次爆發後，晚上無得堂食，多左外賣，今次想食台灣野，係沙田小胖台灣便當 CHUBBY BENTO買外賣。我地點了兩個套餐，包括主食和飲品，加十二蚊有追加小食。點了萬華網烤牛肉便當，凍日本焙茶，追加小食台灣涼拌豬耳。另一個係逢甲香烤豬軟骨便當，熱金橘檸檬茶，追加小食鹽酥雞。便當份量也不少，牛肉薄身，但完全吾乾和硬身，味道調教不錯。豬軟骨夠稔身，口味不俗。除了主菜外，仲有配料，有粟米，煎蛋角，豆腐干，蓮藕片等，幾豐富。全部混合一齊食，多重口感，若多一些醬汁更好味。涼拌豬耳帶點咬口。而鹽酥雞炸粉適中，夠可口。下次可以試下麵。

同朋友喺沙田shopping完，見到有間新開張既「小胖台灣便當」，大家都好掛住以前去台灣夜市嘅味道🥲，一於入去尋回先😆餐廳裝修好光猛，座位都好舒適，最吸晴一定係牆上面的標語❣️一碗滿滿的幸福👦🏻❣️我地首先喺門口嘅收銀處落單，然後入去搵位坐低，食物準備好之後，會有侍應好貼心送份餐比你。我地叫咗兩個套餐，套餐包一杯飲品，另外每人都加左$12要一個小食。🥢萬華網烤牛肉湯麵🍜 $84～ 湯麵同牛肉係分開上，湯麵🍜粗幼度適中，份量好足，好掛湯，網烤牛肉有炭燒味，好薄身好香口～ 飲品：熱金橘檸檬茶，酸酸甜甜好醒胃～ 追加小食：梅香脆地瓜，好地道嘅小食，細細粒嘅地瓜，炸到外脆內軟🥢逢甲香烤豬軟骨湯麵🍜 $84～ 豬軟骨炆得好淋，肉質好juicy, 鋪滿醬汁惹味～ 飲品：芙香蘋果茶，支裝上，蘋果味好清新～ 追加小食：懷念鹽酥雞，呢個鹽酥雞必食啦😍鹽酥雞炸得好香脆，一啲都唔乾身，好食到想再encore叫多一份🤣📍小胖台灣便當 (沙田)沙田沙田正街11-17號偉華中心2樓3B-3C號舖

係沙田發掘左呢間台式餐廳，餐廳裝潢簡潔，燈光明亮，望起黎乾淨企理。餐廳係先係櫃枱點餐付款後入座，落單後食物好快就送上😚🌟萬華網烤牛肉便當 $72便當非常足料，有牛肉、小唐菜、粟米、蓮藕、炸紫薯等，牛肉嫰滑軟淋，配埋燒汁好好味😍粟米清甜，加埋爽口蓮藕，口感豐富😚加$12可以追加小食，叫左鹽酥雞，雞粒炸到好酥脆，非常美味😋🌟士林鹽酥大雞腿湯麵 $62餸同湯麵分開上，大雞腿真係要大讚💯，炸到熱辣辣，雞皮超酥脆，咬落有聲，雞肉嫰滑，食落軟嫩酥香，仲要勁大隻，抵食🤩。湯麵軟淋適中，夠晒彈牙😋小食叫左涼拌豬耳，豬耳爽口，口感唔錯😝跟餐附送飲品，我地都揀咗苿香蘋果茶，飲落有濃濃既蘋果味，仲聞到茉莉花香🥰，甜度適中👍🏻📍小胖台灣便當 (沙田)沙田沙田正街11-17號偉華中心2樓3B-3C號舖

今日年初五，突然想食台灣嘢，但由於過咗六點，就只能買外賣返屋企食。今天試呢間叫做小胖台灣便當。我哋叫咗兩人餐，三杯蜜汁烤雞扒便當蜜汁雞扒烤過都幾香都幾嫩滑，甜甜地味道唔錯，便當仲有蘿蔔、煎蛋角、紫薯、青菜，食完都飽飽地。萬華網烤牛肉湯麵先試個湯底，湯底味道帶少少甜都幾好飲；網烤牛肉估唔到佢係牛扒嚟，呢個比到我驚喜我，牛肉一啲都唔會韌仲幾腍添😋唔錯呀。麵質都OK 嘅，外賣佢會麵同湯都分開上，呢點讚。台灣涼拌豬耳呢個小食加$12 就有，都幾抵食，味道都唔錯食落都夠爽口。懷念鹽酥雞呢個小食加$12 就有，雞都炸得幾脆，雞肉夠嫩滑。呢個都唔錯㗎，雞肉都嫩滑。日本焙茶冷泡茶呢個茶味都夠濃，味帶仲少少回甘，回甘味越濃我越鍾意。熱金橘檸檬茶金橘味都幾濃，鍾意金橘嘅朋友都應該會鍾意。外賣等候速度好快，1-2分鐘就走得👍

適逢聖誕節帶母親大人遠行，去沙田行街街🧒🏻👩🏻🛍 可能大家行到攰都會近近地喺新城市中心搵嘢食，但我地行行下竟然穿左去偉華中心🤣 Menu:1️⃣ 萬華網烤牛肉飯 配 懷念鹽酥雞 x 熱金橘檸檬茶（$84）估唔到個牛肉唔似平時食開嗰啲，比較薄身，但份量相當足，有十塊咁多😆 配菜嘅種類相當豐富&健康～有佛手瓜🥒、茄子🍆、小棠菜🥬、粟米🌽 、雞蛋🥚 母親大人覺得杯熱柑橘檸檬茶太酸，但係我就覺得酸酸甜甜咁幾開胃🍋🥰 至於個鹽酥雞外層炸得好香口，內裡肉質依然嫩滑🐥👍🏻2️⃣ 台灣古早味烤豬肉湯麵 配 梅香脆地瓜 x 芙香蘋果茶（$70）相對個牛肉便當，呢個豬肉湯麵就顯得比較清淡😌 個豬肉都係比較薄身，食落口有少少偏向豬肉乾嘅感覺🐷 食台灣野唔可以唔食炸地瓜先🇹🇼🍠 撈咗甘梅粉係表面就會有啲酸酸甜甜、再食真啲又會有少少鹹味🤣

很久沒有在沙田市中心逛街🛍，幾個商場又陸續有新店進駐，更發現有不少新食肆👀，亦都以台灣菜為主其中一間就是這個主打台式便當🍱的餐廳，這天就跟男友來吃一下萬華網烤牛肉便當  $72 想吃飯，就來一份薄燒牛肉便當，這個無論色彩🌈跟份量都是滿滿的，除了有牛肉片，還有🌽粟米、粉絲、青瓜🥒、小棠菜、滷水蛋等，牛肉雖然薄身但不會乾身，烤得好香口，肉汁多💦肉味濃，調味適中，搭配其他食材和加入鹹甜兼備的燒汁拌🍚白飯，整個味道很好很下飯！三杯蜜汁烤雞排湯麵 $73（+$3 升級麻辣湯麵）男友喜歡吃麻辣🤪，升級為麻辣湯底令整體味道更為豐富惹味，🌶辣度還算可以的，越食越麻越辣；🍜麵身比想像中好，彈牙度還算高，不會變得太腍身而沒有口感😌三杯蜜汁烤🐔雞排做得很好，肉質嫩滑有肉汁，雞排大件又厚身，雞皮烤得香口好吃，還有淡淡的蜜味，沒想到這個很好吃呢😋熱金橘檸檬茶（跟餐自選飲品）芙香蘋果冷泡茶（跟餐自選飲品）客人只要點一份便當或麵食就可以揀一支冷泡茶或熱金橘🍋檸檬茶，不用另外加錢啊～我們選了芙香蘋果🍎冷泡茶跟熱金橘檸檬茶，沒想到這兩杯😍驚艷到我們，絕對喜出望外熱金橘檸檬茶帶有非常濃郁的🍊金橘味，加上飲品暖暖的，養生之

台灣美食周圍都係，但未必間間都好食😛沙田近期開左間新既台灣便當，賣相同味道都十分可以.▪️香烤豬軟骨便當 $72跟餐附送冷泡茶，簡左油切綠茶！雖然睇落只係茶包，但味道並非一般嘅茶～有香醇嘅茶味，而且凍冰冰，解渴一流！豬軟骨都有五大件，仲有滷水豆腐同蛋😋▫️鹽酥大雞腿湯麵 $62大雞腿又脆又香，一啲都唔會覺得太厚粉，麵較軟身有咬口！▪️台灣涼拌豬耳 $12▫️台灣鹽酥雞 $12外賣同當食都係向門口落單～

好耐冇黎沙田行街，行行下黎左偉華呢邊，見到呢間台灣野門口個肥仔招牌又幾得意，好似幾好食咁😋我個台灣胃即刻響起警號要醫醫肚🤤*萬華網烤牛肉便當 $84*分量多非常足料，除左牛肉之外重有粟米、菜、萵筍、蘿蔔、茄子，最驚喜嘅係有塊菜脯煎蛋，超級豐富，牛肉都算入味，唔會太過熟太過靭*士林鹽酥大雞腿湯麵 $74*超大隻炸雞髀，大隻到佢要預先幫你切開一半，薄薄嘅炸粉漿，食落新鮮熱辣勁脆口，雞肉好嫩滑好juicy，個湯雖然望落清清地，但係食落有乾蔥香蒜味，麵質幾彈牙便當/麵食餐加$12可以追加一款小食，有五款可以揀，我地就叫左鹽酥雞同梅香脆地瓜，份量比想像中多，熱辣辣好香口，地瓜加左梅粉好好食，一啖一粒食唔停套餐本身包埋野飲，我地就叫左*熱金橘檸檬茶*同埋*芺香蘋果冷泡茶*，金橘檸檬好潤喉飲完好舒服，冷泡茶竟然係原枝枝裝咁比你，非常衛生👍🏻飲唔哂可以拎走慢慢飲

勁大碗便當🍱上菜唔洗5分鐘，快靚正，附近打工仔lunch嘅好選擇😎（以下嘅食評可能會偏好，因為我太耐無出街食飯🥺🥺）≡≡≡≡≡≡🍱便當主食🍱≡≡≡≡≡≡1️⃣三杯蜜汁烤雞排便當 $58肥大厚肉烤雞排好食😍烤過後鎖緊肉汁、光澤無瑕🥰而且加蜜汁烤，雞肉索哂啲蜜香，真的份外惹味！可以學下佢整！🤣配一塊蛋角、少量粉絲、時菜、豆枝～飯量超多，XL size，飽到頂胃😍≡≡≡≡≡≡≡≡≡≡≡≡2️⃣台灣鐵路大排骨湯麵 🍜 $62排骨冇雞排咁好食😂但係湯麵好正，淨係個碗身都特別高🤣好似食緊平時正常一碗麵x 1.5倍麵量😱😱麵質似幼身手工上海麵/擔擔麵，唔係話好彈，但係滑、幾掛汁😝湯底清甜，食完唔口渴，應該冇加味精😍≡≡≡≡≡ 🥧追加小食 🥧≡≡≡≡≡☘︎︎ 梅香脆地瓜$12 地瓜夠甜，外脆內軟🥰梅粉多☘︎︎ 懷念（🙈？）鹽酥雞$12 一般，唔夠香脆≡≡≡≡≡🍹跟餐飲品🍹 ≡≡≡≡≡1️⃣冷泡芙香蘋果茶 - 冷泡茶，茶包已加糖中和蘋果酸，味道唔差啊，似平時飲蘋果汁🍹2️⃣冷泡油切綠茶🍵 - 無添加糖，三角大茶包，茶葉多，綠茶味特別濃，朋友仲問店員茶包有冇得買走😂的確，沖多幾劑水都應該仲有茶味😍▼・ᴥ・▼

無得食晚飯堂食咪食午餐囉😤沙田最近開咗間台式便當.個logo好可愛🤣雖然店舖細細. 但選擇都唔少主打飯類便當同麵類. 為咗試哂佢啲嘢食我哋就各叫咗一類再加小食❤️🐮萬華網烤牛肉便當便當嘅擺放同配菜都好台式😍牛肉烤得好香口. 牛味非常濃郁雖然薄身但唔會乾身便當嘅份量都算大🦆麻辣鴨血肉燥寬粉鴨血好嫩滑😍件件都好大嚿好飽滿唔會有膠味寬粉吸滿咗湯底嘅味道好入味. 口感亦Q彈🆙懷念鹽酥雞 & 九層塔雞翼+$12有得追加小食鹽酥雞炸得好香脆. 唔會好油亦好入味雞翼亦一樣. 好味道👍🏻呢間台式便當性價比都算高. 份量亦大唔使洗好多錢就可以食到高質又飽肚嘅一餐❤️

小胖台灣便當 @chubbybento.hk 📍：沙田沙田正街11-17號偉華中心2樓3B-3C號舖🚗：沙田地鐵A1出口 經新城廣場嘅天橋步行5分鐘到偉華📞：+852 3853-5500💲：~HKD70/head for lunchFood quality✔️：三杯蜜汁烤雞排、地道台灣便當、熱金橘檸檬茶、台灣古早味烤豬肉👌🏼：台灣涼拌豬耳、芙香蘋果冷泡茶❌：台灣手工湯麵、懷念鹽酥雞總結：😋一碗sell台灣古早味便當🍱湯麵🍜嘅餐廳 便當飯有多種配料包括蓮藕 粟米 紅薑 菜 蛋餅 加上濃厚嘅醬汁 確實有嬷嬤嘅味道 非常入味 而五款餸都可選擇跟湯麵或便當 十分推薦便當😋三杯蜜汁烤雞排嘅雞好嫩滑 烤味唔重但蜜汁味都幾出 58蚊餐食到呢種質素no complaint at all 份量都唔少 比足5件 而每件又唔細舊 很好☺️😋熱金橘檸檬茶嘅金橘味真係超重 而且食到一粒粒嘅金橘 本身唔expect免費送嘅飲品會幾好飲 但喜出望外 所以係有驚喜😋古早味烤豬肉好似係食緊叉燒薄片咁 明明係一舊豬肉但唔知點解有好大陣蜜汁甘甜味 味道似叉燒但口感又完全唔似 幾新奇嘅一次體驗 🤩😋強烈建議大家+$12蚊換小食

餐點好多都有台灣各區地名，兩年無去過旅行真係睇見都想去，而家只能懷緬過去，食左當去左🥲🥲。🌖B1.萬華網烤牛肉便當 $72 加$12升級南部滷肉飯薄身牛肉望落乾身，有少少似肉乾，不過一啲都唔柴，係濕潤軟淋版嘅牛肉乾！牛肉以外有雞蛋🍳、蘿蔔做配菜，仲有加錢升級嘅台灣代表：滷肉！滷肉鹹度適中，唔會太油，少少就已經可以令成個飯變得油亮，仲好好送飯又易入口，一食就令人懷念寶島台灣啊～～～～🌗N4. 士林鹽酥大雞腿湯麵 $62 加$3升級麻辣湯麵鹽酥雞腿又厚又大隻，表皮酥脆香口；麻辣湯底真心辣，好彩只係入口果下，「麻」方面可以再加強，兩者都係後勁不足；配搭方面可以加多啲菜，例如酸蘿蔔，咁就可以解辣同油膩～🌖追加小食：梅香脆地瓜、香蔥油燙青菜 每款+$12梅香脆地瓜真係不得了，香脆得黎唔會太乾，內𥚃又夠鬆軟，表面仲有淡淡梅子粉嘅酸味，清除油膩感之餘仲好開胃，令人一口接一口，如果梅子粉放係調味品樽🧂內，讓客人根據個人喜好加減份量會更好。🌖芙香蘋果茶、油切綠茶 $0（便當/麵食附送）兩款茶🫖都係由一個小小茶包冷泡而成。油切綠茶🍵比較清香解膩；芙香蘋果茶則較為香甜，估唔到小小一個茶包已經可以浸泡出十足水

今日同大胖去食小胖😂在餐廳外面先點餐，再入餐廳進食士林鹽酥大雞腿飯🍱真係好抵食，雞髀超大隻，而且雞髀肉一啲都唔鞋，個飯入邊仲有好多配菜，好鍾意半隻蛋，性價比十分高台灣鐵路大排骨麵份量好多，排骨超大塊，切件上食用好方便，湯底比較清淡，食開淡口味嘅朋友可以選擇湯麵，不過佢就冇飯嘅配菜，感覺食飯多啲嘢食開心啲梅香脆地瓜真係勁好食，鍾意食番薯一定要點呢一個，番薯又甜又香，炸完配埋梅子粉真係好開胃，食唔停口😆生菜配上香蔥油簡直係無敵，炸過既香蔥油酥脆，令平平無奇嘅生菜生色不少🥬冷泡茶揀咗油切綠茶同日本焙茶，一個淡一個濃，兩個用嚟去油膩都非常適合，仼君選擇🍵