富豪酒家

營業中

休息中

舊老細回港， 請佢去附近嘅富豪酒家食飯，見到個阿翁鮑魚美食套餐， 每人只係＄４８８，有點心， 湯，鮑魚， 飯同甜品。🍭點心拼盤 （潮州蒸粉果，安蝦咸水角，黃金涼瓜餃）每次食點心， 見到咸水角必點, 因喜歡食咸水角皮煙靭帶微甜嘅味道, 而富豪嘅餡係有蝦嫁! 蝦嘅鮮味同爽脆混入煙靭嘅咸水角皮, 滋味爆燈。🍭鮑魚鵝掌時菜主角35頭吉品鮑鵝掌時菜最出色，尤其係吉品鮑用刀切下有黐刀嘅感覺，香濃、軟滑、溏心，果然名不虛傳。這個套餐超值好食。讚！🍭迷你瑤柱鮮蝦荷葉飯雖話係迷你荷葉飯， 但飯量足。 打開荷葉時巳聞到清香嘅荷葉味， 米飯粒粒分明， 每啖都沾有瑤柱同蝦的海鮮味， 一陣己經將成個荷葉飯食哂。有點失禮！🍭蛋白杏仁茶白滑細緻嘅杏仁茶好順喉, 蛋白同杏仁比例剛好，蛋白中和咗杏仁嘅甘味， 令人覺得好似飲咗成碗蛋白質， 好潤！

富豪酒家連續13年攞米芝蓮一星⭐🌟就知呢間酒家係幾咁品質保證啦☺🤣而家做緊精美小菜三款嘅午市套餐$780，五款小菜$980，仲另外可以自選半隻雞或鴨，仲送例湯同埋甜品👍🏻😋所有菜式鮮甜美味，相信老中青都會好鍾意，成班親戚去聚會都非常適合😍1️⃣ 雙蝦節瓜粉絲煲採用游水活蝦🦐味道鮮甜，節瓜嫩滑，蝦米的蝦味突出，充滿鮮味，配上濃郁嘅高湯同爽口的粉絲，口感好正，拌飯一流2️⃣ 蒜茸煎豬扒蒜茸嘅香氣滲透喺厚薄適中嘅豬扒入面，一口咬落去，香濃得來又唔會話太油膩😍而且豬扒嘅質感都幾實淨，啱晒無肉不歡嘅小編🥩3️⃣ 富豪脆皮炸雞套餐有半隻咁多😙係富豪酒家熱門招牌菜之一🥳上枱睇到顏色金黃亮靚，食落雞皮崧脆，肉質嫩滑多汁，雞味濃郁鮮甜，據经理介紹佢哋師傅喺雞腔內搽上適量細鹽入味風乾之後，並採用吊燒方法烹調，先可以做到咁嘅効果唔推薦俾朋友對唔住自己🫨😽4️⃣ 梅菜扣肉煲五花肉肥瘦適中，同梅菜嘅酸甜味好匹配。肉質軟嫩，梅菜嘅酸味中和左肉嘅膨膨,沾高湯食，既有嚼勁又滑口，酸甜嘅味道好豐富，好適合配飯吃。

中午食中菜，大家通常都係諗到食點心。但係其實粵菜都有好多唔同嘅變化，味道亦都好多層次，要做得好食又精緻，實在唔容易。而出名食阿翁鮑魚嘅富豪酒家，就一定係香港首屈一指食粵菜嘅好地方！今次就特別叫咗一個阿翁鮑魚美食套餐，先上嚟嘅就係自選三件嘅精美點心拼盤，今次我揀咗晶瑩海蝦餃、蜂巢荔芋角、蟹黃燒賣仔。雖然每樣只係得一粒，但係都食到啲材料絕對唔係普通嘅材料，例如蝦餃就做到個水晶透明皮唔會太薄，蝦亦係彈牙有鮮味！之後當然到咗佢嘅35頭吉品鮑鵝掌時菜！最重要當然係要講隻鮑魚，食落軟滑有口感，溏心鮑魚果然名不虛傳。而鵝掌配埋鮑汁，亦都相當入味，吸收曬鮑汁嘅精華。呢度份量不大，但滿足感爆棚。之後驚喜嘅仲有迷你瑤柱鮮蝦荷葉飯！足料已經不在話下，識落啲飯亦都唔會太硬，粒粒包含着荷葉嘅香味，每一種配料嘅香到滲入咗飯入面！食曬成個荷葉飯之後，侍應奉上是日明火例湯，滋潤美味，非常貼心。另外，仲有生磨蛋白杏仁茶，好濃，一啲都唔會好淡，杏仁味好香，配埋陣陣蛋白，味道好夾！最後仲有甜品，椰汁馬豆糕及合桃酥！椰汁馬豆糕椰汁味濃，唔會太甜，而合桃酥好香脆，合桃唔多唔少，口感豐富，好食！總括而言，如果大家想食正宗而好食嘅

店名: 富豪酒家地址: 尖沙咀彌敦道132號Mira Place食四方4樓402號舖尖沙咀站A2出口，行5分鐘環境: 4.5/5價錢:4.5/5味道: 4.5/5今日午市想食中菜，黎左試午市套餐，佢哋餐牌有好多選擇，係揀左幾款推介，款款都咁高質，實在介紹唔哂🙈🤩午市特享自選精美小菜套餐 ❤❤❤❤❤$780套餐可以可任選雞或鴨半隻同精美小菜3款小菜二十幾款可供選擇😚款式太多，我主要介紹下富豪炸子雞，雙蝦節瓜粉絲煲，蒜茸煎豬扒同潮煮黃花魚炸子雞皮脆肉嫩，食落仲好熱，雞肉一啲都唔鞋，仲好有肉味添🤩雙蝦節瓜粉絲煲，游水活蝦🦐味道鮮甜，肉質彈牙爽口，蝦米香濃惹味，節瓜同粉絲索晒雙蝦嘅精華，就咁食和送飯都一流。豬扒煎到啱啱好，易咬，外面酥脆香口，入面肉質肉汁又多又鬆軟，加上蒜茸嘅香味，令人難忘😍潮煮黃花魚嘅魚肉有魚味，入口即化唔鞋，而且骨少😝鮮香味美，愛魚人士一定要叫套餐附送明火例湯同甜品，我揀咗蛋白生磨杏仁茶，香滑可口，一流#stitchfoodie尖沙咀

同朋友去富豪晚餐慶祝生日，菜式有紅燒鴨掌鮑魚，啫啫石斑，最鍾意食嘅炸子雞，雲吞，甜品有杏汁燕窩，壽桃包，木瓜作結尾。今次冇叫粉麵，其實佢哋嘅富豪炒飯都係超級好食。價錢大概$1000一位

又係Restaurant Week好介紹🤭試食「阿翁名菜晚宴」$980pp 近期比較忙，遲咗少少出都仍然要寫食評，原因係要紀錄下貨真價實、童叟無欺嘅好店舖🤭可能個人真係鍾意食蟹🦀️所以覺得非常掂😄阿翁名菜晚宴菜單：生拆蟹王黃燴花膠，非常濃郁，淡淡都食到好豐富嘅蟹肉同埋花膠👍🏻👍🏻👍🏻天白菰鵝掌時菜，鵝掌非常入味，好軟腍😋阿翁官燕焗蟹蓋，大大隻蟹蓋，入面真係滿滿嘅蟹肉同埋官燕，冇花冇假😋😋😋金牌脆皮燒乳鴿，做法係用熱油淋熟隻乳鴿，所以做到皮好脆肉好滑👍🏻👍🏻👍🏻掂瑤柱先蟹肉炒飯，好鍾意食呢種炒飯，唔會好油但又可以粒粒都咁爽口😋😋蛋白生磨杏仁茶，一個字：滑，又唔會太甜搶晒杏仁香味，境界好高👍🏻👍🏻👍🏻精選甜美點兩款，一樣咁好食😋鋪內環境

爸爸退休前很喜歡去銅鑼灣總店和客人食午餐。今次特登帶他過來吃，回味一番傳統的廣東點心。傳統便是最好的，不會太多花巧，只是回味一番傳統的廣東點心口味巳十分滿足。牛肉球好新鮮，叉燒包軟滑適中，包餡好juicy. 鹹水角好脆口，脹卜卜的。最喜歡就是炒烏冬，有香的金華火腿吊味，好野味。

由農曆九月開始，大家一提食蟹必定都是大閘蟹，其實又怎會只有大閘蟹才當造呢，其餘的蟹類都很美味。有見及此，有不少餐廳也推出以不同蟹類入饌的蟹餐。位於尖咀的富豪酒家亦繼大閘蟹宴後，推出了超值阿翁名菜蟹宴，蒐集了多款阿翁的名菜，當中不少都以蟹入饌。事不宜遲，就由膏蟹黃、花蟹肉及牙揀翅來烹調的生拆蟹黃蟹肉翅來打頭陣，入口已感到蟹的鮮香，而且啖啖蟹肉，鮮香味美。緊隨而來的是近年大熱既脆皮百花釀花膠，坊間很多地方都只是剩煎花膠，但這兒卻添加了一層薄薄的蝦膠，令口感更上一層樓，亦不會因蝦膠層太厚而影響了花膠的獨特質感，並淋上香濃惹味的鮑汁，不錯的配搭。好戲一浪接一浪，阿翁官燕焗蟹蓋送到，一看焗得金黃飽滿的表層，已讓人垂涎，一匙插下，掏出滿滿一匙的燕窩及蛋白蟹肉時，雙眼瞪大了。這個做法不但吃起來較為清爽，更能吃到蟹肉的鮮甜，而且焗前掃上蛋黃來增色添香，比用芝士更美，苗子確是喜歡。再來就是金牌脆皮燒乳鴿，用上雛鴿來製作，肉嫩骨酥，徒手扯來吃，人生一大樂事。之後的瑤柱鮮蟹肉炒飯及蛋白生磨杏仁茶水準都是一貫的好，以一個千元頭的價錢，可以一次過品嚐多道阿翁名菜，確是物有所值的。

之前飲過好幾次茶都有甜品送，今次年尾12月31日同男朋友特登去飲早茶，有部分原因都係因為佢碗蛋白杏仁茶，頂佢，今次話唔送了，所以收左我地每碗60+10%. receiption個個長髮女人仲問我地之前有邊位同事請我地食，咁岩個個阿姐個日放假，所以就唔當我地係熟客了，食到一肚氣。132蚊豪俾佢地班不知所謂既職員算了。本身仲約好之後帶朋友屋企人再去食，以後永久blacklist呢間野！希望佢以後好生意🙃

前次到來，與朋友們一同享用了一頓精彩抵食的「超值大閘蟹餐」，還在回味當中，朋友已再次邀約到來一嚐酒家新近推出的「超值阿翁名菜蟹宴」，不禁令我呯然心動，欣然赴會。今次吃的「超值阿翁名菜蟹宴」（$1180/位，2位起），菜式如下：打頭陣的是「生拆蟹黃蟹肉翅」，用的是牙揀翅，有別於上次吃的大蟹蟹粉翅，這次因為已經過了大閘蟹當造的時候，所以這翅用上了花蟹的肉和膏蟹的蟹黃，配以上湯與魚翅，混成一道味道鮮美的菜式，花蟹肉多鮮甜，蟹黃色美誘人，加上大梳爽口的牙揀翅，讓這套餐有一個美妙的開始。下一道菜「脆皮百花釀花膠」又是一道令人一試難忘，極少在其他地方可以吃到的菜式。這道菜用的是來自印度的花膠，大廚廚藝到家，花膠外層裹上了一層薄薄的脆漿，盡顯大廚的功架，內裡柔滑軟腍，又吃到海參本來的口感，一次過帶來雙重的感受。把釀花膠在用刀叉切開吃之前，蘸以少許同場加映的「鮑魚汁郊外菜遠」的鮑魚汁，就更加好吃了。另一道名貴菜式「阿翁官燕焗蟹蓋」使用了足二兩的官燕，與蟹肉及其他配料一同釀入蟹蓋之中，面層再覆蓋上一層蛋黃醬，材料豐富。這焗蟹蓋與其他地方相對較為濃味的焗蟹蓋相比，味道偏於清淡，吃的主要是蟹肉的鮮味，與跟著

每個季節都會有它的時令美食，冬天其中一項的就是肥美多膏肉甜的 - 蟹。近排天氣寒涼得很。臨近做冬、聖誕節及新年，能夠品嚐肥美的肉蟹和鮮香的蟹膏，正是不時不食。早前和四個兄弟，來到「富豪酒家」，品嚐了一頓窩心的蟹宴，提早一起做冬！「生拆蟹黃蟹肉翅」用膏蟹的膏，生拆花蟹的肉，加上高湯和牙揀翅烹調而成：湯金黃色一片，盡是膏蟹的鮮味，花蟹的肉是吃得出的鮮活，份量多而且肉質甜美，很有窩心溫暖的感覺：「脆皮百花釀花膠」配「鮑魚汁郊外菜遠」此菜得到全枱朋友一致的讚賞！將發好的印度花膠，中間釀入蝦膠，表面薄薄上一層粉漿炸成：再淋上鮑魚汁提味：吃下去是有三重口感：表面粉漿酥脆，第二是花膠的柔軟，之後有中間蝦膠的爽彈，整個組合不得不欣賞主理人翁生對菜式設計的心思：炸花膠我印象中好像都是第一次品嚐，蠻有驚喜的感覺；還有不要忘記那爽脆的菜遠，沾上鮑魚汁吃，滋味：「阿翁官燕焗蟹」燕窩釀焗蟹蓋，每個用上濕的二両官燕，足料：混入花蟹肉，加上蛋黃醬焗成：調味整體主要是要突出蟹肉的鮮味，沒過火，蟹肉是一梳梳的，混合矜貴的燕窩，感覺滋補，啖啖肉，絕對適合帶母親來品嚐：「金牌脆皮燒乳鴿」回想自己好像很久沒有吃乳鴿。此用上2

「富豪酒家」貴為米芝蓮一星，除了晚上一些大菜外，中午也是飲茶吃點心熱門之地。點心師傅在阿翁帶領之下，功架穩紮亦有返咁上下。「新鮮蝦餃」$75飲茶點心必吃。它有別於一般酒樓用急凍雪蝦，這裏來貨是由南澳島漁船供應的游水海蝦：製作過程用心，要用凍水搣掉鮮蝦殼後浸冰水，直送來酒樓製作蝦餃，與一般蝦餃用急凍養蝦或養殖蝦有明顯很大分別，味道鮮味爽彈得很，皮也薄，可感受到師傅的手功所在：「蟹黃燒賣」$65用全手切豬肉製作，如用攪拌機攪，肉汁便會流失：此燒賣軟熟滿有肉汁，冬菇味香透，而且重點是肉不是全瘦，太瘦就會缺少那份鬆軟彈牙感。「時菜牛肉球」$65我最喜歡這個！師傅先將新鮮牛肉去筋，用手剁碎加入陳皮，再手打成牛肉球：大大個圓球型，滿有陳皮香，牛肉口感是軟彈肉滑，佐以喼汁，上品也：「黃金涼瓜餃」$65餡料的火候和時間控制是它的精粹所在。先用砂鍋炒香涼瓜、鮮什菌、瑤柱、肉碎和雞蛋，令它先添上甘香：再包餡料入餃內蒸熟，吃下去妨如涼瓜炒雞蛋的變奏版，瑤柱很鮮味，甚具溫暖的感覺：「豉汁蒸排骨」$75別輕看這常見的點心。它用上金沙骨，切去肉的部份，保留骨和肉加豆豉蒸煮：六斤金沙骨只能剩下三斤做豉汁排骨點心，能

一行六人又來到尖沙咀富豪酒家午膳，坐下先點了蝦餃丶燒賣各兩籠，然後選了午市精美小菜套餐任選（五款），另外連套餐再送炸子雞半隻及例湯豬肺湯。豬肺湯～味道清甜又足料；炸子鷄～嫩滑可口；馬蹄魷魚蒸肉餅～ 鹹鹹香香很惹味有嚼勁，來碗白飯真是絕配；梅菜扣肉煲～梅菜微甜豬肉好腍，又是與白飯很相配，真係無得輸；南乳炆豬手～豬手沒有留下豬毛，爽滑有嚼勁；蓮藕煎肉餅～香脆有咬感；砂鍋朝煮黃花魚～配菜惹味黃花魚去了骨，啖啖肉，老少咸宜；最後來了附送的甜品：生磨合桃露～香純嫩滑。

今年食過最物有所值既蟹宴就是這裡了，除用上不少矜貴食材外，還有些是堂弄菜式，即席為客人在旁烹調。沒有頭盤，第一道就是生拆大閘蟹粉翅，而且還是即席堂弄，以一両公蟹蟹膏、一両蟹肉及一両牙揀翅，配以兩勺半上湯的黄金比例，慢慢於砂鍋煮出順滑鮮味的蟹粉翅來，吃起來滑溜得來還有黏口感，完全將大閘蟹的神髓呈現口中。接著就是蔥燒百花釀遼參，以蔥燒口味來烹製，不但令軟滑彈牙的百花釀遼參盡吸醬汁美味，而且吃起來也較清爽，襯以豆苗做配菜，達到濃而不膩的效果。主角終於登場，隻隻約六両重的蟹公出現眼前，打開蟹蓋，香氣飄出來，白膏混和著黄膏澎湃地湧出來般，鮮味又黏口，最重要的是蟹肉結實又鮮甜，絕對是上品，蟹宴也能供應如斯質素，實屬驚喜。堂弄菜式再次登場，就是生煎薑蔥咸香雞，將輕輕醃過的新鮮雞件慢火煎香，煎出雞油來，再例入薑蔥等配料，由始至終也不另加一滴油，令薑蔥與雞油結合。將雞件與薑蔥一同放入口中，感受到皮脆肉嫩之餘，更有生薑的溫熱功效，有助驅走大閘蟹的寒涼，美妙的食療效果。臨尾以一個香噴噴的迷你蟹腿荷葉飯作結，蟹肉早已混和飯粒當中，乾身分明，每一口都非常滋味，只是份量於苗子而言，可以略為多一點點，否則就很完美了

說到富豪酒家阿翁鮑魚相信香港無人不曉，是間出名鮑參翅肚的傳統廣東菜酒家，很多人也認為內裡全是貴價菜式但其實又絕非高不可攀的，像這夜我們一行四人便來品嚐高質但又價錢親民大閘蟹宴。連續12年取得米芝蓮的一星榮譽，無論食品質素和服務態度也必無容置疑的好。這夜我們就是來品嚐益食家的超值大閘蟹宴，多少錢一位我先來賣個關子！此宴總共有翁生精心設計的六道菜式真教我超級期待。榮幸地由老闆翁生為我們堂弄第一道菜生拆大閘蟹粉翅，材料有蟹膏、蟹肉和牙揀翅比例全部一比一另配合超香的高湯，看似簡單的材料但細節就是在於煮理人的功架。翁生先炒香蟹膏和蟹肉然後再下牙揀翅，控制火候方面少點經驗也很易弄垮，這便是值得我們細味的地方。不消一會香噴噴金黃色的生拆大閘蟹粉翅便送到我面前，濃稠度推至恰到好處入口順滑流暢，上湯跟蟹粉互雙輝映誰也沒搶誰的鏡，呷一口味道甘香鮮味引人入勝。緊接著的是蔥燒百花釀遼參正好配襯大閘蟹的淮揚風味，用上了享負盛名海參之首的日本遼參來炮製好矜貴。這道菜用上不含膽固醇兼低脂的海參入饌，將遼參釀入鮮味彈牙的蝦膠再配襯鮑汁肉末，切開後看見蝦膠跟遼參如膠似漆般緊密，令我不得不佩服大廚的手勢！墊底還有索盡汁醬