將軍麵館

營業中

休息中

早幾日係新北江試左『將軍麵館』嘅酸辣幼湯麵，味道都唔錯，今日見有時間走去試埋撈麵😁揀緊食咩嘅時候留意到好多食客都點「豬軟」，於是就揀左豬軟骨撈幼麵💓一上菜巳經有少少失望，好大碗麵，但係得兩舊豬軟骨🙁個人覺得三舊會合理啲⋯⋯麵嘅配料好豐富，『將軍麵館』嘅好處係餐牌上列曬所有配料👍🏼👍🏼👍🏼呢樣好貼心呢碗撈麵味道好重，好香濃，同湯麵有得揮！不過食多幾啖會覺得有啲厭，可能因為碗麵真係好大碗，食極都未食完，又食黎食去都係同一種味😅呢個時候可以試下加枱面嘅「黃辣椒醬」加一小匙巳經可以撈好多麵，味道香辣，有層次不過偏咸，唔建議一次過加太多～另外豬軟骨好硬，有好大進步空間😓下次都係試其他餸🙊

天水圍新北江好多食肆，真係花多眼亂，今日行左個圈，見到『將軍麵館』店面簡潔乾淨，環境都唔錯，所以決定一試！麵類主要分撈麵同湯麵，一向中意食酸辣，所以揀左6號炸醬酸辣湯幼麵，配豬耳同海帶。所謂嘅幼麵唔係一般嘅鹼水麵，而係手工拉麵～拉麵軟硬適中，而且份量好多，好夠食。碗麵本身都跟左好多配料：酸菜、白菜絲、炸醬、芫茜⋯⋯令到個酸辣湯底好濃郁，好夠味！最正係有啲菜絲平衡下，感覺上健康啲😆加配嘅豬耳切得好薄，雖然話餐牌上有條辣椒係旁邊，但係其實無乜辣味⋯⋯另外海帶係分開上的，有啲湯浸住，食落偏咸，我諗如果係跟麵一齊上會夾啲。下次可以試下撈麵😋

來到天水圍探朋友，她住新北江附近卻好少來搵食，我們這天就來探索一下！商場的一邊一連有六七間平民食肆，任君選擇，而由於我非常喜愛吃麵及米線，心想這間主打手工麵應該對我胃口，就拖著朋友來試試。我叫了牛湯麵，朋友叫了撈粗，另加一碟白菜絲。我的牛湯麵：牛夠腍，入味，水準不俗！至於手工麵，好彈牙好有口，是我喜愛的那種麵質！最最最有驚喜的，是湯底！感覺應該沒有味精(飲完之後沒有口乾)，清甜夠味，配麵一流，吃完好滿足！朋友的撈粗：也是水準之作，滿滿一碗都是餸，炸醬夠多，醬汁開胃惹味，朋友也覺得很不錯，重點是一碗30大洋有找，好抵食！會令食客返轉頭的小店😋！

天水圍將軍麵館~~~去就去過幾次，喜歡它麵濃，味重，加杯豆漿，簡單又一餐！餐牌麵類選擇其實不算多，例如將軍京醬麵就$30....將軍麻醬麵就$30....將軍撈粗麵就$26....將軍撈米線就$26....將軍酸辣炸醬麵就$26....將軍豚肉麵就$32.......有湯麵，有不湯的麵～～～如果加料就每款$6～～～例如雲耳，腐竹，肥牛，豬肚，牛柏葉，魚腐，海帶，水餃，紫菜，豬紅等等...........特別款式，例如是大腸要貴一點，要$8....豬手亦是$8......牛展就$12......豆漿跟餐一起叫，就$6～～～如果單點，就$8，貴一些～～～明碼標價，我看一看餐牌，就清晰見到價錢和每款加料幾錢。最後叫了一碗將軍腩肉麵（湯麵一碗），再加豬大腸，前者$32，後者另加$8～～～豬腸本身如果清潔不乾淨，會有屎味，但這餐廳又未食到有這味道，加上湯比較濃味，所以配上豬大腸，我覺得都算幾可以。麵條有彈性，有咬口。ok的。👌👌👌輕鬆簡單又一餐，可惜這餐廳地方位置太小，所以坐不一會兒，就有人在外邊排隊等進場食，令我覺得自己好像要食得快一點🤷🏿‍♀️🤷🏿‍♀️🤷🏿‍♀️🤷🏿‍♀️

天水圍新北江商場入面有好多食肆，間間舖面積都唔算大，但都係塞满食客，可以講話係一個非常旺嘅商場。呢日就揀咗呢間將軍麵館。叫咗碗麻醬麵($30)，另外加咗水餃($6)及一枝黑豆漿($6)。碗麵非常大碗，入面有芽菜、甘荀絲、青瓜絲、花生、肉鬆，當然唔少得麻醬汁，將所有材料撈勻後食，味道唔錯。水餃餡料係白菜豬肉，味道唔錯，都好鮮嫩，不過只有2粒就略為少左D，如果多一粒就更加好！黑豆漿係便利店可以買到嘅貨色，普普通通啦！不過$6枝都算抵飲。

30元將軍京醬麵今日一睡醒，原來已經可以食中午了，因為都已經11點幾，刷了牙，洗洗面，再換衫，當自己食中午加早餐吧，哈哈。媽咪話不出去食，要自己煮，所以只有我和妹妹兩個人出去食。我們到了將軍麵餅，每人叫了一個麵，再加多一支豆漿。啊，豆腐要加錢，加6元，如果不跟餐叫豆漿，要8元。我叫了30元將軍京醬麵，其實即是撈麵，裡面有炸肉醬，有青瓜絲，紅蘿蔔絲，黄豆，等等....................全部撈在一起，水份不多，但勝在有味，夠濃，所以都幾好食的。我另外加6元，要一支黑豆漿，不算太甜，樽裝的。

外賣麻辣蘿蔔豬手粗麵41蚊，返到屋企先發現，佢走豬手😠😡🤬😤😤😤 之前，我的朋友光顧過一次之後，叫過我千祈唔好幫襯你哋，我衰，我覺得要俾一次機會你地，所以今日就幫襯左，就落得如此下場。外賣嘅意義，對我而言，我係希望可以盡快回家好好休息，不想留在街外，為咗呢8蚊豬手，本人晚餐都未能好好咁進食，就要出來你店舖取回，為咗我，我又用晒我今日休息嘅quota，取回屬於我嘅嘢。多謝你地肯俾返我既錢我。講返味道：我是小辣人士，睇過食評叫左大辣，除咗頭兩啖感覺到辣之外，之後都完全冇料到，食完呢碗大麻辣蘿蔔走豬手粗麵之後，口腔內一啲麻辣嘅回味都冇，粗麵份量OK，蘿蔔就蘿蔔味，鍾意辣或適食辣既人士，會非常失望！唔食得辣既人士，就會覺得好辣。

本來都係去開麗江米線 尋日麗江休息 所以試咗哩間 2:30pm都幾乎坐滿 好彩我一個人 唔駛等我見隔離個姐姐點咗個湯麵好似好唔錯 於是乎都嗌咗個牛展麵（大辣） 份量都幾足下 啲麵好煙韌 京都雜醬好味 牛展夠淋但本身冇乜味 最覺不足的是個湯底 個人比較重口味 覺得個湯底太淡 雖然叫咗大辣 自己又再加咗辣油 只是覺得少許辣 而且唔夠鹹 個辣油亦不夠特別 很普通的辣椒油 沒有什麼特色 如果個湯底重味少少 成碗麵會吸引好多價錢方面還可以 下午茶有送嘢飲 牛展麵38+炸醬6=44總的來說 回頭嘅慾望不大

直得推界的一間 平民麵館 老老實實先看價錢再入去試試 原來平野都可以有好野的平民價格 佢標榜 ｛手工做麵 湯冇味精｝（其實冇乜可能）⋯⋯不過性價比係高 係好味既⋯⋯守選要粗麵（麵質彈牙）大腸入味 豬手都正 必食

我嚟親呢到都剩係會叫兩個餸就係腩肉加豬耳🤤因爲兩個都辣嘅湯底有加成👍🏽👍🏽麵就剩係食粗麵（上海麵）麵嘅就煙煙韌韌🤤🤤超級好食！！每次食麵會食好耐，因為唔想咁快食哂🤭⋯腩肉唔會太肥，又唔會太瘦👍🏽咬嚟唔會乾乾柴柴，又有啲辣味豬耳帶辣，正常水準不過叫豬耳都係貪佢辣😂😂而乾撈麵都好好食，另一番風味！入面有啲豆，有點豆味唔錯！唔錯！另外呢間嘢嘅員工態度幾好，同客人有講有笑，但唯一唔好嘅就係成日漏餸😂😂不過同佢講番聲就okay，唔成咩大問題。

天水圍有間新北江商場，新北江商場入邊有好多間餐廳食肆，今次就食咗一間叫將軍麵館嘅麵檔。鋪頭細細，但係估唔到食起嚟都還可以喎(>^ω^<)我覺得如果鍾意食重味嘅人，應該都鍾意食。麻醬撈麵啲醬就普通啲，因為同我哋平時食開嘅麻醬差唔多，再配搭埋其他嘅配料餸菜，有青瓜絲，紅蘿蔔絲，花生，豬紅，同埋肉鬆。將所有野撈埋一齊食，味道都OK嘅，可能因為係麻醬嘅關係，麻醬配埋其他嘢食，點食都OK嘅，所以尼一碗冇咩特別驚喜，但係味道OK嘅真係。(>^ω^<)我比較鍾意反而係另一個炸醬撈麵。佢啲炸醬應該係自己秘製野。配搭埋啲青瓜絲，紅蘿蔔絲，同埋自己散叫嘅餸菜，食落去真心覺得唔錯。味道重，但係配埋一齊唔知點解幾好食。所以我覺得如果鍾意食重口味嘅人，應該都會幾鍾意食呢個將軍面檔。(⁎⁍̴̛ᴗ⁍̴̛⁎)

之前成日食既米線鋪頭變左將軍麵線，裝修非常有川味feel，見lunch時間麵幾多人。鋪頭頗細，檯同檯之間比較窄，一望就望到廚房，廚房半開放，見師傅整緊刀削麵-麻辣雞翼刀削麵湯底唔似雲南米線咁濃，叫左中辣，麻度同辣度都唔夠，相反麻辣雞翼就好入味，啲汗好濃，將啲汁加落麵到岩岩好而刀削麵非常彈牙，配麻辣真係一流，邊食邊出汗。除左麻辣雞翼，仲有好多其他揀選，不過一碗刀削麵加3隻雞翼要差不多$50就頗貴啦。

其實我真係好鐘意食米線😂即使叫我餐餐食米線，我諗我應該都冇問題。依間係新北江嘅麵檔，日日lunch 時段麵會有好多人排隊，我又點會錯過呢麵款有米線之外仲有手工粗/幼面，仲有好多款餸比你揀👍🏻豬耳腩肉撈米線- 豬耳好爽口、腩肉少少辣都幾過癮嫁。而且好足料。鐘意食撈面嘅一定要試下👍🏻👍🏻

餐牌排列款式很清晰，很容易明白👍🏻星期五晏就12點幾一個人食午餐，經有兩次光顧過呢間店經驗，撈麵係較為好味。呢間店湯麵較為咸，食到後期根本咸到食唔到落去😂😂。所以我視線一早望左左邊喇😆🤭🤤！（撈麵）親民價小食如下：呢店內沒有提供水吧，但有罐裝/樽裝飲品（汽水、茶、豆漿等）。地方都算乾淨🙂🙂麻醬撈麵有三款麵底選擇。我今次揀左粗麵🤩 可以咬下🤣味道好香 !但食到1/4 左右麻醬仲有比較多 會變得過咸 所以我加$6 叫左樽白豆漿 , 又中和到wo!btw, 重口味一定要黎試下！ 白豆漿比較多人飲，到晚上八時有時會售罄🤭

又黎新北江食又抵又好味既野喇～今日決定食將軍麵～～呢度既麵抵食又好食，真心推介～今次大食妹選左將軍撈粗麵再加左豬手～佢地個麵好煙un，唔似平時食開果d，口感好好。加上我今次叫左果個唔係湯麵，口感就更加豐富。佢地個撈麵汁調得岩岩好～好香又有小小辣，都真係幾正另外大食妹仲加左個豬手～個豬手忟得好林好入味，所以大食妹每次黎都要加隻豬手～感覺呢間餐廳味道有d偏濃，但佢麵同材料既味道又好夾，所以平日黎講，佢都算多人。PS．食完呢碗麵會好滿足架～