寶泰船麵

營業中

休息中

同好友約左去油麻地廣華街，由正宗泰國廚師主理👍嘅「寳泰船麵」@Boathai食泰菜👏🏻👏🏻👏🏻人氣食品有清邁咖哩湯麵 、火山排骨湯麵、香茅荔枝蝦、手打薄荷青檸梳打、泰式凍奶茶等。餐廳大約有十幾個位，人流都唔少，環境佈置得好有心思，坐得舒服🥰🐂和牛船麵（$138）今次我揀左鴨蛋麵，麵條扁薄粗身，幾彈牙👍和牛好腍，好有牛香，份量都唔少😍，牛丸亦好彈牙，湯底非常濃郁，但食完又唔會口渴，好好食😋⛰️火山排骨湯麵（$118）賣相相當吸晴，成座山嘅排骨，見到已流口水，再鋪上大量我好友好鍾意嘅芫荽🌿，她已急不及待嘗一口，豬骨肉，肉質軟嫩，陣陣骨香，湯底酸酸甜甜，好特別，仲好開胃。🐔曼谷街頭炸雞翼（$48）炸得乾身，外脆肉嫩，好惹味😋🦐茅椒荔枝蝦酸甜帶微辣，好醒胃，蝦球好爽口彈牙，配埋新鮮荔枝肉，估唔到味道咁夾🍍菠蘿粒粒梳打（$32）賣相好有泰國風情，有埋菠蘿肉食，解渴好飲。🍋手打薄荷青檸梳打（$32）青檸梳打一向是清新飲品，而加埋薄荷，更令人精神為之一振，正👍@Boathai🛶寶泰船麵📍地址: 旺角廣華街8號地舖📱:60888059

食左個最豐富既珍寶泰船麵，啲配料相當之多💯有豬肉片、豬膶、豬肉丸、牛丸、蝴蝶腩、雞翼槌、通菜，係多到食極都有既感覺😂 炸豬皮係好脆口，浸一浸湯食又得！麵類選擇有鴨蛋麵、金邊粉、米粉，個人就鐘意配金邊粉，好似正宗啲，又夠晒索湯😛講埋湯底先，湯頭濃郁，配上大量芫荽、九層塔，味道有層次🤤另一碗叫咗特濃冬陰功湯麵配米粉，個湯底對我哋嚟講啱啱好，唔會太辣，可以成個湯飲晒🤣午市套餐仲可以加配小食、飲品。曼谷街頭炸雞翼炸得好香口泰式酸辣鳳爪就好啱夏天食，酸酸甜甜好開胃😍飲品要咗斑斕香茅茶、話梅青檸茶，都幾有特色，特別鍾意斑斕香茅茶，香茅味好出，味道清甜。🔸珍寶泰船麵🔸特濃冬陰功湯麵🔸曼谷街頭炸雞翼🔸泰式酸辣鳳爪🔸斑斕香茅茶🔸話梅青檸茶📍#寶泰船麵 (#旺角美食)#旺角 廣華街8號地舖

喜歡食泰國船麵的朋友現在又多一個選擇啦😍位於旺角廣華街的寶泰船麵，有多款船麵可供大家選擇，不論湯或撈都有，就連清邁咖喱麵都有，未飛到去泰國的朋友可以試試😋 。

🇹🇭最近無意之中比我發現咗一間超好食嘅泰國餐廳🍴佢哋嘅船麵都唔錯呀✅餐廳裝修型格😍船麵湯底仲好濃郁添🥳🐷寶泰船麵：呢個船麵超級豐富呀👍啱晒我哋咩都想試下噃😍麵條可以自己選擇我哋就揀咗未試過嘅鴨蛋麵🍜鴨蛋麵嘅口感好彈牙順口😋入面仲有秘制嘅蝴蝶腩、豬肉片、豬膶、豬肉丸同埋炸豬皮添❤️夠晒大碗呀🥳🐮和牛船麵：和牛船麵個湯底好濃郁✅而且仲越食越開胃🤤呢碗我哋揀咗金邊粉🍜和牛份量都好多😍牛肉嘅質地好滑🥳🥗秘製醬汁芥蘭菜：佢哋個秘製醬汁好正好惹味呀😋配合埋芥蘭菜就超級正呀🥳🐽秘制蝴蝶腩：好推介呢個蝴蝶腩呀👍佢係豬唔係牛嚟㗎🐽入口軟腍味香😍正呀喂🥳🧋泰式凍奶茶：呢個泰式奶茶都唔錯👍我自己平時飲奶茶就鍾意奶味比較多啲啲✅所以呢個味道就係啱晒我嘅口味喇🥳🍹玫瑰荔枝梳打：玫瑰荔枝梳打荔枝味濃郁😍飲落口非常清新開胃呀🥳

泰國船麵做主打既旺角小店, 選擇多達十幾款, 另外仲有啲泰式小食, 全部價錢都十分相宜, 以後嚟旺角又可以多個選擇!🍽️ 船麵和牛 $138有牛丸、牛柏葉、和牛片、炸豬皮, 湯底呈深啡色, 牛味非常濃郁, 但唔會油膩, 味道清爽. 麵底亦有3種選擇, 包括金邊粉、鴨蛋粉同米粉.🍽️ 曼谷街頭清湯什丸湯麵 $68有豬肉丸、牛丸、魚蛋、蘿蔔、豬肉碎、炸豬皮, 麵料非常豐富, 炸豬皮夠哂脆口, 就算浸入湯底中索哂湯汁亦非常好味, 3款丸類亦夠彈牙, 當日賣哂鴨蛋麵所以揀左金邊粉, 麵質亦夠煙韌, 口感不錯.🍽️黃金炸豬腩 $48都幾抵食, 有6大舊豬腩, 而且全部厚切, 豬腩肉肥膏同瘦肉比例平均, 表面炸至金黃色, 肉質鬆軟.🍽️泰式生菜包 $48生菜新鮮翠綠, 泰式肉碎小小香辣, 仲配搭左檸檬葉、紅葱頭等, 所以非常惹味.🍽️手打薄荷青檸梳打 $32 | 班斕香茅茶 $26

朋友介紹我嚟廣華街嘅寶泰船麵，佢話早排食過呢度嘅船麵覺得好正宗好好食，今日同朋友出開旺角就過嚟試吓啦☺️小店面積唔大，裝修幾有泰式風格，感覺好似置身泰國一樣👍🏻1️⃣午市套餐 $88🍜寶泰乾撈船麵（豬） 🍗曼谷街頭炸雞翼🍹玫瑰荔枝梳打 +$16🍜寶泰乾撈船麵秘製蝴蝶腩|豬肉片|豬潤|豬肉丸|炸豬皮秘製蝴蝶腩肉質結實有咬口,豬肉片肉質軟嫩,豬潤幾嫩滑,豬肉丸爽口彈牙,炸豬皮非常香脆本來想試湯麵不過真係太熱所以揀咗乾撈船麵😂撈麵嘅醬汁甜甜地好好味,再配合埋芽菜芫茜真係好有泰國風味😋🍗曼谷街頭炸雞翼雞翼炸得夠酥脆,配合埋泰式酸辣醬非常惹味🍹玫瑰荔枝梳打有荔枝同椰果,飲落味道香甜非常解渴2️⃣午市套餐 $88🍜炸雞翼撈麵🥗泰式皮蛋沙律 🍹手打薄荷青檸梳打 +$16🍜炸雞翼撈麵朋友話撈麵份量比想像中多，單骨雞翼非常方便食用🥗泰式皮蛋沙律同朋友都未食過泰式皮蛋沙律所以叫嚟試吓😂好鐘意呢個泰式酸辣汁嘅味道好開胃😋🍹手打薄荷青檸梳打味道非常清新,解渴一流

今日本身諗住入西貢海灘玩但臨時轉plan去旺角玩就黎左試呢間船麵✨寶泰船麵（豬）配秘製醬汁芥蘭菜 + 熱泰式奶茶$96 + $8個湯底似真係用豬血煲 啲豬腩同豬肉丸都好香好好食 豬膶我就不嬲都唔鍾意食嘅🙈🙈 啲米粉都好索湯👍🏻👍🏻奶茶味香濃 甜度我覺得啱啱好👍🏻芥蘭落左啲蒜同蠔油 煮得夠爽好味道😋✨清邁咖喱全雞套餐配泰式酸辣鳳爪 + 話梅青檸茶 $130 + $12有兩隻雞鎚 🍗份量都幾多 咖哩味好香好濃 個麵索晒我覺得就咸左少少 個人就鍾意食船麵多啲😆泰式酸辣鳳爪酸酸辣辣又爽口 超開胃😆😆話梅青檸茶都好清新👍🏻總括黎講味道幾好👍🏻 不過就有啲逼 要搭枱坐4人枱 同陌生人坐得好近味道❤️❤️❤️❤️抵食❤️❤️❤️💔服務❤️❤️❤️💔環境❤️❤️❤️💰午餐人均～$113（唔洗+1）

年多前品嚐過泰國火山排骨就一試愛上，網上看到位於旺角廣華街的泰國菜小店「寶泰船麵」也有提供火山排骨，收藏多時今天終於到訪朝聖；主打船麵，佐以小食及飲品，定價合理-🔹火山排骨 $98排骨巨型大件，肉嫩緊緻充滿鮮肉味道，吃到芫茜、蒜蓉及蔥香，酸辣平衡非常開胃，毫無膩感；加入大量鮮香芫茜再佐以吸汁鮮甜蘿蔔，作為芫茜控的我表示喜歡-🔹泰式酸辣椰菜花 $38椰菜花烹煮時間拿捏精準，口感輕爽，酸辣比例剛好-🔹寶泰船麵午市套餐：珍寶泰船麵 $108連小食及飲品；點選泰式酸辣鳳爪及斑蘭香茅茶 (熱) +$8船麵點選金邊粉珍寶泰船麵有秘製蝴蝶腩、豬肉片、豬潤、豬肉丸、牛丸、雞翼槌及炸豬皮小食酸辣鳳爪爽嫩帶脆骨；斑蘭香茅茶清香解膩船麵材料豐富，蝴蝶腩緊實有嚼勁，牛香不俗；豬肉片軟嫩帶肉香；丸類爽口彈牙；炸豬皮蓬鬆酥脆不帶腥味幼滑金邊粉加入大量芽菜增加口感，湯底濃而不膩，帶點沙嗲香-餐廳推出最新優惠，憑身份證號碼上有4️⃣、6️⃣、8️⃣、0️⃣，即享有以下優惠：有1個數字獲得9折優惠有2個數字獲得85折優惠有3個數字獲得8折優惠有4個數字獲得75折優惠真係好有 Gimmick!

1️⃣船麵和牛高質版船麵，有和牛牛小排，肉質超嫩。牛丸，牛柏葉，炸豬皮。個湯底睇個色就知道好濃味，真材實料。麵可以揀鴨蛋麵，金邊粉同米粉。我就揀左鴨蛋麵，完全索哂d湯，超正😋😋💰HKD$1382️⃣火山排骨金邊粉超大舊排骨，都幾多肉，肉夠淋。餐牌寫有小小辣，不過食落又唔覺。有埋手套，夠哂方便。💰HKD$1183️⃣炸雞翼單骨雞翼，熱辣辣好香脆。💰HKD$484️⃣酸辣鳳爪份量多，好爽口，味道唔會過辣💰HKD$485️⃣斑斕香茅茶，手打薄荷青檸梳打好清新，解渴，岩先依家咁熱嘅天氣💰HKD$26,32

呢度除咗主打嘅船麵，仲有乾撈麵、清湯麵、咖哩湯麵、冬蔭公麵等等，同多款出面少見嘅泰國小食，例如：茅椒荔枝蝦、秘製蝴蝶腩、黃金炸豬腩，非常有特色，好似去咗一轉泰國旅行咁😆！麵底有三款選擇，有金邊粉、米粉同鴨蛋麵，鴨蛋麵食落甜甜地幾得意。🥘清邁咖喱雞湯湯麵 $98咖喱湯濃郁帶香辣同椰香味，上面配料有芫荽、紫洋蔥、辣椒同炸脆麵，脆麵卜卜脆好吸湯。餸有一隻大雞髀同雞鎚，煮嘅時間控制得剛好，雞肉嫩滑腍身好入味。🍜船麵和牛 $138湯底濃郁出色，入口濃稠鮮甜，飲多幾啖都唔會太口渴。配上鴨蛋麵食，麵條幼身索湯甜甜地好好味。和牛牛小排肉味香濃，輕輕浸湯變熟，嫩滑美味。牛栢葉爽口入味，牛丸彈牙，咬落去好有肉汁！仲有炸豬皮份量有唔少，脆卜卜好好食！🐮秘製蝴蝶腩 $48豬蝴蝶腩炆到腍身滑溜，質地比牛腩實身少少，咬落有嚼口，切成小件配上火山排骨醬汁食，令味道更豐富。🐷黃金炸豬腩 $48豬腩肉肥瘦相隔，炸漿薄身酥脆，咬落去油香好豐富，沾上秘製醬汁食，酸酸地中和油膩感。🧋泰式奶茶 $26甜度固定，奶茶味香濃醇厚，略為甜咗少少。🍹菠蘿粒粒梳打 $32清甜嘅菠蘿粒加係爽口嘅梳打裏面，好有夏日感覺，清新解渴。📍 寶泰船

旺角泰菜館林立，但好少主打泰式船麵嘅食肆，朋友今日帶Duck哥🦆去咗廣華街“寶泰船麵”食船麵。茅椒荔枝蝦 $48蝦肉🦐爽口彈牙，荔枝肉多汁清甜，混上大量的乾蔥、洋蔥、椒及泰式香料，味道香辣微甜🌶，好味又醒胃😋。黃金炸豬腩 $48豬腩肉炸得香口乾身，肥瘦相間，油脂豐腴，味道香濃😍。船麵和牛 $138和牛🐂份量多，肉質柔軟嫩滑，有陣陣油脂香，牛柏葉口感爽脆，牛丸彈牙多汁，炸豬皮鬆脆香口，材料十分豐富😍。湯底肉味香濃，米粉吸收咗湯汁後，再配上大量芫茜，每一口都令人回味無窮🤤。珍寶泰船麵 $98食材新鮮又豐富🥰，有蝴蝶腩、豬肉片、豬潤、豬肉丸、牛丸、炸豬皮及芫茜，煮得香口入味，加上鴨蛋麵特別掛湯，味道十分濃郁😋。菠蘿粒粒梳打 $32玫瑰荔枝梳打 $322️⃣款飲品味道清新香甜，口感冰涼，配搭濃郁香口嘅泰菜，非常夾🥰。

本身天氣好熱見呢間唔洗排隊就入去試，點知入到去個冷氣勁細！雖然佢有一兩把風扇喺頭頂，但都好似無風咁🥲⋯餐廳入面三位侍應全程都無笑容，超級黑面，講野好細聲，甚至聽到你講野都唔會應一聲⋯上菜又唔會講呢個係咩item，請佢比凍水（因為太熱）又比咗暖水⋯食物方面，我地叫咗兩碗寶泰船麵豬，入面有唔同嘅豬肉同豬雜，鐘意佢可以比我走豬雜！湯底味道亦唔會過濃，豬肉幾好食，小食嗰幾粒魚蛋都炸得唔錯，配埋啲醬我覺得幾好味，整體不過不失，但應該無下次⋯

同老公經開旺角廣華街見到呢間泰式餐廳主打船麵，好鍾意食泰菜的我地就決定入去試吓。深木色系裝修，水泥風牆身，座位都舒服。呢度主打船麵有多款選擇，麵底可以選金邊粉/鴨蛋麵/米粉，湯麵或者乾撈都有，仲有小食同特飲。✨主食：✨🔶船麵和牛這個算是豪華版船麵，材料有和牛牛小排、牛丸、牛柏葉、炸豬皮；船麵湯底好濃郁，和牛牛小排入口嫩滑、牛味濃，仲有我好鍾意嘅牛柏葉。揀了金邊粉就是要索晒D湯令粉麵也很入味。🔶特濃冬陰功湯麵材料有鳯尾蝦、秀珍菇、車厘茄，蝦肉爽口鮮甜，冬陰功湯底酸辣度適中，亦飲到有椰香味。✨小食：✨🔶茅椒荔枝蝦蝦肉爽口彈牙，荔枝清甜，個醬汁辣辣地好特別，醒神開胃。🔶泰式酸辣椰菜花椰菜花很爽脆，醬汁酸辣開胃，有少許青檸味很清新。✨飲品：✨🔹玫瑰荔枝梳打顏色好靚，特別鍾意佢隻杯的花紋圖案，荔枝香甜飽滿，底部仲有椰果，夏天飲消暑一流。🔹泰式奶茶茶同奶的比例調較得幾好，茶味幾香，甜度不會太甜。

以木系裝修，位於旺角的「寶泰船麵」，餐廳主打泰式船麵及泰國街頭小食。😋是日推介：1️⃣寶泰船麵（豬）🔸秘製蝴蝶腩、豬肉片、豬膶、豬肉丸、炸豬皮🔸米粉🍽深褐色的湯頭，米粉吸收了湯汁的味道，份外美味。配料十足，特別推介秘製蝴蝶腩，帶有少少筋膜，很香口、入味。2️⃣曼谷街頭清湯豬肉丸湯麵🔸豬肉丸、蘿蔔、豬肉碎、炸豬皮🔸鴨蛋麵🍽細細粒的豬肉丸，爽口彈牙的鴨蛋麵，加上其他配料，非常豐富。3️⃣泰式兩味炸魚蛋🍽外表香脆、內裡彈牙的魚蛋，配上兩款不同的醬汁，令人開胃。4️⃣秘製醬汁芥蘭菜🍽粗身、爽脆的芥蘭，配搭的秘製醬汁帶出芥蘭的鮮甜。5️⃣話梅青檸花茶🍽陣陣花香，酸酸甜甜，清爽。6️⃣玫瑰荔枝梳打🍽玫瑰的芬芳，荔枝的甜香，感受夏日的清涼感。

泰國船麵專門店新開張張推介🎉今年夏天特別悶熱，一餐開胃嘅泰國菜一定要放入餐單😆位於旺角廣華街新開泰國小店: 寶泰船麵主打泰式船麵、地道街頭小吃及泰式特飲，木系水泥牆身加舒適藤背梳化凳，小店空間用餐舒適。店主忠於泰菜的原味道，專誠到泰國取經學藝多月回港專研，而且餐單由泰籍大廚主理，味道夠哂正宗質素有驚喜👍🏼Menu有多款湯麵撈麵款式選擇，按個人口味麵底可以揀金邊粉/鴨蛋麵/米粉。見唔少網友大讚招牌清湯船麵唔錯，小編就同大家試下佢兩個酸辣開胃嘅兩款惹味湯底!🦐茅椒荔枝蝦$48蝦肉大隻新鮮彈牙，蝦仁及鳳尾蝦夾雜，搭配茅椒酸甜醬汁開胃到食唔停口。配兩粒荔枝肉清新香甜，小食有水準👍🏼.🐔曼谷街頭炸雞翼 $48金黃酥脆的單骨炸雞翼即叫即炸，雞皮香脆雞肉嫩滑，蘸上泰式酸辣醬惹味開胃。🍜清邁咖哩雞湯麵 $98上檯有份椰奶香氣，咖哩濃郁after taste帶點微辣。雞的主要材料係一隻雞髀及一隻雞鎚，雞腿炆煮火喉好到位，骨肉分離又保持嫩滑😋咖喱湯麵配料就有炸麵條、酸菜、紫洋蔥、辣椒及大量芫茜啖啖肉之餘個鴨蛋麵掛汁有驚喜👍🏼炸麵條初時香脆口感，然後吸收左湯汁又另一個滋味。🍜特濃冬陰功湯麵 $78另一碗同樣