小曼谷海鮮燒烤屋

營業中

休息中

等了又等等了又等，終於都有晚市堂食😊😊最近同好朋友近近地嚟到九龍城食泰國嘢，揀咗小曼谷😆 真係有幾個月冇黎啦😓🌟海南雞飯雞肉嫩滑，油飯又香，而且份量都唔少！🌟濕炒牛肉河牛肉爽滑香氣十足，濕炒得來有少少鑊氣，食完一啖又一啖！🌟黃咖喱雞咖喱味道香，唔會辣，攞嚟送飯一流！雞肉都幾多：）🌟蒜蓉包脆卜卜，蒜香味十足，食落唔算太油：）🌟榴槤糯米飯呢個真心好食，榴槤夠甜，糯米飯煙煙韌韌，仲要熱辣辣㗎💕一定要試！

好耐都冇食過泰國菜，九龍城由細食到大，次次食泰菜都會入到嚟九龍城，今次嚟咗小曼谷海鮮燒烤屋，仲記得以前好墟冚，次次都要等位。估唔到原來泰國餐廳都有得食馬友魚，馬友魚不嬲係我嘅最愛，鹽燒馬友魚更加帶出佢嘅鹹香味，外皮微微燒燶，揭開魚皮，就係雪白魚肉，入口即溶唔係講笑，好重魚油香，真係一流，次次食馬友都回味無窮。另外仲叫咗個泰式醃粉絲海鮮沙律，呢個平時比較少食，原來係粉絲為主，有啲甜酸汁，酸酸甜甜好開胃，仲有好多海鮮，魷魚鮮蝦等等。最後叫多個泰式炒牛肉河，比起乾炒牛河我更加鍾意濕炒牛河，一黎冇咁油，二來濕濕滑滑，更加容易扣汁掛湯。兩個人食咗咁多嘢先$400，人均200，性價比都算幾高，最緊要係好食。

小曼谷海鮮燒烤屋 (九龍城)九龍城太子道西398號御太子地下1-3號舖今次重回九龍城，係因為好想去食泰國菜，晚餐來講食泰菜係好選擇。今次去到太子道西個邊，見到小曼谷海鮮燒烤屋，就入左去食啦。入到去，人頭湧湧，晚飯時間搵位唔容易，但好事來既，證明社會活動返，呢種感覺真係唔容易。講返個晚餐，我地就叫左五條串燒，分別係豬、牛、雞、珍寶腸、頂級牛柳粒沙嗲串燒；另外我地仲叫左個泰式馬拉盞炒通菜、冬蔭海鮮炒公仔麵、椰汁西米糕拼泰式千層糕，飲品就梗係唔少得椰青同椰汁涼粉冰啦！先講個串燒，真係好滿足，因為之前無晚市堂食，我想食申燒都要係街邊企係度食，今次終於可以堂食，而且佢燒得又夠香，司華力腸大大啖，頂級牛柳粒粒粒爽，豬牛雞唔駛講更加係件件香！泰式馬拉盞炒通菜、冬蔭海鮮炒公仔麵作為今晚主食，勁滿足，通菜好香口，公仔麵又夠爽口，加埋冬蔭公味，開胃呀！食完就食埋個甜品，飽哂！當然，唔少得嘅係解渴神飲—椰青、椰汁涼粉冰！如果快D可以去泰國當地食一次就好啦，呢餐就解住鄉愁先啦！

終於有返晚市堂食，就去九龍城食返間泰國菜，朋友就揀咗呢一間，店舖入邊環境都好大好舒服，座位又夠寛闊👍🏼熱辣辣嘅天氣梗係嗌咗兩杯凍飲先啦，嗌咗一杯椰汁冰，甜得來凍冰冰好舒服😌另外一杯就係我朋友叫嘅Thai tea,佢話好友泰國嘅感覺😋咁我哋就叫咗個冬陰功湯，佢嘅酸味同辣味都好夠而且湯底夠濃郁😋仲有兩隻大蝦同埋好多秀珍菇喺裏面😊特別係夏天食嘢之前飲返碗好開胃另外我哋叫咗個馬拉盞炒通菜，吵得好惹味份量有十足喎👍🏼超多蝦米主食我哋就叫咗一個法包咖喱軟殼蟹，首先佢個賣相好吸引好大碟，同埋滿滿嘅咖喱汁，軟殼蟹夠脆身，配埋咖喱汁食正😋最後甜品就叫咗芒果糯米飯，熱辣辣嘅糯米飯加上濃濃椰汁 🥥芒果又夠新鮮夠甜😋正丫

一講起食泰菜，就會諗起九龍城。小曼谷都算係老字號今日嚟咗小曼谷海鮮燒烤屋呢度都算係有地標性每次經過太子道都會望到出面有個好似人咁高嘅吹氣廚師公仔同大家打招呼👩🏻‍🍳預先book咗位限時90分鐘椰青$39椰青係最快想上菜的食物夠凍夠清甜青檸菠蘿沙冰$39青檸菠蘿沙冰唔會太甜酸甜酸甜都幾開胃同解渴泰式青檸梳打$39淡淡的青檸味，健康之選泰式生蝦刺身$124一碟有六隻生蝦蝦肉到爽口彈牙雞軟骨沙嗲串燒$20沙嗲醬好有花生味黃咖喱海鮮$106海鮮款式都幾多有青口、蝦🦐、魷魚🦑泰式原味烤薄餅（2塊） $36黃咖喱配烤餅一流泰式馬拉盞通菜$87冬陰公湯（L) $186太過椰汁味重，有少少膩但可能會有人鍾意佢夠creamy泰式鐵板蠔餅$128蠔餅炸得唔錯，炸返唔算多，亦都唔係好油泰式炸蝦餅（小）$86我哋嗌咗小份合共三件每件切開一半啱啱好夠分蝦肉彈牙買單$1,138每人約$190食完都夠飽都係唔錯嘅選擇👍🏻

每一枱都會有一壼茶自助加水而家好方便用手機落單，仲有個好處，就係每款食飯旁邊都會有圖示，當有太多選擇唔知食邊度好嘅時候，我就會揀圖片吸引嘅食物😂豬，牛，雞 沙嗲串燒豬牛雞串燒都燒得剛剛好，肉質唔老，點埋沙嗲醬食，味道更有層次。豬肉碎生菜包豬肉碎可以揀少辣，啱晒唔係好食辣既我，生菜的分量都多，生菜夾住豬肉碎一齊食泰式生蝦刺身黎食泰式料理，一定要食泰國著名的生蝦刺身，生蝦刺身肉質爽口沾上泰國酸辣汁，口感更加惹味，食唔停口😍香芒蟹肉炒飯泰國有將生果撈埋一齊炒飯，鹹鹹地嘅蟹肉炒飯，配上甜香既芒果肉，食落估唔到幾夾。椰青好大個椰青，飲完椰汁，又可以食椰肉。最好既係店舖內有叉電器的租借服務，租借既收費由每小時起計算，我電話得返好少電，又要上online course, 好彩有得借叉電器😊

是日HONEY遲左收工，唔想煮飯，HONEY話想去九龍城食飯，搭車經常見到哩間小曼谷海鮮燒烤屋的公仔，HONEY就話決定去食~~真的星期三平日去到N咁多人，等左半個鐘先有位，我同HONEY點左冬蔭公湯(細)黃咖喱牛腩香葉辣椒豬肉碎燴飯（配荷包蛋）泰式蒜容包（4塊)芒果椰汁沙冰芒果椰汁沙冰芒果椰汁沙冰真的好滑，芒果椰汁加埋真的一定唔會唔好飲~熱天飲真的一流黃咖喱牛腩黃咖喱牛腩都有唔少牛腩，另外佢個汁真的好好食，所以決定加碼點左個泰式蒜容包（4塊)泰式蒜容包（4塊)真的好香，上來好熱，另外加埋黃咖喱真的好YUMMY，真的點黃咖喱牛腩，一定要MIX埋泰式蒜容包香葉辣椒豬肉碎燴飯（配荷包蛋）香葉辣椒豬肉碎燴飯（配荷包蛋）真的好大碟，肉碎都好多，撈飯真的一流，另荷包蛋真的流心，一隻真的唔夠...冬蔭公湯(細)冬蔭公湯(細)有兩假大隻的虎蝦，另外佢的湯底好重香料味，真的好開胃，怪唔得咁多人食，真的值得一試~~

自從搬入九龍城之後，發現區內其實除了泰國菜之外，還有很多不同類型的餐廳，所以便以九龍城為主題，介紹不同類型的的食肆，歡迎關注，以便獲得最新九龍城飲食資訊。平時最喜歡在這裏晚飯，不過今天想去按摩，便在這裏試試下午茶。泰式生蝦刺身$124，蝦肉口感結實，加上蒜片和指天椒，是嗜辣者的一道美食。😍😍😍😍燒脆皮白鱔(兩串）$119，燒鱔的皮很香脆，魚肉味道香甜。泰式干炒雞肉河$42，鑊氣十足，香氣四溢。泰式冰咖啡，咖啡味道甘香，甜度啱啱好。香葉肉碎燴飯$50，肉碎炒得很乾身，而且非常惹味，配上白飯，很快便被消滅了。泰式龍眼冰，午餐免費跟餐，龍眼味道鮮甜，甜度適中。

九龍城入面最多嘅就係泰國菜同埋潮州菜，今晚喺新蒲崗附近 於是就食泰國菜，咁多間泰國菜館我最鍾意嘅就係呢一間，有好多分店座位有寬闊😊-泰王咖喱法包軟殼蟹，最緊要就係有個咖喱可以點醬食😋好正 外皮又脆 裡面的咖喱汁流哂出黎🤤又香又有蛋 正😻-冬陰功湯，叫左個二至三人分量，呢個份量其實都可以飲到每人兩碗，好香又夠味🤤自己煲好難煲到呢個水準，食飯前飲好開胃😙-豬肉生菜包，份量大又抵食，食到菜又唔會話食肉好「溜」既感覺，真係正👍🏼仲有得簡加辣Tim 😋😋😋-馬拉盞炒通菜，大碟又香口 菜又夠新鮮 係我最愛的濃味-椰青，食泰國菜梗係要椰青，大大粒，凍冰冰令我諗起係泰國旅行的日子，個陣日日飲一至兩粒👍🏼爽-甜品 簡左 芒果糯米飯，份量夠大，味道不錯呀😙

前幾日去咗食小曼谷位置都幾方便 地鐵站行幾步就到叫咗三個餸 首先嚟咗生菜包個人覺得一間咁多年嘅泰國餐廳來講佢個生菜包真係有啲失望調味唔夠正宗而且肉碎有質素都麻麻地正當我對呢間餐廳有啲失望嘅時候佢就上咗香葉肉碎炒飯呢個炒飯係有驚喜嘅分量多而且夠辣夠味！（我哋叫咗加辣香葉嘅味道好足夠 調味啱啱好就係我哋期待嘅味道😍最後就嚟咗黃咖喱軟殼蟹配法包不得了黃咖喱真係世一😍😍味道香濃再配埋法包真係冇得輸🥺🥺🥺總括嚟講佢啲份量都好多我哋兩個人食三個餸都好飽加埋我哋嗌左兩樣有澱粉嘅餸又有包又有飯 個肚腩大左兩倍咁出去😂

經朋友推介去到九龍城太子道西御太子(小曼谷海鮮燒烤屋)食咗個泰國菜，踏入門口前有一個大氣球的侍應向我們招手，十分Nice，心情也被提升好多，環境十分舒適趕快坐下來便急不及待地叫餐，疫情期間大家都要保持心情輕鬆，愉快地去享受美食。泰式燒盲曹$171，微焦香的表面，魚皮非常香口，再加上嫩滑的魚肉一個字，正。冬陰功湯$132，原隻虎蝦大如手掌，肉質爽甜，配上冬陰功湯底，味道更加提升。小曼谷五星燒雞$148，肉質嫩滑不會老，連焦香的雞皮也不會放過。蝦膏豬肉碎炒飯$81，每粒飯都滲透蝦膏的味道，同時又份量十足，真抵食。鐵板豬頸肉炒通菜$92，上枱時仲熱辣辣，廚師果然炒得夠鑊氣。

早前相約朋友一起出去搵好嘢食，心想就一定要去九龍城啦！來到太子道西御太子1至3號地舖的（小曼谷海鮮燒烤屋），見到外面鋪面有個大吹氣球的侍應向我們揮手，相當cutie，就決定入嚟試下餐廳的美食。泰式燒盲鰽$171，外面微微焦香，裏面肉質嫩滑而不老，這就是餐廳廚師的拿手烹飪的技巧。冬陰功湯$132，用咗手掌大的原隻虎蝦，放在冬陰功湯滾熱後，更能帶出湯底的香味。小曼谷五星燒雞$148，皮脆肉嫩，再點些泰式醬汁油，又可帶出另一個口感。蝦膏豬肉碎炒飯$81，濃香味的蝦膏滲透著每粒飯而炒，更能帶出飯香。鐵蛋豬頸肉炒通菜(馬拉盞)$92，能見到呼出熱騰騰的煙，証明鑊氣十足。

Mini Bangkok Seafood and Gill🍢🇹🇭⛱💫..黎到九龍城當然唔少得食泰國菜🥢，而呢間既裝修每次搭車經過都覺得好吸引，呢晚黎到九龍城就特意來一試，估唔到真係好多人食😳，真係好旺場呢。ll $149黎到先叫左一碟拼盤，咩都有：蝦餅、魚餅、春卷、雞棗。最鐘意食春卷夠香口，而且素餡料依然惹味豐富。ll $18 eachll $20泰國串燒🍢 亦係唔少得，雞牛豬都有😋，唔會乾而且味道惹味。ll $148燒雞🐥 份量不少，但略嫌有點乾，但整體味道可以喔。ll $86主食點左炒米粉，平日比較少吃。粉條煙韌，配料亦多，呢個岩我胃口，其實我係澱粉質人👻。..九龍城吃泰菜，你地心水又係咩呢❓..×××××ש九龍城太子道西398號御太子地下1-3號舖

假日中午去到，唔太多人，選擇到室外坐，好舒服😍 職員友善提醒寫號碼落單，叫左1個冬蔭公雞湯，湯裏雞件好滑，好多秀珍菇，酸甜適中青咖哩海鮮，好中意青咖哩好香😍2人份量（好多帶子，2粒青口...另有魷魚彈口），另叫份酥餅但無影相小朋友要食菠蘿炒飯，都不錯！小食拼盤（小）叫左細份但分量都可以2至4人（最後食唔哂叫左芒果沙冰，好香新鮮芒果混埋，yummy!但倒左1半落枱，，謝謝職員姨姨好快抹好！適合一家大小用餐，環境整潔（帶小朋友最緊要洗手間，都正常），職員友善，主動有禮，食得舒服一餐

I am in loveeee with this place. The food is 100/10. Even my thai boyfriend said the food tasted very authentic. I totally forgot the names of the food we ordered, but the papaya salad, pork cheek/neck (?), chicken & green seafood curry were delicious!!! Although a bit pricey for thai food, I think it’s definitely worth to go with friends/family. Will come here again & again for the rest of my life