將軍麵館

咁難得嚟到新北江，就要試吓將軍麵館，唔單止價格親民，仲要啲嘢大大份，睇相就見到啲炸醬超多，我仲要嗌咗豬大腸，同埋配上粗麵，啲面好有咬口，啲豬大腸都好入味，仲要俾得幾多料，同事碗麵都真係幾大碗，先50幾蚊，佢絕對物超所值🤭…查看更多

小編今日來到天水圍一間麵店「將軍麵館」，位於新北江商場，提供各粉麵湯底和撈粉，可選擇小辣、中辣、大辣或麻辣，湯底可選上湯或酸辣湯🙌🏻 多款配料由君選擇，如豬軟骨、豬手、牛腱、腩肉、豬頸肉、豬紅、蘿蔔、魚皮餃等，更有多款小食✨ 價錢夠親民，如需多加粉麵，不用加錢，成為街坊必到的平民麵店👏🏼「將軍腩肉麵」酸辣湯底，加上醬香肉碎增提升湯底層次，湯頭有芽菜和酸菜，麵條掛湯力一流，瘦腩肉份量足料，滷水煮至入味，整體酸中帶辣，味道香濃而不嗆喉🙌🏻 重點是加上自家製黃辣椒醬，辣度夠層次🌶️必食腩肉湯麵🍜 🍽 ：將軍腩肉麵👅好味指數：8.25/10💰消費：HK$42📍地址：將軍麵館 天水圍新北江商場1樓A123 🈹推介優惠：N/A …查看更多

回頭度🍪8/10｜人均消費💰~$40-60-今次就同大家介紹我嘅中學飯堂抵食大份又好食嘅手工麵😍我記得佢初初好似係得牛肉麵但依家多咗好多款餸😋-👍🏻將軍牛展麵 $48湯底帶有炸醬葱花同旺菜絲🥘仲帶有微辣🌶️所以幾惹味其實原本仲有芫茜 但我冇要麵條我就揀咗粗麵🍜幾煙韌同有咬口 同個湯幾夾牛展份量都多🐮而且冧身唔會韌整體嚟講 真係抵食大份又好食🤩-整體味道🌕🌕🌕🌕🌑抵食🌕🌕🌕🌕🌑…查看更多

見網上外賣平台有外賣自取優惠，即刻食返我平時最鍾意食嘅將軍麵店，見佢加咗新嘅菜式，水煮魚麵，我就嗌黎試吓。另外當然會叫返平時鍾意食嘅牛腱麵再加炸醬麵。牛腱麵同埋炸醬麵嘅水準都有維持得到，但反而水煮魚嘅麵我又覺得一般。同我想像中有少少出入。不過佢又真係抵食嘅咁大大碗手工麵都係$40幾我成日諗唔到食咩都會食佢。住開天水圍嘅朋友，去開新北江搵食應該都唔會陌生。下次都係繼續食飯，佢嘅招牌麵就比較穩陣。…查看更多

打風臨住近近地去食，叫左個豬紅雞翼幼麵。一黎到第一啖都無咩野，d 麵愈食愈咸，個湯底勁咸但d 餸又無味。唔知係咪因為啲餸冇醃過，所以整到湯底鹹啲來彌補番個味道。試一次就夠…查看更多

平民小店 附近居民同學生食多呢個商場出名d野平 都幾經濟實惠一般揀個粉再加餸 飲品另加錢將軍撈粗麵 ($33) + 腩肉 ($9)有芽菜、甘筍絲、炸醬、花生等好大碗麵 粗麵好有口感！係我鐘意嘅質感😎 撈炸醬好食至於腩肉份量就唔係好多但味道唔錯 少少辣 正食哂成碗勁飽！…查看更多

天水圍嘅新北江商場出名多平靚正嘅街坊美食！呢間將軍麵館餐廳環境雖然唔大，可能有時候要同其他人一齊搭枱，但睇得出呢到都係一間比較受街坊歡迎嘅街坊飯堂～將軍牛展炸醬湯麵💰HK$55湯底味道清甜，配料亦好豐富，有白菜絲、京式炸醬同蔥花！牛展味道中規中矩，京式炸醬咸咸香香，比坊間一般嘅炸醬較惹味～豬頸肉炸醬湯麵💰HK$47呢到嘅上海粗麵有少少似烏冬嘅感覺，麵質偏煙韌，而且掛湯能力都高！豬頸肉爽口彈牙，整體感覺幾出色～…查看更多

新北江數一數二嘅米線🍜雖然唔係話好似某某傳統店甘受歡迎，但係質素真係唔錯，湯底酸辣超夠味，酸菜炸醬勁足料，另外主打粗麵條，有啲字烏冬質地，但係我通常都係叫米線比較多，比較掛湯！ 佢嘅份量都係比較大，即使少米線都好夠平時女仔食，正所謂咪做大嘥鬼🥳🥳我今次食嘅係腩肉牛柏葉酸辣米線，腩肉超正唔係嗰種好肥嗰隻，食到肉質一絲絲果隻，牛柏葉非常爽口，而且唔係得三四條嗰種，伴隨埋酸菜嘅爽脆，炸醬嘅肉碎口感真心超級推薦…查看更多

記錄低貧民社畜放lunch日常🍽️將軍酸辣炸醬麵加腩肉 $32+$6🍖麵底用嘅係上海麵，可以揀粗麵/幼麵/米線🍜配料有酸菜，白菜絲🥬、京式炸醬、蔥花、芫茜份量偏多～大食嘅人一定夠飽～湯底好足料好濃郁🍲平民指數：🌟🌟🌟🌟🌟好食指數：🌟🌟🌟🌟———————————————————-將軍麵館🥘天水圍天湖路1號新北江商場1期1樓C41D號舖分店地址：屯門屯隆街2號屯門時代廣場北翼地下44號舖營業時間：星期一至日10:30am-9:00pm…查看更多

收工老友話係新北江求其食，呢間將軍麵館開左都一段時間又未試過，就建議黎試下啦，主打都係上海麵，有湯麵同拌麵。環境黎講係新北江既小店，格局就比較細同迫d，當日冷氣可能唔係太夠都比焗。睇下餐牌，都係主打米線同上海麵，好似車仔麵咁揀完1款餸想另加就加錢咁。豬軟骨上海麵先講講個湯都ok，唔會好咸，就咁飲都唔錯，仲有d配料如炸醬果d都有，寫左係餐牌度，豬軟骨就正常水準，麵方面就比較差，唔係手拉麵只係現成貨，口感就還好但可能雪過夾起好多時都斷開，好在上海麵都比較粗同煙韌無話太影響口感。醬牛展加左款小食，牛展上加左蒜泥同辣椒油，牛展都係正常水準，辣椒油唔會好辣，成份小食正常合格啦。支裝白豆漿飲品方面都係得罐裝汽水同豆漿可以揀，本身想飲黑豆漿話無所以揀返白豆漿，都係來貨野，低糖豆漿唔會好甜豆味輕微，一般啦。總括黎講食物水準就比較一般d無乜驚喜，價錢中規中矩，新北江黎講會有更好既選擇。…查看更多

呢間餐廳嘅位置相當難搵，如果你本身唔係住喺天水圍嘅話，入到商場都好大機會會蕩失路🤣🤣 不過今日我就係誤打誤撞咁樣見到呢間餐廳，又好想食米線，一於試吓佢～我自己叫咗撈米線，微辣。唔太辣仲有加辣嘅空間，早知叫小辣啦🥹 米線個汁同埋肉碎都幾香口，不過木耳就冇乜調味仲凍凍地，如果可以熱啲咁就會好食啲。雞翼係中規中矩嘅滷水雞翼👌🏻👌🏻男朋友叫嘅係麻醬撈麵，麵質都幾好食，而且個配搭都似乎落咗啲心思，外間好少見到會加肉鬆呢！麻醬落得幾大方，足夠撈晒成個面。…查看更多

今日要出天水圍睇醫生，睇之前就喺附近小有名氣既新北江食埋lunch先過去～搵到呢間米線店標榜湯底唔加味精，而且有自家製手工麵所以就試下👍我叫咗小辣酸辣炸醬手工粗麵加豬肚同蘿蔔，同埋小食涼拌木耳～手工粗麵望落有啲似烏冬，食落都幾煙韌，但係個人認為烏冬比佢滑啲，不過值得一試👍湯底係清淡版既酸辣，佢既炸醬唔會太肥，咸咸香香帶輕微既辣，幾出色👍豬肚唔腥臭亦都唔韌😀蘿蔔應該只係就咁整熟佢，不過勝在夠淋同無渣涼拌木耳同幅圖完全唔同。。。唔知點解實物有芝麻醬😐個人認為一係麻醬撈，一係涼拌汁撈，兩樣加埋就。。。。😓雖然食落無預期咁大違和感，不過麻醬會遮蓋左涼拌果陣麻辣香味我估佢既京醬麵，豬手同豬軟骨都幾出色，下次有機會可以試埋手工幼麵👍…查看更多

話說小弟本身上星期想食隔離果間樂湖刀削麵，但係太多人所以就冇去食，所以就膽粗粗去左呢間叫將軍麵館去食一碗牛展麵，雖然一間比起隔離果間刀削麵冇咁多人，但係質素其實亦唔差。牛展麵加埋支樽裝豆漿都係50蚊樓下，姐姐又唔會催落單，跟住牛展麵好快就有得食，擺到上台嘅時候已經聞到好大陣豆豉味，而且加上有d炸醬喺碗麵到，真係好香， 啲牛展好lum而且啲麵條唔會太lum，有d咬口，整體上唔錯，味精就係有架啦，但係唔會太重，食完唔會好口乾，所以係唔錯架，啱曬d趕時間又想食好西嘅人…查看更多

之前已經食過呢間麵館一次，佢啲湯底唔係話好濃，冇其他餐廳咁重味精味，所以就算食麵飲埋啲湯都唔驚好唔健康。餐牌上寫住佢嘅麵湯底標榜係用豬骨嚟淆，所以可能會有豬肉嘅油脂。今次就揀咗呢個牛展湯麵。佢嘅湯麵全部都有跟炸醬，京式炸醬係呢間小店嘅特色，係呢間店特製嘅。鍾意食炸醬嘅朋友可以一試。其他配料就有椰菜絲，莞茜。佢啲面有啲似刀削麵，食落係幾煙韌。我本身因為鍾意食煙韌的麵，所以都幾鍾意佢呢種麵嘅質感。至於啲牛展就唔係話特別林或韌，都係一般牛展嘅水準。總括嚟講我覺得40蚊一碗麵喺出面食都差唔多，呢一間就勝在麵嘅質感有咬口，配埋熱辣辣嘅湯底，先稱得上食麵嘅風味。…查看更多

最近天氣太熱，又想食麵，當然食拌麵！拌麵材料有青瓜、紅蘿蔔絲、芽菜、花生、蔥、芫茜、肉碎。特別推介店內黃色辣醬，令成碗麵高一個層次！炸醬拌幼麵加魚腐(2件)炸醬好重口味，已經夠撈成個麵，魚腐彈牙。麻醬拌幼麵加腩肉望住姐姐好重手落麻醬，就知碗麵好夠味。呢個麵配料有肉鬆，好食。腩肉唔係出面食一片片，有一舊舊，食落多野咬d。小食必點: 豬軟骨超級推介！廿幾蚊有多過6件，仲要係大件！好抵！肉質軟但又有d咬口，軟骨爽口，加埋蒜蓉更香！會為左豬軟骨再幫襯！…查看更多