富臨皇宮

營業中

休息中

今日又到富臨開餐, 突然想吃稯, 在點心紙上看到有“咸肉稯$24.5”（ 可外賣/同價）, 二話不說便叫了, 看看是怎麼樣的...因為富臨本身有賣稯的套餐, 要百多元. 當然是加了“貴料” 的呢！平常吃的不用吃這些, 簡單的便可.稯終於到了！ 都幾大隻, 連稯葉上枱的, 有驚喜的！拆開再分開4份, 內有黃豆, 五花腩肉（ 有肥膏連肉的, 調味調得幾好）, 咸蛋黃等. 整體來說, 糯米較腍, 幾綿下, 透着陣陣稯葉香味, 食落味道也不錯, 又夠大隻, 比街舖賣的普通稯要大及實惠多呢！食一隻都夠晒飽了！

有日娘親想去打邊爐, 本來打算去馬鞍山近近地食一間任食嘅, 點知以前去開個間原來已經執咗, 又唔想食日式火鍋, 最後就去左石門食富臨任食。因為疫情原因, 酒樓真係好少人幫襯, 去到其實招呼都好好, 不過任食野食真係勁少, 我諗真正數埋都唔夠30樣。不過佢地係會睇人數送雞同魚, 仲有個海鮮拼盤，海鮮拼盤就一般啦, 都係雪藏貨, 不過要讚下條魚同雞，雞係真係滑身, 而魚有咬口同有魚香, 最美中不足就係任食款數真係超少, 連魚、海鮮都無, 豬只有豬頸肉, 菜都係5款, 閒日食就可能會抵食小小, 星期6同日就可以考慮食小菜或者其他選擇啦！

秋風起蟹最肥，又黎到食大閘蟹既季節!今晚約埋蟹痴好友，齊齊去食大閘蟹放題。大閘蟹放題套餐可以無限追加：京式片皮鴨(自取)、大閘蟹(清蒸、花雕蒸、油鹽焗)、多款甜品及主食任點任食。重點必試精選時令大閘蟹，隻隻新鮮飽滿，豐腴幼滑，蟹膏甘香濃郁，帶有獨特清香，可選清蒸、花雕蒸、油鹽焗，推介油鹽焗，蟹香撲鼻，蟹膏口感更醇厚。京式片皮鴨鴨皮酥脆，鴨肉嫰滑，皮脆肉嫩，配以大葱、青瓜、甜麵醬，口感香脆豐富，油而不膩。甜品及主食任點任食另附送每人一客：和味鮑魚伴秋葵、花膠螺頭雞湯、海味雜菜煲。重點推介和味鮑魚伴秋葵，冰鎮鮑魚汁香味濃，鮮美彈牙，秋葵清涼爽脆，開胃佳品~花膠螺頭雞湯，蘊含豐富膠質，鮮甜滋陰，養顏之選。晚市原價: $468/位，提早一個工作日網上預訂或電話Whatsapp預訂，每位只需$428!

真係估唔到石門都有平價好嘢食！前牌行吓街唔打唔撞上到最高嗰層！就發現！全線富臨集團推行優惠外賣自取均可享低至四八折的優惠!!多款小菜及主食選擇揚州炒飯$ 42（原價：$ 88）特別混合紅米飯，口感更豐富健康蝦仁炒蛋，雞蛋恰到好處！蝦仁新鮮爽口菠蘿生炒骨，係我最中意食既菠蘿生炒骨超級好食！口感一流！以後都要嚟呢度食！價錢又平！份量又多而且啲都唔韌！三樣嘢加埋$130都唔使，非常足料！連屋企人都話好食！冇計一定要食多幾次！

早前是父親節，一定要大吃一餐啦！所以就一家人來到了。。富臨皇宮！一入去就覺得好光猛、好大、好闊落！事不宜遲，即刻上菜！先來。。和味鮑魚伴秋葵！一上枱就好吸引～有冰，感覺好冰涼呀！鮑魚好香好新鮮～點少許Wasabi加豉油，日式食法好和味！再食一啖秋葵，原來咁夾咁配合！之後飲啖靚湯，花膠響螺老雞湯！一睇就知好香，因為好足料！即飲啖～好甜好潤呀！好有雞味，有好多花膠呀！真係好味到連湯料都食得晒呀！之後就來。。極品燒鵝皇！果然是極品燒鵝皇，排場都零舍豪華！有蠟燭熱住的～即刻試一件，香而不油膩！食多幾件都唔會好膩！食點蔬菜，西蘭花炒蚌片蝦球！好大塊蚌片，好多蝦球呀！有紅色綠色橙色咁樣～好色彩繽紛啊！蚌片同蝦球都好爽口好彈牙！西蘭花亦好清脆好健康～點埋蠔油黎食，簡直係Perfect！好補的，海參花菇鵝掌煲！海參、鵝掌、花菇！都是露比的至愛～海參好淋，份量又多！鵝掌吸滿汁，好味道～花菇啖啖肉，送飯一流呀！最後來點飽肚的，生煎菜肉包！上枱油亮亮，一睇就知好味道！即食！外面煎得香脆，好香口！包軟軟的淋淋的，菜和肉份量均等，完美的一餐！

最近市道差，食店都各出奇招，我早排同阿媽去到沙田富臨食野，發現佢做緊個幾勁既優惠，就係食100送100。我地叫左兩道菜，正價共400幾，由於有優惠，最後只係比左200幾。兩道菜分別是醬茶鴨，另一道是蒸魚。醬茶鴨十分大隻，我地兩個人唔會食得晒，味道同賣相都上佳，再考慮埋佢個優惠，我覺得係十分抵。至於蒸魚就酒樓正常水準，唔算極之突出，但是交出合理水準，魚有鮮味。而且呢度起菜速度都幾快，唔會等好耐都無得食，考慮埋佢個優惠，十分滿意。

因疫情關系，晚上六時後餐廳只能夠提供外賣。星期六日想休息一下，不想在家中煮晚餐，所以便在附近餐廳買外賣回家。只要在收銀處下單，之後約等候十分鐘，便可拿到外賣。外賣的餸菜比堂食更便宜，總共點了兩客粉麵及四客小菜，價錢約二百七十多元。而且份量十足，相當夠飽。在菜式名稱旁邊加上了當時買的價錢，方便大家參考。揚州炒飯 - $42炒飯是個人最喜愛的菜式，相當足料，把外賣盒塞得滿滿的。炒飯粒粒分明，鑊氣十足。韮黃蝦仁炒蛋 - $44蝦仁相當大隻，感覺爽口。而且雞蛋炒得滑溜。蝦仁約有八至九隻，相當豪氣。黑椒香薯牛仔粒 - $57家人則相當愛這款牛仔粒，黑椒香氣撲鼻。先將薯仔切粒略炸，再加上牛仔粒及黑椒汁同炒。牛仔粒份量慷慨，和薯仔的比例幾乎是一比一。如果薯仔能夠再軟少許，味道會更佳。花膠紅燒豆腐 - $47花膠的份量也是相當慷慨，有四、五大片。豆腐吸滿了蠔油醬汁的味道。另外，個人頗為愛吃口感飽滿的冬菇，廚師浸泡均勻才把冬菇下鍋，味道不錯。瑤柱金菇炆伊麵 - $42這款伊麵頗有鑊氣，也是把膠餐盒塞得滿滿的。伊麵軟硬適中，有少許嚼勁但又不會太過硬。炆伊麵味道鹹鹹香香，而且蠔油味道頗濃。海味粉絲煲 - $

星期六同朋友經過石門，想買外賣中菜小炒類，冇咁悶。因為疫情期間實施限聚令，好多時都係自己煮。．突然發現富臨原來有外賣仲四八折起添，小炒都係$3X起，嘩真係平過自己煮，一於試吓。．我哋叫咗兩餸一飯，都係百幾蚊咋😌．, ,同埋. 好驚喜係唔好以為外賣會好細碟，每一盒都係滿滿的。因為份量都唔少，啲飯餸迫爆了個盒了😂兩個人食足夠有餘，大家睇相片已經見到份量吾細。最驚喜係咁嘅價錢、食到有質素嘅酒樓小炒。我下次會試多佢哋幾個餸，煮少幾餐😎

由於疫情嚴重， 依家只能購買外賣，咁對於我呢啲最憎煮飯嘅人，咁就睇下邊度仲有得食 ，見到公司附近呢一間富臨做緊48折外賣優惠，咁我就試下啦。而我叫咗以下:北菇海參扣鵝掌煲 呢個北菇海參鵝掌煲，其實你睇佢雖然個飯盒細細，但其實佢都畀足料。 而我最欣賞就係海參，佢都好細心切細細粒方便食，而且個鵝掌亦都炆得好冧同好滑。 用埋佢個淆製嘅汁送飯就真係一流。梅菜扣肉煲： 其實呢一個梅菜扣肉係我自己最鍾意食嘅餸之一， 因為真係由細食到大， 富臨有呢一度菜咁我就試下，咁其實呢一度菜我覺得都冇令我失望，因為佢煮到啲扣肉都炆得好冧，而且啲梅菜可以送到飯，個汁都幾好食，所以自己本人覺得唔錯，其實如果有堂食嘅話，建議喺嗰度食堂食。 因為有個煲熱辣辣咁食， 更加滋味。瑤柱蛋白炒飯： 當然啦叫咗兩個咁好嘅餸，就一定要嗌返個飯嚟食，咁其實呢個炒飯我覺得真係抄得唔錯，而最主要嘅就係師傅將個飯完全塞滿曬落個飯盒度，所以其實呢一個炒飯我覺得真係可以足夠兩個或三個人食 而且真係唔錯，炒到個飯都幾乾爽， 所以大家可以試下呢度嘅炒飯。最後其實我覺得呢間富臨做緊嘅優惠真係幾抵食， 因為其實如果喺屋企煮都可能差唔多呢個價錢， 所以

宜家夜晚冇得堂食，食肆空空如也，不少食肆都靠外賣維生，個個都減價搶客，呢度做四八折，標榜「平過自己煮！」，至少唔使洗碗都好呀。😂😂落單之後都見到有幾個客人一齊等緊，不過店員話廚房得一兩個師傅，所以大家要耐心等待。菠蘿生炒骨（$42 ），酸酸甜甜送飯一流，生炒骨多肉多汁，幾唔錯。雖然裝唔滿個外賣盒，但係食落覺得份量都OK嘅。北菇海參扣鵝掌煲（$61），鵝掌炆得夠腍同入味，冬菇好大隻，好似平時去飲嗰啲咁，一樣炆得夠腍，個底有好多菜，索晒啲精華，整體都好好味。瑤柱金菇炆伊麵（ $42 ），份量好多，不過拎到返屋企食就焗到腍和濕咗啲，同埋餡料比較少，不過以呢個價錢來講，算係咁啦。

抗疫期間當然要盡量減少外出，不過有時真係唔得閒煮飯都要買外賣幫吓手，知道呢度做緊四八折外賣優惠，即管試吓啦！今晚食咗「黑椒香薯牛柳粒」、「西蘭花炒蚌片蝦球」、「揚州炒飯」，三樣夾埋都只係$160，見到價錢既一刻都不禁心裡嘩左一聲，咁平既！黑椒香薯牛柳粒都幾惹味，黑椒味唔算好重，牛柳粒都唔韌，薯仔夠入味。西蘭花炒蚌片蝦球，蚌片和蝦球份量唔多，但味道係ok的，西蘭花就好多舊，都炒得夠鑊氣。楊州炒飯份量好足夠，塞滿成個飯盒，不過餡料就相對少啲，只有少量叉燒和菜粒，飯都炒得乾身，加埋兩個小菜一齊食，兩個人都食唔晒，以價錢嚟睇又真係抵嘅。

由於疫情嘅關係，好多食肆都變咗做外賣。今日就嚟到樓下嘅富臨皇宮叫外賣食，因為有朋友介紹話好抵食，同埋好大份。巧製粟米魚柳我哋叫咗粟米魚柳，粟米魚柳好多汁，魚柳冇雪櫃味，炸得都好甘香，撈白飯一流！除此之外，佢哋仲有原粒嘅粟米粒，唔似得有啲餐廳或者酒樓淨係求其打一個汁就算。瑤柱金菇炆伊麵因為有屋企人唔食白飯嘅關係，所以，我哋額外叫咗一個瑤柱金菇炆伊麵，平時伊麵都係好多油，但係佢今次呢個伊麵好少油，仲有好多配菜，例如係蔥，唐芹，香味俱全！重點佢哋真係有真嘅瑤柱呀，咬落去都好新鮮。西蘭花炒蚌片蝦球最後，我哋叫咗多一個西蘭花炒蚌片蝦球，打開嘅時候我哋都好意外，因為佢哋除咗有西蘭花之外，仲有好健康嘅三色椒，而且佢哋應該用咗桂花蚌，爽口彈牙，蝦球鮮甜,每块都好大粒，超抵食！ 真係好推介大家嚟叫外賣，我哋今次叫咗三個餸都係145蚊，除翻四個人每人都係$36，仲要每份都咁大份，仲有蔬菜配埋！建議大家都可以好似我哋咁，一係叫個炒飯一係叫個伊麵！順帶一提，今次嘅份量多到我哋要留返聽日食！

位於沙田石門京瑞廣場二期二樓201號舖的富臨皇宮 (Fulum Palace)，主打廣東菜。富臨皇宮的位置頗為寬闊，燈光明亮，感覺舒適。和味鮑魚伴秋葵這道前菜是新推出的，味道相當不錯。鮑魚鹹鹹香香，鮑汁香濃，感覺冰凍，夏天吃相當醒神。侍應還會附上少許刺身豉油，如有需要可以點少許吊味。鮑魚上方則是一小碟秋葵，感覺也是冰冰的，夠開胃。平日的晚市，加一元就可以三選一，今次則選了一客極品燒鵝皇 (例牌)。極品燒鵝皇燒鵝香而不膩，伴飯吃相當一流。例牌的份量約有十多件鵝件，如果四人來吃飯，每人至少能吃四件。燒鵝口感濕潤，底下還會有一個小蠟燭，微微溫熱著燒鵝，吃到最後一件也是暖暖的。。花膠響螺老雞湯燉湯相當足料，味道鮮甜滋潤，能嚐到雞的味道，花膠的份量也相當慷慨。一盅湯大約能分十二碗，可以慢慢品嚐。店員也會提供一個小盤子，可以把湯料盛起。海參花菇鵝掌煲這款小菜份量十足，海參的份量也相當豪氣。個人頗為喜愛吃吸滿鮑汁的花菇，肉質飽滿。鵝掌也炆得頗為軟身，不會太過硬。朋友則覺得海參可以煮得再軟少許，口感會更佳。西蘭花炒蚌片蝦球蚌片和蝦球堆疊成一個小山，頗為吸引，充滿鑊氣西蘭花不會過硬，蝦球質感爽口彈牙，蚌

每幾年一度的村長選舉圓滿結束後，鄉事會都會 大排筳席，請我們一眾鄉親 Happy 一下。去年，就在沙田石門的《富臨皇宮》包場設宴。且看看這《富臨皇宮》的席宴水準好不好。首先來的，當然是鴻運乳豬全體。不過，廚房師傅太早準備了，也沒有用方法保持熱度。所以，上到來的乳豬其實是凍的。而且，豬皮已經開始不脆，味道同肉質雖是好，但皮就失色了。法式焗大蝦球伊麵，是一個香味十足的美少食品。伊麵吸收了濃濃的忌廉汁，早已經是好味道。再加上大蝦的鮮味道，更加令人食指大動。碧綠炒彩鳳蚌片，是一個帶淤鮮味道而多菜少肉的的美食。西蘭芯爽口，雞肉絲同蚌片帶出了令人歡喜的鮮味道，不錯。金磚百花球，金磚，是炸鮮奶，百花球就是炸蝦球。雖然，沒有炸蟹鉗來得香口，但炸蝦球在味道上同口感上都好高分。而炸鮮奶絕對是炸得妙，可以給個讚。竹笙海皇燴燕窩，味道不過不失，羹入口的質感也不錯。而最滿意的，是燕窩可以保持到爽口。清蒸大海斑，厚肉的石班魚再加上甜豉油，基本上是沒有不好食的空間。蠔皇翡翠扣金錢，用蠔油來炆冬菇，永遠都是濃上右濃的。是日的菇夠厚身多肉，口感十分之好。最後來的，就是脆皮炸子雞了。冰鮮雞的雞肉，質素大家都知道。但這兒弄

48折的外賣好吸引😋😋又係嗰句，我唔鍾意用外賣盒食嘢，放咗上碟既食物，味道同外賣盒係兩回事，嘆住白酒享美食，唔可以堂食，在家一樣咁好食⋯⋯又平又正又好食👏👏👏👏👏——————俗語有話，賤物鬥窮人，呢句說話真係講得無錯，疫情之下，差不多各行各業都被影響，，各行各業都為了維持生計下，層出不窮，尤其是飲食方面，真係平過自己煮，今日舅父打電話比我話見到富臨皇宮酒樓外賣48折，咁誇張，平到咁😅😅😅咁我就晚飯時間走去買外賣，仲叫埋舅父同我一齊撐枱腳 😛😛😛————————🟤1-北菇海參扣鵝掌——-（61元）剩係入面D料都唔只😱😱😱材料有北菇、海參、鵝掌、小棠菜😋🍄冬菇又多又大大隻😋🦆鴨掌又炆得夠腍👍🦪海參又腍又甜又大件👏真係平到究竟有無錢賺........🤭又入味⋯⋯又夠腍⋯⋯又足料👍👍👍👍————————-🟣2-梅菜扣肉——-（42元）🐷扣肉炇得好入味，梅菜甜.同扣肉一齊，味道入哂係扣肉到更加惹味⋯⋯————————🟡3-瑤柱金菇炇伊麵——（42元）大碟到昵嚇死人，大大碟仲咁平，主要係平之餘仲要係好食👍👍👍——————-🔴4-原個馬拉糕——（28元）唔好以為係平日食點心果D咁細件，係一底原底馬拉