小島料理

營業中

休息中

一直都好想食牛肉飯，想食好多片牛肉堆放喺飯上面果種。最近俾我發現到呢間餐廳，個個都推薦一定要食佢個牛肉飯，所以就黎試一試。叫左佢兩款牛丼，為左有多啲牛肉食，兩碗都肉量增加30％。睇佢個餐牌畫左食物既樣好靚，睇見已流晒口水，幅畫同真實食物個樣真係100％相似！有好多片牛肉整齊排列，中間有生蛋黃，旁邊有啲白色醬酸酸地幾開胃。我要讚下條粟米仔，我食到有好香既牛油味，真係好好味。另外仲叫左個鬆餅，抹茶味，好好食！

小島料理開業一年，由兩位男生主理，當日星期六見到佢地都好忙，還岀動到媽媽幫手。前菜嘅日式漬菇，類似秀珍菇，醃得好開胃，作為前菜真的很適合👍🏻〔慢煮牛板腱丼 並盛 $90〕慢煮牛丼每日限量供應，建議先預留⚠️因為真係手快有手慢無～牛丼分小盛、並盛、大盛三個size選擇，務求品質有保證又不浪費～當日肉眼改成牛板腱🥩慢煮後嘅牛板腱肉質粉嫩，軟腍多汁，無血水，真心好好食🤩👍🏻撈埋日本蛋黃、自制乳酪醬、翠玉瓜，$90 滿足又唔膩，同朋友後悔無叫大盛呀～🥺〔沖繩豬肉塔可飯 $〕塔可飯神還原墨西哥卷餅𝚃𝚊𝚌𝚘風味🌮估唔到𝚝𝚊𝚌𝚘可以變成一碗飯👻秘制香辣肉碎，惹味，夾雜住生菜絲、生洋蔥粒、生蕃茄粒，balance番個口感，幾特別〔𝙺𝚒𝚔𝚔𝚘𝚖𝚊𝚗紅茶豆乳 $10〕〔北海道牛乳卷蛋 $10〕〔芝士撻$12〕卷蛋忌廉雖不少，但偏甜、卷蛋體較乾身；若要比較，芝士撻會較為圓滿～價錢實惠也不能挑剔太多🙈用餐後、店鋪無咁忙之時，細細粒主廚仲行過嚟同我傾計，其實幾親切🥰不得不讚2位唔係做開飲食嘅初哥，慢煮牛岀色，價錢亦非常親民👍🏻喺崩壞嘅世界中，尚有打正旗號嘅良心小店，好食有心，無不支持的理由💛

這間日式小店很值得推介，牛丼款式多，碗份量可自由選擇，肉眼牛和西冷牛丼是主打，又有甜品和特色飲品，听著日式音樂，心情愉快又帶點激昂！店舖雖然小，但客量多到滿座！我們點了以下食物：慢煮肉眼牛丼：肉量不少，肉質薄身而嫩滑，厚薄適中，牛丼中含清新雜菜、健康生菜絲，日本生蛋放在飯頂的中心，一刺穿蛋皇，蛋漿滲入飯內，令每口飯包含秘製醬汁、蛋香和乳酪醬的味道。牛肉不會太膩，蛋汁令飯粒帶黏黏的質感。我選擇肉眼牛，是因為肉眼牛比西冷牛更嫩滑。牛肉調味剛好，不会太鹹。飲很有日本風味，有分為不同size份量，包括大盛、並盛、小盛，即大中小碗量，我建議胃容量不大的朋友可吃中size，因為細size份量也挺多，而大size足夠兩人share一起吃！食物有水準，抵食之選！我點了香蕉豆乳飲品邊喝邊吃牛丼，香蕉的香甜味可中和肉眼牛的濃味，帶出另類味蕾新鮮感。小食也滋味，很爽口甜品：鬆餅（士多啤梨）味：一看到鬆餅，我就忍不住要吃！除了士多啤梨味外，還有乳治抹茶和北海道牛乳味，我和朋友較喜歡清新水果味，所以選了酸甜開胃的士多啤梨味鬆餅！份量偏細，這樣很好，過口癮又不會太飽。士多啤梨cream醬充足，鬆餅口感覺鬆軟帶粉的

大角咀不嬲都好多野食揀，今日就試依間友人推介既日本定食小店。鋪頭入面比較細，而且人手都唔多，流轉比較慢，我都等左差唔多半個鐘先有得入。我地兩個人入到去，竟然同我講淨返一份慢煮西冷牛丼，真係晴天霹靂。好彩佢同我地講仲有另外一款比較重油脂感既牛，我都唔記得左叫咩名，但係餐牌上面又冇，即管試一試。慢煮西冷牛丼，我地叫左個大盛，但個份量都唔算好大，食完岩岩好既份量，佢Ｄ牛肉都好腍，加埋乳酪醬，食得多肉都唔會覺得好膩。但係個人略嫌有Ｄ淡味，如果可以再加多少少調味就perfect啦。至於另外一個我都唔知叫咩名既牛，食落好重油香，送飯一流，個人覺得依個仲好食過慢煮西冷牛丼，真係塞翁失馬，冇哂牛丼，食到個應該係隱藏餐牌先有既野，各位黎既時候試下拎住幅圖問下佢有冇得食，絕對唔會令你失望。

小島料理係一間位於大角嘴嘅隱世日式小店💛，主打慢煮牛丼🤩 淨係睇相已經流晒口水🤤本身餐牌上面嘅有2款慢煮牛丼係用西冷同肉眼，但我哋去食嘅當晚就將肉眼轉咗牛板腱😋因為之前都有睇過其他話夜晚去食有機會賣晒食唔到，所以我當日下晝有專登whatsapp店主留定2個🤤 可以一次過試晒兩款牛丼🥰 而食肉獸嘅我同朋友都揀咗大盛，因為餐牌寫每個size嘅飯量都係約300g，而肉嘅份量就係隨size增加30%~ •📸 昆布鰹魚湯+是日漬物 🆓每個丼飯都會送玄米茶/昆布鰹魚湯，但我同朋友都揀咗昆布鰹魚湯，飲落都幾濃鰹魚味，但飲完都唔會好口渴～ 而是日漬物就唔記得咗佢叫咩名，但食落其實口感同味道都好似爽口啲嘅中華沙律🤣•🥢慢煮牛板腱牛丼 $110 (大盛)每個慢煮牛丼都會附上生菜絲、日本生蛋、乳酪同蔬菜～ 生蛋同乳酪撈飯好正就基本啦，其實個飯都加咗少少燒汁，味道淡淡哋唔會太搶～ 飯同肉中間仲加咗生菜絲，令到成個配搭清新啲，無咁膩🤤呢次我哋去食就配咗翠玉瓜，食落好有牛油香，而且好juicy，幾有驚喜😋講返個主角：慢煮牛板腱一咬落去啲肉味就爆發出嚟，肉質好腍好嫩🤤•🥢 慢煮西冷牛丼 $90 (大盛)慢煮西冷嘅肉

🔖店鋪座位唔算多，大約15個左右。人手就真係得兩個，以為要等得耐先有得食，但完全無呢回事。慢煮牛丼有3個Size可以選擇，（飯量一樣，size 唯肉量增加30%）最平$55就有得食喇😍最貴個款都係$110咋，真係好親民價👍🏻🌟🍽慢煮西冷牛丼 $70並盛（中）🥩🍽慢煮牛板腱 $90 並盛（中）🥩今日餐牌既肉眼轉左牛板腱，兩者賣相其實唔太大分別，都一樣咁靚仔😍不過食落口就有明顯分別。牛板腱油脂較多，有肉汁，口感爽身d。西冷肉味濃d，肉汁少d，纖維感重d。🥬配料方面都唔Hea，中間有隻生蛋王，吉爆佢撈飯食，食到陣蛋味非常香。仲有兩舊翠玉瓜+粟米仔，有用牛油炒過，食落唔會有青味！牛肉下面有生菜絲，再加上有d燒汁，撈飯一齊食好正！丫～仲有少量乳酪醬係面，味道唔會太濃，帶點微酸，中和牛肉既油膩感。呢個真係做得幾好👍🏻昆布鰹魚湯好清甜💡慢煮需時又限量，大家記得唔好咁夜去呀，賣哂就落閘喇！💡唔需要加一，性價比真係幾高👍🏻支持😋食物：️9/10🤵🏽‍♂️服務：8/10🍴環境：8/10💰人均消費：$70🤩性價比：9/10

某次經過，見到日式裝修小店，就入左去食，小店好用心，味道更加係意料之外咁好食，依家無得去日本旅行，但個牛肉飯有日本既感覺，仲好低食。從此之後，我都會搭地鐵過海食呢個用心又好味既牛肉飯。

📍小島料理🏝大角咀櫸樹街58號地舖店舖裝修好有日本feel，好溫馨好有家嘅感覺❤️慢煮西冷牛丼🍚（小盛）$55🥩牛肉質素幾高😚食落亦都唔韌，不過有少少筋；另外如果怕較生肉嘅你就未必適合🥚有隻生蛋黃俾你拌飯，加上店鋪而家嘅乳酪醬，食落好清爽開胃😋🥬啲肉底下有好多生菜絲，夠晒健康😂亦都有幾舊翠玉瓜🥒😬不過個人略嫌味道有啲淡，所以都問店員攞咗七味粉另外跟餐送埋前菜（今次係牛蒡絲）& 湯或者抹茶🍵👍🏻牛蒡絲味道唔錯🤩抹茶好香濃～正整體來講呢間小店都幾高質素🥰不過始終都係小店經營模式，入邊只有兩個員工打理舖頭，所以等嘅時間可能都會比較長，如果想嚟食嘅話就要預多少少時間😗

喺大角咀有好多餐廳 而且好多都係小店櫸樹街雖然離地鐵站比較遠 但係最多小店雲集朋友介紹我食呢間餐廳 入面鋪仔細細 只係有幾張枱 而且Menu食物嘅選擇唔多.🐮慢煮西冷牛丼牛肉有分唔同份量 有小盛 並盛 大盛 客人可以根據自己既既食量去選擇適當嘅份量 而我揀咗小盛 我覺得女仔來講呢個份量都夠飽😊牛丼黎到d肉睇落好紅咁 其實食落唔會覺得好生 肉質軟腍得來有啲彈性 上面配左隻蛋黃🥚撈埋一齊食好夾 旁邊仲配有少量蔬菜🥬令到食起唔會覺得咁單調

巧合去奧海城，男友找了這間，一看就很合我口味的日式餐廳。點了個咖喱雞肉飯和慢煮牛板鍵大盛。慢煮牛肉本身是西冷牛肉慢煮，今日轉成牛板鍵，牛肉味很濃，不油膩，配上生蛋生菜飯剛剛好。咖喱飯很野味，菜類很入味，$58的價錢真的很抵。可惜不是住附近，不然可以當飯堂~

舖頭位置唔大 不過又唔算話好迫嗰種😂初初見到menu覺得少貴🙈但食完知道係物有所值😋西冷同肉眼都試左～個人比較鍾意西冷😍慢煮令牛肉又有牛味又嫩 同埋雖然薄切但其實份量都唔小（我叫中盛）😗😗肉眼就淋d但相對牛味無咁濃🤔可能因為我肉眼叫左小盛 所以感覺牛肉無中盛西冷咁大片～加埋隻溫泉蛋撈飯真係無得輸🤣🤣最感動係連配菜既翠玉瓜同粟米仔都用牛油炒過 好香好好食🤤😭個飯上面有個乳酪汁 少少酸甜中和左牛肉既膩 估佢唔到咁夾😋食完已經確定會再encore😛

@foodie_milktea_hk《小島料理》大角咀今日去大角咀富多來嗰邊，貪小店夠多😙今日自私食可以有得坐吧枱，天氣又好，望住街景覺得特別舒服🥰舖仔細細，只有大約十六個位，Menu 比較簡單只有幾款，但出品高質🤗＜慢煮西冷牛丼＞🐮有分小盛、並盛、大盛，飯量其實係一樣，都係約300克，分別在放牛肉量，每大一個size 多30%牛肉，大部分顧客都係叫並盛，男士就可以叫大盛🤭本身我想叫肉眼，但姨姨話要等30分鐘，咁唯有先試西冷🤤慢煮牛肉味濃，肉質軟滑，好好食，並盛大約有10片，配左椰菜同乳酪，加埋隻生蛋沾牛真係好好味☺套餐有前菜，係金平牛蒡甘荀🥰食完個飯已經好飽，無辦法叫埋甜品，唯有留待下一次😌

大角咀某住宅大廈地下其中一間店鋪就係呢間「小島料理」。咁多店鋪密密麻麻咁排喺一齊，如果唔係門口嗰幾塊印有日文嘅深藍色布廉，真係唔容易察覺得到。主要售賣日式飯類嘅小店，堂食座位喺晚飯時間好快就滿座。我喺晚市開嘅時候已經入咗去坐咗個窗邊位😆過咗大約10分鐘已經見到門口有人龍喇。▫️慢煮肉眼牛丼 (HKD90) - 每一碗肉眼牛丼有飯量約300g，肉量隨size增加30%。牛肉唔係紙咁薄嗰隻，質素雖然唔及日本嘅高，但以咁嘅價錢嚟講絕對唔失禮，我數過大約有10塊牛肉，每一塊都幾粉嫩，口感唔錯。我覺得呢份「並盛」嘅肉量對我嚟講就啱啱好，飯量我下次食嘅話會叫少飯😝另一款熱門牛肉飯亦有3個size選擇。▫️鬆餅 (HKD12/件) - 四款味道裡面我揀咗宇治抹茶。鬆餅包住嘅宇治抹茶係忌廉唔係雪糕，味道有少少甜但唔係好食到抹茶味。份量細細件，就算食忌廉罪惡感都唔會太大😆😆 ⭐️只收現金

櫸樹街小店臨立，今日試吓呢間好有日本和風感覺嘅小店。小店主打日式飯，由兩位年青人主理，一位姨姨就負責樓面工作，嘢食非常有水準，而且服務態度亦都好好。今日試咗佢嘅西冷牛，西冷非常有牛肉味，雖然唔似肉眼一樣入口即溶，但係牛味十足，而且配上嘅粟米仔，翠玉瓜，同埋乳酪醬都好好食。值得一讚嘅係佢配上大量生菜，加添清新嘅感覺。值得一提嘅係佢嘅份量都唔少，雖然只係嗌咗中size，但係都已經好飽。佢嘅份量係根據牛肉嘅份量而區分，而飯量所有size都係一樣。建議女仔嚟食可以叫少飯，咁就可以留肚食多啲牛肉啦。

大角咀真係有好多小店，單單一條櫸樹街已經有好多唔同菜式嘅小店選擇。呢間小店由年輕人主理，食物擺盤非常有心思，牛丼直頭靚到成朵花咁，影相一流。出街食飯最怕唔健康，多肉少菜，但呢度每個丼亦有好多唔同配菜，飯，肉，菜比例好好，食一個丼就係營養均衡嘅一餐。價錢亦非常抵，幾十蚊就有一個餐，牛丼亦可以揀牛嘅份量，價錢亦會遞增。總括嚟講係一間好高質同用心製作嘅小店，已經番轉頭食過好多次，以小店黎講我會俾全5星👍🏻👍🏻