小老板 (太安樓)

營業中

休息中

包點類是我喜歡的食物種類，而在眾多包點當中小籠包絕對是我最喜歡的。這天品嚐了一些小籠包及生煎包。這裡的小籠包一份有5隻，自己食一份剛剛好，不會太多，但足夠滿足！小籠包皮薄，裡頭亦有湯汁。不過，外賣在路邊吃，可能吃起來會有一點點狼狽。生煎包是剛剛煎好的，外皮還是脆的。餡料不算很濕潤，但整體味道我覺得算不錯！吃生煎包要趁熱吃，因為我們當時吃不完，回家冷了再吃的時候，我覺得失色了一點點，所以還是買完儘快吃比較好！

西灣河美食小店多鑼鑼，前幾日去太安樓打算揾美食，先知道原來小老板開咗分店呀！個日我去到已經係六點左右，生煎飽，葱油餅都已經賣光光了。。。。。。真係有啲可惜，下次要在三點葱油餅一出爐嘅時候，再去碰下運氣先到得，good luck！肚子開始打鼓了，我叫咗小雲吞麵，酸辣湯同鍋貼小雲吞麵我係加一蚊分湯拎回家食，咁就唔怕啲麵浸到淋曬啦！酸辣湯，材料好豐富，酸辣程度剛剛好，而且不會過咸，稀杰度掌握得好好，湯頭好滑鍋貼真係必食，煎到外面好脆，而且肉汁滿滿

2021年4月19日 星期一今日晏晝放飯嘅時候專登去到西灣河睇吓有咩好食咁啱見到呢間餐廳門口好似大排長龍，睇落似係新開張，於是唔執輸走過去睇吓見到主要都係食上海小食，價錢仲要好平民化添，四隻生煎包都係$12，於是決定叫多少少返公司同同事分享返到去首先打開雲吞擔擔麵，發覺仲係暖嘅，而且麵條吸收晒湯汁，所以整到好似撈麵咁，食落去味道都唔錯，幾香花生味，麵條都夠彈牙，另外雲吞好大粒，塞滿左餡料，真正做到皮薄餡靚之後仲有菜肉雲吞，每一粒都好飽滿，咬落去豬肉同菜嘅比例差唔多，調味啱啱好，唔會太過鹹，至於湯底都幾鮮甜最後仲有我最期待嘅生煎包，雖然價錢好平，不過味道真係冇得彈，冇諗過性價比咁高，咬落去外皮好薄，裏面嘅肉汁已經即刻流晒出嚟，煎得好香，而且每一粒大小都差不多，完全睇得出師傅嘅功夫，強烈推介！！叫咗咁多嘢食都唔使$100，簡直係平民恩典，一定會再去幫襯！！

行過見太安樓新開左生煎包鍋貼小店，又好多人排隊以為好食，買咗生煎包、擔擔麵同酸辣湯雲吞。生煎包底皮係煎到好脆但細粒兩啖食哂，仲有我覺得入面嘅肉餡超少，雖然餡唔係乾但佢肉汁唔係多😢擔擔麵麵質比較淋啲汁勁淡😩完全唔係出面其他餐廳擔擔麵嗰啲又香又濃嘅汁🥺🥺酸辣湯雲吞個酸辣湯個人覺得唔辣又唔夠酸，雲吞入面係肉餡,普通...唔知佢係因為新開所以味道唔穩定定係點...想支持小店嘅，但呢間食咗幾樣冇一樣覺得係好食嘅😔應該唔會再買🥲🥲

太安樓，大家也知道是美食雲集的地方，這絕對是一個挑選小食的好去處，這天和朋友前往太安樓，打算吃大量小食，大塊耳朵，好好享受一番，還未進入太安樓，我們已經畀一間上海小店吸引了， 這家小店位於太安樓的門外，人流極多，人龍極長，我們慢慢步進打算了解一下，但發現門外明明寫上休息， 經過明查暗訪，我們相信 這家小店， 我們絕對要好好品嚐一番。經過漫長的等候，我們等候了大約45分鐘，不知不覺店鋪終於開門了， 我們排在人龍的中間位置，等候了大約40分鐘左右，雖然時間比較長，但還可接受，香味從店舖來陣陣傳出，也令我十分期待，到達我們了，但可以選擇的並不多 我們選擇了生煎包，生煎包，外脆內軟，皮薄，肉汁豐富，絕對是爆汁之選， 加上價錢合理，絕對是性價比之選。

西灣河新開小老闆生煎包已經有勁多人推薦左了,我都唔執輸 叫爸爸買比我食 haha細細粒好易食好香口,雖然無爆汁既feel,但加D醋食, 都真係幾正!-仲有佢個鍋貼都好好味,皮好薄同埋煎得好脆口,唔會食入口, 一大舊粉皮。-仲有佢個酸辣湯好足料, 酸辣個balance岩岩好,有好多配料, 啖啖都有送,豬皮, 鴨血/豬紅, 木耳, 豆腐建議大家都可以試下 ( .___. )LAMLAM 脷 👅

今日去到太安樓，見有好多原本好食嘅店舖都執笠，諗起呢間最近新開，門口經常塞滿人嘅餃子店。之前聽人講過佢有另一間分店，評語都唔差，所以今日決定要一嚐呢間咁多人排隊嘅店舖。今日心情唔好，怒隊左12隻鍋貼加碗麵。呢個份量足夠令我飽到食晚餐都覺得飽🤣🤣分量十足。而且皮薄餡靚，值得推介推介！

小老板本身係炮台山已經係一間出名又平又好食嘅上海點心外賣小店，依家佢終於嚟咗太安樓開分店！新分店超多人排隊買嘢食，我都跟著排買咗必叫嘅生煎包同鍋貼，仲有小籠包同紅油抄手。店員全部都好努力咁係舖頭入面即叫即整，又搓麵團又煎點心。當中我最鍾意食嘅係小籠包，包得好靚，平薄餡靚又有湯汁，依個價錢食到咁高質嘅小籠包真係好抵。鍋貼同生煎包個底都脆卜卜，好香口又足料。紅油抄手唔係好辣，個汁偏酸辣，有好多蔥花係上面，雲吞包得漲卜卜。除咗點心佢仲有上海面食，相信佢會變成我成日食嘅飯堂。

小老板呢間上海小食店應該好多人都唔陌生，宜家係太安樓開分店，立即好受歡迎，都幾多人排隊。下晝3點幾黎到，主打既野食 (生煎包、蔥油餅、菜肉蒸餃) 好多已經賣晒。其實蔥油餅3點先出爐，但原來好多客人早15分鐘就排定隊，所以真係手快有手慢冇!點左生煎鍋貼、小籠包、擔擔麵同菜肉雲吞。係透明廚房見到一隻隻包好既鍋貼排排煎，圍晒係個圓形大鍋度一氣過整，員工一直密密手，一輪輪咁出爐，所以等左10分鐘左右就拎到。鍋貼個底燶燶地好脆口，細細隻食下食下就食左好多隻，麵粉同餡都係日日新鮮整，自家包，而且價錢都抵，感受到個份小店既誠意。小籠包湯汁好多，擔擔麵花生味非常濃郁，菜肉雲吞皮薄餡滿。愈食唔到既野就愈想食，下次希望試到生煎包同蔥油餅啦!

經過好多嘢食賣嘅太安樓，有間小舖頭人頭湧湧，大排長龍！我當然去八卦一下啦，原來係開咗間名叫”小老板”嘅舖頭。全人手製作，傳統手法！睇到店員手不停咁包包包，煮煮煮，煎煎煎！價錢好大眾化👍🏻我order咗👇🏻生煎鍋貼，熱辣辣出爐，外脆內juicy，而且個皮唔會好厚小雲吞，一小口一粒，而且個皮好滑溜酸辣湯雲吞，材料好足，有豬皮，豬紅，豆腐，木耳絲，蛋花等等，湯頭嘅酸辣度剛剛好，不會太酸太辣，我相信個個都接受到。而菜肉雲吞，皮薄多肉汁，菜肉平均分配。

個人一向不愛吃餃子、鍋貼、煎餅等食物，因為成日都食到一口油，令人飽飽滯滯；睇OpenRice講話 「小老板」北角店d食評唔錯，見西灣河店新開張，就即管試一試佢！我食過鍋貼、生煎包同酸辣湯，鍋貼最出色！鍋貼皮好脆，餡內有肉汁；生煎包略嫌乾咗少少少少，但重點係兩者都唔會「油立立」！！！酸辣湯超多料好好味，如果鍾意食好酸嘅朋友，可以加半包「小老板」送嘅醋，咁就💯！！！佢仲有其實麵食、葱油餅、小籠包等等等等！