寶泰船麵

營業中

休息中

見午市套餐包小食一份+主食一份+餐飲價錢方面未算經濟 除了汽水外 其他飲料跟餐都要加錢 但因在香港很難吃到泰國地道船麵 所以也想一試其地道與否🍜寶泰船麵豬 $88湯頭對我個人來說較為濃郁 餸方面也不錯吃 有豬肉丸 蝴蝶腩 炸豬皮 香料份量十足 選擇了鴨蛋麵 但未為理想 可能配搭金邊粉較為合適😋🍜特濃冬蔭公湯麵 $88蝦隻爽口彈牙 湯底酸辣適中 椰汁味濃 變相較為易入口 惟個人喜歡再酸一點 米粉索透湯汁很夠味🍗曼谷街頭炸雞翼雞翼炸得香脆 😋🍗泰式酸辣鳳爪酸辣味道剛好 很清新開胃 是不錯的開胃前菜 無骨鳳爪也吃得很方便 😋🍹薄荷青檸梳打 +$16點了少甜 入口相當清新解膩 消暑一流 惟提供之粗飲管會喝到青檸 香茅 不太方便🍹泰式凍奶茶 +$12正常發揮

店主係泰國華僑，連廚師都係泰國夫婦，菜品船麵味道夠晒地道正宗！小店座位唔算太多，採用木系裝修，頗有熱帶風情🌴～菜式方面主打都係泰式船麵湯麵，經過不斷改良，調配出濃郁嘅湯頭，仲加入咗啲創新元素，獨創泰式船麵撈麵，而且價錢唔貴，晚市一碗船麵加小食汽水都係$100，值得一試！🤩——————————🌋◖火山排骨◗ $98呢個係新推出嘅菜式，有得淨食或者揀湯麵，淨食火山排骨都係$98，超抵！分量都有返咁上下，有兩大條排骨，肉質煮得軟腍，在淋上泰式酸辣汁，正！🦐◖茅椒荔枝蝦◗ $48店主同泰籍廚師合創出嚟嘅新菜式，蝦肉彈牙，個汁底用上荔枝同泰式酸辣汁，荔枝好juicy清甜，味道出奇地夾，好開胃！🍜◖寶泰船麵撈（豬）◗ $78船麵幾乾身，撈上秘製醬粒料，味道有少少鹼水味，爽口好食！加入多款豬肉配料，仲有蝴蝶腩，全部都煮得好入味軟腍，整體水準都唔錯！🧆◖泰式街頭炸魚蛋◗ 跟餐船麵有得散叫或者跟套餐，晚市$100套餐包一碗船麵，跟配一個小食同汽水，泰式街頭炸魚蛋配上兩種泰式辣汁，夠晒惹味！🥘◖清邁咖喱雞湯麵◗ $98 有一個大雞髀同一個雞鎚仔，碗麵都幾足料！咖喱湯底比較濃，味道偏辣少少，加入多種香料，啲

星期六放假，行到旺角，周圍都係港式餐廳，冇乜胃口，到下午覺得肚餓，去到廣華街見到間泰國特色船面餐廳，旅行嘅回憶返晒黎，決定揀呢間餐廳，點左個泰式豬手飯，食泰國嘢先試吓個辣汁，正！正宗，試埋個豬手，夠淋，好味，不過得一個肚，下次再黎食

🇹🇭寶泰船麵撈（豬）呢款撈麵並唔係淨用普通既豬肉、豬肉丸，而係更有搭配豬肝、豬腸等各種豬內臟，加上泰式調味料+香料，未試過撈嘅船麵🙈味道好特別😋撈麵亦較為濃味！鍾意重口味又係內臟愛好者嘅話可以一試～麵條本身彈牙有嚼勁，搭配豬雜嘅鮮嫩口感，增加咗整道菜品嘅層次感！🇹🇭曼谷街頭清湯魚蛋粉Prefer清淡口味既可以試下呢碗清湯魚蛋粉🍥湯底鮮甜亦食到濃郁嘅魚香味，配上軟滑彈牙的魚蛋，味道相當平衡😋重有脆卜卜但又唔油膩嘅豬油渣～🇹🇭酸辣鳳爪辣味中帶有微微酸味😋鳳爪夠新鮮爽口，唔會一夾就爛～搭配酸辣醬汁調味，都算多汁夠Juicy！酸酸辣辣做前菜都幾開胃🤤唔食得辣嘅我都接受到✅🧋泰式奶茶泰奶控嘅我表示味道算中上🧋飲落都有濃郁茶底+香濃奶味🥛口感柔滑順口又唔會太甜！

黎到旺角 發現左一間隱世小店😚發現好耐冇食過泰國野, 一於試下先😳叫左一個Set Dinner, 小食+主食+野飲💰$100 寶泰船麵豬首先船麵湯底好濃郁唔油,都有幾多配料😉豬肉丸 蝴蝶腩 豬肉 豬潤同埋炸豬皮小食配蛋麵🥳都真係幾似係泰國食既味道 見到師傅都係泰國人黎🇹🇭 之後小食魚蛋幾好味 必點呀❤魚蛋好彈牙 追住黎食😏有個2個醬點黎食又得姐 好夾味道😝一個係平時個甜辣醬 另一個全綠色既點生蝦汁GA醬 (fc by店員haha)🤓 之後單點左個黃金炸豬腩撈面💰$78大癲, 我覺得呢個仲好食過船麵😨😱個面好惹味 之後d豬腩又炸到好脆而一d都唔油膩😌個特制醬汁好足料 加埋落去d面到小小辣 更加好味☺️ 野飲就叫左free 樽裝可樂😆我本人都係覺得樽裝可樂係好飲過罐好多!! 夠氣又夠涷🤩另外就叫左 泰式涷奶茶💰$26 , 一樣飲得出茶底係某大牌子紅色罐 偏甜呀😛  寶泰船麵📍廣華街8號地舖

1. 催人落單坐低睇menu唔夠5分鐘，就走嚟問落單未明明出面冇人排隊，間舖都冇乜人2. 個經理/老闆送嘢食過黎，我地次次都講唔該，條友就粒聲唔出，成個啞嘅咁。3. 倒瀉少少可樂，已經講左幾次sorry，個經理/老細西口西面，個樣惡到呢，又粒聲唔出。4. 區別對待又唔係冇嗌嘢食對住啲後生仔就當人好恰對住年紀大啲嘅人就想做埋人地隻狗咁當時隔離檯嗌錯嘢食，個老闆/經理就講：「唔緊要啊！」仲好好笑容😅😅😅5. 啲店員都幾cool埋單諗住俾$4 佢找錢，佢好唔耐煩咁講：「唔使啦！」家陣去食野，俾錢佢賺，啲店員會當自己係皇帝，好鬼巴閉㗎😂😂😭

這間泰國餐廳，睇IG廣告覺得佢哋嘅船麵好吸引，所以去試吓閑日的晚上，到門口時都要等一等店舖小小，選擇都算可以，主要係輕食為主今晚試試：GOOD DEAL 晚餐套餐我同朋友都揀咗豬肉麵同魚蛋做小食Signature船麵，湯頭濃郁，味道同泰國嘅都好接近，如果好似泰國街邊麵檔，有成大碟金不換任你食，咁就更加好除咗賣相唔錯，味道都幾好，有豬肉丸、豬肉同埋豬潤，配上蛋麵，（忘記叫金邊粉，可以吸收濃湯的精華，更入味）還有炸豬皮小食放上面，建議用小碟分開上，避免浸林咗小食魚蛋都做得幾好味，兩個人嘅份量都算唔小。飲品方面都好似泰國口味，值得下次再食。

係波鞋街行到有啲餓去咗廣華街覓食，見到有間船麵好似吾錯😏🍜寶泰船麵豬 $78船麵湯底好濃，加上陣陣泰式香料味好正😋 碗麵都多料，最鐘意入面嘅炸豬皮🐷 如果想惹味啲加泰式辣粉都唔錯🌶️🥓黃金炸豬腩 $48炸得香脆，有啲似韓式燒五花腩😂🍤茅椒荔枝蝦 $48入面有好多蝦，估唔到咁嘅價錢會有咁多😲 隻隻爽口彈牙，不過醬汁略嫌偏甜.🇹🇭寶泰船麵 BOATHAI📍旺角廣華街8號地舖(港鐵油麻地站 A2 出口, 步行約6分鐘)

本身都鍾意食泰國菜 經開旺角見到呢間餐廳開咗冇耐就一於試吓 主食方面嗌咗一個船麵，小食嗌咗泰式鳳爪、生菜肉碎包準備食泰式鳳爪嘅時候發現有4嚿，但係加埋都冇兩隻爪… 嗰刻真係有啲嬲 仲要唔係加十幾蚊嘅跟餐小食，而係單點嘅$48鳳爪😂 講真食左咁多間 無試過少得咁離譜！ 性價比我可以話係0😅到生菜肉碎包，竟然食到冬陰功味，無肉汁，非常一般，份量正常，無乜補充。船麵味道正常 份量正常，無讚無彈。另外，香港地舖仔細細係正常，我都明，但係枱與枱中間只能夠可以比瘦嘅女仔進出，一唔小心都會整瀉隔籬枱啲嘢食，都睇得出老細係攞到盡總括嚟講: 我相信排隊嘅人都係因為未試過先會想排隊試吓….至少我係。

喺旺角成日都唔係好諗到食咩，有時都唔想又係食cafe🫣 碌咗一輪openrice見到呢間「寶泰船麵」幾新，又有啲好評就決定一試～ 佢哋嘅門口都幾sharp，有好大個BOATHAI燈牌，木框嘅門窗加上復古花紋地磚，單睇外面真係估唔到係食船麵～•🥢 清邁咖喱雞湯麵 $98咖喱湯麵嘅配料好多，有酸菜、紫洋蔥、辣椒同埋大量芫茜🤢 (唔食芫茜嘅記得要走🤧)，雞就有兩大件，一隻雞髀同一隻雞鎚(即係雞全翼最頂嗰part），食落啖啖肉，但略嫌唔入味，仲有啲啲雪味🫣但係值得一讚嘅係咖喱湯麵夠香，而且稍稍偏辣，配埋蛋麵同炸蛋麵真係超夾！👍🏻•🥢 Good調晚餐 - 寶泰船麵撈 (豬) 配 泰式街頭炸魚蛋 $100朋友話試個船麵，點知到上菜發覺佢自己手殘撳咗個無湯嘅撈麵😓 碗得確好大，上面嘅配料份量都唔少，有炸豬皮、芫茜、芽菜、花生粒等，豬肉配料嘅種類都唔少，而且味道ok，有豬肉片、蝴蝶腩、豬肉丸同埋豬膶～ 撈麵應該落咗甜醬油，但都幾淡，所以朋友食咗一啖就決定要加醬🙈同埋個麵嘅份量真係好少，朋友食完覺得唔太夠飽🫣炸魚蛋係將白魚蛋沾炸漿嚟炸嗰種，炸得幾香口，魚蛋幾彈牙，但就炸得稍為偏油～ •🥢 泰式生菜包 (

同男朋友行街經過寶泰船麵門口見到個門口幾舒服就入去坐低睇完menu見到個寶泰船撈麵🍜好特別。寶泰船撈麵。撈麵非常之爽口醬汁甜咗少少不過都好香肉丸同肉片都爽口彈牙仲有炸到脆脆嘅豬皮不過如果瀝乾多少少水會更加好😉。珍寶泰船麵。(因為太好食唔記得咗影相😅)餡料同麵質唔多講因為同撈麵差唔多但係湯低好清甜😍同埋冇味精唔會有口乾感覺。酸辣鳳爪。佢個秘製醬汁好香不過偏辣少少加埋啲紫洋蔥一流鳳爪到係水準之上爽口到不得了😍嘢飲就叫咗個薄荷青檸梳打薄荷可以再加重啲😉（因為小女子食野比較重口味😝）但係絕對會encore嘅一間🫶🏻

今日行過旺角心血來潮，唔想日日食米線，機緣之下搵到呢間寶泰船麵，坦白講對香港嘅船麵冇乜期望，純粹懷念下泰國嘅味道，入咗去發現都好多唔同嘅類型，例如火山排骨，冬陰功，但係我知道入嚟嘅目的係希望食到船麵，order咗珍寶船麵同埋生菜包，可以做到泰國八成嘅味道，唯獨欠缺泰國芫荽芽菜同埋豬血，但係由於佢嘅湯底夠濃郁，配合埋船麵四寶，魚露，辣椒碎，椒醋，糖令整體昇華，希望可以就買泰國河粉，彩虹面，應該會經常過嚟食。

好食指數:🌕🌕🌕🌗🌑Cp值:🌕🌕🌕🌑🌑•寶泰船麵豬• $88價錢嚟講真係偏貴小小嘅但勝在服務細心～價值ok!講返碗麵😆😆😆湯底濃 係真係會愈食愈想食入面有好多料 炸豬皮係好好食！！！唔係淋咗嘅豬皮！仲有豬肉丸 豬肉片 蝴蝶腩最欣賞蝴蝶腩🤭唔鞋 又滑又嫩金邊粉又唔會碎曬配埋餐廳秘製嘅酸酸辣辣 正！•泰式兩味炸魚旦• $38見到人地叫 自己都想食埋一份真係都係靠個醬 正常嘅！過下口癮都ok啦！Ps 用心嘅原因一定係老細夠細心！知道我地無叫野飲 都主動問我地要唔要水！仲要係冰水！咁熱都知我地想要咩！絕對細心😆😆😆

第一次好食到想寫個食評, 原來要夠字先可以比good good, 打多少少廢話先正文來了! 見有個foodie朋友極力推介, 當然會抱住期待去食啦~結果係, 喜出望外!!!好好彩7點9去到唔駛排隊, 同朋友都叫左和牛~(佢極力推薦), 果然無失望, 真係好好食!!!! 特別係入面啲通菜粒, 喺個咁濃味嘅湯底下咬到佢真係個人都fresh埋同埋好鍾意佢啲炸豬皮有大有細(碎), 唔會一下子浸曬落湯就淋曬, 留到最後都仲有啲大舊又脆嘅豬皮, 真係莫名地滿足~~食幾啖麵啜幾啖湯之後, 加一匙辣椒醋~~簡直係味道大昇華吖~~~其實仲叫左一份生菜包(好似係$48), 可惜我太飽了, 由朋友幫手清曬 期待下次再去食, 希望到時唔駛排太耐隊

呢晚去完好景拎程班長冷凍包（無錯，係以前荔枝角個間台灣嘢程班長，下次再介紹/自己社交平台搵下先，不是這次既重點😂）係廣華街見到呢間泰船面新開張，心諗粉面旺角一街都係，平既貴既都有唔少，隔個鋪位已經有越南粉，落住雨唔駛等位就即刻入左去試一試！餐廳既泰文音樂，店員們夏天花恤衫look（可能係咁岩得咁橋😂）個feel即刻勁泰國！前菜有荔枝蝦沙律，無諗過荔枝同蝦咁夾！配埋葱頭少少辣少少甜咁，好fresh好岩夏天食！泰北咖哩雞面，份量勁大，一放底已經聞到好香勁濃味，雞肉炆到好淋，一夾其實都已經同骨分離，食落好軟身，但又唔會好似煲完湯鞋，反而吸哂d湯汁船麪都係濃郁但相對無咁油膩，加左餐廳秘製辣汁，即刻昇華左！無誇張，係真係泰國既味道！總結味道同餐廳氣氛都好好，下次再黎試其他