富臨皇宮

營業中

休息中

今日放工後見到石門富臨皇宮外賣有48折優惠, 於是便外賣了黑椒香薯牛柳粒和西蘭花炒蚌片蝦球回家。黑椒香薯牛柳粒黑椒味香濃惹味, 牛柳入口即熔有肉味, 食落彈牙, 薯仔食落爽脆鮮甜大大粒, 整份黑椒香薯牛柳粒黑食落惹味夠鑊氣, 佐酒一流；西蘭花炒蚌片蝦球賣相吸引, 西蘭花新鮮爽口, 蚌片大大片, 入口鮮甜味美, 蝦球大大件, 食落彈牙。兩款外賣份量十足,足料有鑊氣, 而且價錢合理美味, 我們食了一頓豐富外賣小菜。

朋友新婚終於入伙啦，咁我地兩對couple就食個飯！飯聚令下無得堂食。大家決定買幾個小菜有中國house warming氣氛。我倆先到就買左先，等佢地返到一齊上去。4個人4個小菜2份飯麵$292！！超級抵！平時堂食應該食到2個小菜only！我哋仲叫咗貴野 - 鵝掌。每人$75有找，平過食茶餐廳咁滯！巧製粟米魚柳依個菜式非常之下飯，粟米汁唔吝嗇！魚柳size適中，咬落去外面少少軟入邊啲肉就滑脫脫！大澳香蝦骨因為外賣嘅關係，所以冇咗啲小花點綴，感覺清一色肉肉。西蘭花炒蚌片蝦球份量滿滿，好正！西蘭花外賣都好靚好翠綠， 炒蚌片同蝦球份量都唔少。炒蚌片保持到爽口，蝦球都彈牙同埋帶隻！呢個超級抵叫，平時處理海鮮都好辛苦同埋依家休漁期啲海鮮都貴！佢仲有啲辣椒增加營養，平時覺得三食辣椒味道太青草味，但係加咗啲海鮮易食d。北菇扣鵝掌煲呢個不得了，不過勁多粒勁大嚿，靚菇！有肉地非常入味！扣既紅燒汁濃入味但不咸，比平時堂食下手保險左！定係間間分店唔同？！鵝掌一掌掌無蘇味有肉地，乾淨軟軟。有功夫既菜係中菜廳食最好。火侯大，有鑊氣！仲有海參？河參？雖然唔係貴個d，但絕對對得起個價錢！一開始仲以為係碌柚皮，心諗如

小菜（抵食嘅）晚市小菜$42-$57「楊洲炒飯」炒飯色水炒得好靚，不嬲都係金黃色的，顆顆飯粒分明嘅炒飯好有鑊氣炒飯好食😋有驚喜「黑椒薯香牛柳粒」薯仔🥔每粒都係金黃色大小一致，有蜜糖同埋黑椒包圍着，而且一口口牛柳粒一口一粒，好香牛油🧈🤩滋味無窮 加埋炒飯一齊食滋味無窮😋「粟米魚柳」魚柳肉質熟透但不會感覺稀爛而且魚肉質鮮嫩食落去有口感，粟米汁同炸得金黃的班塊咬落去別有一番風味佐飯一流，有粟米汁食飯都食多左

今日出沙田同阿叔一家飲茶喺京瑞二期富臨皇宮午茶正價入。佢個場就夠大坐得舒服。除咗點心，我哋嗌咗炸子雞全隻上，炸乳鴿同埋沙薑豬手，呢幾款都正常味冇咩特別亦冇咩失望。每次飲茶我哋都會嗌勁多點心，但係今次就極其失望。先嚟蝦餃我哋齊齊一人一粒人食咗唔夠兩秒即刻lur咗出嚟因為佢個餡酸咗變咗。通常鳳爪醃得好就會好食但係佢唔夠入味所以唔惹味。個棉花雞入邊嗰啲墊底嘅芋頭酸嘅宿味所以我哋食咗兩嚿都係冇食。牛肉球正常可以入肚。今日大部分嘅點心都話唔好食每樣都係食咗一兩嚿就放棄冇食。之後就輪到煎炸食物有鹹水角，芋頭角，蘿蔔角，煎堆同埋同埋蒜蓉虎椒。呢啲通常都係穩陣派，只係覺得佢啲嘢咋得唔係好夠火喉,所以上到碟就超多油喺底。其實只要炸咋多一兩分係鐘會挺身同香脆，因為成口都係油好冧。如果真係想搵個位坐下飲下茶對食物冇乜要求嘅佢個環境都ok只係佢啲點心嘅水準真係有待改善。

兩個人想搵個坐得舒服，地方大，唔趕客，可以慢慢坐ge地方食晚飯。咁啱見到有一蚊雞，孖寶餐又唔係貴，又唔使等位就入去試下喇。$1可以揀清遠走地雞蔥油雞/燒鵝皇/芝士海蝦伊麵。見隔離枱隻雞幾靚，就揀雞啦。孖寶餐就揀$158，海皇冬瓜盅+豉椒炒聖子再叫多碗白飯share一蚊隻雞都唔馬虎架，都靚靚仔仔，有半隻，肉質未去到好嫩，不過都唔鞋，正正常常。豉椒炒聖子，食到加左花椒黎炒，味道香口好多，不錯。冬瓜盅非常大，夏天食冬瓜消下暑就啱喇，味道都唔錯，但呢個冬瓜盅冇金華火腿🙃每碟份量都唔少，呢餐的份量係足夠三個人食😂我地兩個人好很飽😂連埋茶位，埋單$225.5

很久沒有一家人出外用膳， 生日，父親節。。端午節，煑不了那麼多， 屋企人提議近近哋去石門《富臨皇宮》。只限最多8人一台， 冇辦法啦要分開坐～石門的《富臨皇宮 》個場好大樓底極高， 今晚入座率 大概六成左右 。 入咗竟也不需要量體溫的 。外賣做緊優惠， 堂食則得如平常一樣， 一些抵食孖寶特選菜式都是一般般，價錢並不特別抵。🥢🍚黑衫男部長態度比較挑機， 唔係好想落單，傳菜 嘅阿姐反而好相與。炸子雞$228皮夠脆， 肉質嫩滑不過近骨位置都係啱啱熟。龍蝦伊麵$288， 龍蝦嘅肉唔多，芝士汁的味道怪怪的， 係冇個底味，就係得芝士味。 還是上湯伊麵較為穩陣。沙薑豬腳$28，這款小食係跟芝士龍蝦伊麵， 味道做得唔錯。菠蘿生炒骨$88， 外皮唔夠脆， 粉漿較厚。沙巴龍躉（2斤）$268蒸得啱啱好， 肉質嫩滑雪白。加$48 半隻鹽水鴨愈食愈鹹， 咸到似臘鴨～ 要來多个白飯。金銀蛋莧菜, 莧菜比較老～～ 上汤味道並不特別吸引。馬拉糕$48， 夠鬆軟，黑糖味好香。埋單用了三張coupon 減了三百， 感覺很抵！

星期六我同屋企人去左富臨食佢晚市既片皮鴨、咕嚕肉、海皇冬瓜盅，片皮鴨同冬瓜盅ok，但係咕嚕肉完全唔脆唔熱，d菠蘿味怪怪地，埋單果陣比左張食夠300蚊減100蚊既優惠劵，咁我地就問左係咪唔計片皮鴨（三選一優惠），其他食過300蚊就用得，咁對方都話得既。第二日星期日我地再去左富臨食佢地晚市既片皮鴨、龍蝦伊面、蔥油斗門蝦，落單之前我地問定個男經理係咪唔計片皮鴨（三選一優惠），其他野過300就可以用張優惠券，對方話埋單果陣拎出黎就得，點知食完埋單果陣個女經理話只要有三選一優惠（片皮鴨）就唔用得，最後3樣菜埋單5xx。問左你地職員兩次都話用得，埋單先話唔得，呢間咁既野冇下次。（另外有外賣優惠既野唔好堂食，佢地會將d整定好耐既野拎比你）

疫情好返少少，限聚令限八人一枱。終於可以一家人飲過茶。大家都放下心裡面的顏色只為可以一家人飲返杯茶，傾下計。有幾樣點心就必點，南瓜煎堆，圓碌碌，見到都開心。燒賣都特別大粒新鮮好食。最正係有綿花雞。講真，唔係度度都有綿花雞食的了。 環境都好寬敞，教堂設計，個場擺酒應該都幾好擺。

我又來了！ 沒辦法, 价錢比較實惠,又可在這裡慢慢坐下, 吹下水,也別無他選了！今次, 叫了個燒肉油雞飯, 可惜部長下錯了單, 來了义油雞飯. 算吧！ 來了就吃吧！因為佢竟然俾了一隻油雞搥給我！ 之前我食了這麼多次, 也只是給薄雞肉（連胸骨）, 雞翼尖, 雞翼, 或是其他不吸引的部位. 所以, 今次看在雞搥分上, 不換了, 但雞肉略嫌過熟. 估不到的是义燒幾好味, 肉質幾嫩, 义燒汁又恰到好處！ 加埋碗大白飯, 真是吃得很飽. 如果個飯再乾身少少,飯的口感可以會再好些的, 有待改善.

在石門, 有好幾間酒家, 由於在附近工作, 我和同事都不時游走其中, 而富臨是最常去. 除了格價比較平民化, 食物的選擇也不少. 平日, 還有下午茶优惠, 吸引一些人來排隊喝茶.今日食左：香煎蝦米腸：煎的時間足夠, 吃起來脆口煙韌.馬拉糕： 香鬆軟的, 會回彈的.鼓汁排骨抄河： 有獲氣, 茨汁夠多, 味道適中.义燒包： 惹味多汁, 义燒瘦中帶小肥.泡椒鳳爪： 味精比較重, 少辣.胡椒酸菜豬肚： 胡椒粒不夠, 胡香不足, 辣未不夠, 酸菜不酸, 咸酸辣都唔達標, 有待改善.富臨現在用的是茶包, 使用可以方便, 但茶葉泡發起來沒有以前（散泡）的好.

返工外賣午餐有咩可以食？ 一盅三件至抵食, 非富臨莫屬了！一個蒸飯低至$18元, 其他點心都低於堂食價一節, 非常吸引呢！於是一試, 看看究竟！鳳抓排骨飯和魚仔（咸魚）肉餅飯都是連盒即蒸那種, 飯是挺乾身的, 新鮮出爐,口感比堂吃的還好, 飯量亦適中. 另附鼓油, 自由添加.山竹牛肉較彈牙, 淋上喼汁, 酸酸滑滑的. 春卷一咬, 外皮脆裂, 醮上喼汁, 非常可口. 外賣下單付款後, 要等上15-20分鐘, 食物才出來呢！真的急不了啊！

呢排疫情嚴重，都唔想成日出街食，但係日日買餸 煮又諗唔到有咩好食，早兩日飲茶嘅時候見到富臨有外賣優惠，今晚就去叫個外賣返屋企食 指定嘅小菜同埋主食仲有48折優惠ar叫得外賣梗係order一啲喺屋企好難煮到嘅嘢食啦 最緊要係外賣既食物質素都好好 叫咗兩餸一飯已經夠三個人食~菠蘿生炒骨(48折後$39)酸酸甜甜好嘢味，生炒骨夠脆，份量都好多，菠蘿又甜黑椒香薯牛柳粒(6折後$65)薯仔好入味，黑椒嘅份量唔太多所以唔會好辣， 牛柳粒有驚喜好軟林 兩個餸用嚟送飯一流揚州炒飯 (48折後$42)炒飯粒粒分明，賣相都已經好靚，而且份量又多， 折咗之後都唔使$50，好抵食丫

一家三口放假在家攤唞一天，自己不願煮，老公更加不懂煮，阿女話有好多復活節假功課做，懶得落街食飯......鄰居介紹最近富臨全線大部分分店都有做外賣自取優惠，價錢相宜，好抵吃！老公舉腳贊成，因為他不用洗碗又有好嘢食，好樂意落去拎外賣。上網都睇到外賣單張，非常方便，一人揀一個自己喜歡的。大澳香蝦骨~ 老公話要開支紅酒搵肉吃，醃得夠味，有口感但覺韌，蝦膏味啱啱好，我也喜歡。竹笙羅漢上素~ 阿女話要搵個素菜吃，要交健康假期餐單畀老師， 這個小菜包羅萬有: 竹笙、雪耳、雲耳、冬菇、草菇、馬蹄......樣樣有樣樣齊，營養豐富，十分可口。生炒糯米飯~ 是我的選擇，平時自己好難煮到，富臨師傅炒得好食，一點兒也不油膩，回家隔水蒸返熱加熱更美味。

昨天中午，在正價時段到，大堂冇接待員又見裡面有位，咪直接入去，隨便坐低後，都有位男部長問飲咩茶，之後洗完杯又寫咗咭，諗緊叫咩既時候，無啦啦有個女招待走過嚟鬧人，話我哋兩個人做咩坐6人枱，又話邊個比我哋坐係度，連有人走過嚟同佢講唔坐廁所出面，都入埋我哋數，但當時仲有大把大枱同中枱剩，仲要我反問佢，咁妳係咪想我哋轉枱，唔駛係度鬧人既，先收斂啲，想人轉枱自己一句都無提，剩係度鬧，成個午餐食野既心情比佢破壞哂。之後叫咗椒鹽魷魚鬚， 菠蘿生炒骨，雞蛋豬腳薑， 蒜蓉蝦籠仔蒸粉皮。椒鹽魷魚鬚: 唔脆，好似炸咗好耐，凍既又充滿油味；菠蘿生炒骨: 不甜不酸，骨多肉少雞蛋豬腳薑， 蒜蓉蝦籠仔蒸粉皮這兩款不過不失，但啲蝦就好細隻。最後仲要一提佢啲杯好污糟，同真係無心情食，攞咗2個盒帶走啲勉強入口既就算啦。

人多食飯最佳選擇梗係酒樓， 這間石門嘅富臨大時大節真係可以全場爆滿。。 酒樓如果唔係太難食離譜基本上過時過節 都冇plan b㗎啦。慶幸冬至期間除咗季節性套餐仲有『特別價錢』嘅單點菜牌 （好低要求咁樣都慶幸）， 大概比平時貴30%左右。。 預咗㗎， 希望食物攞番啲分。燒鵝半隻， 已經唔熱 ，下面有個小蠟燭可以熱住， 但係冇火，叫店員幫下手佢話都係裝飾吓， 人手唔夠都唔係好想幫我哋點火～～ 幾經辛苦最後都搵到個部長幫吓手～燒鵝偏肥一點， 皮好厚亦唔夠脆， 最大問題如果唔夠熱就會 滿口油～ 肉質都ok， 但唔算太入味惹味級數。菠蘿咕嚕肉， 質素ok。梅菜芋頭扣肉煲， 點解扣肉都唔令到芋頭有返啲油份， 係唔係分開做嘅呢？ 芋頭入口好乾。大班兩味， 炒球嘅還可以， 份量就少咗啲。 蒸嘅就唔夠鹹～（ 不過都好過太鹹）炸子雞皮唔夠脆～～ 但肉質ok全晚最讚嘅係糯米飯， 軟熟得來唔濕，又炒得夠香。大時大節一大夥人去傳統酒樓便試到真章。 菜色， 服務普普通通冇大驚喜， 報告完畢。