小廚港作 (已結業)

今天來開會，順道來吃個快飯然後再回公司。點了一個海南雞飯，忘了拍照。不過今天重點掉左一碗料足用心製作的例湯上。話說媽媽經常外遊，能喝到靚湯的機會實在太少。今天就喝到他們的青紅羅白煲豬骨，份外覺的親切。料又足，湯又甜，且零味精。

觀塘食lunch, 到處人頭湧湧！想搵間坐得舒服少少既茶餐廳，呢間係不錯既選擇！餐牌上既午餐唔係特別平，不過總算平過APM個堆😅海南雞飯，雞夠滑，仲要咁岩比左隻雞脾位我！正！飯既雞油味唔太重，可能想客人食得健康啲掛

睇返我條食評好小有相,今次第3次度幫襯呢間早餐,次次都係食奶油豬個早餐..首次食個陣叫還好正正常常,係同區小有奶油豬可以小小拍得住翠X個間茶記LV,所以好快趣一個禮拜就去第2次,,點知整到隆哂仲羅比客,,個次還叫夾硬食左一大半..今次都係..仲要再硬再隆D..一吐氣..食剩圖中咁樣就食唔落...其他鮮茄通粉火腿蛋都係不過不失無乜好講..但正係呢個佢地唔視為重要既奶油豬可以3番4次整到咁樣出街..真係誠意可見一班..唔再幫襯了...886....

兩條腿由駿發街出發、漫無目的地向着成業街方向走、為的是吃個靚早餐、尋找好味米粉！求其撞入那間小廚港作。有米粉、哈！食得落口的常餐⋯⋯米粉硬度正是我想找的。還有仿鮑魚絲、火腿絲、餐肉、還有還有煎蛋同厚多。陣容都強盛。食得都算開心。突然脾氣來了、杯凍檸茶得一片檸檬。想點喎？😼一下子要鳴金收兵。

一直想到小廚港作試一下早餐，因為永遠都見到全場滿座。今天等了不消一會就能就座，正！早餐選擇十分多，也有我喜歡的蕃茄通粉，但今天難得到茶記吃早餐當然要吃一些香港至地道的items!點了一個炸菜肉絲一丁跟餐，一丁毫不馬虎，沒有煮到發脹，麵身咬感剛剛好，澆上麻油，霎時間什麼是罪惡感都忘了。炸菜肉絲份量亦十分足料，也沒有醃製味的死咸。跟餐還有多士烤得脆脆的，牛油亦十分香。火腿和蛋亦煎得恰到好處，不會太油膩。另外要讚一下檸茶少甜，是少數茶記中真的做到少甜。下次寫一下他的lunch！

仲有幾日就開學，趁剩返個幾日時間出黎食個飯。約左係觀塘，諗住條地頭蛇已經揀好左食乜，點知佢冇，最後就一邊行一邊搵野食，搵到餓餓地，見到有咁大個招牌寫住港作，就入去試下，見到到係茶記，而且碗碟紙巾全部印有餐廳名，有番咁上下規模，應該ok 嘅。我地食嘅係鹽香雞同馬拉盞炒米粉，野飲方面，我飲熱咖啡，佢飲檸檬梳打。鹽香雞其實有少少類似海南雞飯，切得一段段嘅雞件，有三種醬料可以蘸點。雞皮好爽，雞肉都嫩嘅，鹽香味有少少，唔算好重，點埋醬料都幾好味，可以一戰嘅。熱咖啡比想像中的香濃，唔係一般茶記嘅質素.馬拉盞炒米粉，我覺得好食過鹽香雞，熱辣辣加埋豬肉蝦仁等餸料，而且有馬拉盞，亦即係蝦醬獨有嘅鮮咸香味道，好正。佢個杯梳打雖然叫做特飲，但係點睇都係我杯熱咖啡正啲哈哈

餐廳幾熱鬧，夜晚約七時多坐無虛席，等左少少時間終於搵到位子坐低，跟住就係睇餐牌嘅時候。好老實講，初睇嘅時候，總覺得有點兒選擇不夠多，菜式和麵飯雖然不少，但並沒有很讓我有特別想食的感覺。最後草草點左個馬拉盞炒米粉。由於冇跟野飲，於是再額外叫多個熱奶茶。等左大約五分幾鐘，就有野黎，感覺做野都十分快手。黎到嘅炒米粉色澤並不深褐，賣相中等，只是熱氣蒸騰，比人很有鑊氣之感覺。一食之下，又唔錯喎，幾有意外。炒得好有鑊氣係其一，而馬拉盞個味道亦都十分惹味，帶有微辣，加埋爽脆蝦仁，豬肉，火腿，等等配料咸香。米粉最驚就係炒到好淋，但依個就尚好有咬感，溫度，味道，口感都很好。愈食愈起勁，一啖奶茶，一啖炒米粉，估唔到好快就比我食完一餐。話時話佢個奶茶都唔錯，幾滑。整體黎講，雖然賣相唔算好好睇，但味道出乎意料地不錯。

從觀塘地鐵站出口走大約5分鐘，便到達小廚港作。嗯，這是google map 給我的數字，但實際上和想像當然很有點出入，我們兩條友(其中一個還自稱熟路甚實亂帶) 行左一輪，最後用左十分鐘先到達，anyway，去到好好彩，仲有位，我地就坐低喊野。其實小廚港作個名非常之突出，平心而論，都係屬於茶記，餐牌主打嘅野，大部份都係茶記名品，無論是公仔麵，還是咖啡奶茶，又或是其他例如豬扒包，多士，等等，都烙印住深深的茶記色彩。我比較快手，拿拿臨揀左個咖喱羊腩配熱咖啡。較特別的是，羊腩飯不只是配有飯或意粉兩個選項，還可以配豬仔包，我就揀左大豬仔包熱咖啡先到，繼之羊腩，繼之大豬仔包。豬仔包的賣相很是一般，不過咬落一啖竟意外地外脆內鬆軟，我連忙把咖喱放到包上面，再一大啖咬落去，濃而不會過辣的咖喱和脆軟的豬仔包配搭來食，超正！羊腩的份量都唔少，都有幾大塊，燜得很軟而惹味，因為個人都鍾意食羊嘅緣故，所以都加左唔少分。另外值得一提嘅就係佢嘅咖啡，比一般茶記香濃好多，可以一試。

返工晏就食飯 我諗我同其他上班一族都一樣 就係要「抵食」!見到呢間小廚港作 午市套餐個價錢都OK 同埋好多野食所以就同同事兩人試下呢間餐廳啦招牌咖喱羊腩飯 HKD63我成日都覺得咖哩飯通常都無死 好少餐廳會伏第一次食呢間餐廳既我就決定試下呢到既咖喱羊腩飯先起碼唔會伏啊MA!!結果真係唔差喎 咖哩味好香好濃 羊腩既份量意外地多平時D餐廳都係得一兩舊 呢到竟然有3-5舊左右 好似食極都仲有咁而我個同事就叫左特別推薦套餐既馬來鹽香雞喇沙 HKD52睇落去個喇沙湯底都幾濃 而且都幾足料我同事就話鹽香雞好香同埋個皮幾脆!

去觀塘搵老友記傾計，附近唔覺有咩熟嘅店鋪，就入左依間類似茶記嘅餐廳食飯。佢午餐望上去都幾吸引，而且價錢都唔算貴，要知道閒閒地一個瑞士雞脾餐出面賣都要成40幾蚊，依度仲有元貝食，睇落幾抵，於是我就揀左依個。我個fd揀野超慢，因為佢依排估喉嚨麻麻地，但本身又鍾意食熱氣野，最後我幫佢揀左個肉餅飯，算係正路啲。我個雞脾真係好大份，出面食瑞士雞脾最大嘅問題唔係唔夠入味，而是很多煮得太耐，令到啲雞肉超級無敵究極嚡，咁就十分之難食，依個雞脾還可以，雖然上碟個陣有點兒覺得唔夠熱，但係入味夾嫩滑，瑞士汁嘅香甜十分好味。至於元貝，好難期待有幾新鮮，但三隻大元貝，鮮美厚實，已經值回票價，依餐對我黎講十分之抵。至於我個fd嘅咸魚煎肉餅飯，我夾左一小塊個咸魚味好香，肉餅偏結實，都幾香口。如果要比較，哈，我梗係話我個份抵食啲啦

朝早同朋友突登去左食個早餐 有一個精精神神既新開始早餐黎黎去去都係食炒蛋 通粉個D所以今次我就決定叫個 「馬明民吉列魚柳包」試試呢間餐廳D早餐都幾抵 魚柳包餐仲會配埋薯角或雜果沙律 都係三十蚊 仲有野飲!依家好多餐廳個早餐都要四十幾蚊啊!個包黎到既時候亦都有驚喜! 魚柳都幾厚切 包裡面仲夾住左D生菜如果我朝早唔想食炸野 所以我就簡左雜果沙律 唔要薯角我仲將雜果沙律夾埋落去個魚柳包到 口感同口味更加豐富啊 哈哈!我朋友就叫左個精選套餐黎食 呢個系列裡面既套餐都係around HKD40-45而且裡面好多野簡同每個餐都好豐富最後簡左「香煎雞扒午餐肉麵」黎食 唔洗10分鐘就已經整好啦就咁睇落去都幾豐富 麵上面有三舊切好既香煎雞扒 睇落去都好厚肉幾大舊側邊仲有兩塊午餐肉同埋一兩條菜味道方面 雖然睇落普普通通 但係味道都唔差喎 雞扒煎得幾香 雞皮仲煎得脆脆TIM

｜麻油雞｜呢度嘅雞似乎係招牌菜之一，分別有「鹽香雞」、「麻油雞」及「蔥油雞」三款。今次就揀咗「麻油雞」。麻油雞味唔算好濃，個雞嘅雞肉相當嫩滑，亦好新鮮，入口基本上可以真滑進食道！而雞的油份亦相當充足，所以入口自然有種雞香散發，very nice!!!!!!!!!｜農家蘇釀豆腐煲｜豆腐上䣼入香蘇的魚肉，相當香口，再放進煲中加入蔥蒜等各樣香料，入口更惹味香口！不過油份略為太多，女生order前可能要注意喔！｜馬拉盞通菜｜馬拉盞味道也算太濃，通菜炒得夠翠綠爽口，份量亦算很多！配合油膩的食物作「間場」，十分fit!!!!!

今日番工拎晒野等收工影相，一收工立即趕去觀塘海濱，set好機，原來已經勁多人等睇日落。結果當然不負所望，天空一片紅，好耐無見過咁紅既天。影完已經差唔多八點，勁肚餓，立即係open rice 搵搵附近既食肆，近近地揀左間餐廳依肚。位於東廣場對面既一間餐廳，唔係呢頭出沒應該無咩人識，但餐廳好大間，雖然已經八點鐘，依然好多人，要等位先可以入去。晚飯小菜樣樣齊，望住個menu，真係選擇困難症。生啫馬拉盞時蔬煲 $53馬拉盞味道夠突出，通菜夠翠綠，份量都幾多，食落都幾爽口。咖喱牛腩飯 $56咖哩牛腩寫住招牌當然要試試。由外觀睇，咖哩比較結身，呈深色，味道應該香濃。再睇睇牛腩，少筋，大件，量多，仲有幾件薯仔，以呢個價錢都真係幾抵食。將咖哩加入飯中，撈勻再食，雖然帶有少辣，但咖哩味討好，濃度適中。再試埋牛腩，真係啖啖肉，但我個人喜歡牛腩再腍少少。香茜馬蹄咸蛋煎手打肉餅 $63肉餅表面煎得幾靚，夾起既時候感覺到裡面足料，夠挺身，無鬆散既感覺。食落當然唔係一陣風，肉身加入左馬蹄，更加有咬口，肉又夠腍，加少少豉油已經好足夠。馬來墨魚丸魚腐喇沙 $50望到湯底嘅顏色已經知道有幾濃郁，先嚐一口湯底，原來味道並

今日OT過後，同同事是但搵左間茶記食飯黎呢到食除左因為泊車方便外最重要係會員卡有9折優惠9點左右去到，場內滿座今次 我就由我同事發板，3個人有雞有蝦有菜幾豐富，唔錯咁woo!而小菜加12蚊可以轉餐，跟個飯同杯餐飲生啫滑雞煲一上枱香噴噴待應攪一攪就食得份量適中 唔多唔少肉多過骨雞肉好惹味但係'鞋'口 黃金蝦味道中規中矩咸蛋黃茨汁痴住左落蝦殻到食落去感覺奇怪，成件事完全錯哂馬拉盞通菜菜份量好多但味道一般，菜仲要係硬既埋單出示返會員卡可有9折優惠睇返單先知道原來宜家凍飲係加$3其實得間唔時都會黎呢到食lunch,覺得味道唔差幾好食估唔到晚上會咁大分別下次都係去返飯堂食穩陣d

小廚港作開左喺呢棟開了不久嘅商場內，大概有半年多，半年嚟經過就多，行入去食就未試過。甘岩尋日要喺拒對面整d嘢，時間又未夠，就諗住食個午飯先，其實我都擔心食唔切，因為我都係得番半個中，甘岩又係食飯時間，多人到雲。但係一去到又好快有位喎。我地兩個被安排喺卡位，兩位坐埋同一邊。然後就拿拿臨望餐牌有咩食。依家拒做緊優惠，午市快餐一律45蚊，其他特色餐，常餐價錢50至70蚊左右。跟餐飲品就係正常嘅檸茶，奶茶，咖啡之類。特飲就跟8蚊。我地叫左個馬來鹽香雞喇沙。估唔到湯底好濃，味道都好正宗，入面仲有面同粉絲兩種，幾特別。最正嘅係雞份量超多，起碼有10件，我估計有4份之一隻雞，雞肉質唔算最滑，但係都足夠。不錯！另一個叫左個常餐，蕃茄牛腩通心粉，可免費轉蜆殼粉，我就食左個蜆殼粉，煮出嚟係白色又幾特別喎，一向見開都係黃色有橫紋嗰隻。呢隻白色更有咬口，煙煙unun嘅。通粉再配個火腿煎蛋，豬仔包。豬仔包已經揸左媡奶同牛油，個包仲好香脆。見拒d特飲都幾特別，試左個芒果益力多特飲。嚟嗰時會另外比支益力多你自己加落去，保證係真材實料。味道都好正，酸酸甜甜，夏天飲一杯個人都爽d！係咪好奇怪點解我話呢間係超速嘅茶餐廳呢