富華冰室 (港晶中心)

營業中

休息中

app叫咗個乾炒牛河同乾炒黑椒牛肉意粉，一打開蓋聞到燶味已經知道伏，食咗兩啖嗰乾炒牛河燶到傻，成兜嘢致癌物咁款，我上個禮拜先做完手術冇可能見咁都繼續食。個黑椒牛肉意粉都少少燶但尚可接受都算，打電話去餐廳同返個職員講，佢個態度差到一個點，「呢度枱枱客都食緊乾炒牛河喎」「你都係想退款可以返app嗰度繼續㩒」，問佢使唔使送返落去俾佢自己試吓到底出咗啲咩就話唔使啦，貼錢買難受，好似我屈佢嗰幾十蚊咁，又唔願意睇吓自己到底出緊啲咩俾人食，唔好意思都冇句。自問都算寛宏大量，第二間餐廳食菜食到發泡膠都係提返下次注意就完，呢間燶都算，態度仲要差到不得了，之前食其他嘢都尚可，堂食過燒鵝係唔差添，但係職員態度趕客到咁以後都唔會再有下次。

呢間餐廳在價錢方面收費不便宜，位置位於尖東，見有好多內地客幫襯，但在餐廳工作的有幾個女樓面完全冇質素，影衰香港人待客形象,收銀員更加黑口黑面，令顧客感到非常吾舒服。

去開紅磡尖東嗰頭，都會去依間富華冰室度食早餐😀😀又係早餐飯堂早餐係傳統港式個d，例如沙嗲牛肉麵，雪菜肉絲米，仿鮑魚絲火腿通粉咁啦睇落好似冇乜特別，但係味道食係上嚟幾好食😋最鍾意食佢個炒蛋，雖然餐廳長期都勁多人，仲有好多遊客，成日要搭檯🤪🤪但師傅都有用心整到成個球型菠蘿唔係普通嘅餐包，係菠蘿包，幾好👍👍👍我係個重視儀式感嘅人😃😃😃熱奶茶茶用黑白淡奶杯上，有風味d ，有feel~加分

公司喺附近，所以長期叫呢間。啲嘢就幾好食嘅，但係侍應態度好差！好幾次打電話叫外賣，唔係送呢樣就送嗰樣⋯⋯打電話同佢講，佢聽完就直接cut線，聽電話嗰個阿姐態度超級差。相信如果富華老闆肯糾正佢哋呢個問題，富華一定可以成為全香港最出色嘅茶餐廳！

本人某個中午到尖東富華冰室叫了個午餐D燒鵝四寶飯+凍奶茶，賬單$75。用餐完到收銀枱以八達通結賬，收銀員亦以賬單bar code 來結算，本應不會出錯，本人亦沒有留意八達通機銀碼，及後發覺八達通扣費$101，因已離開亦不便追究。但呼籲大家以八達通結賬應特別小心，尤其是大陸過來的旅客。

今晚完左活動之後同一大班人食宵夜，本身諗坐去隔離快餐店食，但係冇位坐唔曬咁多人😬唯有走去富華冰室食🙂‍↕️去到嘅時候已經冇乜人，叔叔姨姨都已經執緊野🤣我地嗰枱六個人叫左焗黑椒雞扒意粉（$70）、日式鰻魚炒飯（$72）同焗鮮茄豬扒飯（$72）😋鰻魚炒飯有鑊氣，熱辣辣上枱，乾爽又粒粒分明，鰻魚都唔少，唔錯👍🏻雞扒多汁大舊，意粉唔乾身，黑椒汁都夠撈嚟食🫡豬扒飯係炒飯底，略嫌佢濕潤得滯🤣普通茶餐廳質素！但價錢偏貴😢

繼續同平哥食冰室，今次去咗紅磡站樓下，尖東噴水池附近嘅富華冰室。聽講呢間出名燒味，我哋嚟到就叫乳豬五寶飯，點知乳豬賣晒😂跟住就嗌咗燒鵝五寶，聽講佢個燒鵝都幾出名，所以每張枱上邊，都配咗一支酸梅醬，應該好多人都叫燒鵝。燒鵝皮脆肉嫩，配埋酸梅汁，真係幾好食。叉燒係半肥瘦，有小小濃邊，幾好食。燒肉個皮鬆脆好食。燒味幾高質。然後我哋仲叫左all day breakfast 同菠蘿油餐，菠蘿油配紅豆冰好好邪惡，但好味。牛油夠凍，菠蘿包夠熱。All Day個魚柳又大又熱辣辣，平時吾想食飯麵，叫一個all day都夠晒飽。埋單200幾蚊，尖東黎講，都幾抵食，當晚都好多日本人同泰國人嚟食😂😂丫侍應哥哥好落力！

平時冰室都係茶餐常餐小炒 呢間仲要有埋燒味部勁專勁多元化 聽講招牌燒鵝髀仲要係必食❣️燒鵝雙拼叉燒 $180泛滿油光嘅大大燒鵝髀脆皮多汁 叉燒肥瘦適中 食落甘香美味醃得入味燒得夠香 配飯啱曬❣️招牌焗鮮茄豬扒 $72熱熔芝士完全覆蓋表面 即叫即焗好濃郁做到拉芝效果好吸引完美鎖住豬扒水份 飯粒採用彈牙白米 飯香配上番茄汁成件事好完美🥢 +$8 凍檸茶❣️XO醬牛肉炒河粉 $73平時乾炒牛河好油 估唔到呢個XO醬炒河整體較為乾身 加入XO醬微辣香口 吊下味但唔會太濃 好惹味🌶️🥢 +$6 熱好立克

之前約咗朋友喺尖東附近行街，經過間餐廳，寫住「港式燒味 燒鵝大王」，就決定入去試吓啲燒鵝。燒鵝瀨粉 $70原來呢間冰室有瀨粉食，一般冰室並唔多有瀨粉食，正呀！燒鵝份量都算多，而且唔肥，好食。瀨粉好滑，又有彈性👍西冷牛扒套餐 $98套餐有餐包同紅湯，加埋大大塊既牛扒，超級飽肚。牛扒煎到岩岩好，加埋黑椒汁，好好味👍招牌酸菜魚 $102酸菜魚入面好多酸菜同魚，仲有大量芽菜、黑木耳，好足料，配埋飯食就正啦👍

附近玩完playhouse，揾間茶餐廳醫肚，估唔到現在的茶餐廳都有香港熱門的原隻燒鵝脾叫，真係十分有驚喜😻立即點來試下😍原隻燒鵝脾賴粉✨💫皮脆肉嫩的燒鵝，估唔到茶記都有呢個水準，真係鮮即切且啖啖肉香，我比較鐘意配賴粉，仲要幫我地分碟上，誠意加分鐵柀雜扒餐（蒜蓉汁）🥩🍖🥓雜扒餐非常豐富，可能係午餐的關係，即叫即整，雜扒有牛排、豬排、煙肉、芝士腸同薯仔，全部都煎到邊緣都脆邊，別有一番風味腸仔肉醬意粉🍝每次去茶餐廳都會食，小朋友必點的肉醬意粉，肉醬份量鋪滿曬，芝士量都好多勁拉絲，食落零舍香噴噴蛋撻🥚蛋撻好大個，鐿意佢個酥皮好脆，入面的蛋好滑飲品選了二杯凍檸茶🍋一杯熱朱古力🍫富華冰室擁有多間分店，下次經開其他地方見到，一定會再入去品嚐其他美食😋👅🍚富華冰室 (港晶中心)📍尖沙咀加連威老道100號港晶中心地下59-66號舖

茶餐廳有卡位坐，都算幾舒服，係科學館後面位置方便雜扒餐 $118嚟香港點少得食茶餐廳嘅扒餐，勁多件扒，有豬扒、雞扒、薄牛扒，香腸仲有焗薯，份量絕對係重量級！亦都10分足料，配埋黑椒汁辣辣地幾香。羅宋湯港式羅宋湯係茶餐廳嘅重點，野味得來有少少辣，入邊嘅蔬菜有好多西冷牛扒配意粉西冷牛扒幾大份，側邊有少少根，入邊都幾腍，配埋個意粉真係幾飽足忌廉湯火腿包絲通粉店員係咁疑惑我個個小朋友會不會食唔食得晒😂有菠蘿包，炒蛋加個意粉，我小朋友都食得晒，忌廉湯清清地幾啱小朋友。雜果賓治汽水配埋好多雜果，幾爽幾個過癮🍱富華冰室 (港晶中心) (尖沙咀)📌📍尖沙咀加連威老道100號港晶中心地下59-66號舖

每次去完科學館放電，都會喺附近嘅餐廳食嘢，今次我哋就試呢間咩都有得食嘅著名冰室食晚飯😋🍽️ 鐵板牛柳配薯菜一見到有鐵板牛扒食，即刻嗌咗一個鐵板牛柳配薯菜😋鐵板上碟嘅時候仲吱吱喳喳熱辣辣，仲有三大塊牛柳俾我哋，同埋最估唔到薯菜係原隻焗薯上，成個餐真係夠晒豐富😍牛柳5成就岩岩好！🍽️ 燒鵝五寶瀨粉呢間茶餐廳啲燒味都幾出名，五寶飯就聽得多，今次就叫咗個燒鵝五寶瀨粉，有雞有鵝有燒肉⋯咩都有得食，燒鵝五寶同瀨粉係分開上睇落去真係好豐富咁😍想食乜都得，仲有好耐冇試嘅鹹蛋黃正呀！個燒鵝皮夠晒脆卜卜咬落去啲油脂唧晒出嚟好好味😋🍽️ 海皇雜菜煲由於想揀啲Lisboy都食到嘅嘢，呢個海皇雜菜煲就啱晒佢啦，大量海鮮配埋粉絲煲，有魷魚又有海魚同粉絲，清清淡淡又入味，Lisboy食到舔舔脷😋🍽️ 雜果賓治 & 龍鳳檸樂我哋仲加$10叫咗兩杯特飲，雜果賓治大大杯又多生果食🍹龍鳳檸樂一如既往兩種檸檬嘅口感，果然係夠清新～爽🧊🍽️ 流沙墨西哥包 & 叉燒包因為呢間冰室嘅麵包新鮮熱辣，所以臨尾叫多兩個包試吓😍個叉燒包啖啖都叉燒肉，果然零舍不同！

老公好鍾意食燒味，我哋去咗尖沙咀富華冰室度食飯，冰室最好就係大人細路都岩食！我地叫左👇🏻燒鵝五寶飯 $89燒味十分推介，燒腩仔皮脆，切雞以鹽焗方法煮法，叉燒肥瘦適中入口鬆化，加埋半隻鹹蛋，燒鵝下次一定要試燒鵝全脾。特餐：鮮忌廉雞湯豬扒通心粉$58豬扒厚身，兩面都煎到十分香口，通粉配濃郁湯底，小朋友食不停口，牛奶炒蛋買相吸引不會濕濕碎感覺配菠蘿包一絕再配杯消暑凍檸茶😋估唔到冰室炒小菜都有一手大碟分量足，包白飯同例湯，似大排檔feel。西蘭花炒魚塊$108西蘭花爽口，魚塊大大件有咬口。香煎鹹魚肉餅$88鹹魚蓉混合肉餅煎香口美味，配飯一流，最岩我老公食肉獸🤣🤣再配埋例湯👍🏻加埋凍奶茶，佢話無得頂😋富華冰室 (港晶中心) (尖沙咀)尖沙咀加連威老道100號港晶中心地下59-66號舖Tell:2698-7898/9880-8969

今日行經尖東經過富華冰室既玻璃櫥窗見到掛住隻滴晒油既燒鵝就突然比佢吸引左🤩所以就諗都唔諗走左入去食～其實之前都有食過第二間分店既小菜都覺得可以，今日收工特別肚餓所以叫多左少少野食🤭餐廳仲有新鮮出爐麵包櫃，每次見到佢既菠蘿包都好想食😋大家經過都可以買佢地既包試下👍🏻—————————————————————————————♦️正宗燒鵝飯🪿：燒鵝飯好足料，舊舊燒鵝都好多肉唔似出面食好多都係骨多過肉🙊皮都幾脆口同埋好香，燒鵝油脂分布平均唔會有好多肥膏，我平時食燒味最中意就係燒味豉油，今次夠晒多而且唔鹹撈飯食正👍🏻♦️椒鹽鮮魷🦑+飯+湯+飲品(另加錢)：湯鹹度適中，入面有花生、眉豆、豬骨好足料，唔似味精湯👍🏻 椒鹽鮮魷黎到熱辣辣新鮮炸起，炸粉唔算係好厚還可以，鮮魷都唔韌不過椒鹽略嫌少左啲，如果可以多少少就最好啦☺️♦️招牌酸菜魚+飯+湯：酸菜魚一黎到勁香，望落好多辣椒但唔算好辣，整體黎講酸味重少少，魚片都好多舊而且好嫩口，入面仲有芽菜、雲耳、萵筍同埋大量酸菜，中意食酸菜既朋友大飽口福啦😋♦️果醬多士：底面麵包有烘過，時間烘得岩岩好好鬆脆，我幾中意好好味😋出面好多茶餐廳麵包唔一定烘得好好味，一係過燶一係烘

遊蕩尖沙咀唔知食咩好，最後搵咗呢間茶餐廳食本身睇OpenRice評價麻麻哋，抱住試伏心態😅選擇幾多，叫咗個全日常餐▶️ 鮮忌廉雞湯仿鮑魚火腿絲通心粉 湯底奶白色，味道濃郁通粉有質感，唔係快熟通粉，唔會太腍比較多火腿絲，仿鮑魚就好少整體味道唔錯嘅▶️ 自家製出爐餐包 配 嫩滑北海道牛乳炒蛋係迷你菠蘿包😍菠蘿面唔算焗到好燶，但口感少脆幾好食，味道偏甜但可接受餐包質感軟熟有嚼口👍🏻係甜餐包味道嫩滑北海道牛乳炒蛋賣相特別，一個雪糕球咁炒得濕潤，有牛奶蛋香🍳唔會油膩▶️ 凍檸茶 (+$3)少甜咗，但味道都仲好甜🙈不過夏日熱辣辣飲返杯都幾解渴-以茶餐廳質素嚟講唔錯喎係環境迫啲多人啲，大部份內地遊客姐姐服務還好，做嘢快手急啲性價比OK，常餐抵食，我呢個$55有埋飲品已經食到好飽🤰🏻最後外賣咗幾個麵包返屋企請屋企人食，全部大大個脹卜卜