富華冰室 (港晶中心)

營業中

休息中

我全日做嘢去到好夜先至有時間食第一餐，響尖沙咀東部諗住行去紅磡搭車，順路睇吓有乜嘢餐廳，但係好多都已經閂門或者準備閂門，經過見到富華諗住穩陣啲快快手手買啲外賣算啦。你今次叫咗個咖喱牛脷飯，連個姐姐都話我識得叫，佢話牛脷好食，攞到返去食嘅時候都覺得姐姐冇講錯，啲牛脷真係幾好味，亦都算係好足料，最主要係啲牛脷好淋，但係個咖喱方面香味係有嘅，不過味道就淡咗啲，加咗落啲飯度更加淡。重點係嗰碗白飯，我真係好多年未食過咁硬嘅白飯，我極度懷疑係放咗好耐，我相信用來做炒飯都會覺得佢太硬，所以結果食得有啲辛苦。最後就係明白香港好多做飲食嘅，實在係好難避免有蛇蟲鼠蟻，但係當我企嚮門口外面等外賣嘅時候，好清楚見到一隻中等身材嘅老鼠響餐廳入邊門口玻璃一路好輕快咁走到入去入邊啲餐枱嗰度，見到有個員工跟住攞隻腳去趕佢，根據個員工嘅路徑應該慢慢會走到去餐廳最入嘅地方就唔見咗啦。

本文章係用口語寫嘅 睇唔明請不要 鬧人 多謝大家富華冰室（港晶中心）我一路都有幫襯，唔知係咪廚房換咗人，的嘢 好食過之前好多，尤其係嗰個（金莎蝦球）外脆內軟 ，蝦味完完全全保留咗落嚟，真係推介大家去食。我之前都係每個禮拜去食一次 ，我依家幾乎一個禮拜去食三次，買咗個（金莎蝦球）返屋企食，我屋企人都話好好味。仲有我要提一件事，就係的樓面嘅態度真係好差 ，叫佢點餐就喺度乸口乸面，攞嘢食過嚟嗰陣 仲好大力咁樣將個碟擺落個枱度，如果脾氣差嘅人真係唔好去，我驚你會直接打人。但係廚房啲嘢係真係好好味㗎，真心推介大家去品嚐。

都係響尖東附近慳返啲時間，所以都係幾個人都買外賣上去食，紅磡站行人天橋行落嚟兩步路就見到，又行過見到比較企理人又唔多，所以就響度買。分別叫咗乾炒黑椒牛肉意粉，我份量都幾足夠，牛肉都唔少同埋都幾容易食到，黑椒味都有，牛肉就有少少鹹，話晒都真係啱啱炒出嚟，總括嚟講食落去都不過不失嘅。另外一個係茄蛋牛肉飯，份量亦都算係足夠，蕃茄蛋都算有啲酸甜味，所以就唔覺得牛肉太鹹，不過朋友本身想食得再酸少少，所以喺佢角度來講就唔夠濃味，同埋唔夠酸，呢個當然係個人口味因人而異。我就叫咗個豉椒牛肉炒河，份量亦都算係足夠嘅，牛肉方面都係同一個問題有啲偏鹹，個汁都算足夠，可能真係因為牛肉偏鹹嘅關係，食完係有啲比較口渴嘅感覺。

想要杯水啫。。。。職員👩‍💼: 好忙唔得閒自己攞❤️原來係自助嘅，請問邊度攞？職員指咗我去櫃位，但完全無標示，杯位置，水位置，水壺仲要係無水嘅，條路窄，仲有收餐嘅車出入，完全唔似係自助水吧囉個呀姐仲要拋餐具同張單好似我入去食野，係我令佢太忙，係我唔啱😅真係可一不可再去食老麥好過想要杯水啫。。。。職員👩‍💼: 好忙唔得閒自己攞❤️原來係自助嘅，請問邊度攞？職員指咗我去櫃位，但完全無標示，杯位置，水位置，水壺仲要係無水嘅，條路窄，仲有收餐嘅車出入，完全唔似係自助水吧囉個呀姐仲要拋餐具同張單好似我入去食野，係我令佢太忙，係我唔啱😅真係可一不可再去食老麥好過

夜收工走咗去富華冰室買外賣返屋企食，本來想食四寶飯，但係9:30之後就冇燒味，跟住諗住叫咖喱牛腩飯，但係最後嗰個啱啱俾人買咗，佢哋話仲有炒粉麵，所以叫咗個豉椒牛河，豉椒牛河啲牛肉都夠，味道亦都啱啱好，整體份量足夠嘅，響尖東來講叫做食得返傳統炒粉麵嘅味道，同埋負責落單嗰個態度都好好，所以整體嚟講其實都算可以。

朋友好耐冇見，约來约去只有早餐得閒，於是去尖東嘅富華食早餐。早上8時餐廳內已座滿，一行3人在門外等左陣，便有卡位坐低。早晨套餐種類多，有豬扒、牛扒、煎蛋、腸仔等。選了羅宋湯米粉拼菠蘿油送熱奶茶。菠蘿包微熱脆皮，加埋奶茶十分滋味。

下雨天,好想食燒味四寶飯,去公司附近既富華.2-2:30pm 之間去食午餐,容易有位.午餐D既燒味四寶飯,中湯,奶茶($69）燒味四寶飯,4款餸,水準一般,可以接受,薑葱油太鹹.奶茶,又係茶記一般貨色.服務員,不算差也不算友善,做到麻木.

事件一：我媽咪一坐低，人有三急問洗手間，個女侍應就叫我媽去麥當勞廁所，我媽話吓，幫襯你要去麥當勞廁所。事件二：問個阿叔侍應攞多套餐具，見我家姐同阿媽食緊炒意，就好悔氣問我碗要唔要呀！驚死我問佢攞多次。個個做到咁悔氣，唔好做返屋企啦！

不出意外，又係而家啲港式餐廳風格，懶係有效率，實則係冇禮貌服務員有時答都費事答，用手指指好多餐具就甘枱亂七八糟話跟餐嘅麵包係特色， 實卻凍冰冰，仲要難食個面嘅味道都係怪怪地。普通到不得了早餐都可以搞到咁

1. 首先，不推薦吃這間餐廳，絕對會破壞旅遊心情。2. 我是澳門來聽演唱會的遊客，剛好路過這間餐廳，也看見店裡也挺多人的，抱著嘗試的心態進去用餐。3. 點菜的時候，服務員會胡亂呼叫客人名稱，把20多歲的小哥哥叫為阿叔，小姐姐叫阿姨；語氣態度惡劣，我們點菜說要一個餐飯上顯示的正宗燒鵝飯時，服務員以嫌棄的反應反串客人，什麼叫正宗燒鵝飯？何為不正宗？我們只有燒鵝飯，但我們只是跟餐牌上顯示的名稱點單；服務態度差，餐具直接丟在桌上，餐具都凌亂散落在桌上了。4. 最後，如果真的第一次到香港旅遊，剛好進到這個店，真的很破壞香港形象的一家店，第一印象直接0分。

平時過去食嘢因為我就我自己返工，嘢食嘛嘛哋都冇所謂嘅，但係D伙記態度極差，我今日食完早餐留低左個背囊係佢哋餐廳，前後唔夠十分鐘就已經返咗去攞，攞嗰陣佢哋D呀姐唔出聲好地地，一出嚟就講話：你唔要就自己攞去掉啦，留係到要我哋幫你執手尾！。 所以就今次事件，我唔會再光顧這間店舖了！

今日行街黎到尖沙咀求其搵左間冰室食tea，見到呢間外表睇落唔錯，但環境編排得幾逼，坐得唔太舒服。今日就咁嗌左個腸仔包同熱奶茶，腸仔包係唔錯既，奶茶偏奶香，飲唔到茶味。

約左朋友去尖沙咀整啲野，整之前醫下肚先，去左位於尖東嘅富華冰室。叫左兩個小菜，菜遠炒牛肉和椒鹽鮮魷，兩碟都好鹹，尤其個椒鹽鮮魷，平時食果啲，通常係炸到金黃色有椒鹽味道，呢個好深啡色，一入口勁鹹，好重鼓油味道,好明顯落左好多鼓油，今餐極之重口餐😖

收銀阿姐態度差，無禮貌，對小朋友呼呼喝喝，一入去就好似欠左佢咁，咩嘢人嚟㗎，除非佢自己係老闆娘，如果唔係真係倒佢老闆米。坐低，見枱上餐牌食物也不外如是，普通茶餐廳貨色，不過連濕口啲嘅粉麵都冇，望下隔離食嘅嘢又唔似吸引，食剩嘅居多，個女人真係憑咩有咁嘅態度？橫掂未落單，起身走人，無謂貼錢買難受。行出去嘅時候，個阿姐仲會做個趕客’快啲走、快啲走，過主’嘅手勢添 😌 依啲咪就係香港地道情懷囉，哈哈。我都唔需要你有餓媽卡些嘅態度，但基本對人嘅尊重係好重要㗎。Don’t go there, unless you want to be scolded like a prisoner. You don’t deserve being treated like that really!! The woman at the cashier is so rude to you the moment you set foot in there. It’s definitely not a kids-friendly place either.The food there?? Nah… you have a

外面正在下雨，付款後問能否在裡面等外賣，樓面姐姐A說要掃安心出行，然而我找不到QR code，樓面姐姐A在遠處指指指，感覺你是不是真的忙到不能走過來多一步，上午11:15裡面只坐了一半人，還讓我看到幾個樓面姐姐坐在一旁談天說地，掃完後樓面姐姐A又是遠在，在遠處指我要坐哪裡。等了近20分鐘，我還在想我的飯會不會搞這麼久，起來轉身後樓面姐姐B說「你坐裡面怎會知道有沒有叫到我」，感覺上像是我在打攪她又或是我做錯了什麼？？