小曼谷泰國美食 (南角道)

營業中

休息中

小曼谷係一間好出名既泰國菜，它的泰國菜都十分傳統，味道唔錯，但唯獨芒果糯米飯令人印象深刻。🥭芒果糯米飯很多泰國餐廳都會有芒果糯米飯作為甜品，而呢間既芒果糯米飯係造得特別好食的。它的糯米飯上面淋上了椰漿，暖暖的軟糯的糯米飯加上清甜香口的芒果，味道非常不俗。

一路都喺小曼谷Fans～今日選擇叫外賣番屋企慢慢嘆～ 每次都覺得佢menu選擇非常多，次次要諗一陣😆通常會叫啲食過再encore嘅，加1，2樣試新野咁😋 我地2個人食，叫左半隻海南雞，唔誇張，小曼谷嘅海南雞份量絕對喺數一數二咁大份，雖然隻雞大隻，但啲肉一都唔老，仲好嫩滑， 秘製醬汁亦非常開胃。 秘製豬手煲喺我地另一最愛，豬手肥瘦適中，肉質夠淋夠入味，配搭清爽芥蘭，食過一再回味呀～又夠晒大份 CP值高。 呢個小曼谷炒河粉就第一次試，河粉喺平較闊身同埋厚但都幾滑，有2隻大虎蝦，味道都唔錯，唔算好重味。

唔知點解 覺得九龍城嘅泰國菜特別有風味 是日收早 特意到宋王臺站小曼谷泰國菜買啲外賣返屋企大家開心share 老豆至愛嘅羊鞍扒配飯羊鞍扒唔韌唔騷 點啲燒汁伴飯好快食晒成盒泰皇咖喱軟殼蟹咖喱汁分開上所以軟殼蟹返到屋企都香脆泰皇咖喱唔辣帶椰香蛋香全家都啱食 配嘅薄餅點咖喱汁至啱泰式鮮蝦炒金邊粉份量十足 有埋花生碎伴更加香口海南雞飯冇骨海南雞 入口又嫰又滑油飯帶椰香 ，又係份量十足的一款沙嗲牛同雞 帶炭燒香 食完一支想再食一支仲有冬瓜湯送龍眼冰泰式奶茶口味同泰國飲嘅一樣 十分滋昧小曼谷泰國美食 (南角道) (九龍城)九龍城南角道9-11號地下#小曼谷泰國美食#九龍城美食 #泰國菜#小曼谷#hkfoodie #hkfood #香港美食#hkfoodblog #hkblogger

想食泰國菜就一定會諗起九龍城啦，而小曼谷就係當中屹立咗好多年嘅泰國菜餐廳，相信好多人都會食過！前幾日再去幫襯，而家有宋皇臺站真係好方便，一出地鐵站對面就係小曼谷啦～🥢泰式生蝦刺身 $128一份有6隻生蝦，size都ok～ 每隻上面有蒜片同辣椒，點吓酸辣汁食幾新鮮，蝦肉幾爽甜👍🏻🥢青咖喱海鮮 $128好耐無食青咖喱啦，呢個青咖喱海鮮味道幾有驚喜！海鮮好足料，有蝦、青口、魷魚、茄子、豆角等，幾豐富！海鮮都幾新鮮爽口，茄子係綠色皮嗰種，幾爽口吸汁，豆角爽脆！青咖喱小辣，味道辣得嚟唔漏～🥢泰式原味烤薄餅(2塊) $48叫咗烤薄餅點咖喱食，薄餅酥脆香口，吸滿咖喱食好滋味！個咖喱汁好好味，覺得撈飯一流，所以最後叫多個白飯撈汁食😂🥢小曼谷炒河粉 $118味道都唔錯，材料有蝦、魚蛋粒同蛋絲。河粉係比較大片嗰種，都算滑身，炒得幾香唔會太油太鹹。呢度menu都幾多選擇，下次可以試埋其他熱門菜😆

食泰國菜又點可以唔去九龍城😍 九龍城真係好多選擇 小編就去咗喺九龍城都幾出名嘅 小曼谷泰國美食🇹🇭🇹🇭 味道真係唔錯 份量亦都非常大 好夠食😍 兩個人食都好飽好飽‼️‼️‼️🐷泰式鮮蝦炒金邊粉 👅8/10 $108小編覺得份量好大 真係兩個人食到好夠‼️ 吵到酸酸甜甜嘅感覺 真係唔錯 而且仲有啲雞蛋喺上面 食落口感更加豐富 啲蝦食落都幾新鮮嘅感覺🦐🐷風味燒豬頸肉 👅8.5/10 $128呢度嘅最近肉真係超級超級超級好食😍 個邊邊係脆脆地嘅🙈 然後中間嘅口感非常好😍 點埋佢哋個汁真係超正🤣🐷牛肉沙嗲串燒（$22）+ 雞全翼沙嗲串燒（$24） 👅8/10呢兩串 串燒都係用沙嗲汁😆 呢個汁真係點咩都好食🤣🤣🐷椰青 👅8.5/10 $49呢句嘢聽真係超級超級超級大 而且又凍又甜 夏天解渴一流

Score 分數：A講到食泰國野，大家會諗到去邊？係咪諗起屋企附近嘅果間泰國餐廳呢？大家還記唔記得九龍城有小泰國之稱呢！？果度勁多泰國野食～而今次就介紹返一間比較出名嘅連鎖泰國餐廳“小曼谷”。這間餐廳出名好食外，價錢都幾勁下。不過，講真！又有邊間泰國餐廳d價錢會平？你諗唔諗到？係咪冇呢！都唔明點解食個普通晚飯都咁貴，但去到泰國又鬼咁平喎。可能香港成本真係好貴，所以先咁嘅價錢（自完其說中...但又開到成行成巿嘅！？）好！講返重點！食物質素整體上都係好好食，不過我就不提議食麵包蟹，唔係 唔好食，只係性價比低。食隻蟹要HKD200+（還是加一），而個麵包又唔係特別好食喎，咁不如留個肚食其他泰國特色野，例如，泰國生蝦，青咖哩等等....全部都好有水準。我就極度懷疑個廚師係泰國人！不過，是但啦～係唔係地道泰國人都好，好味又有泰國特色才是重點！好啦！講重中之重啦---- 如果大家日後想食好野，記得關注我啦～完

收工突然之間想食泰國菜，坐屯馬線去九龍城買外賣返屋企，宋皇臺站出口行一分鐘，就見到小曼谷泰國美食站。每次去九龍地都一定係幫襯呢一間。小曼谷餐牌選擇非常多，就算外賣泰式濃湯花膠煲仔翅都無問題，餐廳包裝穩妥貼心，連芽菜紅醋都一一包好。煲仔翅材料豐富，大量魚翅花膠，味道一流好食。泰式炸蝦餅，外脆內軟，蝦肉彈牙結實，外賣返屋企用氣炸鍋加熱翻食一流。泰式海鮮炒米粉絕對是必點推介，帶子大蝦魷魚，份量十足，米粉炒得乾身香口。

《小曼谷 地道泰國菜》🤤🇹🇭1. 風味燒豬頸肉 ($128)肉質鮮嫩，充滿油脂，表面燒到少少焦脆，而且非常焦香，配上泰式酸甜汁可中和油膩感。🌟 評分: 9/102. 泰式燒原隻鮮魷 ($165)燒到好焦香，但肉質比較硬，不過配合泰式酸辣汁非常惹味。🌟 評分: 7/103. 串燒: 牛肉串 雞肉串 ($19/串)牛肉味道酸酸甜甜非常開胃，而雞肉串好濃沙嗲味，肉質鮮嫩。🌟 評分: 7/104. 泰式馬拉盞炒通菜 ($108)份量多，而且十分惹味同有鑊氣，好適合餸飯既小菜。🌟 評分: 8/10————————❤️ 味道: 8/10🧡 環境: 6/10💛 服務: 7/10💙 性價比: 6/10

係宋王臺站落車行過去食－間正宗泰國菜，每次經過都會俾佢門口個吹氣公仔吸引到，今晚決定食佢啦！我地叫咗個：串燒拼盤B - $122，包括有雞全翼(1串) （極力推介大家一定要食），地道燒臘腸(1串)，豬(1串)，牛 (1串)，雞 (1串)同雞腎 (1串) ，全部即叫即燒，岩岩好鎖住豐滿嘅肉汁！牛油蒜蓉燒扇貝 (兩隻) $118 - 大大隻嘅扇貝舖滿厚厚嘅蒜蓉同牛油一齊燒，香味撲鼻夠惹味泰式鐵板蠔餅 $138 - 勁大碟又多蠔，啖啖咬落去都係肥美嘅蠔肉，－d都唔腥泰式酸辣鳳爪 $98 - 必食推介 ，酸酸辣辣夠哂開胃（係有少少辣架）鐵板豬頸肉煮椰菜苗 (馬拉盞) $118 - 好多豬頸肉牙，點解又係咁大碟架😂😂 唔知係咪因為鐵板上，所以keep 到個溫度，食咗－半都係暖架炸蝦片 $24 - 好脆加上淡淡嘅辣味，又係勁足份量椰青 $49 - 清甜多汁珍多冰 $42 - 正宗泰國風味

今日覓食嚟到位於九龍城南角道嘅”小曼谷泰國美食”，地鐵宋王臺站一出再行1分鐘就到，非常方便，價錢親民貼地。大蝦冬陰功湯 $148大蝦新鮮，肉質結實，配上大量秀珍菇，吸晒湯汁勁惹味，湯底味道適中，唔會太辣或太酸，非常開胃。黃咖喱雞肉薯仔雞肉嫩滑又大件，配上洋蔥薯仔青紅椒等配料，咖喱濃稠，椰香味非常足夠，少少甜地，送飯一流。香葉煎蛋辣椒豬肉碎燴飯 $98豬肉碎加入香葉豆角，炒得勁入味，加埋隻脆邊煎蛋，撈飯冇得頂。

✅ it's a great deal as the food portion is huge. The set lunch set is nice with soup and drinks Their deluxe lunch set is a super great deal as it's nearly half the price compared to their a la carte menu.✅ Highly recommend their oil rice with Hainan chicken. The meat is so soft and tender.✅ The barbecue pork cheek was amazing with the their peanut butter hot sauce, very tender and yummy.

小店位於九龍城，提供多款特色泰菜料理，當中嘅招牌有咖喱法包軟殼蟹、安格斯牛小排、冬陰功湯、明爐香檸汁蒸桂花魚、燒脆皮白鱔等，食物即叫即整，需等候一段時間，價錢親民，值得到訪👌🏻黃咖喱燒雞扒嘅黃咖喱醬汁濃郁，濃稠度適中，唔水，唔辣，雞扒嫩滑，燒完都保持到juicy，而且幾大塊，搭配好match，配飯一流🙈 海南雞係必點item，雞肉啖啖肉，雞皮夠彈，完全唔嚡口，油飯油香而唔膩，幾好👍🏻個人喜歡鮮蝦炒金邊粉，鮮蝦大大隻好爽口，金邊粉炒得好有鑊氣，夠乾身， 麵條質感帶點彈牙，甜中帶酸，調味啱啱好～ 炒米粉都唔錯，配料有扎肉、蟹柳、豬頸肉粒同蝦仁，口感豐富😚滷水豬手同樣出色，豬手炆得夠腍，煮至入味，無毛，性價比高、香葉肉碎茄子燴飯可以自行選擇辣度，非常簡單但好惹味嘅菜式，肉碎都幾多而且茄子嫩滑有口感，加埋香葉好有泰feel～

九龍城一向出名食泰國菜😎 最近去咗小曼谷泰國美食食正宗泰國菜～ 佢門口有一隻充氣娃娃會招手好可愛🤣🧡 仲好近mtr!✻椰汁雞湯 HKD$128好香椰汁味🥥口感creamy 而且雞肉嫩滑又入味～✻明爐蒸桂花魚HKD268大大條新鮮桂花魚～ 啖啖肉唔算好多骨😚 魚肉嫩滑😋 而且有明火煮住唔怕變凍✻小曼谷炒飯HKD118好特別嘅小曼谷炒飯！出面有蛋包住 一切開有蟹柳 扎肉 豬頸肉同埋蝦😆✻泰式鮮蝦炒金邊粉HKD108金邊粉炒得啱啱好 微微辣好惹味！好有大大隻嘅鮮蝦🦐✻椰皇沙冰 HKD42✻椰青 HKD49食泰國菜必點椰青😋好清甜好refresh🤍椰皇沙冰好濃椰子味好清涼🥥！

九龍城出晒名好多泰國餐廳，今次試吓「小曼谷」，自從「宋王臺站」起咗之後就非常之方便，一出地鐵站就係對面街😎去完泰國之後已經有啲掛住泰國🇹🇭風味🤌🏻泰式鮮蝦炒金邊粉 金邊粉可以每次都必食，濕度啱啱好唔會太乾，酸鹹度都好夠，份量好多，加埋花生碎同青檸汁一齊食🤣鮮蝦好大隻，仲有泰式魚片等配料好豐富🤌🏻椰汁雞湯 本身想飲冬陰功但屋企人唔食得辣🤣雞湯用火熱🔥住以保持温度，好濃郁嘅椰香味，配料十足有嫩滑雞件、鮮甜車厘茄、秀珍菇、洋蔥🧅等，夏天食酸甜開胃，食慾大增😎🤌🏻 明爐蒸桂花魚桂花魚肉質比較好食，湯充滿香料好泰國🤣有香茅、檸檬葉、南薑、辣椒、青檸等，酸酸地唔辣，用上原條桂花魚，啖啖魚肉嫩滑，個人覺得個湯再濃味啲會更好😛🤌🏻小曼谷炒飯 用蛋包飯形好厚，入面嘅料包括蟹柳、扎肉、豬頸肉、蝦，車厘茄等都幾豐富，飯嘅份量好多，不過蛋皮就比較乾身，整體都好食😛🤌🏻椰青 椰汁🥥沙冰椰青好清甜飲得出好新鮮，椰汁沙冰亦都好解渴，夏天飲真係好站適合😎🚩 小曼谷泰國美食 (南角道) (九龍城)九龍城南角道9-11號地下#addifoodie #addifoodie九龍城#foodie #hongkongfood #

之前去九龍城cafe 嘅時候經過見到都好多人幫襯，都想搵次嚟試吓。嚟之前當然有上OpenRice 睇吓佢啲食評，見佢都好多正評就即管試試首先網上訂位都好方便，仲賺咗$2積分添😆3個人準時到達，店裡面已經坐滿人，我哋都即刻有位可以入坐。店舖唔算大，大約容納30人左右。環境一般，都比較迫，地板有少少黐立立嘅感覺😅因為夏天冇乜胃口，都係叫咗啲簡單清淡嘅食，冇叫到咖哩呢啲重口味食物，叫咗啲乜？泰式生蝦刺身泰式鮮蝦柚子沙律泰式馬拉盞炒椰菜苗泰式燒原隻鮮魷泰式鐵板蠔餅青檸菠蘿沙冰泰式冰奶茶生蝦刺身同柚子沙律嘅蝦都新鮮彈牙。原隻鮮魷煮得時間啱啱好，非常爽口彈牙，一啲都唔韌，鮮甜好味👍🏻蠔餅同炒椰菜苗中規中矩，不過味道比較濃同埋油咗少少泰奶冰奶茶甜度恰當，跟足泰國口味，唔錯可惜服務一般啦，上菜速度非常快，其實未夠60分鐘我哋已經食完嘢，見第一輪客人又走晒未有新客到咪坐吓傾吓偈，不過其中一位女店員就已經馬上幫我哋清枱，又提醒我哋90分鐘用餐時間。心諗就算90分鐘，咁我都仲有30分鐘可以坐吖？🙄 總括嚟講所有嘢都不過不失啦。