尋麻記

營業中

休息中

知道大埔墟開咗一間麻辣外賣小店平時都見到好多人去幫襯今次就入去睇吓有乜嘢美食由老闆介紹知道呢度最出名嘅係招牌麻椒雞+肥腸一於兩樣都買返屋企試吓麻椒雞驟眼睇都幾大隻我哋就order咗半隻老闆即場拆開麻椒雞豐富嘅麻辣配料原來釀咗喺入面咁樣可以令到雞肉更加香更入味然後一小件地拆開雞肉及雞骨返到去夾嚟食都方便好多屋企人食過都話口味特別唔錯除此之外反而我好鍾意佢細細粒嘅小龍蝦小龍蝦肉質好爽口彈牙而且麻辣得好入味大人細路都搶着要食而肥腸鍋喺近門口位置每一條都大大條睇見都覺得夠晒熱辣辣返到屋企仍然保持到溫度而且大腸裏面嘅肥膏清走晒加上麻麻辣辣嘅口味確實好滋味好好食仲有佢嘅檸檬鳳爪酸酸辣辣好開胃==============================🔍 #尋麻記 📍地址 : 大埔寶鄉街35-39號寶康大廈地下C號舖🔹🔸🔹🔸🔹🔸🔹🔸🔹🔸🔹🔸🔹🔸🔹🔸#大埔尋麻記 #大埔麻辣 #大埔墟麻辣外賣 #大埔美食 #大埔外賣 #打卡必到 #蔡真真 #食好西 #肥真為食 #為食Tata #美食家Tata #吃貨TaTa #tachoi #hkinfluencer #hkfoodie

今日同阿媽去探住大埔寶鄉邨嘅親戚，本身諗住斬燒味加餸，但路過見呢間新開嘅尋麻記幾吸引，就試試佢！閒日下晝六點幾嚟到，唔少小食已沽清，可見間鋪有幾受歡迎我哋叫咗麻椒雞、麻香雞各半隻，同埋一份肥腸 。啲雞係即叫即撕，老闆手法純熟又快手，望住隻雞＋香料我都已經流晒口水。有別於坊間某啲店就噉整熟隻雞再淋醬料，呢度係用四川做法，連埋香料一齊炮製隻雞，會令隻雞更入味。麻椒雞(半隻) $78我哋叫咗小辣，唔會太辣，又麻又香，非常惹味唔只雞肉正，連雞皮都非常爽口，口感好似海蜇咁彈牙！麻香雞(半隻) $78麻香雞就唔辣嘅，花椒味突出，帶有陣陣滷香，無論就咁食定送飯食好都味。金牌肥腸 (小份) $28我地等緊雞果時聽到好多熟客都嗌呢個，果然無令人失望！肥腸好乾淨，重有我最愛嘅芫荽，再加埋麻辣油真係好邪惡！叫肥腸會送白芸豆墊底，啲豆好大粒，口感粉粉地咁都幾唔錯。成間舖頭都幾企理衛生，就連外埋包裝好乾淨，唔會油腍腍，重會提供埋手套方便食用，抵讚

作為手撕雞既愛好者 (因為太懶唔想煮飯XD)最鍾意周圍發掘下唔同口味, 其實出面食問既都差不多, 麻香, 薑蔥今日呢間尋麻記就真係試到佢特別, 點完餐, 師傅即刻拎出黎撕俾你睇, 裡面滿滿都係香料師傅話, 出面多數係撕完先撈汁, 不過佢地係整之前就放D料入去, 咁先夠入味夠晒麻, 唔會太辣除左雞, 呢到仲有好多涼菜今次揀左無骨鴨掌非常爽彈, 又入味, 十分開胃, 大推!!另外仲有金牌鵝腸, 叫得金牌, 味道的確唔差, 鵝腸白軟又唔會有騷味跟埋一齊既豆都好好食, D辣汁好正!!

🔎 尋麻記*📍 大埔寶鄉街35-39號寶康大廈地下C號舖.麻椒雞因為想試埋其他種類，所以今次只要咗半隻麻椒雞，但我非常欣賞佢嘅調味，其實唔係辣，只係麻，所以我自己其實幾鍾意的。如果係麻辣控真係要試下，而半隻其實都一d唔算小。肥腸反而當日叫咗咁多款，我自己最鍾意肥腸，可能因為已經索哂d汁，而且好入味。自己同屋企人都非常鍾意，絕對可以下次再encore.鴨掌鴨掌算係我呢次第2最愛，可能因為佢有d酸酸哋相當開胃，而且唔難咬，好食！呢款都係我下次一定要再點既。下次可以要多幾份添毛豆其實佢調味ok，不過我可能麻麻豆類，所以我自己麻麻哋。如果食開毛豆嘅或者會喜歡。

大埔越來越多好嘢食，今次去朋友屋企聚餐，每人揀d野食上去一齊分享，經過依間小店，不得了！香味撲鼻！店面光鮮整潔，即刻睇吓咩料先😎😎小店主要售賣麻椒/香辣風味嘅食品，唔辣嘅都有，其中麻香雞就係店員推介唔辣既☺️我哋超鍾意食辣嘢，所以二話不說揀咗：麻椒雞店員會戴上手套 將雞撕開雞入面嘅香料好多！佢哋係用咗採購自唔同地方嘅花椒同埋辣椒，嗰種香噴噴，令人食慾大增嘅氣味，真係吸引！麻椒雞非常推薦！好香！味道亦都好特別，唔會太辣。最抵讚嘅係，雖然用咗好多花椒，但係一啲苦味都冇👍🏼👍🏼一件接一件，好食到停唔到口！金牌肥腸（小）我建議大家，直接就買個最大份既！如果唔係，就會好似我咁後悔😅😅肥腸真係非常乾淨，冇肥膏，冇污糟嘢，食落去係爽口！分分鐘係全香港最乾淨嘅肥腸！！配上大大粒嘅白雲豆，口感好好，仲有啲芫荽，辣得好過癮！依粒大大既豆，口感就好似紅腰豆咁，粉粉地，但層皮就冇紅腰豆咁硬，好食！

以前好鍾意食手撕雞，今次聽住大埔朋友話有麻椒雞，到底係乜嘢嚟？好想試吓。原來係呢間，之前成日經過，見到有C奶買，話佢家新婆仔好鍾意食，成日點佢要落街買。間鋪面細細間咁，幾整潔。外賣🥡加餸，好多款可以揀。有麻椒雞、乳鴿、檸檬雞腳、雞脾、肥腸、皮蛋、木耳、毛豆⋯麻椒雞係他家主打，成隻完整嘅雞，雞肚子裝滿花椒，辣椒粒，胡椒粒同香料，即場在你眼前切開，即場拆肉，然後拌勻，即時聞到麻香味四溢，食落口感實在，擔擔都係肉！滿滿的滿足感。完成拆肉的麻椒雞用紙包實，然後再用紙袋帶走，非常方便。干淨又衛生。

呢日突然好想食辣嘢，經過呢間新開嘅舖頭就買咗啲嘢食返屋企加餸。呢度有好多款麻辣小食可以揀，仲有招牌嘅麻椒雞。首先，當然要試吓佢呢度嘅招牌麻椒雞。佢嘅圖入邊塞滿左香料，當中包括花椒，啲香味滲透晒落啲雞肉度，每一啖都可以食到佢又麻又香辣既味道。店員會將麻椒雞撕成一條條既雞肉，返到屋企就可以好方便咁樣食啦。小食方面，點左檸檬雞爪，佢酸酸辣辣咁，好開胃。仲有呢個麻辣雞臀，雞臀口感結實，好好食！仲有爽口嘅麻辣黑木耳。外賣返屋企一路食一路配啤酒簡直一流。

呢一間以麻香辣為主嘅外賣店，全部都係相當惹味嘅川味小食☺️作為咁中意食麻嘅我都必定要食下過下口癮先得😆🐔麻椒雞 (半隻) $78老闆即場將麻椒雞用手搣開，過程中已經聞到麻辣嘅香味，聽老闆講佢零晨時分已經開始製作！ 從色水已經睇得出好入味，果然食落好入味，麻辣嘅味道好出色，真係有大陸食開嘅味道🤤十分惹味！份量嚟講唔少，雞皮相對地比較有咬口，肉質厚實👍🏼🐔檸檬雞爪 $48呢款相對地冇咁辣味道酸酸辣辣，開胃得來又好過癮，加上係無骨嘅雞爪，轉眼間就食晒了🤭🐷金牌肥腸 (中份) $38肥腸煮得好淋好入味，老闆用咗燈籠椒去煮製，辣度好夠，越食越停唔到口😆加埋我最愛嘅芫荽，更加惹味！重點仲有少量白雲豆，一個咁邪惡嘅食物配搭呢一個咁健康嘅白雲豆，令到成個罪惡感都少咗好多🤩🤩🐔雞腎 $48每舊都切得細細舊，食起嚟好方便，爽口嘅口感加上辣到十足，食得相當過癮🤤🌟店員服務態度好友善，亦會好用心解答客人每一個問題，仲會俾埋手套方便客人進食，相當貼心🫶🏼📍大埔寶鄉街35-39號寶康大廈地下C號舖

見到這間新開的尋麻記咁多人買，我又去八卦一下，順便買個外賣返屋企加料。主打賣麻椒雞，金牌肥腸及一些麻辣涼拌等。舖位細細，放滿一盆盆的涼拌菜，但今晚五點到，很多涼拌已售罄，好彩還有他們主打的麻椒雞。包裝乾淨企理。點了半隻麻椒雞（$78)及半隻麻香雞（$78), 分別在於辣與不辣。麻香雞內邊塞滿大量花椒及香料，麻椒雞更多了辣椒在內。雞隻在客人面前即叫即撕及調味，乾淨衛生。雞肉食落充滿香，麻同辣，雞皮無多餘的肥膏，食落更是爽滑的。麻辣毛豆（$18), 香辣開胃，最岩送啤酒。

收工經過見到呢間新開的小店，裝修清簡整潔，第一印象幾好😄玻璃櫃內有多款食物都幾吸引，一於買外賣加餸。麻椒雞(半隻)老闆會即時手撕拆肉。雞種選用麻雞，雞皮薄透爽脆，完全沒脂肪，肉質結實有雞味，食時將雞腔內的花椒和辣椒撈匀，麻香辣惹味😋金牌肥腸(小份)肥腸去油去脂，食落無異味，好乾淨，仲有芫荽和白芸豆，新配搭無骨鴨掌第一次食鴨掌咁爽，酸酸微辣，有檸檬清香，一啖一件，完全無難度。香辣蝦尾鍾意食辣又食得辣，呢個一定要食。老闆教咬住蝦肉，一拉蝦尾就離殼，食得好方便。當送酒小食都好正。老闆介紹店內所有的醬汁料，包括蒸雞的花椒辣椒，都係每日新鮮炒製，唔會死鹹死辣，有心有誠意。

回家路上發現一家新開的店，主打麻跟辣的小食，正正打中我的要害，就是我的最愛：麻辣！小店的定價合理，選擇不算太多，但用料不會有味精，值得一讚服務很好，老闆主動介紹他們的主打，是雞跟肥腸椒麻雞 一隻$138先鹵後塞花椒辣椒，所以一定不會不夠味，但又不會過鹹太辣，因為老闆已調整至適合港人口味調理：先把一整隻的雞在你面前切開，再用手撕開，手撕雞最好的風味不就是用手撕開嗎？他親自證明了看見雞件撕開時沒有太多肥油漏出，皮薄肉多，花椒味很香！聽聞少肥多肉是因為用上走地雞，所以雞味香濃，入口爽彈，不會是一般的雪雞又稔又無味無骨鴨掌$48小小辣，微微酸，入口開胃爽脆，不會像茶樓的醃至過稔無味，非常不錯！

新開的店，放工路過，很新奇就正好試試，老闆娘很熱情，會認真介紹，主打是麻椒雞和金牌肥腸，買了半隻雞和大份肥腸。這是我在香港從來沒有吃過的味道，雞很香很入味，皮滑爽，會辣，但是很容易接受（吃不了辣可以試她家的麻香雞），完全撫慰了我愛吃辣的味蕾。肥腸也是很驚艷，處理的非常乾淨，很容易嚼，入口即化，又香又辣，配上粉糯的白芸豆，喜歡肥腸的絕對不能錯過！ 以後不想煮菜可以隨時來買，太棒了！

尋麻記👻️大埔新開咗間專賣椒麻雞想外賣加餸又多個選擇個日去到個冷櫃都差唔多清哂真係好好賣好彩都食到想食既椒麻雞同埋雞爪下次買都要早啲去😆😆.🔅招牌麻椒雞(壹隻) HKD 138佢個調味非常香由個櫃拎出黎個陣都已經聞到啲香麻味落完單就直接係面前幫我地原隻手撕啲花椒辣椒釀哂入隻雞入面好足料 唔怪之得咁香🥰原隻雞既份量都幾多拎黎加餸都幾好幾新奇呀唔食得辣既朋友都可以試下佢個麻香雞一樣咁麻咁香😛🔅檸檬雞爪 HKD 48加咗檸檬有啲中和返啲辣酸酸甜甜咁配埋個辣辣得黎好過癮雞爪幾入味新鮮又爽口 食完好開胃😆.整體黎講:椒麻靚雞 又辣又麻😚.🎈尋麻記 (大埔)大埔寶鄉街35-39號寶康大廈地下C號舖

尋麻記今日路過大埔寶鄉街，突然聞到陣陣濃郁香辣花椒味，原來係新開咗間專做外賣嘅小食店，梗係二話不說要試試佢。·招牌麻椒雞（半隻）$78身為尋麻記嘅招牌菜，梗係要試啦。老闆手撕開雞嘅一瞬間，見到滿滿嘅花椒同香料，麻香味四溢，食落口感實在、擔擔都係肉！抵食之選麻香雞髀 $15雖然眼見平平無奇，但勝在口感嫩滑，屬誠意之作。金牌肥腸 （中份）$38必食之選！大腸肥嫩無比，且經秘製湯料鹵製，非常入味！香辣蝦尾 $48辣勁十足！啱晒食得辣嘅你！蝦肉輕輕一拉，即可原粒送入口！非常方便！·麻辣毛豆 $18極度推薦！辣、麻十足！十分入味！價格平宜、份量十量！順帶一提！老闆同我講買滿$48，就可以去拎袋裝飲品！梗係唔執輸拎返一兩包走！·📍 尋麻記 (大埔)大埔寶鄉街35-39號寶康大廈地下C號舖如果大家食過歡迎留言話俾大家知仲有咩好食啦😆想繼續見到我哋更新 介紹更多美食請多多支持

今日去大埔街市買餸，見到有間新開小店，就入咗去睇下，有我最鍾意食肥腸🤤🤤🤤🤤🤤🤤🤤🤤即刻買左碗黎食，又香又帶有麻辣，好好食，大大碗，份量十足😋😋😋😋😋😋