富華冰室 (港晶中心)

營業中

休息中

位於港晶中心的翠華，原來已經變成富華冰室，餐廳外觀頗光猛潔淨，當時不用排隊等於是入去吃個晚餐。由於趕時間，叫咗個$88 羊肉晚餐，伙記頗禮貌，識得提我叫外賣，要分單否則不會有外賣扣扣。首先上枱係忌廉湯. 餐飽及奶茶。吓! 啲白湯看來同稀漿糊無乜分別，得幾粒粟米同一碗漿糊，另外附送好多味精。餐奶茶就老夾嚡颯颯。唔係呀，$88個餐都咁嘅質素? 中伏!好彩，主菜羊肉飯餐仲有啲質素，羊肉有2小片， 嫩滑唔羶，有肉味，伴的蔬菜亦幾好。

舊年無咗翠華之後轉咗富華，都堂食過幾次，menu 選擇都多，之前好多人，所以伙記啲態度真係好麻麻，有次倒瀉奶茶喺客人度仲鬧客人，生意好就係可以咁串😏時而世逆，疫景下客少咗好多，之前午市都禁埋直頭好似無開門做生意，另一間尖沙咀分店都執埋，而家態度正常返好多。今日外賣咗個菠蘿包，有自己餅房係唔同啲，新鮮啲，熱辣辣，用傳統舊式紙袋袋住，9蚊嘅菠蘿包都算大個，不過當然係無菠蘿🤣🤣🤣，面幾脆囗，包都鬆軟。

前身舊翠華位置，上市公司都做唔住，富華接了來做，正所謂『有人辭官歸故里，有人漏夜趕科場。』Lunch 食個快，就叫個午餐D《 招牌燒鵝四寶飯》跟《中湯》和《凍齋啡》，再叫多一個佢哋嘅招牌《菠蘿油》比正常大size略大，但包唔熱，麵包唔鬆軟。唔會再食講明燒鵝四寶當然有燒鵝另加切雞、叉燒、鹹蛋。講得招牌燒鵝算正常，但係又未令你覺得好正好好味，但係叉燒就真係太過柴皮。中湯《 花生眉豆煲雞腳》當例水一樣，唔好飲凍齋啡，出咗事😒有啲茶記凍齋啡係唔會畀糖，有啲就照畀甜。我一時忘記咗叫走甜，嚟到嗰陣時就出事，超差嘅服務態度 ，覺得你自己講漏咗，係唔想同你換，同佢已經 道歉（ 冇錯係我道歉） 佢都當你冇到，拋低杯茶就行開😳😤PS. 整體你當佢快餐咁食, 上枱速度夠快, 服務員兇神惡煞，有點兒像大牌人氣茶記一樣 ，不過今時今日這類冰室通街都有，點解要揀一間受氣㗎呢！ 食物質素屬於正常 但唔係好食過類。食物賣相＝(滿分20) 15食物味道＝(滿分20) 13服務質素＝(滿分20) 4裝修整潔＝(滿分20) 16性價比率＝(滿分10) 6回頭指數＝(滿分10) 3總評分（滿分100）57分

茶餐廳食物大致上都差不多，沒有特別好吃或唔好吃，至在快靚正，這間餐廳也不過不失啦！特餐全天候供應，蕃茄薯仔羅宋湯午餐肉粒通心粉的蕃茄湯底濃郁，通常配牛肉粒但這間配午餐肉粒同樣好味，值得稱讚的是滑蛋炒得非常嫩滑，上枱仍然有蛋汁，$48配熱飲算係咁。菜遠牛肉飯正正常常，即炒的有少少鑊氣，但味道偏濃，吃少少便夠了。下次會想order菠蘿油及墨西哥飽，只要試試這兩款美食便能知餐廳水準。菠蘿檸檬撻及合桃酥比較少地方有售賣。餐廳人流算多，座位間較貼近，快吃快走是ok的，不宜坐太耐。

機緣巧合下的一個晚上， 我獨自來到尖東吃宵夜。 當大多數的餐廳已關門，我卻偏偏看到富華冰室的招牌在漆黑中閃爍， 就像命運的安排我們邂逅。這裏的餐牌都是茶餐廳經典的餸菜， 為了一試這餐廳的實力，我叫了一個揚州炒飯。 不要輕看揚州炒飯，因為這碟餸是蘊含著很多哲學。 炒飯的口感能告訴你廚師的功力， 配菜能告訴你他們對揚州炒飯的定義和理解， 價錢與質素的比例能告訴你餐廳的營運能力與良知。當我小便完回來的時候， 炒飯就來到了。 望著新鮮的炒飯，煙霧四起。 我拿著一小口輕輕的一吹，然後送入口中。 我發現炒飯層次感粒粒分明， 而且配菜毫不吝嗇， 有蝦有叉燒有蛋， 蝦和叉燒肉質絕對不是下價貨。我吃了兩三啖後， 結論這就是經典的揚州炒飯。 這可能是我近幾年吃過最好的揚州炒飯， 所以如果你有幸經過這裏不妨一試， 價錢可能比出面大集團的貴少少但係食到呢一個程度嘅揚州炒飯而且仲有波睇， 夫復何求。