小明珠 (已搬遷) 新店位置

每日放工都會係牛頭角轉巴士，琴晚媽咪突然話想食上海野，我想近近地就搵到呢個惹味平價上海野一句講出我同媽咪對呢間小店嘅評價，就係價錢又抵味道又好，我地叫左一個炒回鍋肉，味道好惹味岩哂送飯，媽咪食哂成個白飯，一個炸豬扒擔擔面，個豬扒皮一啲都唔厚，肉好林。之後加左個小龍包小龍包一食好有驚喜，皮真係夠薄肉又大粒，我自己食左3粒😂😂😂

經過觀塘裕民坊，除咗食打冷叫餸食飯實在諗左好耐都諗唔到食乜，見到呢間小明珠就決定入去試吓啦！呢日有少少落雨見涼涼地，一於叫返個雞煲食下先！雞煲都幾正宗，見到佢落咗大大片洋蔥甚至好多花椒八角，都幾滋味！酸菜魚，未到冇平時食開嘅酸菜魚咁濃味，清清地都幾健康，魚片好厚肉湯都可以飲埋鍋貼幾出色，個底好脆出邊塊皮亦都好薄身！咬落去絕對有汁咇出黎！呢間餐廳質素都算唔錯，今日係閑日都見到迫爆晒人，環境都幾有風昧下次可以再試

放工約咗屋企人食飯，平時街市買餸行過呢間餐廳，今晚決定試試佢！先叫咗冷盤，萵荀伴海蜇頭$68味道酸酸辣辣，好清爽好開胃，十分適合用來做頭盤，馬上令你胃口大增😛然後叫咗辣子雞丁$88因為屋企人唔太食得辣，叫咗BB辣，味道相當過癮，麻味十足，又唔算好辣，超級好味！個人認為用嚟送酒一流！叫咗兩杯自家台灣冬瓜茶$10/杯，解渴一流👍🏻同埋好抵飲呢！酸菜魚片 $98魚肉好滑好鮮嫩🤤而且湯底清甜但加入酸菜、西芹、冬粉等，令湯底變得更惹味👍🏻淨係個湯都可以夠送成碗飯🙈下次試埋佢個酸菜桂花魚先😝香煎窩貼 $42其實已經飽飽地，但都忍唔住叫咗個窩貼😂煎到外皮酥脆，餡料仍然夠juicy👍🏻只係略嫌個皮厚身左少少，如果可以薄返啲就perfect啦！估唔到屋企附近都有咁正嘅隱世川滬菜，決定下次同fd 聚會都提議大家食呢間呢😛

觀塘不難搵到上海餐廳，每家都各有特式，最近新開的小明珠有很多不同菜色。店內裝潢很有傳統藝術，天花板像模仿瓦磚屋頂；牆身是老木花窗+石磚牆，濃濃的中國風。小龍包- 比一般大很多 有手掌心咁大多汁皮薄 很有水準口水雞- 真正有辣勁的口水雞，出面通常只係紅到好似好辣，呢間既辣度唔講得少炒油麥菜- 一般上海餐廳都只有奶油菜或炒白菜，呢間選擇較多元化。清清地，岩岩好平衡左口水雞較重口味的味道胡椒豬肚湯- 胡椒夠哂辣味 好驅寒的感覺，蜆肉非常鮮甜 好多大大隻 冇沙總括：「小明珠」菜色非常多樣化，由簡單清淡菜色到 巧手工夫的菜色都有。 還有酸菜魚、元蹄、三杯雞⋯⋯⋯都好想一試

今天一家人走去觀塘找這間平價位的上海菜,男朋友要揸車都好方便門口就可以偷偷泊下來,當然要有心理準備可能抄牌, 安定好就進去了7點半鐘,店內已經爆滿人了!!!真的有這麼好食嗎?先來一份小籠包，超多汁，皮薄餡靚，味道濃郁。在來是口水雞，喜歡食辣的都可以試試看，醬料都是麻辣為主，雞多數是胸肉，配上濃味的醬料好食的！來一份湯，胡椒豬肚煮蜆，超濃胡椒味，蜆肉好大一隻，豬肚爽口，解渴不錯！黑醋排骨，不會太酸，肉的肥瘦剛剛好，可以配一碗飯。年糕炒肉絲，最愛的一道菜，年糕不會太硬又不會太散，煮得剛剛好。還有甜甜的小白菜加一點肉絲還有冬茹絲，香口爽甜，一直食不停口了。最後來一份炒清菜，清清腸胃，非常舒服。下單後，送菜都比較快，我們一直食都有好多客人來，看來真的是名不虛傳。

行完apm 又唔想係商場d酒樓食飯，最後揾到呢間小明珠，店舖外裝修一般，但入到去裏面夠整齊清潔。一家人都叫左豆漿，而且有啖啖黃豆香真材實料，雖然有凍又有暖，但今次叫左杯暖豆漿，飲落去唔會太甜，覺得比較健康較適合女仔飲。四川擔擔麵 麵身硬適中，湯底麻辣，而且配料十足，分別有肉碎同炸菜及蔥花而且大大碗又幾低食，性價比幾高。干燒四季豆真心可以一試，食落去夠鑊氣，炸過既四季豆都咬落去夠爽口，醬料夠惹味同濃味，係有少少辣，有肉碎又有蝦米一齊抄夠香口，配飯一流。三杯雞雞件夠大件而且滑身，味道遍甜但幾入味，食完後鍋底有大量配料，落足本錢，一家人食到飽飽。餐廳細細但係味道整體有水準，份量足，食物選擇多，小菜最平大約50就有，覺得想平平地食個飯或食得豐富小小都有好多選擇。

到牛頭角探朋友舊地重遊從前小學時期每日途經之地原來附近已經開了不少食肆十分熱鬧朋友推介呢間上海菜味道非常不錯店舖不大 裝修是中式為主先點了一杯冬瓜茶同豆漿我選的豆漿很不錯豆味夠濃郁 天然飲得出是真材實料先來豬仔最愛食既擔擔麵麵質夠幼滑麵條在惹味麻辣湯料中伴著豬肉碎和蔥花材料簡單卻非常滋味石蠶涼拌海蜇頭外型似蟲仔食落酸酸甜甜非常爽口而且仲用上成本較高海蜇頭醬汁亦調得相當惹味係一道唔錯既涼拌小菜水煮魚好香的花椒，但唔會太辣魚片好嫰好滑，沒有碎骨的雲耳萵筍同新鮮爽脆吸收晒花椒湯汁嘅香味仲有薯粉係底呢餐2個人食到好飽D餸太惹味，仲點左碗白飯添

滬菜是我家每年團年 或 開年不會缺少的環節。不過市場上選擇很多，而且很多都是新式的，要吃到傳統的已經一點都不易。這次吃的也說不上傳統，但總比掛著新式，裝潢稍為漂亮的餐廳來得便宜。點了個生煎鍋貼（$84）當然比不上上海的小楊生煎，不過質感挺像的，主要是肉不像才做不到同樣的味道。湯汁有鎖住！不錯不錯。點了個招牌小籠包（$80）皮不薄不厚，不易穿。湯挺多的！不過也是沒有上海家家湯包的好吃哦！沙鍋雲吞雞一隻（$268）半隻當然便宜一點啦！雞湯好喝！挺夠濃的！雲吞也入味！雞有先煎過 或焗過，也是有味的，不過用來煮湯難免肉質不夠滑。不過整體還是推薦的！松子桂花魚片（$188）在大型酒樓吃條魚至少要花個好幾百，這個魚片其實也就一條魚，不但味道好，甜酸適中，魚片夠滑。還真算是便宜！非常推薦。辣子豬手（$138）挺麻辣的，不能吃辣的不要點哦！口味比較重跟咸。不過豬手不咸不好吃哦！西蘭花炒帶子（$138）這個不推薦，西蘭花沒什麼，不過帶子有點苦。黑醋小排骨（$48）醋拿捏得好！好吃！排骨有肥有瘦，而且小小顆很易咀嚼。就是份量相對其他都少，不過再看價格就知道！好捏食呢！上海粗炒（$78）炒得濕了一點，不過味

平時lunch d同事會去食小明珠，聽佢地講質素性價比高，所以今日收工一於同男朋友去try try。豉椒炒鵝腸洋蔥多過鵝腸好多，初初一望以為係一碟炒洋蔥。鵝腸洗得乾淨，而且好爽口，個醬汁都惹味，但個人認為這個份量要$88來説就唔係幾抵食啦。上海湯年糕湯底清甜，屬健康之選，年糕口感煙韌，但份量又係偏少，好似俾人偷食左咁。麻辣牛肋條煲全晚最抵食係呢個牛肋條煲，份量係超多，蘿蔔和牛肋條都炆得好淋好入味，而麻辣味係慢慢淡入，惹味得泥又唔會太辣，我地都忍唔住叫多個白飯撈汁食。

今日晏晝突然間好想食水煮魚但係觀塘食四川野嘅選擇其實真係唔多所以都係揀返呢一間小明珠水煮魚午餐$58一如以往一個午市套餐會包一杯豆漿同埋白飯我電源轉頭都送上左一碗例湯當店員拎碗水煮魚上菜嘅時候見到份量咁大都嚇親碗水煮入面有龍利魚、青瓜、秀珍菇、木耳、大蔥、薯粉、杏鮑菇片以佢嘅份量來講已經有讚冇彈但係可惜我覺得佢嘅水煮味道唔算出色食落口我覺得係辣味比較突出但係其餘嘅味道都好平淡簡單來講即係佢唔夠香味

有朋友陪就行遠d試下呢間上海菜小店，其實好耐之前已經知道呢間餐廳，但係食lunch但係要快，所以一直唔敢試。又係最愛既擔擔麵，花生味濃郁辣度適中，食每口麵都有湯掛住👍👍👍真心好味！久違了好味既擔擔麵🤗京蔥炒羊肉-火喉夠，羊肉唔會太羶亦唔會煮得過火位，配飯一流，冬天食羊順便補補身😊😊😊最後當然要試小籠包，即叫即蒸，皮唔會太厚而且有肉汁，都好好味！久違了一間出色小店👍👍👍下次會再去試其他食物

一人午膳簡簡單單吧到了觀塘的小明珠食個麵餐牌選擇都好多 有幾十款食品有一人餐同二至八人餐都包左野飲既我就叫左個酸辣豬扒薯粉湯底係酸辣湯 夠辣都夠酸豬扒炸得香脆入味薯粉份量都好多！抵食

經過呢間餐廳都幾次，今日就行入去試一下午餐。一睇餐牌 飯都四十幾個選擇。仲有粉麵，湯飯 真係眼花撩亂。而且價錢都合理。叫左兩個客飯 一個白飯轉菜飯，呢度菜飯係特登炒過，好香口，唔洗食送都可。另外上來的例湯 好驚喜。兩碗材料滿滿的菜湯滿足蔬菜需要。冇特登影菜飯和菜湯。因為一上來，已經食左。送上兩個客飯俾大家睇下。有下次

本來想去上面合記，但太多人。呢間小明珠之前食咗一次印象都好好。今次見有位即入，同屋企人食五個大人一個小朋友。一張圓枱剛剛好，叫咗個馬拉盞通菜，香口、好食，夠晒鑊氣。第二道菜炸生蠔，比想像更出色，炸粉好薄而且夠鮮味。第三道菜秋葵意外收獲，分量少少但好爽脆清甜。食完想再食。第四道菜辣雞煲我哋要咗微辣，雞肉分量充足，用嚟送飯一流。第五道菜糖醋魚，呢個夠特別。平時食開嘅係凍魚今次食嘅係熱辣辣既糖醋魚，酸甜味道適中同涷嘅冇分別。只不過今次係熱熱地。

打風過後, 屋企糧食清空 lol當日母親大人無閒買餸, 所以決定就近搵間餐廳解決諗起曾經同朋友食過小明珠嘅水煮魚所以就提議屋企人到小明珠食晚餐其實佢地水煮魚真係好食, 夠麻夠辣. 但當日唔太想食辣所以叫左黑醋排骨, 干燒四季豆, 蠔仔煎蛋同酸菜桂花魚上海黑醋排骨同廣東式唔同並冇先炸再炒, 而係就咁炆稔啲排骨好香醋味帶少少甜非常好送飯干燒四季豆, 先走油再炒, 好夠鑊氣帶點微辣又係一道十分下飯嘅菜式蠔仔煎蛋... 呢道菜唔會特別推介...就係蠔仔煎蛋啦...XDDDDD蠔仔一般新鮮...所以最後我地係反而食哂啲蛋而唔係啲蠔酸菜魚, 充滿住菇, 木耳, 魚片份量都唔算少所有配料都好鮮~ 下面仲有薯粉個薯粉放一陣吸左個湯更加好食如果食得辣嘅朋友可以試佢地嘅水煮魚, 但酸菜魚都推介比唔食得辣嘅朋友