小曼谷海鮮燒烤屋

營業中

休息中

今星期又食泰菜😁九龍城小曼谷無人無聽過啦，位置方便又唔算貴，幫襯左好多年👍🏻 但而家屯馬綫開通之後成日都要等位😓 .今晚叫左「鐵板豬頸肉啫通菜（馬拉盞）$92」最鍾意佢個鐵板通菜，啫啫聲夠晒惹味又好食。「海南雞半隻 $108」海南雞夠滑身岩晒一班人share食，雞胸都夠滑。「泰式干炒肉片河 $79」炒野黎講算抵食，勁多肉片同夠乾身，加埋泰式香料好地道。「串燒（珍寶腸$20 牛肉 豬肉$18 ）」平均都係$20左右一串，串燒最緊要夠大件又燒得惹味👍🏻.而家愈開愈多分店，食物質素都keep得住🙏🏻都算係咁✅

今日心血來潮想食泰國野，叫埋成班fd去老地方九龍城小曼谷泰式鐵板蠔餅 $128炸得好香，難得地食落唔會太油膩，有d芽菜係底吸咁d油，蠔都好大隻海南雞半隻 $108海南雞好滑，有雞味，隻雞本身都好大隻泰式干炒肉片河 $79肉片份量多，炒得好香又干身鐵板豬頸肉啫通菜（馬拉盞）$92鐵板上碟渣渣聲，熱辣辣，豬頸肉都幾多又爽口，通菜嫰口串燒珍寶腸$20 牛肉 豬肉$18 牛舌$28全部都燒得好香，熱辣辣上碟芒果糯米飯 $78椰汁香味濃，芒果酸酸甜甜好岩做甜品

📍 小曼谷海鮮燒烤屋 Mini Bangkok Seafood and Grill 🎗📍 九龍城 𝗞𝗟𝗡 𝗖𝗶𝘁𝘆 • 太子道西398號御太子地下1-3號舖-Dubbed the "Little Bangkok" of Hong Kong, the Kowloon City neighbourhood is known for its small, cozy restaurants offering authentic Thai cuisine. It is the place we go whenever we feel like having Thai food, and this < Mini Bangkok > is our go-to, though it's always full and more often than not, you have to queue for it.They often invite local artists to perform here. If you're lucky, you get to enjoy live sh

泰國菜就梗係要去九龍城食，而家有地鐵超級方便。揀左呢間小曼谷，OpenRice好多好評，而且又多分店，應該唔錯😂。上菜速度驚人！首先飲個湯飲完成個身暖哂，冬陰公酸酸辣辣令人胃口大開！有兩隻蝦，肉質好厚實，大隻夠爽口。豬肉碎生菜包必叫！肉碎份量幾足，可以再辣D，生菜嘅份量唔太夠。平時食泰國嘢基乎次次都叫通菜，今次見到有椰菜苗就下下，又幾出色，有口感，炒到又惹味又爽脆。仲配埋豬頸肉，一碟滿足2個願望！最後出場嘅就係泰皇咖喱法包軟殼蟹軟殼蟹肥美，個汁夠惹味，麵包配咖喱蛋汁食一流！價錢好合理，食到9點都仲係好多人幫襯👍，出面張枱都有人坐😲。

最近同朋友黎開九龍城，見到呢間餐廳超多人食，所以就決定試吓啦，結果果然超有驚喜，嘢食好有泰國風味🤣🤣🤣🤣🤣🤣🤣蟹肉翅份量超大，上枱時仲係滾住，冬天必食😍😍😍😍😍刺身蝦爽口鮮甜，食得出好新鮮😊😊😊😊飛天通菜超有鑊氣，而且調味啱啱好😍😍😍😍蒜蓉包超級惹味，配埋咖喱蜆，係完美嘅配搭😍😍😍😍😍😍😍😍😍😍😍😍當然唔少得食泰國嘢必飲嘅椰青同埋泰式奶茶🤣🤣🤣🤣🤣🤣🤣🤣🤣🤣🤣🤣🤣🤣

去九龍城食飯，一諗就諗起泰國餐廳，而最有名氣嘅當然係小曼谷。門面已經好友泰國風味，餐牌嘅選擇亦好多。一定要叫最出名嘅芝士蝦丸，仲有串燒，而主食我就揀左咖喱牛腩飯，菜就必選泰式椰菜，真係食到好飽好滿足💗一定要講下個芝士蝦丸，係即炸，熱辣辣既，切開係有芝士流出來，超正！即叫即炸真係好好味！串燒都係泰國食品必食，都係即叫即燒，好有風味！而解渴之選就係椰青同啤酒，椰青就又健康又清爽，啤酒真係好爽，大大支好啱傾吓計又飲下，冬天都好啱飲！咖哩牛腩飯就令我諗起去泰國學煮既，真係好有味道，辣同椰香味程度啱啱好，真係好回味！配埋薄餅真係無得輸！一定要叫！依餐泰國餐真係好滿足！當自己去左轉泰國！

今晚放工揸車去食飯，即興去九龍城方便泊車黎到九龍城 自然都想搵番泰國野食 行去泰金國 好多人排隊就放棄左跟住再周圍走 見到呢間餐廳好似都唔錯又有印象聽過人地講九龍城小曼谷於是就入左去 咩都叫啲試下海蜇雞絲沙律：🌕🌕🌕🌖🌑沙律酸酸味味好開胃 好些微嘅辣 岩岩好好多海蜇 而且係爽脆 有咬口 亦都掛到汁鐘意食海蜇嘅朋友一定要試下！蟹肉炒飯：🌕🌕🌕🌑🌑叫左個炒飯墊肚 味道不過不失炒出黎keep 到泰國香米個種爽 唔會油膩但就咁食味道略淡 於是我地問店員拎左啲調味料加左有驚喜！辣粉同炒飯好夾 令碟飯頓時變得好惹味最後仲叫左啲串燒 有魷魚 豬 牛 牛舌肉類 🌕🌕🌖🌑🌑味道可以 唔會太乾 燒完仲有少少汁牛舌🌕🌗🌑🌑🌑味道比較騷 未必個個岩魷魚 🌕🌑🌑🌑🌑無味的 仲要記得特別貴 唔抵食 食完成餐飯，埋單$480 左右2個人 (叫左飲品）性價比唔高 係九龍城如果有得揀可以試下其他 呢到最深刻 係個辣粉

現在去九龍城真方便，不論在哪兒過來，都可以乘西鐵綫或巴士🚌都同樣方便，所以今日就相約了幾個好友，一齊到九龍城「小曼谷」食泰國菜。泰式生蝦草蝦肉配上泰式生蝦汁，酸酸辣辣🌶美味極了。泰式炸蝦🦐餅用蝦膠製作成的蝦餅，表面炸得香脆可口，咬落滿滿都是蝦膠，再蘸上酸甜醬，味道剛好😋泰式鮮蝦🦐炒金邊粉金邊粉面頭有數隻大蝦，入口非常有口感，金邊粉的調味適中，略帶微甜，吃前加入青檸和花生碎同吃，惹味開胃。原隻鮮魷筒🦑釀糯米飯把糯米釀入魷魚筒內，平日甚少吃到，所以叫來試試，廚師也特意為客人切件上桌，方便進食，口感非常豐富和特別，吃後感覺飽肚。

九龍城最出名就係泰國餐廳, 唔想行去食, 唯有出動外賣送遞, 安坐家中享受泰國美食。🥢黃咖哩海鮮黃咖哩比較重椰奶味道, 偏甜, 稀杰適中, 同泰式蒜蓉包真係好夾。配上不同海鮮, 包括帶子, 蝦, 魷魚, 青口。海鮮雖然是冰鮮, 但唔會有重重嘅雪味, 煮得剛好, 所以軟硬適中。🥢泰式蒜蓉包大大塊嘅蒜蓉包, 面層舖滿新鮮蒜蓉粒, 香脆可口, 用嚟蘸咖哩汁, 真係好好食! 相信現場食應該更脆。🥢風味燒豬頸肉豬頸肉燒得好香, 肉質軟腍, 充滿肉香。份量亦十分之大份。🥢香葉辣椒豬肉炒飯呢個炒飯絕對適合鍾意食辣嘅人食, 因為真係好辣! 炒飯炒得好香, 粒粒分明, 放入口每啖都會有豬肉碎同豆粒, 好食!整體食物都好出色, 不過價錢偏貴, 一定會再食, 不過就唔可以食得太密。

每次想食泰國菜就會去到位於九龍城小曼谷海鮮燒烤屋，無論食物質素及烹調方法都好有正宗泰國風味！餐牌上有很多選擇，可以用QR code落單非常方便，上菜速度又快👍泰式生蝦刺身生蝦肉質晶凝通透，鮮甜爽口，加入酸辣醬一齊食味道更加提升，食泰國菜必點的菜式！泰式馬拉盞炒椰菜苗椰菜苗顏色嫩綠，鑊氣十足，加入馬拉盞一齊炒味道香濃好惹味！泰式鮮蝦炒金邊粉鮮蝦大隻又爽口，金邊粉炒得好乾爽不會太油膩，加入碟旁邊的花生碎口感更加豐富！泰式炸蝦餅蝦餅件件都好厚身，炸至金黃色每一啖都食到蝦肉，好好味😋原隻鮮魷魚筒釀糯米飯這個菜式都是第一次食的，魷魚爽口糯米煙煙韌韌配埋酸辣醬味道好夾！

🔴冬陰功湯配大虎蝦 🖤 8.8/10叫了細的2人份量也超大鍋😍很香的香茅等香料味，喝下去微微酸辣卻又不會太嗆（跟泰國正宗的比完全是BB辣）非常適合冬天喝暖暖胃。配上超級無敵大虎蝦（有我手掌那麼長超好吃，裡面還有很多野菌吸湯，是飽肚又比較低卡的選擇🟠青咖哩海鮮🖤 8.5/10一直鍾情於青咖哩，雖然椰汁味和甜味會比較重，卻感覺是泰國獨有的咖哩味所以每次都會叫。海鮮有青口、蝦和帶子等等，而且每一款都有4顆，非常足料🟡蒜蓉包🖤 9.5/10蒜蓉包也是每次必點的，用來沾咖哩汁一流。法包很大片，烘得香脆，再塗上適量的蒜蓉，配上牛油的香味🟢燒豬頸肉沙拉🖤 7/10非常欣賞上面有大量的燒豬頸肉，可是如果蔬菜能多一些會更好（我是菜怪🥬）醬汁會比較辣，吃得多會覺得舌頭辣辣的。豬頸肉燒得剛剛好，鎖住了肉質，豬肉的油脂剛好滲進口裡

九龍城出名多泰國菜，今次呢間小曼谷算係比較出名，開業至今已經接近20年😮我地平日夜晚去食都幾乎坐爆曬😂-//環境🌕🌕🌕🌑🌑佢有兩個場可以坐，D位唔會話好逼，不過感覺衛生唔太好，有個姐姐跌左個羹落地，執返起就直接放入櫃桶無洗😖-//食物🌕🌕🌕🌑🌑1️⃣泰式鮮蝦炒金邊粉 金邊粉個味酸酸甜甜好開胃，配料都好足，D蛋炒得幾滑，但整體個粉偏濕，個蝦都略顯鞋左D😂2️⃣泰式炒雜菜入面有椰菜、芥蘭、西蘭花同紅蘿蔔，係炒得幾香口既，但可惜佢有8成都係芥蘭，而呢四款菜我最怕就係芥蘭，所以食唔曬🥲3⃣沙嗲串燒今餐最好食係個串燒🤪我地叫左雞肉同雞全翼串燒，肉質飽滿而且嫩滑，咬落去好juicy，配埋個沙嗲醬就更加滋味!😻//總結除左個串燒好食之外，其他野食都係一般般，不過一定食得飽，價錢都係正路價，如果去開九龍城都可以試試🤣-阿優推薦指數：🏃🏻‍♀️🏃🏻‍♀️🏃🏻‍♀️

自從屯馬線開通後，都甚少去九龍城，早兩日過去搵朋友，點會唔食埋泰國野先走。入到去第一時間點冬蔭公湯，太耐無飲，濃頭極濃，材料新鮮，飲幾多腐都唔會厭。點了一份細嘅泰式拼盤裡面有蝦餅、魚餅、春卷、雞棗，份量十足，沾泰式辣醬更為滋味。泰式馬拉蓄炒椰中菜苗炒得非常惹味，唔會太過淋，煮得剛剛好。菠蘿海鮮炒飯，炒得夠乾身，菠蘿夠甜，配炒飯一流。點了幾種串燒，有豬肉、牛肉、雞腎、雞全翼沙嗲串燒，沙嗲醬係當中精華，個人最喜歡雞腎，香脆口感，忘不了。食泰野野唔可以少得椰青，入口清甜解渴，有時重會食埋椰子肉。正

家人最愛食泰國菜自從屯馬線開通後，過來九龍城真的非常方便餐廳用自助掃描二維碼點餐，的確方便冬蔭公(細)有兩隻大蝦，很足料，清新的湯底帶點自然酸香喝起來一點都不會油膩泰式拼盤有泰式魚餅，炸春卷，蝦餅等等個人最愛炸蝦餅外脆內嫩，不油膩，蝦肉彈牙，配甜酸汁食，提升味道層次。菠蘿海鮮炒飯味道剛剛好，炒得夠乾身，可以加上肉鬆一齊食串燒叫了幾款串燒，有牛肉，雞全翼，豬肉，雞腎燒得不錯，唔會燒得過乾，配上沙嗲醬同吃！馬拉盞炒椰菜苗醬汁濃且不會炒得過火，爽脆椰菜苗盡掛醬汁當然要個椰青解解喝

今日去九龍城，朋友想食泰國菜，被這間餐廳門口個大大吹氣公仔吸引，餐廳環境乾淨舒適。泰式煲仔翅（$98）煲仔翅份量夠一至二人食，材料算豐富，可以自己落芫茜和芽菜，味道與港式有些分別。泰式炸蝦餅（$76）炸蝦餅一碟有三個，切開一半，蝦餅好大個，炸得香脆，内面彈牙。豬肉生菜包（$88）豬肉炒得入味，夾埋生菜食一流。泰式鐵板蠔餅（$128）蠔餅有驚喜，大大塊，蛋酥炸得外脆内軟，加上好多粒蠔仔，非常惹味。泰皇咖喱法包軟殼蟹賣相已經夠吸引，軟殼蟹炸得剛好，法包外皮夠脆唔會太硬，配上咖喱一齊食真係一流，朋友都忍唔住食晒成個。